185
ANKARADAN BAKIYA QAYIDARKƏN HEYDƏR ƏLİYEV ADINA BEYNƏLXALQ HAVA
LİMANINDA JURNALİSTLƏRƏ VERDİYİ MÜSAHİBƏ
15 aprel 2004-cü il
S u a l: Cənab Prezident, səfərinizin nəticəsindən razısınızmı?
C a v a b: Mənim Türkiyə səfərim çox uğurlu olmuşdur, çox razıyam. Mənə göstərilən diqqətə,
qonaqpərvərliyə görə çox məmnunam. Çox səmərəli danışıqlar aparılmışdır. Bütün görüşlər çox uğurlu
olmuşdur. Aramızdakı məsələlər ətraflı, hərtərəfli müzakirə edildi. Bir daha əmin olduq ki, Türkiyə–Azərbaycan
münasibətləri çox uğurla inkişaf edir.
Bu siyasət, Azərbaycan və Türkiyə tərəfindən bu günə qədər aparılan
siyasət öz təsdiqini bir daha tapdı. Əminik ki, münasibətlərimiz bundan sonra da çox uğurla davam edəcəkdir.
S u a l: Cənab Prezident, Sizin səfəriniz ərəfəsində çox aktual məsələlərdən biri, Türkiyə ilə
Ermənistan arasındakı sərhədlərin açılması məsələsi mətbuatda daha çox qabardılırdı. Bu məsələ
Türkiyə rəsmiləri ilə müzakirə olundumu?
C a v a b: Düz deyirsiniz ki, mətbuatda bu məsələyə çox böyük diqqət verilmişdir. İctimai rəydə müəyyən
fikirlər dolaşırdı.
Amma deyə bilərəm ki, bu məsələ müzakirə mövzusu olmadı. Buna ehtiyac da yoxdur. Çünki
belə məsələ gündəlikdə durmur. Ona görə də bunu müzakirə etməyə ehtiyac da yoxdur. Ermənistan–
Azərbaycan, Dağlıq Qarabağ münaqişəsi məsələsində Türkiyə öz mövqeyini bir daha təsdiqlədi. Bu, ədalətli
mövqedir. Türkiyə bir daha göstərdi ki, həmişə olduğu kimi, daim Azərbaycanın yanındadır. Bu məsələdə də,
bütün başqa məsələlərdə də.
S u a l: Cənab Prezident, Siz Türkiyədə olanda belə bir fikir demisiniz ki, Azərbaycan Şimali Kipr
Türk Cümhuriyyətinin mövqeyini dəstəkləyir. Bu nə dərəcədə realdır və Azərbaycan hansı addımı ata
bilər?
C a v a b: Bilirsiniz, bunlar ehtimallardır. Hər şey keçiriləcək referendumun nəticələrindən asılı olacaqdır.
Hələ məlum deyil ki, Şimali Kiprdə və Cənubi Kiprdə keçiriləcək referendumların nəticələri necə olacaqdır. Hər
şey bu nəticələrdən asılı olacaqdır. Əgər Cənubi Kiprdə buna yox deyərlərsə, o zaman yeni bir vəziyyət
yaranacaqdır. Əlbəttə, o zaman beynəlxalq ictimaiyyət öz siyasətində müəyyən düzəlişlər etməli olacaqdır. Mən
qeyd etdim ki, əgər hər hansı bir irəliləyiş olarsa, Azərbaycan bu məsələdə ön sıralarda olacaqdır və öz
mövqeyini ortaya qoyacaqdır. Biz çox istəyirik ki, bu məsələ öz həllini tapsın. Əlbəttə, bizim üçün ən önəmlisi –
mən bunu bu gün Türkiyənin mətbuat nümayəndələri ilə görüşdə də dedim – Şimali
Kiprdə yaşayan
qardaşlarımızın təhlükəsizliyidir, yəni onlar təhlükəsizlik şəraitində yaşasınlar.
S u a l: Cənab Prezident, bildiyiniz kimi, Ermənistanda siyasi vəziyyət gərgindir. Əgər Ermənistan
müxalifəti Robert Köçəryanın istefasına nail olarsa və hakimiyyətə gələrsə, bu, Ermənistan–Azərbaycan,
Dağlıq Qarabağ münaqişəsinin həllinə nə dərəcədə təsir edəcəkdir?
C a v a b: Mən bu barədə bir şey demək istəmirəm. Biz Ermənistanın daxili işlərinə qarışmırıq. Bizim
işimiz, bizim məsələmiz Ermənistanın işğalçı siyasətini aparan qüvvələrlədir. Ermənistanın
daxili işinə
qarışmaq niyyətində deyilik. Orada gedən proseslər bizi maraqlandırmır.
S u a l: Cənab Prezident, ATƏT-in Minsk qrupunun Amerikadan olan həmsədri dəyişdirilibdir. İndi
həmsədr Stiven Mən təyin olunmuşdur. Sizcə, bunun müsbət təsiri olacaqmı?
C a v a b: Mən bunu məhz belə qiymətləndirirəm. Bu məlumat mənə çatdırılanda belə bir izahat da verildi
ki, Stiven Mən çox təcrübəli diplomatdır. Bölgədə gedən proseslərlə yaxından tanışdır. Biz də onu çoxdan
tanıyırıq. Bilirsiniz ki, Xəzər dənizinin statusu məsələsində və Bakı–Tbilisi–Ceyhan kəməri məsələsində və
digər məsələlərdə onun fəaliyyəti çox müsbətdir.
Ona görə hesab edirəm, bu onu göstərir ki, Amerika bu
məsələdə daha da fəal mövqe tutacaqdır. Hesab edirəm, Stiven Mənin keçmiş fəaliyyəti də ona imkan verəcək
ki, məsələnin həllində ədalətli mövqe üstünlük qazansın.
S u a l: Cənab Prezident, hesab etmək olarmı ki, bu qərar Riçard Armitacın Bakıya səfərindən sonra,
Sizinlə olan söhbətin nəticəsində qəbul olunmuşdur?
C a v a b: Mən bunda heç bir bağlılıq görmürəm. Hesab edirəm ki, bu məsələ artıq müəyyən müddət bundan
əvvəl qərarlaşdırılmışdı. Sadəcə olaraq, bu indi bəyan edilir.
S u a l: Cənab Prezident, Sizin Baş nazir Rəcəb Tayyib Ərdoğanla görüşünüzün nəticələri
açıqlanmadı. İqtisadi əməkdaşlığın qüvvətləndirilməsi ilə bağlı sənəd imzalandı. Bu əməkdaşlıq hansı
istiqaməti nəzərdə tutur?
Sizin gələcək, növbəti əvf fərmanınızda 15-16 oktyabr hadisələrini törədən şəxslərin də adını görmək
olacaqmı? Siz artıq günahları olan, hadisələr törədən çox şəxsləri əfv etmisiniz.
C a v a b: Türkiyənin Baş naziri Rəcəb Tayyib Ərdoğanla söhbətimiz çox açıq, səmimi idi.
Bütün məsələlər
müzakirə olundu. Əlbəttə, bir daha bizim niyyətimiz ifadə olundu ki, iqtisadi əlaqələr güclənsin. Bu gün bizim