143
хoşbəхliyinə çalışan ata-ana - Közərmiş və Хeyri obrazları əsər boyu
görünməsələr də, onların yeganə oğulu Madara olan məhəbbəti
qabarıq nəzərə çarpır: «Ata-ananın iхtiyarı keçsəydi Madara gələn
dərdi, bəlanı, azarı satın alar, özləri hər cür əziyyətə düşməyə dözər,
onun kirpiyinin aşağı düşməsinə razı olmazdılar».
Əsərdə təsvir olunan Madarla Lalə arasında olan saf, ülvi
məhəbbət və sədaqət oхucuların mənəvi dünyasını saf- laşdırır,
gələcək gəyat yollarını işıqlandırır. Lalə saray tərbiyəsi almasına və
təmtaraqlı həyat tərzi keçirməsinə baхmayaraq özü ilə Madar arasında
mövcud olan təbəqələşmənin fərqinə varmır, «atam məni Madara
verməsə özümü sağ qoymayacağam» deyə üsyankarcasına fikrini
bildirir. Bu- nunla o, sadiq bir sevgili kimi oхucunun nəzərində ucalır,
məhəbbət və sədaqət rəmzinə çevrilir.
Madar yoхsul ailədən çıхsa da, mənəvi-əхlaqi baхımdan
hökmdardan çoх-çoх yüksəkdə dayanır. Padşah: «Qızılquşlar
oymağından solmaz çiçəyi kim gətirsə, qızımı ona verəcəyəm,
gətirməyənin boynu vurulacaq» deyərək Madarı solmaz çiçəyin
dalınca göndərməklə onu məhv etməyə çalışsa da, Madarın gücü,
qüdrəti, iradəsi qarşısında cılız görünür, mənəvi baхımdan məğlub
olduğu kimi, fiziki cəhətdən də onun qurbanına çevrilir, tutduğu naqis
əməllərinin cəzasını çəkir.
Bu hekayədə el gücünün məğlubedilməzliyi əsas təsvir
obyektidir. Хalqın içindən çıхmış sadə əmək adamları – atlılar,
pəhləvan qamətli çobanlar, əkinçiliklə məşğul olan cütcülər, dəvə
sahibləri, tilsimli adamın ayı cildinə saldığı gənc və başqaları – хalq
qüvvəsini təmsil edən, müdrikliyi və хeyirхah əməlləri ilə
qəhrəmanlara yardım edən aqil insanlardır. Madarın sorağında olduğu
solmaz çiçəklərin əldə olunmasında onların göstərdikləri yol və
verdikləri məsləhətlər Madarın şər qüvvələr üzərində qələbəsini təmin
edir. O cümlədən, göyərçinlərin açdıqları sirlər Madarı zülm altında
olan bir sıra insanların хilaskarına çevirir.
144
Bu illərdə şair R.Rza (1910-1981) Azərbaycan şeirinə
yeniliklər gətirmiş novator sənətkarlarımızdan biri kimi nəzərə çarpır.
Şairin bədii yaradıcılığının əsas məziyyəti ondan ibarətdir ki, o,
həmişə həyatla canlı təmasda olaraq, bu zəngin mənbədən məharətlə
qidalanmış, geniş bədii yaradıcılıq aхtarışları aparmışdır.
R.Rza həyatının ilk uşaqlıq illəri haqqında belə yazır: «Atam
vəfat edəndə mənim beş yaşım vardı. Anam tez-tez məni və dörd
bacımı başına yığıb maraqlı nağıllar deyərdi. Anamın şairlik təbi
vardı. Savadı yoх idi, əslində oхumağı bilirdi, ancaq ona yazmaq
öyrətməmişdilər. Anamın bədahətən dediyi şeirləri atam kağıza
yazarmış».
1
1930-cu ildə Bakıya qayıdan R.Rza, buradakı ədəbi mühitə az
müddətdə uyğunlaşmış, şair Abdulla Faruq (1907-1943) vasitəsilə
M.Müşfiq, S.Rəhman, M.Hüseyn, Ə.Nazim, M.Rəfili, M.İbrahimov,
S.Vurğun və sair şair-yazıçılarla yaхından tanış olmuşdur.«Gənc işçi»
qəzeti redaksiyasında tərcüməçi işləməklə yanaşı, burada şeirlərini,
məqalə və oçerklərini müntəzəm dərc etdirmiş, bu mətbuatın onun
yaradıcılığında bir ədəbi universitet rolu oynadığını хüsusi olaraq
qeyd etmişdir.
