55
Ömrün o qaynaşan bulaqlar kimi,
Şeirin zamanzaman qayıdan bahar.
Ey bu sal qayalar, bu dağlar kimi
Əbədi sənətkar, müdrik sənətkar!
Sən – şair!
Sən – memar!
Sən – bir musiqar!
Sən – qovğa günündə el sərkərdəsi!
Qanında istedad çayları çağlar
Bəşər möcüzəsi, söz xəzinəsi.
Alqış cilovlanmaz igidliyinə!
Müdrik surətinə min kərə əhsən!
Şair qələminlə vəsf etdiyini
Əsgər qılıncınla qorumusan sən!
Bəli, qorumusan dişdırnağınla
Yalnız vurulduğun gözəlləri yox,
Qədəmlərindəki gözəlləri də.
Kəndlinin alnından, kirpiklərindən
Torpağa tökülən isti təri də!
Sənə minnətdardır bu gözəlliklər,
O məğrur qayanın xınalı daşı.
O daşın, qayanın qırçın qırışı,
Qırışlar üstündə gəzən əliklər,
Sənə minnətdardır bu gözəlliklər!
Şuşaya gəlmişik, doğma Şuşaya.
Gözəllik, incəlik, saflıq şəhəri
Dönüb cahanşümul bir tamaşaya.
İncə, qız qamətli minarələri,
Almas qübbələrdə parlayan zəri,
Gəlin kimi nazlı qələmələri,
Nur, işıq hücrəli mədrəsələri
Göstərir bir daha bəşəriyyətə.
Alqış sənətdəki bu ülviyyətə!
Sənin məzarına gül düzən əllər
Gözəllər bürüyüb bizi bu yerdə.
Torpağı demirəm, daşa da dəysə,
56
XƏLİL RZA ULUTÜRK
SEÇİLMİŞ ƏSƏRLƏRİ
Bənövşə bitirir izi bu yerdə.
Gəlir gül üzlülər, gül yanaqlılar,
Ayna camallılar, ay qabaqlılar.
Biz də lalə kimi köksü dağlılar
Sizi yad edirik, sizi bu yerdə!
Gözlər – nur yuvası, işıq qaynağı,
İşığı qaynadan o sevinc nədir?
Kirpiklər sıyrılıb xəncər sayağı,
Gözün, gözəlliyin keşiyindədir.
Narın yağış yağır gün də buludda.
Mənimsə ürəyim dil açır birdən:
İndicə buludu günəş yırtacaq
Dodaqlarda susan qəhqəhələrdən
Dünyaya ətirli güllər səpəcəm.
Öpəcəköpəcək bizi bu yerdə. Vaqif!
Oyan, Vaqif!
Bu qismətə bax.
Bəlkə də od tutur yatdığın torpaq.
Nə ayaqda başmaq, nə üzdə yaşmaq,
Bir qız paltarında arzu bu yerdə
Başını bir azca aşağı əymiş,
Elə bil deyir ki, yetişmiş baram.
Duy məni!
Dər məni!
Qədir bilənin
Qoynundan dünyaya işıq saçaram! Gözələm!
Xilqətin cövhəri mənəm.
Tanrılar gözümə bir tük görünür.
Kainatın bütün kəhkəşanları
Mənim qədəmimdə sönük görünür!
Üstümdə gördüyün bu gövhər ki var,
Sanma bir ötəri sevda səsidir.
Min illər boyunca daşda sıxılmış
Sevginin daşqaşa çevrilməsidir.
Dinlər bu səsləri bir ulu şair,
Canı bu varlıqda, cismi məzarda.
57
Duyar ki, məhəbbət, günəş yaşayır,
Gözəllər al geyir yenə baharda.
Gəzər Yer üzünü müdrik sənətkar,
Bəzən qırğın görüb dayanar birdən:
Qoruyaq dünyanın gözəlliyini,
Gözəllik, səadət düşmənlərindən!
