Nərəkimilər – dinozavrların həməsrləri
73
Biomüxtəlifl ik Yer kürəsində bütün biogeokimyəvi, iqlimlə əlaqəli və
digər proseslərin həyata keçirilməsində tənzimləmə funksiyasını yerinə ye-
tirir. Hər bir növ, nə qədər əhəmiyyətsiz görünməsindən asılı olmayaraq,
təkcə “doğma” lokal ekosistemin deyil, həm də ümumilikdə bütün Biosferin
sabitliyinin təmin edilməsinə öz töhfəsini verir. Biomüxtəlifl iyin qorunması
bəşəriyyətin Sabit inkişafının ayrılmaz hissəsidir.
“Sabit inkişaf” ifadəsi dedikdə, cəmiyyətin müasir dövrün mühüm
tələblərini gələcək nəsillərin öz ehtiyaclarını ödəmək imkanlarına ziyan vur-
madan təmin edən inkişafı nəzərdə tutulur.
Bu gün isə Xəzərin nərəkimilərini itirməklə biz özümüzü də, gələcək
nəsillərimizi də olduqca qiymətli zülal qidasından məhrum edir, milyon illər
ərzində formalaşmış nərəkimilərin unikal genofondunu və beləliklə genetik
müxtəlifl iyi itiririk.
ONLARI NECƏ XİLAS ETMƏLİ?
Nə vaxtsa Yerin şimal yarımkürəsinin bütün çay və dənizlərində
nərəkimilər fəsiləsindən olan balıqlar məskunlaşmışdılar. Hələ keçən əsrin
ortalarında Almaniyanın Hamburq şəhərində nərə balıqları bazarı var idi ki,
hər il həmin bazarda yaxınlıqdakı Elba çayından tutulmuş 4-5 min ədəd yet-
kin balıq satılırdı. XX əsrin birinci yarısında dünya üzrə tutulan nərəkimilər
fəsiləsindən olan balıqların 70%-i, ikinci yarısında isə 90%-i Xəzər dənizinin
payına düşürdü. Bu balıqların ovlanma həcminin azalması, XX əsrin
əvvəllərində 400 min sentner, 1970-ci ildə 250 min sentner və 1999-cu ildə 9
min sentner olması Xəzər dənizi hövzəsində onların məruz qaldığı fəlakətin
rəqəmlərlə ifadəsidir.
Avropa və Amerikada əhalinin sıx yaşadığı ərazilərdə nərəkimilər
fəsiləsindən olan balıqların vəhşicəsinə ovlanması onların sayının xeyli azal-
masına səbəb oldu.
Bu balıqların kürü tökmək məqsədilə böyük çaylar boyunca üzüyuxa-
rı miqrasiyasının qarşısını kəsən elektrik stansiyaları üçün bəndlərin inşası
onların çoxalmasına ciddi zərbə vurdu və sayının azalmasına səbəb oldu.
Kür və Volqa çaylarında su elektrik stansiyaları bəndlərinin tikilməsi balıq-
ların bu çayların yuxarı hissələrində yerləşən kürü tökmə yerlərinə yolunu
kəsdi. Bu ziyanı aradan qaldırmaq məqsədi ilə ilk dəfə SSRİ-də, daha dəqiq
desək, Azərbaycanda Kür çayının sahilində Eksperimental nərə balıqla-
rı çoxaldan zavod tikildi. Bu zavodda A.N.Derjavinin, N.L.Qerbilskinin və
Q.M.Palatnikov, R.Y.Qasımov
74
R.Y.Qasımovun rəhbərliyi altında nərəkimilər fəsiləsindən cavan balıqların
süni çoxalmasının elmi əsaslandırılmış üsulları işlənib hazırlandı. Sonralar
belə zavodlar Volqada, Donda, Kubanda, eləcə də, İran və Amerikada tikil-
di. Bu zavodlarda damazlıq balıqların tutulması, onlardan kürü və maya
alınması, kürünün inkubasiyası, sürfələrin saxlanılması və cavan balıqların
yetişdirilməsi həyata keçirilir.
Damazlıq balıqların sinxron kürü tökməsinə nail olmaq üçün onlara ase-
tonlaşdırılmış hipofi z inyeksiyası vurulur. İnyeksiyadan sonra balıqları sabit
temperaturda və ya artan temperatur rejimində saxlayırlar. Dişinin hazırlıq
anı (kürünün ovulyasiyası) balığın qarnını sıxmaqla müəyyən edilir.
KÜRÜNÜN ALINMASI. Nərəkimilər fəsiləsindən olan dişi balıqların
cinsi sistemlərinin anatomik quruluşu, alabalıq və karp balıqlarında olduğu
kimi, yetişmiş kürünü süzüb tökməyə imkan vermir. Buna görə də, kürünün
bədəndən çıxarılması üçün balığın qarnında kəsik açılır və kürü oradan gö-
türülür. Bu prosesdə balıq xüsusi dəzgaha yerləşdirilib saxlanılır. Əvvəllər
isə belə əməliyyatdan sonra balığı emal etmək məqsədilə balıq kombinatına
emal üçün göndərirdilər.
