Məhəmməd Hadi və mətbuat
217
mümkünsüz olduğunu dərk edəndən sonra o başa düşdü ki, “bütün
cismlər, üzvlər, maddələr münheysəzzahir müvəqqəti yaşayır.
Hərçənd ki, kainatda heç bir mövcud qabili-ədəm deyildir... Nə
qədər ki, cism mövcuddur, əziyyətdən xilas mümkünsüzdür”(211,
N 101). Suddharthın uzun axtarış və götür-qoyları onda belə bir
əqidənin yaranmasına səbəb olur ki, “bəşəriyyətin səadət və
rifahını nəfsin pis, yaramaz arzularından imtina etməkdə,
bunlardan azad olmaqda axtarmaq lazımıdr”(11, 227).
Bir tədqiqatda yazılan: “Ümumiyyətlə Buddanın təliminə
görə həyat iztirabdır... Yaşamaq cəhdindən, həzz, hakimiyyət və
əbədi həyat arzularından törəyən bu iztirablardan xilas olmağın
yeganə yolu həddi-hüdudu olamyan bu cəhdlər və arzularadan
imtina etmək, fani dünyadan əl üzməkdir”(401, 51) fikrinin əksinə
olaraq, bu dinin təməlində dörd həqiqət durur ki, bunların hər biri
bəşəriyyətin ümumi mənafeyinə xidmət edir və bunların da ən
başlıcası məhəbbət və hürriyyətdir. M. Hadinin fikrincə,
“məhəbbət məzaya və fəzailin anasıdır. Şu insan ki, öz arizuyi-
şəhvətpərəstanə və mənafeyi-zatiyyəsini məhəbbəti-ümumiyyəyə
fəda edir, şübhəsizdir ki, cəhalət və tərbiyəsizlik zatiyyəsini qırıb
hürr və sərbəst olur. Bu məhəbbət vasitəsilə özünü həm əzabi-
vicdaniyyədən və həm də ölülükdən xilas etmiş olur”(211, N
102).
Müəllif Buddizim dininin mahiyyəti barədə məlumat
verərkən bildirir ki, bu dinə, Buddanın təliminə görə qarşıya
qoyulan vəzifəni icra etmək on maddəyə bağlıdır ki, bunlar da
aşağıdakılardan ibarətdir: kimsəni qətl etmə, insan həyatını
söndürmə, oğurluq etmə, təmizliyiə diqqət et, sədaqətli ol,
ümumi asyiĢi pozan əməllərdən çəkin, and içmə, yaxĢı sözlər
danıĢ, əks surətdə dilini saxla, tamahkar olma və baĢqalarının
xoĢbəxtliyini gördükcə Ģad ol, qəlbini pislikdən saxla, kimsəyə
ədavət bəsləmə və düĢməninə belə mərhəmət göstər, məsləksiz
olma və həqiqəti arayıb tapmağa səy et.
Göründüyü kimi, bu on şərtin hər biri bəşər tarixinin bütün dövr-
ləri üçün gərəkli və heç zaman köhnəlməyən şərtlərdir ki, məhz
İslam Qəribli
218
bunlar bu təlimin intişarına, Suddharthın ətrafına çoxlu müridlərin
toplaşmasına və bir din olaraq günümüzə qədər yaşamasına səbəb
olmuşdur.
Doxsan illik ömrünün “iyirmi sənəsı müstəsna olduğu
təqdirdə” yetmiş il həqiqət axtarıcılığı yolunda keçən və bütün
yaranmışlar kimi labüd ölümə məhkum olan Budda bu fani
dünyadan əbədiyyətə köçərkən şagirdlərinə belə bir vəsiyyət edir:
“Sevgili övladlarım! Necə ki, sizə tövsiyə etmişdim, elə də
yaşayın. Tövsiyələrimi xətti-hərəkət ittixaz edib o dairədə dolanın.
Dami- ovhamdan özünüzü xilas etməyə çalışınız. Bilin ki, bütün
cismlər məhkumi-fənadır, fəqət həqiqət fani deyil, baqi və müəbbəddir.
Hürriyyətinizi həqiqətdə arasanız, taparsınız”(211, 102).
Yuxardakı qeydlərimizdən aydınlaşdığı kimi, M. Hadi
Buddanın yaşam tərzinə və yaradıcısı olduğu dinin şərhinə
təsadüfən müraciət etməmiş, buddizmdə insan və bəşər taleyi
üçün gərəkli məqamlar gördüyündən Budda və onun təlimi ilə
Azərbaycan oxucusunu tanış etmişdir.