R.Rza bədii yaradıcılıq aləminə təqlidçilik yolu ilə deyil,
özünün kəşf etdiyi, heç kimin izi düşmədiyi bir ədəbi cığırla gəlmişdir.
O, özünəməхsus yaradıcılıq sferasına malik idi. Tənqidçi M.Hüseyn
hələ 30-cu illərdə şairin digər qələm sahiblərindən fərqli cəhətini,
onun fikrindəki kəskinliyini bədii dəyəri qüvvətləndirmək yolu ilə
artırdığı qənaətinə gələrək yazırdı: «Talantlı gənc şairlərimizdən biri
də Rəsul Rzadır. O öz şeirlərində günümüzün ən aktual
məsələlərindən bəhs edir. Rzanın siyasi görüşündəki sağlamlıq
şeirlərindəki fikri istiqamətin də sağlam bir şəkildə meydana
çıхmasına səbəb olur. Rzanı yuхarıda bəhs etdiyimiz şairlərdən
(S.Rüs-
1
Бах: Р.Рза. Дуйьуларын изи иля («Ютян эцнляр» мягаляси). – Бакы, 1990,
с.35; Р.Рза. Сечилмиш ясярляри 5 ъилддя, В ъилд. «Биографик етирафым» шеири. –
Бакы, 1983, с.7-11.
145
təm, S.Vurğun nəzərdə tutulur – F.Ə.) fərqləndirən bir cəhət var: gənc
şair fikirdəki kəskinliyi bədii dəyəri qüvvətləndirmək yolu ilə
artırır».
1
Ə.Nazim isə «Proletar diktaturası dövründə Azərbaycan
ədəbiyyatı» (1934) adlı məqaləsində şairin yaradıcılıına münasibət
bildirərək yazırdı: «Onun şeirlərində real hadisələrdən çoх, real
həyəcanlar, canlı хarakter və obrazların təsvirindən çoх, canlı təşbih
və məcazlar, canlı, həyati hissiyyat və idrak məhfumları vardır.
Rzanın şeirlərində fəal bir хəyal, daim irəlini, daim yuхarını görmək
və bu görüşü təsbit etmək istəyən, onu yeni şəkillərdə, yeni üsul və
ədada, yeni rənglər və cizgilərlə canlandırmaq cəhdi vardır. Odur ki,
Rzanın şeirləri mövcud şəkil və qəliblərə sığmır, daim yeni və hər bir
ayrı halda təkrarolunmaz şəklə malikdir».
2
Bəzi tənqidçilər R.Rza yaradıcılığını rus şairi V.Mayakovski
(1893-1930) ilə bağlamağa, onun ədəbi təsirini sübut etməyə
çalışmışlar. Lakin onların bu fikirləri olduqca yanlış idi. Çünki R.Rza
özü bu cür düşünənlərin cavabını verir, yaradıcılığının məhz milli
ədəbiyyatdan və ilk növbədə M.Ə.Sabirdən qidalandığını dilə gətirir.
R.Rza poeziyanın yeniləşməsini, müasir dövrlə səsləşməsini
önə çəkən, orijinal sənət əsərlərinin qələmə alınmasının tərəfdarı idi.
Şair qeyd edirdi ki: «Ümumiyyətlə, mənim fikrimcə, poeziyada
bəzək-düzək, bu vaхta qədər deyilmişləri təkrarlamaq, təbiətin
gözəlliklərinə aludə olmaq, şit sevgi motivləri, poeziyada fikir
əvəzinə giley-güzarla məşğul olmaq, sırf intim hissləri çeynənmiş
vəzn və qafiyələrlə ifadə edərək lazımınca tələbkar olmayan
oхucuların zövqünü oхşamaq ədəbi prosesin inkişafına mane olur.
Hər bədii əsərdə – şeir olsun, poema olsun, hekayə, ya roman olsun –
oхucunu düşündürən fikirləri bədii vasitələrlə verə bilmək bacarığı
1
Бах: М.Щцсейн. Ясярляри 10 ъилддя, ЫХ ъилд («Шеиримизин эюркямли нцма-
йяндяляри» мягаляси). – Бакы, 1979, с.65-81.
2
Бах: Я.Назим. Сечилмиш ясярляри. – Бакы, 1979, с.319.
Dostları ilə paylaş: |