Hal-hazırda S.B.Poduşka tərəfi ndən hazırlanmış üsula əsasən kürü ilk
mərhələdə süzülməklə götürülür, sonra isə qarın nahiyəsində yumurtalıq
yollarından birinin arxa hissəsindən kəsik açılır və kürü asanlıqla oradan gö-
türülür.
Yumurtalıqlar nazik yarımşəff af pərdədən ibarət olduğu üçün onun
üzərində kəsik açılması qanaxmaya səbəb olmur. Yara cüzi olur və tezliklə
bitişir. Belə əməliyyatdan sonra balıqların sağ qalması ehtimalı 100%-ə ya-
xındır.
Kürünün mayalanması üçün sperma kateter vasitəsilə ən azı üç erkəkdən
götürülüb şüşə qaba yığılır.
Sperma su ilə duruldulur və 1 kq kürüyə 10 ml. sperma əlavə edilməklə
qarışdırılır.
KÜRÜNÜN İNKUBATORDA YETİŞDİRİLMƏSİ. Kürünün inkubasiyası
və cavan balıqların yetişdirilməsi üçün xüsusi inkubasiya aparatları hazır-
lanmış və istifadə edilir. Az həcmdə kürü inkubasiya edildikdə, Veys və ya
Zamanovun aparatlarından istifadə edilir. İnkubasiya üçün suyun optimal
temperaturu nərə balığının növündən asılı olaraq 13-18º C hüdudlarında ol-
malıdır.
İnkubasiyanın ikinci günündən etibarən Ç. Məmmədovun üsulu ilə
bir gündən bir kürünün saproleqnioza qarşı profi laktik işlənilməsi həyata
Nərəkimilər – dinozavrların həməsrləri
75
keçirilir. Kürülərdən çıxmış sürfələr əvvəlcədən hazırlanmış hovuzlarda
yerləşdirilir.
SÜRFƏLƏRİN İNKİŞAFI. Nərəkimilər fəsiləsindən olan balıq embrion-
larının böyük sarı kisəsi, qeyri-mütənasib böyük başları və zəif inkişaf et-
miş daxili orqanları olur. Gözlər yalnız piqment ləkələri ilə tanınır. Sürfələrin
hərəkəti daha çox çömçəquyruqluların hərəkətinə oxşayır. Sürfələr işığa re-
aksiya verir, dərinlikdə hərəkət edir və suyun dibinə enərək çox vaxt orada
sürü əmələ gətirirlər.
Təxminən 7 gün ərzində sürfələr sarı kisədən alınan enerji hesabına in-
kişaf edir, bundan sonra isə tədricən xaricdən qidalanmağa başlayırlar. Bu
mərhələdə onların qidası xırda su orqanizmlərindən ibarət olur. Canlı yem
olmadıqda, sürfələr suyun dibinə enir və orada yığılmış maddələri yeməklə,
onların tərkibindəki müəyyən mikroorqanizm və orqanik maddələrin
hissəcikləri ilə qidalanır.
Nərə balığı sürfələrinin yerləşdirilməsi üçün 15-20 sm dərinliyində su
tutan və yüngülcə axını olan nisbətən uzun (4 metrə qədər), ensiz (0,5-0,8 m)
novlardan istifadə edilir. Sürfələrin böyüdülməsi üçün, həmçinin dairəvi və
kvadrat formalı hovuzlardan da istifadə etmək olar.
Sürfələr üzməyi yaxşı bacarmır və su axını onları suyun çıxış yerlərindəki
torlara sıxa bilər. Sürfələr ən kiçik dəliklərdən belə novlardan çıxa bilirlər.
Buna görə də, suyun hovuzlardan çıxdığı yerlərdə sürfələri tutmaq üçün
vasitələr qoyulur.
2,5 sm uzunluğuna çatdıqda, sürfələr su dibində yaşayan yem
orqanizmləri hesabına öz rasionlarını genişləndirməyə başlayırlar.
3,5-4 sm uzunluğuna çatdıqda, nərə balıqları artıq xarici təsirlərə qarşı
dözümlü və möhkəm olurlar. Onları hövuzlara yerləşdirib xırdalanmış hazır
yemlə qidalandırmağa başlamaq olar. Cökə, Sibir nərəsi, bölgə, bester, qa-
şıqburun balıqları heç bir çətinlik olmadan xırdalanmış yemə keçirlər. Başqa
növlər isə süni qidalanmaya çətinliklə keçirlər.
SATIŞ ÜÇÜN BALIQ YETİŞDİRİLMƏSİ. Bir qədər böyüdülmüş cavan ba-
lıq ya birbaşa damazlıq balıqların çıxarıldıqları çaya, ya da sonrakı kökəltmə
yerləri olan estuariyə buraxılır. Bu texnologiya sayəsində SSRİ-də bir çox illər
boyu nərəkimilər fəsiləsindən olan balıqların ovlanan növlərinin kökünün
kəsilməsinin qarşısını almaq mümkün olmuşdu. Hal-hazırda Azərbaycanda
4 nərə balığı zavodu fəaliyyət göstərir.
Bundan əlavə nərə populyasiyalarının qorunmasına yönəlmiş bir sira qa-
nunlar qəbul edilmişdir:
Dostları ilə paylaş: |