43
dəyəri əsasında hesablanır. Gömrük rüsumları və vergiləri faktiki olaraq tutulduqdan sonra mübahisəsiz
tutulmaya
dair aktda göstərilmiş məbləğ, onun gömrük orqanının hesabına daxil olması tarixi və bank sənədinin
tarixi göstərilir.
Gömrük rüsumları və vergilərinin daşıyıcıdan mübahisəsiz qaydada tutulması mümkün olmadığı halda,
ödəmə barədə tələb aktında bir ay ərzində mübahisəsiz tutulacağı göstərilir. Həmin aktda gömrük rüsumlarının
və vergilərinin tutulmasını mümkünsüz edən səbəblər də göstərilir.
Göstərilən qeydi olan akt, gömrük qaydalarının pozulmasına dair protokolun, tənbeh qoyulmasına dair
qərarın və BYD kitabçasının kəsilən vərəqinin surətləri ilə birlikdə Azərbaycan Respublikası Dövlət Gömrük
Komitəsinin Gömrük nəzarətinin təşkili Baş İdarəsinə və Maliyyə-tarif və valyuta nəzarəti Baş İdarəsinə
göndərilir. Akta imkan daxilində tələb olunan məbləğlərin ödənilməsinin mümkünlüyü barədə bankın və ya
digər kredit idarəsinin təsdiqedici sənədi də əlavə edilməlidir.
Gömrük rüsumlarının və vergilərinin qismən ödənildiyi halda da, yuxarıda sadalanan bütün sənədlər
Azərbaycan Respublikası DGK-nin GNTBİ-nə və MT və VNBİ-nə göndərilir. Bu zaman mübahisəsiz tutulma
barədə aktda məbləğ göstərilir və ödəmə tapşırığının surəti əlavə edilir.
GNTBİ, QGQPMBİ və BMT və VNİ alınmış materiallar əsasında gömrük rüsum və vergilərinin
ödənilməsinə dair tələbnamələr hazırlanır və göstərilən sənədlər alındıqdan 5 gün sonra, bu tələbnaməni BYD
kitabçasının kəsilən vərəqinin surəti və digəp zəruri sənədlərlə birlikdə ABADA-ya təqdim edilir.
GNTBİ, QGQPMBİ BYD Konvensiyası ilə müəyyən olunmuş ödəmə barədə tələbnamələr baxılması
müddətlərinə əməl olunmasına, MT və VNBİ gömrük rüsum və vergilərinin Azərbaycan Respublikası DGK-nin
hesabına daxil olmasına nəzarət edirlər.
Gömrük möhür və plombları altında malların
daşınması üçün nəqliyyat vasitələrinin təchiz
edilməsinə tələblər və onların yüklərin
daşınmasına buraxılması qaydaları
Bir qayda olaraq, gömrük rəsmiləşdirilməsi mərhələsində yüklər bağlı nəqliyyat vasitələri ilə
daşınmalıdır. Ağırçəkili və iriqabaritli yüklər və topa daşınan (qum, çınqıl və s.) yüklər açıq nəqliyyat
vasitələrində daşına bilər. Belə hallarda gömrük orqanı bu malların dəyişdirilməsinə imkan verməmək üçün
lazımi tədbirlər görməlidir.
Gömrük qanunvericiliyi malların gömrük təminatları altında daşındığı nəqliyyat vasitələrinə bir tələb
irəli sürür - texniki təchizat normalarına uyğun gəlmək. Bu texniki normativlər “Gömrük möhürləri və plombları
ilə yüklərin daşınmasından ötrü nəqliyyat vasitələrinin (konteynerlərin) təchizatı Qaydaları”nda (Komitə
sədrinin 8 sentyabr 1997-ci il tarixli 825 saylı əmri ilə təsdiq edilmişdir) öz əksini tapmışdır. Bu Qaydalarda
nəqliyyat vasitələrinin konstruksiyalarına texniki tələblər ifadə olunur:
a) nəqliyyat vasitələrinin yük bölmələri;
b) brezentlə örtülmüş nəqliyyat vasitələrinin yük bölmələri;
c) konteynerlər (brezentlə örtülmüş konteynerlər də daxil olmaqla).
