Nizami MƏMMƏDZADƏ
U L U S L A R A R A S I S E M P O Z Y U M
“AZERBAYCANŞİNASLIK: GEÇMİŞİ, BUGÜNÜ VE GELECEĞİ”
(Dil, Folklor, Edebiyat, Sanat, Tarih)
çatdırmaq istəyən yazıçı və jurnalistlərimizin Azərbaycan dilində yazıb-
yaratmaq cəhdi idi. Bu addımlar o dövr üçün ən müsbət addımlar idi. Yazıçı
və jurnalistlərimizin müxtəlif qəzetlərdə çıxışları və Azərbaycandilli mətbuat
yaratmaq üçün atdıqları müsbət addımlar onu göstərirdi ki, nəhayət, xalq öz
dilində yazılan müstəqil qəzeti görəcək. Və doğrudan da belə bir qəzet
yarandı. Biz Milli mətbuatımızın yarandığı günü 1875-ci ildən qeyd edirik.
Bu dövr görkəmli maarifpərvər, jurnalist, publisist Həsən bəy Zərdabinin adı
ilə bağlıdır. H. B. Zərdabi 1875-ci ildə Azərbaycan dilində qəzet nəşr
etdirmək üçün icazə aldı. O, bu icazə üçün düz yeddi il mübarizə apardı və
nəhayət, istəyinə nail ola bildi. Həsən bəyin bu istəyini millət alqışlarla,
böyük arzularla qarşıladı, ziyalılar onun bu istəyinə dəstək oldular, güc,
qüvvə və biliklərini səfərbər edərək Həsən bəyə dəstək oldular. Qəzetdə
bütün problemlərdən cəsarətlə söhbət açıldı. Lakin təəssüf edirik ki, Həsən
bəyin bu arzuları iki ildən sonra puç oldu və qəzetin cəmi 56 nömrəsi işıq
üzü gördü. Çar hökuməti bu vətənpərvər insanın milli mətbuatımızın inkişafı
yolunda açdığı ilk qapını bağladı. Həsən bəy Zərdabi haqqında oxuculara
məlumat vermək istəyirik. Həsən bəy Zərdabi (Həsən bəy Məlikov) (28 iyun
1837, Zərdab, Göyçay qəzası - 28 noyabr 1907, Bakı) — Azərbaycanın
görkəmli ziyalısı, Moskva Universitetini namizədlik diplomu ilə bitirən ilk
müsəlman məzun, Azərbaycanın ilk universitet təhsilli alim və müəllimi,
İslam dünyasının ilk təbiətşünas alimi, Bakı Gimnaziyasının ilk müsəlman
müəllimi (1869), təkcə Azərbaycanda deyil, bütün müsəlman Şərqində islam
xeyriyyəçilik hərəkatının banisi ("Cəmiyyəti-Xeyriyyə",1872), 1873-cü ildə
öz şagirdləri ilə birlikdə Bakıda Azərbaycan dilində ilk teatr tamaşası
göstərən mədəniyyət xadimi, ilk turkdilli qəzetin – "Əkinçi"nin naşiri,
Azərbaycan mətbuatının banisi (1875-ci il iyul ayının 22-si), Azərbaycanda
ilk qızlar gimnaziyasının açılmasının təşəbbüskarı, təşkilatçısı, Azərbaycan
müəllimlərinin I qurultayının təşkilatçısı və qurultayın sədri (1906) olub.
Qeyd edək ki, Həsən bəy Zərdabi ilk təhsilini mollaxanada alıb, sonra
Şamaxı şəhər məktəbində oxuyub, orta təhsilini isə Tiflisdə tamamlayıb.
1861-ci ildə Moskva Universitetinə imtahansız daxil olub, dörd il sonra
həmin universitetin təbiyyət-riyaziyyat fakültəsini bitirib.
Ali təhsil ocağında oxuduğu müddətdə tələbələr arasında xüsusi olaraq
seçildiyinə görə fakültəni əla qiymətlərlə başa vurduqdan sonra elmi iş üçün
universitetdə saxlanılıb, lakin vətəninə olan sonsuz məhəbbəti, xalqına,
millətinə xidmət etmək arzusu onu Azərbaycana çəkib gətirib. Bir müddət
Tiflisdə qulluq edəndən sonra Qubada məhkəmədə işləyib, daha sonra 1869-
cu ildə Bakıya gələrək burada rusca orta məktəbdə təbiətdən dərs deməyə
başlayıb. O, mütərəqqi fikirlərinə görə dəfələrlə təqib edildiyindən
müəllimlikdən əl çəkib, xalqı üçün geniş məzmunlu mədəni tədbirlər həyata
keçirmək uğrunda fəaliyyətə başlayıb.
