Ki̇fayət Ağayeva
72
lızləri bizə onların insanlara çox yaxın olmaları barədə düşünmə
imkanı verir. Əbəttə, yadımızdan çıxartmamalıyıq ki, biz milyon
il bundan əvvəlki əcdadlarımızdan söhbət edirik. Lakin onların
bugünkü davranışları əcdadlarımızın davranışı haqqında azacıq
da olsa, bilgilərimizə işıq sala bilər.
Əlbəttə, bu yanaşmada da kifayət qədər problemlər mövcud-
dur. “Bu sahədə aparılan araşdırmalar zamanı bunlar insan davra-
nışı prizmasından həyata keçirilmişdir. Ona görə də bu araşdırmalar
ehtimal edilən kimi olmaya da bilər”. İkincisi, primatlar çeşid-çe-
şiddir və onlar həm anatomik, həm də davranış nöqteyi-nəzərindən
fərqli ola bilərlər. Bu çeşidlərin sayı 200-dən çoxdur və bunların
dişi cinslərinin 40 %-i ya dominantdır, ya da bərabərdir (Wright,
P.C., 1993: 134). Bəzi alimlər hesab edirlər ki, insanlar təkamül
prosesindən keçdikləri kimi, primatlar da bu prosesdən keçmişlər.
Bu günə qədər bu barədə aparılan tədqiqatlar kişi tədqiqatçı-
lar tərəfindən aparılmışdır. Aparılan araşdırmalar səthi olmuşdur
və yalnız bir neçə növ primatın üzərində aparılmışdır (babon, ma-
kaka, vervet və sairə). Bu primatlarda erkək dominantlığı müşa-
hidə olunur, lakin başqa primatlar arasında aparılan tədqiqatlar
göstərir ki, bu heç də hər zaman belə deyildir. Təxminən 200 növ
primat qruplarında aparılan araşdırmalardan bəlli olur ki, hər on
primatdan altısında erkəklə dişi ya bərabər, ya da dişi üstünlüyü
ilə müşayiət olunur (Yenə orada).
Bildiyimiz kimi, şimpanzelər ünsiyyət sevəndirlər və qrup
şəklində yaşayırlar. Qrupun lideri bədən ölçüsünə görə olmur.
Prioritetlik qidanın təşkilində aktiv iştirakla ölçülür.
Həm erkək, həm də dişi şimpanzelər qidanın təşkilində işti-
rak edirlər. Əvvəlki illərin yazılarının əksinə olaraq, şimpanzelər
nə ətyeyəndirlər, nə də yalnız tərəvəzlə qidalanandırlar. Onların
arasında vegetarian da yoxdur. Onların qidasının 95 %-ini meyvə
və tərəvəz təşkil edir. Onlar əti ovla əldə edirlər. Beş-altı şim-
panze birlikdə kiçik heyvanlara pusqu qurur və ov edirlər. Əldə
etdikləri ovu aralarında bölürlər.
ABŞ-da gender m
əsələləri
73
Yuxarıda deyilənlərdən hansı nəticəni çıxarmaq olar? Təəs-
süf ki, əldə etdiyimiz bilgilər bizə təxmini və məhdud məlumatlar
verir.
Genderin qərbsayağı konstruksiyası universaldırmı?
Müasir preindustrial cəmiyyətlər. Genderin qərbsayağı kons-
truksiyasına görə kişilər hər zaman dominant, qadınlar tabeçilik
statusunda olmuşlar. Bununla onlar demək istəyirlər ki, kişilər
hər yerdə və hər zaman qadınlardan üstün olmuşlar, kişilərin ye-
rinə yetirdikləri iş daha mühüm və ya daha dəyərli olmuşdur. Heç
də təəccüblü deyildir, çünki bu nəzəriyyə əsasən Qərb kişi an-
tropoloqların təqdim etdiyi nəzəriyyədir və bu da onların bütün
cəmiyyətlərə özlərinin mədəniyyəti prizmasından baxmalarının
nəticəsidir. Kişi dominantlığını əsas götürərək onlar qadınların
roluna önəm verməmiş və ya kişi informasiyasına istinad etmiş-
lər (Rogers, S.C., 1978: 145). Bu zaman sualı bir də təkrar edirik:
Qərb gender konstruksiyası universaldırmı?