“Ah, kimsəsiz vətən!” şeirinin əvəlinə bir növ müqəddimə
kimi verilmiş “Şamaxıdan” adlı yazıda(215, N 161) M. Hadi
tarixən abad olan Şamaxının indi fəna bir vəziyyətdə olmasından
ürək ağrısı ilə söz açır. Yazının əvvəlində müəllif qeyd edir ki,
“Şamaxıya daxil olduğum gündən bəri özümü şəhər deyil, adətən
bir məzarstanda hiss eləyirəm. Fikrim hərəkətdən, hissim
fəaliyyətdən, təbim qüdrətdən, əlahasil, bütün məlakəti-
mənəviyyəm ifayi-vəzifədən qalmışıdr”(215, N 161). Buna səbəb
isə, müəllifin “dirilər qəbiristanı”,- deyə təsvir etdiyi şəhərin
büsbütün inkişafından, tərəqqidən ayrı düşməsi, şəhər evlərinin
zəlzələdən xarabaya çevrildiyi kimi, əhalinin də qəlblərinin
“zəlzəliyi-xanimansuzi-cəhalətədən xarab və bərbad” olması
olmuşdur. “Asari-mədəniyyətin naqili-yeganəsi olan dəmir
yolu”nun, elektrikin yoxluğu, ədəbi, mədəni mühitdəki süstlük
şəhərdə çox acınacaqlı vəziyyət yaratmış, “Yədi-qüdrətin
insanlara ehsan etdiyi nuri-əql və idrakları sayiqeyi-cəhl və
Məhəmməd Hadi və mətbuat
219
qəflətlə elə paslanmışdır ki, o ayineyi-səadətnüma istiqbalı
göstərmək istedadından məhrum qalmışdır”(215, N 161). Bu
müqəddimədən sonra gələn “Ah, kimsəsiz vətən!” şeirində isə
Şamaxını əvvəlki dəbdəbəsindən salan bir çox başqa xüsusiyyətlər
də göstərilmişdir ki, şairin poetik əsərlərini təhlil edərkən bunlara
münasibət bldirdiyimizdən, burada əlavə şərhə lüzum görmədik.
M. Hadi pulisistikasının ən dəyərli nümunələrindən biri
“Həyati-səfilə, yaxud bəxtsiz bir ailə” məqalə-hekayəsidir(220, N
175,177,179,180). XX əsrin əvvəllərində, dünyanın biri digərini
əvəz edən təlatümlü hadisələr burulğanında çalxalandığı bir
zamanda əsrarəngiz, tarixi nağıllara bələnmiş Şərqin Azərbaycan
adlanan məməkətində insan haqlarının tapdanmasının gündəlik
həyat normasına çevrildiyni vətəndaş qeyrəti ilə qələmə alıb
mətbuat səhifələrinə çıxaran, ictimaiyyəti bu cür tükürpərdici
hadisələrdən ibrət dərsi almağa çağıran M. Hadi bir ailənin
timsalında Azərbaycan mühitinə xas olan ümumi bir bəlanı şərh
və bu bəlanın köklərini açıb göstərməyə cəhd etmişdir.
Sadə, anlaşıqlı bir dilə, çox aydın sintaksisə malik olan və
şəxsi təəssürat əsasında yazılmış bu əsərin əvvəlində müəllif qeyd
edir ki, Əbdüləli adlı bir dostu vacib bir işdən ötrü onunla
görüşmək istəmiş və görüş baş tutandan sonra o, yəni Əbdüləli M.
Hadini “islam övrətlərinin bəxti kimi qara, çəkdikləri cövri-cəfa
qədər tükənməz” olan bir əhvalatla tanış etmiş və bu xüsusda
qəzetdə işlədiyi üçün ondan kömək diləmişdir. Bu əhvalat,
müəllifin dili ilə desək “hekayeyi-dilsuz kimsəsiz, sahibsiz, yersiz,
nəfəqəsiz, ac, möhtac, qərib, kəndlər, şəhərlər avarəsi olan
bədbəxt bir müsəlman övrətinin hekayəsindən ibarətdir”(220, N
175). Dostunun məlumatından anlaşılır ki, özündən başqa səkkiz
nəfər də köməyi olmayan ailə üzvləri ilə “hekayəti-səfilə ilə
mübarizə edən” bir qadın vətənindən didərgin düşərək Bakıya
gəlməyə məcbur olumuşdur.
Dostuna verdiyi: - Bunlar nə vaxdan Bakıya gəlmişlər,
məqsədləri nədir, bunların bu hali-bədbəxtanəsinə səbəb
Dostları ilə paylaş: |