168
dırsaq, bunu görərik. Hind inancında sonsuza qədər var
olacaq bir kainata inanıldığı üçün ruhların sonsuza qədər
bu planetin içindəki bədənlər arasında gəzdiyi deyilir. İn-
sanların tamamilə yox olmasını həzm edə bilməyən bu
anlayış artan insan kütləsinin, müəyyən saydakı ruhların
qarşılamasındakı çətinliyi də gözardı etmişdir. Bu anlayı-
şın meydana gəlməsində sonsuza qədər var olacaq kainat
dizaynı çox əhəmiyyətli bir rol oynamışdır. Big Bang-in
kainatın başlanğıcı olduğunu göstərməsi hind fəlsəfəsini
kökündən yıxdığı kimi, Big Bang-in kainatın sonu olduğu-
nu göstərməsi isə onsuz da çökmüş olan hind fəlsəfəsinin
reinkarnasiya inancını etibarsız etmişdir. Təktanrılı dinlərin
insanın ölümündən sonrakı müddətlə əlaqədar izahat-
ları kainatın və Yerdəki həyatın sona çatması ilə başlayır.
Big Bang-in təktanrılı dinlərin bu iddiasını təsdiqləməsi
təktanrılı dinlərin ölümdən sonrakı müddətlə əlaqədar iza-
hatlarına da etibarlılıq qazandırmışdır.
Big Bang-in apardığı digər düzəlişlər
Big Bang Tanrıya inanmayan sistemlərdə düzəltmələr
etdiyi kimi, Tanrıya inanan bəzi fikirlərdə də düzəlişlər apar-
maqdadır. Xüsusilə də mistika və tasavvuf məktəblərində
və bəzi filosoflarda aparılan düzəlişlər buna nümunədir. İs-
lam mistiklərinin bəziləri və xristian filosoflardan Berkeley
kimi bəzi mütəfəkkirlər varlıq olaraq kainat anlayışının yal-
nız zehində var olub, zehnin xaricində mövcud olmadığını
müdafiə etmişdirlər. Halbuki təktanrılı dinlərin müqəddəs
mətnləri Tanrının kainatı və maddəni yaratdığını açıq-
ca söyləmişdir. Bu kəslərin Tanrının yaratmasından bəhs
edərkən Tanrının yalnız zehnimizdəki xəyali yaratması oldu-
ğunu söyləmələri tutarlı bir şərh olaraq görünməməkdədir.