Təxminən 1930-cu illərdə antropoloqların pioneri hesab olu-
nan Marqaret Mid bu suala cavab verməyə çalışmışdı. O tədqiqa-
tını Yeni Gveniyanın üç primitiv cəmiyyətində apardığı araşdır-
malara əsaslandıraraq etmişdi. Midin müşahidə etdiyi cəmiyyətdə
kişilər utancaq və qayğıkeş, qadınlar aqressiv və rəqabət aparan
idilər (M.Mead., 1935). M.Midin bu barədə yazdığı əsər çap olu-
nandan sonra genderin qarışıq cəmiyyətlərdə tədqiqi dəb halına
gəldi və bu, bir çox feminist tədqiqatçını bu istiqamətdə tədqiqat
aparmağa həvəsləndirdi. Qərbin təqdim etdiyi mövcud gender və
ya gender bərabərsizliyi konstruksiyasına bu tədqiqatlar yaxşı ca-
vab idi. Əslində, o dövrün ədəbiyyatlarında gender sözünə təsa-
düf olunmur, sadəcə bu araşdırmalarda bizim bu gün anladığımız
genderdən bəhs edilirdi.
Hər bir cəmiyyətdə əməyin genderə (başqa amillər də əsas gö-
türülə bilər) görə bölünməsi mövcuddur, lakin bir cəmiyyət üçün
kişi işi hesab olunan bir iş, digər cəmiyyət üçün qadın işi hesab
oluna bilir. Bu mədəniyyətdən mədəniyyətə dəyişə bilir. Məsələn,
Ki̇fayət Ağayeva
74
bir cəmiyyətdə qadın ev tikir, digərində bu sırf kişi işidir. Bir çox
cəmiyyətlərdə qadınlar adətən yemək bişirirlər, lakin cəmiyyət-
lər də vardır ki, bu kişilərin cavabdehliyindədir. Tədqiqatçı bu üç
primitiv cəmiyyətdə gender rollarını araşdırır və əməyin genderə
görə bölünməsini cədvəl şəklində təqdim edir. Fakt budur ki, aşa-
ğıda verilən cədvəldə az işlər mövcuddur ki, orada qadın və ya
kişi hansısa işi yerinə yetirməkdən tam təcrid olunsun. Qadınla-
rın yerinə yetirə bilməkdən tamamilə təcrid olunduğu iş böyük
dəniz heyvanlarının ovudur. Az da olsa, cəmiyyət mövcuddur ki,
orada qadınlar metal əritmə ilə məşğul olurlar. Məsələn, Aqta Fil-
lipində qadınlar maral ovlayır və ya vəhşi qabanları oxla, bıçaqla
öldürürlər. Nadır də olsa, elə tayfalar var ki, orada qadınlar me-
talqayırmada, dülgərlikdə və böyük heyvanların ovu prosesində
iştirak edirlər (Estioko-Griffin, 1987). Lakin qadınlar ovçuluq
fəaliyyətlərində nizə, yay, ox, iri dəyənəklərdən istifadə etmirlər.
Bəzi tədqiqatçılara görə, fiziki zorakılıq üzərində hələ də kişi mo-
nopoliyası vardır. Bəzilərinə görə, qadınların da arasında döyüşçü
və əsgərlər vardır. Qadınların da kişilər qədər aqressiv ola bilməsi
faktları məlumdur. Əgər rəqabət varsa, hətta qadınlar söyüş sö-
yürlər (Lepowsky M.,1994:202).
Xüsusi diqqət qabaqcıl texnologiyadan xəbəri olmayan cə-
miyyətlərin üzərinə qoyulur ki, bu cəmiyyət yalnız ovçüluq və
yığıcılıqla (preindustrial cəmiyyətlər) güzəranlarını keçindirirlər.
Antropoloqların ehtimallarına görə, bugünkü preindustrial cə-
miyyətlər əvvəlki cəmiyyətlərin sosial təşkili üçün dəqiq model
olmaya bilər. Bu cəmiyyətlər də sosial və ətraf mühit dəyişik-
liyinə məruz qalıblar, lakin onlar son 600 il ərzində Avropa və
Amerika istismarına tuş gəlməmişlər (Leacock, E., 1989:363).
Belə cəmiyyətlər bizə bugünkü yüksək texnologiyası olan cəmiy-
yətlərin gender konstruksiyasına alternativ ola bilər və bu çox
dəyərli araşdırma hesab edilə bilər.
Müasir preindustrial cəmiyyətlərdə gender münasibətlə-
ri. Bildiyimiz kimi, preindustrial cəmiyyətlər ovçuluq-yığıcılıq
Dostları ilə paylaş: |