264
Səfər əmr, məskən yasaq,
Yox təqvadan başqa ərzaq.
Əcəl yaxın, mənzil uzaq,
Yır-yığışa dəymir dünya.
Bu dünyada Quranın siqlətini çəkə biləcək mizan, həc-
mini ölçə biləcək meyar, dəyərini qiymətləndirə biləcək
məbləğ yoxdur. Allahın kəlamından başqa, hər şey xəlq
olu nub. Məxluq olmayanı məxluq olanla nə cür çəkmək,
nə cür ölçmək, nə cür qiymətləndirmək olar?!
Hanı elə bir ərazi,
Haqq sövdəyə dükan olsun?
Hanı elə bir tərəzi,
Haqq çəkiyə imkan olsun?
Yeri gəlmişkən, kitab mağazalarında, köşklərdə Allahın
Kitabının digər kitablarla bir sırada satışa qoyulması acı
təəssüf doğurur. Pulla satılması bir dərd, alınmayıb aylarla,
illərlə alıcısını gözləməsi başqa dərddir. Düşünürük ki,
Qurani-Kərim tələbata uyğun miqdarda nəşr edilməli və
təmənnasız olaraq yayılmalıdır. Allah Öz rizası üçün bu
nəcib işi görənlərin dünyada ruzisini, Axirətdə mükafatını
əskik etməz.
Quran ərşdən enən ənam,
Yer süfrədi, Quran təam.
Demirəm ki, satmaq haram,
Amma ədəb-ərkan olsun.
Haqq satışı çoxmu asan?
Heç gördünmü satlıq ehsan?
Haqqı yerdə satan insan
Qorxmursanmı təkan olsun?
Quranın öyrədilməsi məsələsində maddi baxımdan düz-
gün yanaşma olmalıdır. İstənilən halda, öyrədənlə öyrə nən
265
arasında heç bir sövdələşmə getməməli, eyni zamanda
öyrədənin zəhməti qiymətləndirilməlidir. Əgər müəllimin
başqa yerdən zəruri tələbatlarını ödəyə biləcək gəliri varsa,
öyrətdiyinin mükafatını Allahdan umması, əgər belə bir
gəliri yoxdursa, özünü təmamən bu işə həsr edə bilmə yin-
dən ötrü öyrənənin yaxınlarının, yaxud digər imkanlı və ya
səlahiyyətli şəxslərin bu təlimi Allaha xatir təşkil və təmin
etməsi nə gözəldir. Bu zaman Quran təlimi üçün ödənilən
zəhmət haqqının Quranın bircə hərfinə belə adekvat olma-
dığı da unudulmamalıdır.
Haqq əməllə buluşanlar,
Haqq əməldə çalışanlar,
Haqq əmələ alışanlar
Görüm cənnətməkan olsun!
İbrət
Şeyx ibn Əbu Zeyd Keyravani oğlunun mürəbbisinə
oğluna Qurandan iki hizb öyrətdiyi zaman yüz qızıl ver-
mişdi. Mürəbbi o qızılları alınca: “Bu çoxdur”, – dedi, Şeyx
həzrətləri bu sözləri eşidincə: “Bu adam dünyalıq şeyləri
çox və böyük görür. Dünyaya təzim edir” – deyərək oğlunu
onun yanından aldı.
Quranı öyrənən İslamı öyrənmiş olur. Əslində din
Qurandan ibarətdir. Çünki nə ona zidd ola, nə də ondan
kənara çıxa bilər. O elə bir Kitabdır ki, hər bir müsəlmanın
daim masasının üstündə, qəlbinin isə içində olmalıdır. Yəni
şəriət də, təriqət də, həqiqət də onda cəmdir. Quran hər iki
dünyanın Kitabıdır. Ondan dirilər də, ölülər də fayda lan-
maqdadır.
Adam gördüm, daşa dəyməz,
Başında yellər dolanır.
Daş da gördüm, küləkdöyməz,
Başına ellər dolanır.
266
Ömür var ki, keçər hədər,
Yox qədri bir gecə qədər.
Gecə var ki, əsrə dəyər,
Başına illər dolanır.
Dünya gördüm, bir Leyladı,
Bir kitablıq boş xülyadı.
Kitab gördüm, Haqq dünyadı,
Başına dillər dolanır.
İbrət
Bişr Hafi həzrətləri qəbiristandan keçirdi. O sırada
məzardakıların bir şey paylaşdıqları ona göstərildi. Yal vardı:
“Ya Rəbbi, bunların nə etdiklərini mənə bildir”. Nida gəldi
ki: “Get, özlərindən sor”.
Gedib sordu. Cavab verdilər ki: “Bir həftə öncə bir mü-
səlman bizə üç “İxlas”, bir “Fatihə” göndərdi. O gündən
bəri onun savabını paylaşmağa çalışırıq, hələ bitirə bilmə-
mişik”.
Bir hədisdə buyuruldu: “Ümmətimin savabları mənə
göstərildi. Onların içində məsciddən atılan çöp belə vardı.
Quran oxumaqdan daha xeyirlisini görmədim. Ayrıca, üm
mətimin günahları mənə göstərildi. Onlar arasında özünə
əzbərləmə nəsib edilən bir surəni unutmaqdan daha böyü
yünü görmədim”.
Bəşər məhşərdə bölünər,
Bölüklər başdan bəllənər.
Baş var ki, küllər ələnər,
Baş da var, güllər dolanar.
Quran və ədəb ayrılmaz anlayışlardır. Zamanından və
məkanından asılı olmayaraq, bütün hallarda Quran ədəbi,
Quran əxlaqı gözlənilməlidir. Evdə, yaxud eşikdə, işdə,
ya xud istirahətdə, toyda, yaxud vayda ol, çılpaq, yaxud pal-
267
tarlı ol, durum dəyişməz. Allahın Kitabı zamana və məkana
görə yox, zaman və məkan Allahın Kitabına görə qiymət-
lən di rilməlidir. Çünki Quran məxluq deyil və məxluq olan
hər şeyin, o cümlədən zamanın və məkanın fövqündədir.
Hər kim dövran əhlidisə,
Kitabını tez bağlar o.
Hər kim Quran əhlidisə,
Zamanını qabaqlar o.
Dünya kimin qalasıdı,
Qələbədən qalasıdı.
Dünya kimin tarlasıdı,
Haqq məhsulu bol saxlar o.
İbrət
Bir gün Quran hafizlərindən biri İmam Rabbaninin əy-
ləşdiyi kürsüdən daha alçaq olan bir kürsünü çəkib üzə-
rində oturdu və Quran oxumağa başladı. İmam həzrətləri
bu durumun fərqinə varıb, dərhal kürsüsündən durdu və
yerdə oturdu. Heç zaman Qurani-Kərim oxuyan hafizdən
yüksəkdə oturmağı özünə rəva bilməzdi.
Kim Quranın şövqündədi,
Rəbbi onun zövqündədi.
Quran kimin fövqündədi?
Çox zirvələr ayaqlar o.
İbrət
Bir gün İmam Rabbani həzrətləri oturub qəlbinə axan
mərifətləri yazırdı. Bövl sıxışdırması səbəbiylə qalxıb tələsik
təharətxanaya getdi. Amma girdiyi ilə çıxması bir oldu. Su
istəyib, sol əlinin baş barmağını yuyaraq ovxaladı və yeni-
dən təharətxanaya girdi. Bir müddət sonra çıxanda tələbə-
lərinin heyrətini sezib buyurdu: “İçəridə gözüm dırna ğıma
Dostları ilə paylaş: |