58
15 nəfər gürcü yazıçısının hekayə və povestləri daxil edilən “Gürcü nəsri
antologiyası” kitabını çapa hazırlayıb.
Emin Mahmudov AZTV-nin Gürcüstan respublikası üzrə xüsusi
müxbiri olub, 1995-ci ildə səhhəti ilə bağlı bu vəzifədən azad edilib. O,
2003-cü ilin sentyabr ayında Acarıstan televiziyasının nəzdində yaradılan
Azərbaycan dilində yarım saatlıq verilişlər redaksiyasının redaktoru
vəzifəsinə təyin olunub və 2004-cü ilədək bu vəzifədə işləyib. O, həmçinin
“Bi-Bİ-Sİ” informasiya agentliyinin Azərbaycan dilində verilişlər
proqramının Gürcüstan üzrə təmsilçisi olub. O, bu gün də jurnalistikada
qələmini cəsarətlə sınayır və Gürcüstanda nəşr olunan dövri mətbuatda
məqalələri ilə çıxış edir.
Emin Mahmudov (Elsevər) fəxri fərmanlarla və “Şərəf” ordeni ilə təltif
olunub, Gürcüstan Jurnalistlər İttifaqının və Jurnalistlər Federasiyasının
diplom və qiymətli hədiyyələrinə layiq görülüb.
59
ƏLİXAN DÜŞGÜN
Əlixan Abbasov (Düşgün) 1941-ci ildə
Başkeçidin Lökcandar kəndində anadan olub.
1958-ci ildə Hamamlı orta məktəbini, 1962-
ci ildə isə Azərbaycan Dövlət Universitetinin
fi lologiya fakültəsini bitirib. O, əvvəlcə “Sovet
Gürcüstanı” qəzetində, sonra Gürcüstan Dövlət
Televiziya və Radio Verilişləri Komitəsində
müxtəlif vəzifələrdə çalışıb.
Əlixan Düşgün 1996-cı ildən ömrünün sonunadək Gürcüstanda Sovet
hakimiyyəti dağıldıqdan sonra ilk müstəqil anadilli mətbuatımız olan
“İnam” qəzetinin baş redaktoru, həmçinin “Dayaq“ cəmiyyətinin rəhbəri
kimi fəaliyyət göstərib.
Əlixan Abbasov gənc yaşlarından bədii yaradıcılıqla məşğul olub.
O, şeirlərini “Düşgün” imzası ilə dərc etdirib. Uzun müddət ədəbi-bədii
tərcümə yaradıcılığı ilə məşğul olan Ə. Düşgün sağlığında bir neçə
kitabını çap etdirə bilib.
Əlixan Düşgün ömrünün və yaradıcılığının müdrik çağında qəfl ətən
vəfat edib və Tifl isdə dəfn olunub.
60
İSLAM ƏLIYEV
İslam Hacı oğlu Əliyev 1947-ci il iyunun
1-də Marneuli rayonunun Ambarovka kəndində
anadan olub. Ambarovka, Keşəli 7 illik,
Kəpənəkçi orta məktəbini bitirdikdən sonra bir
il Alget üzümçülük sovxuzunda fəhlə işlədikdən
sonra 1965-ci ildə A. S. Puşkin adına Tifl is
Dövlət Pedaqoji İnstitutunun Azərbaycan dili
və ədəbiyyatı fakültəsinə qəbul olub və 1970-ci
ildə bu ali təhsil məktəbini fərqlənmə diplomu
ilə bitirib. İ. Əliyev tələbəlik illərində ictimai işlərdə fəal çalışıb, kurs
komsomol komitəsinin sədri və fakültəhəmkarlar ittifaqı təşkilatının sədri
olub. İnstitutu bitirən kimi “Sovet Gürcüstanı” respublika qəzetinə işə
qəbul edilib. O, ilk öncə korrektor, sonra baş redaktor, kiçik ədəbi işçi,
məktublar və kütləvi işlər şöbəsinin müdiri, daha sonra təbliğat-təşviqat,
partiya həyatı şöbəsinin müdiri və məsul katib vəzifələrində çalışıb. İ.