Ana dilində qəzetə böyük ehtiyac olduğunu dərk edən Həsən bəy
Zərdabi qəzet çap etmək üçün hökumətə müraciət edib. Bununla əlaqədar o
İstanbuldan hürufat gətirib və nəhayət, xeyli zəhmətdən, əzab-əziyyətdən
Sayfa 838 / 847
GÜRCÜSTANDA AZƏRBAYCAN DİLLİ MƏTBUATIN TARİXİNDƏN
U L U S L A R A R A S I S E M P O Z Y U M
“AZERBAYCANŞİNASLIK: GEÇMİŞİ, BUGÜNÜ VE GELECEĞİ”
(Dil, Folklor, Edebiyat, Sanat, Tarih)
sonra 1875-ci ilin 22 iyulunda Bakıda qubernator mətbəəsində Azərbaycan
dilində "Əkinçi" qəzetinin nəşrinə müvəffəq olub. Bu qəzetlə Azərbaycan
milli mətbuatının əsası qoyulub. 1877-ci ilin sentyabrın 29-a qədər "Əkinçi"
ayda iki dəfə 300-400 tirajla nəşr olunub. Bu illər ərzində qəzetin 56 nömrəsi
işıq üzü görüb. Bütün təzyiqlərə baxmayaraq, o dövrdə Cənubi Qafqazda
ziyalılarımız oyanmışdı. Onlar yeni mətbuat, söz demək üçün Tiflisdə
fəaliyyət göstərməyə başladılar. Tiflis o dövr üçün ən sərfəli və coğrafi
nöqteyi-nəzərdən bizim yazarları təmin edən bir şəhər idi. Tiflis elə bir
coğrafi məkanda yerləşirdi ki, bu şəhərdə o dövrdə mədəniyyət, incəsənət və
ədəbiyyat və milli mətbuat üçün imkan və istənilən şərait vardı. Tiflis
Qafqazın beşiyi sayılırdı. Bu şəhərdə müxtəlif dillərdə məktəblər açılır, teatr
və mətbəələr yaradılır, milli mətbuat nümunələri olan qəzetlər və kitablar
nəşr olunurdu. Bu dövrdə, yəni 1879-cu ildə Hacı Səid Ünsizadənin
rəhbərliyi ilə yeni bir qəzet-“ ZİYA” qəzeti nəşr olundu. Bu müsbət hadisə
iki ildən sonra baş verdi. “ZİYA” (1879-1880) qəzetinin də ömrü çox az
olub. Qəzet sonra “Z iyayi-Qafqaziyyə” (1880-1884) adı ilə nəşr olundu və
bu illərdə “Z İYA” qəzetinin 76, “Z iyayi-Qafqaziyyə”nin isə 107 nömrəsi
çıxıb.
Tiflisdə daha sonra 1883-1891-ci illərdə Cəlal Ünsizadə tərəfindən
siyasətdən bəhs edən “ Kəşkül” adlı jurnal da nəşr olunub. Jurnalın cəmi 11
nömrəsi çıxıb. Cəlal Ünsizadə Səid Ünsizadənin qardaşı idi və sözsüz ki, onu
bu jurnalı nəşr etməyə qardaşı sövq edib və ona hər cür kömək göstərib.
Cəlal Ünsizadə o dövrün ziyalılarını, maarifsevər insanlarını sonralar qəzet
kimi çıxan “ Kəşkül”ün ətrafına toplaya bilib. Qəzetdə istər rus, istərsə də,
gürcü və azərbaycanlı elm xadimləri, yazıçılar və jurnalistlər çıxış etməyə
başladılar və dövrün qabaqcıl ideyalarını yaymaq üçün bu qəzetin
səhifələrində müxtəlif mövzularda tez-tez çıxış etməyə başladılar. “ Kəşkül”
H. B. Zərdabi, S. Ə. Şirvani, F.B. Köçərli, S. M. Qənizadə, R. Axundov, S.
Vəlibəyov, G. Kəngərli və digər azərbaycanlı ziyalıların yaradıcılığından
nümunələri, onların qələmə aldığı müxtəlif mövzularda məqalələri dərc edib,
siyasi həyatı xarakterizə edib, məşhur insanları təbliğ edib, onların
mütərəqqi ideyalarını cəsarətlə yayıb.
“K əşkül”dən sonra Tiflisdə 1903-cü ildə Məmmədağa Şahtaxtlının
təşəbbüsü və maliyyə dəstəyi ilə “Şərqi-rus” qəzeti çıxmağa başlayıb və
qəzetin yaradıcı heyətinin işgüzarlığı sayəsində bir ildən sonra həmin qəzet
gündəlik nəşr edilib. “Əkinçi” qəzeti kimi “Şərqi-rus” qəzeti də Azərbaycan
mətbuatında cəmiyyətin alqışlarla qarşıladığı və o dövrdə ictimai fikrin
inkişafında əsas yerlərdən birini tutub. “Şərqi-rus” qəzeti ilk türk qəzeti kimi
istedadlı qələm sahiblərini ətrafına toplamağı bacarır. M. Şahtaxtlı istedadlı
jurnalist olmaqla bərabər, mahir redaktor idi, sözün qədrini bilən yazar idi.
Məhz bu istedadına görə də o, qəzetin mənalı və mükəmməl çıxmağı üçün
dövrün qabaqcıl ziyalılarını və qələm sahiblərini öz ətarfına yığa bilib.
Həmin dövrdə çətinliklə və mübarizələrlə nəşr olunan qəzeti cəmiyyət sevib.
O dövrdə çar üsul-idarəsi milli mətbuatın cəmiyyət içində qazandığı
Sayfa 839 / 847