Müəyyən olunmuş qaydada təchiz edilmiş nəqliyyat vasitəsi dedikdə elə nəqliyyat vasitələri başa
düşülür ki, onların yük bölmələri aşağıda göstərilən kimi olsun:
a) malların möhürlənmiş yük bölmələrindən götürülməsi, yaxud oraya yığılması, gömrük təminatlarının
gözlə görünən qırılması və ya zədələnməsi olmadan mümkün olmasın;
b) gömrük təminatları asan və etibarlı vurula bilsin;
c) orada malların gizlədilməsi üçün naməlum yerlər olmasın;
ç) malların yerləşə biləcəyi yerlər gömrük baxışı üçün asan olsun.
Nəqliyyat vasitələrinin yük bölmələrinin konstruksiyası (konteynerlərin konstruksiyası) bu Qaydalarla
müəyyən edilmiş texniki tələblərə müvafiq olmalıdır:
a) yük bölməsinin tərkib elementləri (divarları, döşəməsi, qapıları, damı, dayaqları, çərçivəsi, köndələn
elementləri və s.) elə bir mexanizmin vasitəsilə birləşdirilməlidir ki, onları gözlə görünən izlərə yol vermədən
bayır tərəfdən açıb çıxarmaq və yenə də yerinə qoymaq mümkün olmasın, ya da elə üsullarla birlşdirilməlidir ki,
həmin konstruksiyada zahiri izlərə yol vermədən dəyişikliklər etmək mümkün olmasın. Divarlar, döşəmə,
qapılar və dam müxtəlif elementlərdən hazırlandığı hallarda da onlar həmin tələblərə cavab verməli və lazımi
qədər möhkəm olmalıdırlar;
b) qapıların və digər qapama sistemlərinin (bağlayıcı kranları, baca qapaqları, flanslar və s. daxil
olmaqla) elə mexanizmi olmalıdır ki, onların üzərinə gömrük möhürləri və plomblarını vurmaq mümkün olsun.
Həmin mexanizm elə olmalıdır ki, onu zahiri izlərə yol vermədən bayır tərəfdən açıb çıxarmaq və yenə də
yerinə qoymaq, gömrük möhürlərinin və plomblarının zədələnməsinə yol vermədən qapıları və qapayıcı
44
qurğuları açmaq mümkün olmasın. Gömrük möhürləri və plombları müvafiq tərzdə mühafizə olunmalıdır.
Açılan qapaqların (lyukların) düzəldilməsinə icazə verilir;
c) ventilyasiya və drenaj deşikləri yük bölməsinə daxil olmağa imkan verməyən qurğularla təchiz
edilməlidir. Həmin qurğunun elə konstruksiyası olmalıdır ki, onu gözlə görünən izlərə yol vermədən bayır
tərəfdən çıxarmaq və yenə də yerinə qoymaq mümkün olmasın.
Yük bölməsinin tərkib elementlərinə praktik baxımdan içərisi boş sahələrin (məsələn, divarın tərkib
hissələri arasında) daxil edilməsinə icazə verilir. Həmin sahələrdən malların gizlədilməsi məqsədi ilə istifadə
etməyin mümkün olmamasından ötrü:
- daxili örtük yük bölməsinin bütün hündürlüyü boyunca, döşəmədən tavana qədər bürüdüyü hallarda,
yaxud örtük ilə zahiri divar arasındakı sahə bütünlüklə bağlı olduğu hallarda, daxili örtük elə bərkidilməlidir ki,
gözlə aşkar görünən izlərə yol vermədən onu sökmək və yenə də yerinə bərkitmək mümkün olmasın;
- örtük yük bölməsini bütün hündürlüyü boyunca, bürümədiyi və örtük ilə zahiri divar aarsındakı sahə
bütünlüklə bağlı olmadığı hallarda, yük bölməsinin konstruksiyasında içiboş sahələrin olduğu bütün digər
hallarda, göstərilən sahələrin miqdarı mümkün qədər az və həmin sahələr gömrük nəzarətindən ötrü çox asan
olsun.
Pəncərələrin qurulmasına bu şərtlə icazə verilir ki, onlar möhkəm materiallardan düzəldilmiş olsun və
aşkar görünən izlərə yol vermədən onları bayır tərəfdən çıxarmaq və yenidən yerinə bərpa etmək mümkün
olmasın. Şüşə salmağa yol verilə bilər, lakin bu zaman pəncərənin bayır tərəfdən çıxarılması mümkün olmayan
möhkəm metaldan hazırlanmış qəfəsi olmalıdır; qəfəsin dəliklərinin ölçüləri 10 mm-dənq çox olmamalıdır.
