92
Talaba bilimini nazorat qilish hamda mustahkamlashga oid savol va
topshiriqlar
1.
Narx strategiyalari matritsasiga misol keltiring. Doim bir xil narx
strategiyasidan foydalanib bo„ladimi?
2. Zararsizlik nuqtasini bilish nimaga kerak? Undan qachon foydalanasiz?
93
10-bob. SAMARALI MOLIYA VA PUL OQIMINI REJALASHTIRISH
10.1. Moliyaviy menejment. Moliyaviy hisobot. Asosiy moliyaviy koeffitsiyentlar.
Likvidlilik va qarzdorlilik
Moliyaviy menejment korxonalarda moliyaviy resurslar va kapitallarni
boshqarish hisoblanadi. Moliyaviy menejment faoliyat turi sifatida 2 ta yirik sohani
o„z ichiga oladi:
─ Korxona rahbariyati tomonidan qarorlar asosida moliyaviy resurslar va
kapitallarni boshqarishni o„z ichiga oluvchi ichki xo„jalik faoliyati;
─ Korxona va boshqa xo„jalik subyektlari o„rtasidagi moliyaviy
munosabatlarni o„rnatish jarayonidagi amalga oshiriladigan moliyaviy resurslar va
kapitallarni boshqarishning tashkiliy jarayoni.
Moliyaviy menejment korxonalar moliyaviy faoliyatida moliyaviy resurslardan
foydalanish va ulardan foydalanishning samarali yo„nalishlarini tanlab olishni o„z
ichiga oladi. O„z navbatida bu jarayon tahlil, rejalashtirish, boshqaruv, moliyaviy
qaror qabul qilish jarayoni bilan bog„liqdir.
Boshqaruvdagi moliyaviy mexanizmning amal qilishi moliyaviy ko„rsatkichlar
va jarayonlar haqidagi tahliliy va rejali axborotlarni shakllantirish, o„rganish va
tartibga solish bilan uzviy ravishda bog„liq bo„ladi. Aksariyat hollarda moliyaviy
rejalashtirish va moliyaviy tahlil korxonada amalga oshirilayotgan moliyaviy
ishlarning mustaqil sohalari ham hisoblanadi. Joriy va operativ moliyaviy ishlar esa
o„z navbatida rejalashtirish va tahlilga asoslanadi.
Moliyaviy instrument tushunchasini soddalashtirilgan talqinida uch asosiy
kategoriyalarga ajratish mumkin:
─ pul mablag„lari (kassadagi mablag„lar, hisob raqamidagi mablag„lar, valuta
resurslari);
─ kredit instrumentlari (obligatsiyalar, qarzlar va shu kabilar);
─ qimmatli qog„ozlar bozoridagi moliyaviy instrumentlar (aksiya).
94
Moliyani boshqarishda bir nechta umumiy xususiyatga ega bo„lgan funksional
elementlar mavjud:
1. Rejalashtirish.
2. Operativ boshqarish.
3. Nazorat/monitoring.
Moliyani boshqarishda funksional elementlar ichida asosiy o„rinni
rejalashtirish tashkil qiladi. Sababi, rejalashtirishda subyekt har tomonlama o„zining
moliyaviy holatini baholay oladi, ya‟ni moliyaviy resurslarning qanday holatdaligi,
qancha mablag„ zarurligi, balansning saldosi, zaruriy mablag„ manbayi nimaligi,
qancha vaqtda investitisiyalar o„zini oqlashi, pul oqimi qanday tashkil etilishi va
hokazo.
Operativ boshqarish minimal xarajat qilib, maksimal samaraga erishish,
moliyaviy resurslardan oqilona foydalanish hamda moliyaviy resurslarni yuqori
samara olish maqsadida qayta taqsimlashga qaratilgan kompleks ishlar yig„indisidir.
Operativ boshqarish vaziyatdan kelib chiqib o„zgarishi, tashqi va ichki biznes
muhitiga moslashishi mumkin.
Nazorat/monitoring boshqaruv elementi sifatida bir vaqtning o„zida moliyani
rejalashtirishda hamda operativ boshqarishda qo„llaniladi. Nazorat/monitoring
haqiqiy erishilgan natija bilan rejadagi ko„rsatkichlarni taqqoslashga yordam beradi.
Bu orqali reja yoki operativ boshqaruvning qanchalik real va samarali ekanligini
baholash va tegishli choralarni vaqtida tatbiq qilish, o„zgaruvchan tashqi va ichki
biznes muhitiga moslashish imkonini beradi.