Bakı, 1968
TƏLƏBƏ BƏXŞİŞİ
Kiçik yaxşılıq da, adi hörmət də
Silinmir ürəkdən illər uzunu.
Yerlərin, göylərin qaranlığından
Sənə nişan verir dan ulduzunu.
Canım məhəbbətin, mehrin əlində,
Sevincdən gözümü bəzən silirəm.
Bircə ehtiramın müqabilində
Özümü hamıya borclu bilirəm.
Tikanlı, qönçəli, qollu, budaqlı,
Yaşıllıq içində alov papaqlı.
Ağ gül, qırmızı gül, bir də sarı gül...
Evimə gətirdi bağçaları gül.
Görəsən “gül”dənmi yaranıb “gülüş”?
Yoxsa gülüşdənmi yaranıb bu gül?
Üzləri gülümsər, ayağı yüngül
Bir cüt mələk gəlib bu səhər bizə.
Gül əllər ağappaq, güllər tərtəzə.
Sağ olun, istəkli tələbələrim.
Hardandı bu güllər?
Bizim Bərdədən!
Gərək mən Bərdəyə gülşənlər verim.
58
XƏLİL RZA ULUTÜRK
SEÇİLMİŞ ƏSƏRLƏRİ
Açıram qoynumu bir gülüstana,
Necə təravətli, necə təmizdir.
Hələ ətirlisi, təri bir yana,
Bunun solmuşu da sərvətimizdir.
Payladı Firəngiz qohumqonşuya,
Gəzdi güldangüldan Bakını Bərdə.
Apardı bir dəstə Təbriz bağçaya,
İyləsin, şad olsun müəllimlər də.
Alqışlar deyirəm doğma ellərə,
Qanımda çağlayan Kürdür, Arazdır.
Qatarla yol gələn qızıl güllərə
Bir şair ömrünü həsr etmək azdır.
1969
GİZLİ İFTİXAR
Qaldırıb Xəzərdən tutdum günəşə
mənimlə bərabər çimən oğlumu.
Duydum qollarımda ağırlığını,
qanırmaq istədi mənim qolumu.
Açıq ovuclarım yuvaya bənzər,
elə bil ovcumdan qanadlanacaq.
Dayanır çiynimdə ox kimi dümdüz
qəfildən Xəzərə tullanan qoçaq.
Açılır, bükülür zümrüd dalğalar,
dalğanı dolayır biləklərinə.
Balaca köksünü gərmək istəyir
bütün Yer üzünün küləklərinə.
Qayıdıb bir daha qalxır çiynimə,
bir də qılınc kimi sancılır suya.
59
Qızıl balıq kimi o üzür...
mən də
ardınca üzürəm göz qoyaqoya.
Bərkiyən qolunda, kürəklərində
yetişir, duyuram, körpə əzələ.
Gizli bir iftixar bürüyür məni,
ey dost, tanışmısan sən bu hiss ilə?!
Nə alnından öpdüm, nə də çiynindən,
ancaq bu halımı duyar atalar:
Boy atan övladın hər bir telində
ata gözlərinin öpüş yeri var.
1970
İGİDLƏR, DAHİLƏR
Baxıram... qəbiristan qəbirlə dolu,
Nəsillər yanında nəsillər yatır.
Birləşir köhnənin, təzənin yolu,
Əsrlər üstündə əsrlər yatır.
Düşünüb kimləri salıram yada,
Bu dünya əzəli bir vərdişdədir.
Bütün dəyirmanlar xarab olsa da,
Ölüm dəyirmanı daim işdədir.
Fikirlər içində çırpınır könlüm,
Gedən yer üzünə bir daha gəlmir.
Həyatdan hamını qoparır ölüm,
Yalnız dahilərə toxuna bilmir.
Yalnız igidlərə toxuna bilmir!
Qədim Şıx düzündə ayaq saxla, dur,
Ölməz sənətkarı yada sal bir an.
Ölüm elə bil ki, qurd oğlu qurddur,
Qorxur dahilərin göz işığından.
Dostları ilə paylaş: |