Say 7-8 • 2014 | STRATEJİ TƏHLİL
331
Ругия Мамедова
Анализ культур через призму традиций и современности
В статье предлагается анализ культур через призму прошлого и
будущего и отмечается, что в процессе исторического развития, традиции
и современность являются как противоречивыми по отношению друг
к другу явлениями, так и феноменами одного целого. Возможность
переключения одного явления на другое является гарантом сохранения
стабильности.
Следует отметить, что, несмотря на то, что силу культур определяет
прошлое, оно же выступает причиной инерции культур. Таким образом,
обычаи, являющиеся наследием культур, также характеризуются как
элемент, формирующий феномен фетишизма культур.
В конце статьи следует вывод о том, что каждое реальное развитие
есть результат поиска истины. То есть, в разное время и на различном
пространстве предпосылки для развития различных методов не
исключают единства истины.
STRATEJİ TƏHLİL | Say 7-8 • 2014
332
Say 7-8 • 2014 | STRATEJİ TƏHLİL
333
KİV, SOSİAL ŞƏBƏKƏLƏR
VƏ İNFORMASİYA
TƏHLÜKƏSİZLİYİ
STRATEJİ TƏHLİL | Say 7-8 • 2014
334
Say 7-8 • 2014 | STRATEJİ TƏHLİL
335
Açar sözlər: kütləvi şüur, kütlə, homoinformatikus, manipulyasiya, dəstə
şüuru, kütləvi kommunikasiya vasitələri, media, sosial şəbəkə, simvolik
siyasət, mif, mozaik mədəniyyət
Key words: mass consciousnesses, mass, manipulation, consciousnesses of
crowd, mass communication means, mussel, symbolical policy, myth, mosaic
culture
Ключевые слово: массовое сознание, масса, манипуляция, сознание
толпы, СМИ, символическая политика, миф, мозаичная культура
KİV-in və
sosial şəbəkələrin
kütləvi şüurun
idarə edilməsində
rolu
Ramil
VƏLİBƏYOV
AMEA-nın Fəlsəfə, Sosiologiya və
Hüquq İnstitutunun doktorantı
velibeyov@mail.ru
STRATEJİ TƏHLİL | Say 7-8 • 2014
336
Giriş
Müasir qloballaşma və informasiya əsrində informasiya-kommunikasiya
vasitələrinin sürətli inkişafı ənənəvi kütləvi informasiya ötürücülərindən daha
mürəkkəb struktura malik, lakin daha geniş auditoriyaya təsir etmək gücündə
olan kütləvi informasiya vasitələrinin (KİV), sosial şəbəkələrin meydana gəlməsi
kütlənin və kütləvi şüurun idarə olunmasını, onun siyasi manipulyasiyasını
yenidən diqqət mərkəzinə gətirir. Xüsusilə də, kütləvi şüurun müxtəlif metod
və texnologiyalar vasitəsilə aqressivləşdirilməsi və onun daşıyıcılarının maraq
qruplarının mənafeləri naminə cinayətə sürüklənməsi nəticəsində ortaya çıx-
mış yeni faktlar problemə yeni yanaşma tələb edir. Şimali Afrika, Yaxın və Orta
Şərq regionlarında böyük ideoloji və siyasi-psixoloji təsir gücünə malik KİV-
lərin, həmçinin sosial şəbəkələrin sadə insanların düşüncəsinə təzyiqlər etməsi,
onları müxtəlif siyasi oyunların alətinə çevirməsi, davranışlarına nəzarət etməsi
və s. kimi faktorlar da sözügedən problemi daha da aktuallaşdırır.
KİV-lər və sosial şəbəkələr kütləvi şüura təsiredici faktor kimi
Müasir ictimai-siyasi proseslərin təhlili onu deməyə əsas verir ki, hazırkı
dövrdə kütlələrin, ayrı-ayrı fərdlərin düşüncəsində, davranışında və psixologi-
yasında köklü dəyişikliklər baş verir. Əlbəttə ki, burada söhbət insanların real
dünya çərçivəsindən çıxaraq virtual aləmə daxil olmasından, düşüncəsində
və davranışında özlərini standartlaşdırmasından gedir. Sözügedən proseslər
içərisində yeni insan tipinin – “homoinformatikus”ların formalaşdığını da artıq
aydın sezmək mümkün olur. Bu prosesdə isə əsasən KİV-lər və sosial şəbəkələr
mühüm rol oynayır.
Əlbəttə ki, KİV vasitəsilə kütləvi şüura təsiretmə mexanizmləri bəşəriyyətə
çoxdan bəllidir. Çünki dəstə xüsusi düşüncəyə sahib deyil və istənilən ide-
yanı tezliklə qəbul edir. E.Kanetti yazırdı ki, xaricdən daxil olan istənilən yad
ideya kütləni asanlıqla kor edir [1, s. 128]. Burada fərdin rasional düşüncəsilə
ziddiyyətdə olan dəstə şüurunun xüsusiyyətləri kütlənin manipulyativ təsir
vasitəsilə asanlıqla idarə olunmasına imkan yaradır. XX əsrin böyük manipul-
yatorlarından olmuş Adolf Hitler deyirdi ki, mən xalqı qarışdırıram və onunla
kütləyə çevrilmədən öncə ünsiyyətə girmirəm.