Əliyev 1990-cı ildə “Sovet Gürcüstanı” qəzetinin redaktor müavini təyin
edilib. O, həmin vəzifədə çalışmaqla, həm də 2004-cü ildən AzərTac-
ın Gürcüstan müxbiri vəzifəsində çalışıb. 2015-ci ildə o, “Gürcüstan”
qəzetinin redaktoru vəzifəsinə təyin olunub.
İ. Əliyev uzun müddət redaksiya həmkarlar ittifaqı təşkilatının sədri,
redaksiya partiya bürosunun katibi olub. O, iki dəfə Tifl is Şəhər Kalinin
Rayon Partiya Komitəsinin üzvü seçilib. 1985-ci ildə Bakı Ali Partiya
Məktəbini bitirib.
İslam Əliyev iki dəfə Gürcüstan Jurnalistlər İttifaqının keçirdiyi
müsabiqədə iştirak edərək mükafata layiq görülüb. Jurnalistika sahəsində
səmərəli fəaliyyətinə görə, Gürcüstan SSR Ali Soveti Rəyasət Heyətinin
Fəxri Fərmanı və Gürcüstanın “Şərəf” medalı ilə mükafatlandırılıb. O,
eyni zamanda SSRİ Jurnalistlər İttifaqının Fəxri diplomuna, SSRİ Xalq
Təsərrüfatı Nailiyyətləri Sərgisinin bürünc müdalına və pul mükafatına
layiq görülüb.
Gürcüstan jurnalistikasında uzunmüddətli uğurlu fəaliyyət
göstərdiyinə görə, 2015-ci ildə “Gürcustanın Əməkdar Jurnalisti” adına
61
layiq görülüb.
İslam Əliyev Gürcüstanda nəşr olunan bir neçə kitabın redaktoru olub
və bədii-publisistik yaradıcılıqla məşğul olaraq hekayə və publisistik
yazılarını Gürcüstan və Azərbaycan mətbuatında dərc etdirib.
Ailəlidir. İki oğlu, bir qızı, nəvələri var.
62
RAMİZ İGİDOV
Ramiz Musa oğlu İgidov 1943-cü ildə Adıgün
rayonunun Marel kəndində ziyalı ailəsində
anadan olub. 1960-cı ildə Marneuli şəhərindəki 3
nömrəli orta məktəbi qızıl medal ilə bitirib. M.F.
Axundov adına ADPDU-nunda, sonra isə BDU-
da təhsil alıb. İxtisasca jurnalistdir.
Ramiz
İgidov 1969-1971-ci illərdə
Azərbaycanın Əli Bayramlı (indiki Şirvan)
şəhərində rus dilində çıxan “Mayak” qəzetində
şəhər şöbəsinin müdiri və məsul katib vəzifələrində işləyib. Ramiz
İgidovun jurnalistlik fəaliyyətinin sonrakı illəri Marneuli ilə bağlı olub.
O, 1973-1995-ci illərdə müəyyən fasilələrlə “Axali Marneuli” rayon
qəzetində kənd təsərrüfatı şöbəsinin müdiri, redaktor müavini, qəzetin
Azərbaycan bölməsinin redaktoru vəzifələrində işləyib. O, çalışdığı
qəzetdə müxtəlif məqalələr, felyetonlar və tənqidi məqalələr ilə müntəzəm
çıxış edib.
R. İgidov 1985-1988-ci illərdə Gürcüstan Dövlət Texniki Peşə Təhsil
Komitəsinin Marneuli Ərazi İdarəsinin rəisi vəzifəsində çalışıb.
1995 – 1997-ci illərdə Marneulinin Şulaveri Kənd Məclisinin sədri
vəzifəsinə seçilib. O, rayonda idmançı kimi də tanınıb.
Dostları ilə paylaş: |