Döşəmədə yağlama, xidmət göstərmək, qumqabını doldurmaq kimi texniki məqsədlər üçün düzəldilən
dəliklərə, elə şərtlə yol verilər bilər ki, onların qapaqları olsun və bu qapaqlar elə düzəldilsin ki, bayır tərəfdən
yük bölməsinə daxil olmaq mümkün olmasın.
Nəqliyyat vasitələri aşağıdakı tələblərə də cavab verməlidir.
Brezent ya möhkəm qalın kətandan, ya da üzünə plastik kütlə çəkilmiş, yaxud rezinləşdirilmiş,
dartıldıqda uzanmayan, çox möhkəm parçadan (qumaşdan) hazırlanmalıdır. Brezent saz vəziyyətdə olmalıdır və
elə hazırlanmalıdır ki, qapayıcı mexanizmlə bərkidildikdən sonra gözə görünən izlərə yol vermədən, yük
bölməsinə keçmək mümkün olmasın.
Brezent bir neçə parçadan ibarət olduqda, həmin parçaların ucları bir-birinin üstünə qatlanır və ən azı
bir-birindən 15 mm aralı olan cüt tikişlə bir-birinə sırınır. Həmin tikişlərdən birisi yalnız isəridən görünməlidir
və bu tikiş üçün seçilən sapın rəngi həm brezentin, həm də digər tikiş üçün seçilən sapın rəngindən
fərqlənməlidir. Bütün tikişlər mexaniki üsulla sırınmalıdır.
Əgər brezent plastik kütlə ilə örtülmüş bir neçə parça qumaşdan tərtib edilmişsə, həmin parçalar
lehimləmə üsulu ilə bir-birinə birləşdirilməlidir. Hər parçanın kənarları digər parçanın kənarlarının üstünü ən azı
15 mm örtməlidir. Parçaların birləşdirilməsi həmin enlikdə bütünlüklə aparılmalıdır. Birləşmənin bayır tərəfdəki
kənarı elə həmin lehim üsulu ilə ən azı 7 mm enlikdə plastik kütlə zolağı ilə örtülməlidir. Həmin zolağın
üzərinə, habelə onun hər tərəfinə ən azı 3 mm enlikdə dəqiq birtipli relyef vurulmalıdır. Lehimləmə elə yerinə
yetirilir ki, gözlə görünən izləri yol vermədən həmin parçaları bir-birindən ayırmaq və yenə də bir-birinə
birləşdirmək mümkün olmasın.
Gömrük möhürləri və plombları altında beynəlxalq yük daşınmasına yalnız aşağıdakı şəkildə
hazırlanmış və təchiz edilmiş konteynerlər buraxıla bilər:
a) yükləri konteynerlərin möhürlənmiş hissəsindən çəkib çıxarmaq mümkün olmasın və ya qırılmasın,
gömrük möhürlərinin, plomblarının zədələnməsinin zahiri izi qalmadan oraya yükləmə mümkün olmasın;
b) gömrük möhürləri və plomblarını adi və möhkəm vurmaq mümkün olsun;
c) onlarda yük gizlətmək üçün gizli yerlər olmasın;
ç) yüklər gömrük nəzarətini həyata keçirməyə imkan verən yerlərdə yerləşdirilsin.
Konteynerlərin tərkib hissələri (divarlar, döşəmə, qapılar, dam, dayaqlar, çərçivələr, göndələn
elementlər və s.) ya xaricdən çıxartmaq mümkün olmayan qurğu vasitəsilə, yaxud da zahiri izlər qoyulmadan
dəyişdirilməsi mümkün olmayan konstruksiyanı təmin edən üsulların köməyi ilə birləşdirilməlidir.
Qapılar və başqa bağlanan sistemlərdə gömrük möhürü və plombları vurmaq mümkün olan qurtular
olmalıdır:
Ventilyasiya və drenaj deşikləri konteynerlərə daxil olmağa mane olan qurğu ilə təmin olunmalıdır. Bu
qurğu elə olmalıdır ki, onu xaricdən zahiri iz qoymadan çıxartmaq, sonra isə yerinə qoymaq mümkün olmasın.
Qatlanan və sökülən konteynerlər bu qaydalarda göstərilən tələblərə cavab verməlidir.
Yığılmış konteynerlərin bayır tərəfində olan cəmləşdirici qurğular elə konstruksiyaya malik olmalıdır ki,
onların üzərinə gömrük plombu və möhürü vurmaq mümkün olsun.
Nəqliyyat vasitələri texniki normativlərin tələblərinə uyğun olduqda, onlar malların gömrük təminatları
altında daşınmasına buraxıla bilər.