Moliyaviy boshqarishda strategik va operativ boshqarish bir-biridan farq qiladi.
Moliyaviy menejmentda strategik boshqarish uzoq muddatli loyihalar va rejalarni
o„zida aks ettiradi. Uning asosida operativ moliyaviy boshqaruv yo„lga qo„yiladi.
Moliyaviy reja korxonaning daromad va xarajatlarini bog„lovchi, oldindan
qo„yilgan moliyaviy maqsadlarga erishish usullarini tavsiflovchi hujjatdir. Moliyaviy
rejalashtirish jarayonida korxonaning moliyaviy maqsadlari aniqlanadi, korxonaning
joriy moliyaviy holatiga o„rnatilgan maqsadlarning muvofiq kelish darajasi
95
o„rganiladi, belgilangan maqsadlarga erishishga yo„naltirilgan harakatlar ketma-
ketligi tuzib chiqiladi.
Balans hisoboti kompaniya buxgalteriya hisobotining asosiy shakli boʻlib,
muayyan sana uchun kapitalni shakllantirish manbalari va kapital qoʻyilmalar
yoʻnalishini tavsiflaydi. Ikkitomonlama jadval shaklida tuziladi; uning chap qismi
(aktiv)da kapital tarkibi va uning joylashtirilishi toʻgʻrisida maʼlumotlar, oʻng qismi
(passiv)da kapital manbalari koʻrsatiladi. Aktivda asosiy va aylanma kapital
koʻrsatkichlari, passivda oʻziniki boʻlgan va jalb etilgan kapital tuzilmasi va
miqdorlari beriladi. Juda batafsil tuziladigan ichki balans kompaniya boshqaruvi
tomonidan kompaniya faoliyatini rejalashtirish va boshqarishda, filiallar ishini
nazorat qilishda foydalaniladi.
Tashqi balans tashqi hisobotning boshqa shakllari bilan birga kompaniya
faoliyati toʻgʻrisida toʻliq va ochiq axborot hisoblanadi. Davlat soliq va tegishli
tashkilotlar, fond birjalariga taqdim etiladi, aksiyadorlar oʻrtasida tarqatiladi, maxsus
maʼlumotnomalarda eʼlon qilinadi. Tijorat-savdo sirini saqlash maqsadlarida
kompaniyalar balansida rasman ruxsat etilgan modda (band)larni guruhlash va
umumlashtirishdan keng foydalaniladi (qisqa balans). Kompaniyalarning moliyaviy
hisoboti hisobot topshirishning majburiy shakli hisoblanadi. Unga quyidagilar kiradi:
kompaniyaning umumiy balansi; foyda va koʻrilgan zarar toʻgʻrisida hisobot; pul
mablagʻlari harakati toʻgʻrisida hisobot va kompaniya rahbariyatining umumiy
majlisda koʻrib chiqish va tasdiqlash uchun kompaniya paychilari yoki aksiyadorlari
eʼtiboriga havola etiladigan yillik hisoboti.
Likvidlilik ─ aktivlarning bozor narxiga yaqin boʻlgan narxda tezlik bilan
sotilish qobiliyati. Aktivlar yuqori likvidli, past likvidli va likvidsiz turlarga boʻlinadi.
Rentabellik (nem. rentabel ─ daromadli, foydali) ─ korxona yoki tadbirkorlikning
daromaddorligi, samaradorligi; mikroiqtisodiy miqyosdagi iqtisodiy faoliyatning
samaradorligi. Rentabellik ─ korxona yoki tadbirkorlik faoliyatining moliyaviy
natijalarini baholashda qoʻllaniladigan asosiy koʻrsatkich. Rentabellik foyda olib
ishlashning qiyosiy, yaʼni sarf-xarajatlarga nisbatan aniqlanadigan koʻrsatkichi boʻlib
96
foizlarda ifodalanadi. Uzoq muddatli va joriy xarajatlar (mashina-uskuna, binolar,
inshootlar, xomashyo, yoqilgʻi, materiallar, butlovchi qismlar, ishchi kuchi va
hokazolarni sotib olish) mazmunan har xil boʻlganidan ular qanday natija
berganligini bilish uchun rentabellikning 4 ta asosiy koʻrsatkichlari qoʻllaniladi.
Dostları ilə paylaş: |