KİV-in kütləvi şüurun manipulyasiyasında oynadığı rol birbaşa olaraq insan-
ların psixoloji vəziyyətilə bağlıdır. Bu mənada Q.Lebon göstərirdi ki, kütlənin
qeyri-ixtiyari davranışı yeni eranın əsas göstəricilərindəndir. Kütlə fenomeninin
idarə edilməsinin ciddi problem olduğunu deyən Lebon yazırdı ki, kütlələrin
getdikcə ictimai-siyasi proseslərə güclü təsir etməsi, cəmiyyətin həyatında mü-
hüm rol oynaması bu sahədə araşdırmaları daha da aktuallaşdırır [2, s. 95].
Z.Freyd kütlə pisixologiyasını təsvir edərkən yazırdı ki, kütlənin idarə olun-
ması təsir və hipnoz üzərindən həyata keçirilir. Yəni kütlələrin manipulyasiyası
Say 7-8 • 2014 | STRATEJİ TƏHLİL
337
sırf kütləvi şüurun psixoloji xüsusiyyətləri
üzərində qurulur [3, s. 34]. S.Moskoviçi də
vurğulayıb ki, kütlələrin başçıları manipulya-
siya üçün hipnoz, təbliğat, təlqin və azdırma
metodlarından istifadə edir [4, s. 122].
Kütlənin psixoloji xüsusiyyətlərilə yanaşı,
kütləvi şüurun formalaşdırılması və mani-
pulyasiyasında əsas rolu informasiya və ona
sahib olan generatorlar oynayırlar. V.Çörçil
deyib ki, informasiya kütləsinə nəzarət
edənlər dünyanı idarə edənlərdir. Müasir
dövrdə siyasi proseslərdə kütləvi şüurla ma-
nipulyasiyanı dövlət və qeyri-dövlət kanal-
ları ilə yanaşı, hüdudsuz imkanlara malik olan KİV-lər də həyata keçirir. Media
insanların həyatına o dərəcədə daxil olub ki, kütləvi şüuru istənilən istiqamətə
yönləndirmək bacarığına nail olunub. Bu isə əlbəttə ki, istər KİV, istərsə də me-
diakratorlar tərəfindən xüsusi metodlarla reallaşdırılır. Bu gün əminliklə demək
olar ki, KİV-ləri idarə edənlər aktiv şəkildə insanların düşüncəsinə, davranışına
təsir edir, kütləvi şüurla manipulyasiyanı həyata keçirir, siyasi prosesləri lazımi
istiqamətə yönəldir və qarşıya qoyulmuş siyasi maraqları təmin edirlər.
Hesablamalara görə, modernləşən dünyada 20 ay ərzində ötən 50 ilin
informasiyası emal olunur və dövriyyəyə buraxılır. İnformasiya yükünün də
həddindən artıq çoxalması yeni-yeni ünsiyyət formalarının meydana gəlməsini
sürətləndirir. Beləliklə də, eyni məzmunlu informasiyanın böyük əraziyə yayıl-
masını həyata keçirən müasir KİV-lər kütləvi şüur daşıyıcısı olan sosial qrupla-
ra, bütövlükdə cəmiyyətə təsir etmək imkanlarını artırırlar. Məhz mətbuat və
kütləvi kommunikasiya vasitələri şəxsiyyətin kütləviləşməsini, insanların ba-
xışlarının və davranışlarının standartlaşdırılmasını həyata keçirir, onların siyasi
proseslərə eyni aspektli reaksiyasını təşkil edir.
İnformasiya kanalları vətəndaşlarda mühüm siyasi keyfiyyətləri
formalaşdırarkən yalnız fərdi təsirlə məhdudlaşmır, həmçinin ümumi cəmiyyət
miqyasında da fəaliyyət göstərirlər. Ənənəvi cəmiyyətlərdən fərqli olaraq müasir
sosiumlarda KİV-lər məhz sosial yaddaşı yeniləyir və baş verən hadisələrə sosial-
siyasi qiymət verir. Bu baxımdan media insanların nəinki indiki, hətta gələcək
siyasi düşüncə və davranışlarını da proqramlaşdırır. Müxtəlif siyasi proseslər za-
manı KİV-lər təsir vasitələrilə cəmiyyətdə konkret dəyər və ya şəxsiyyət modeli
formalaşdırmaqla kütləvi şüuru bir məqam üzərində cəmləyə bilir.
Medianın insanların davranışına təsiri müəyyən ictimai rəyin formalaşdırıl-
ması yolu ilə baş tutur. İctimai rəyə kütləvilik xüsusiyyəti vermək və onu ma-
nipulyasiya etmək üçün isə KİV-lərin geniş imkanları var. Bu baxımdan seçki
proseslərində, müharibəyə hazırlıq və ya “informasiya müharibəsi”ndə atılan
addımlar buna misal ola bilər.
Ənənəvi cəmiyyətlərdən fərqli
olaraq müasir sosiumlarda
KİV-lər məhz sosial yaddaşı
yeniləyir və baş verən
hadisələrə sosial-siyasi
qiymət verir. Bu baxımdan
media insanların nəinki
indiki, hətta gələcək siyasi
düşüncə və davranışlarını da
proqramlaşdırır.
Dostları ilə paylaş: |