Filologiya məsələləri, № 7, 2017
324
Aşıq Əli Ələsgər ocağının yetirmiş olduğu yaradıcı aşıqlardan olub.
O, Aşıq Ələsgərin qardaşı Məşədi Salahın nəvəsidir. Gənc yaşlarından aşıq
sənətinə böyük maraq göstərən Əli uzun müddət Aşıq Talıbın və Aşıq
Nəcəfin yanında şəirdlik etmiş, bu sənətin sirlərinə dərindən mənimsəmiş və
el arasında kamil bir aşıq kimi tanınmışdır. Aşıq Əli gənc yaşlarından şeir
yazmağa başlamışdır. Qeyd edək ki, ustad aşığın şeir yaradıcılığı olduqca
rəngarəngdir. O aşıq şeirinin qoşma, gəraylı, təcnis və divani kimi janırlarına
müraciət edərək, bir- birindən məzmunlu poetik nümunələr yaratmağa
müvəffəq olmuşdur. Biz aşığın şeirlərini nəzərdən keçirərkən, onun da digər
aşıqlar kimi arxaik janrlardan yetərincə istifadə etdiyinin şahidi oluruq.
Söylədiklərimizə nümunə olaraq, aşığın “Sənsiz yaman darıxdım” adlı
qoşmasında oxuyuruq;
Üç ay on gün keçdi görüşümüzdən,
Sənsizlədim, sənsiz yaman darıxdım.
Müştərisiz qalan dəyirman kimi,
Dənsizlədim, sənsiz yaman darıxdım.
Sirlər agahdı qadir- sübhana,
And içirəm haqqa, dinə, ərkana.
Bu aləmdə dönüb şeyx Sənana,
Dinsizlədim, sənsiz yaman darıxdım. [2, 262].
Yuxarıda qeyd olunan qoşmadan verilən nümunədə bizə aydın olur
ki, son görüşlərindən keçən üç aydan artıq bir müddətdə sevgilisi üçün
darıxan və onun həsrətini çəkən bir aşiqin keçirdiyi həsrət dolu yaşantıları öz
əksini tapıb. Özünün söylədiyi kimi “Sirlər agahdır qadir- sübhana” yəni,
onun sevgilisinə olan sonsuz məhəbbətindən Allahın da xəbəri var. Lakin o
bu sevgisi yolunda Şeyx Sənan kimi lazım gələrsə, dinindən belə dönməyə
hazırdır. Tarixən insanlar müqəddəs bildikləri varlıqlara inanıb and içmişlər.
Bu cür andlarda nəzərdə tutulmuş müəyyən bir işi, məsələni yerinə yetirmək
qətiyyəti hökm kimi söylənir. Məhz bu səbəbdəndir ki, lirik qəhrəman öz
sevgilisinə qarşı ürəyində bəslədiyi sonsuz məhəbbətini ona inandırmaq üçün
haqqa, dinə və ərkana and içir.
Azərbaycan xalqının mifoloji düşüncəsində özünə möhkəm yer
tutmuş andlar ağız ədəbiyyatımızın ilkin arxaik janrları sırasındadır. Söz yox
ki, arxaik janrların folklorşünaslığımızda az tədqiq olunması bu mövzunu
aktual olaraq, diqqət mərkəzində saxlayır. Qədim çağ insanının ilkin inam və
etiqadına söykənən andlar bu gün də insanlar arasında yaşamaqdadır. Uzaq
keçmişimizdən yol alaraq, günümüzə qədər gəkib çıxan andların hər birinin
arxasında xalqımızın müəyyən tarixi inkişaf mərhələsindəki mifoloji görüşləri,
Filologiya məsələləri, № 7, 2017
325
həyat tərzi və məişəti dayanır. Aparılan tarixi müşahidələr sübut edir ki,
söylənmiş hər hansı fikirdəki mahiyyətin yalan yox, doğru olması andiçmə ilə
təsdiqlənmişdir. Bu səbəbdən də tarixən andiçməyə ciddi yanaşılmışdır.-
Göründüyü kimi, bu məqalədə andlar Göyçə aşıq şeiri istiqamətində ilk dəfə
olaraq elmi araşdırmaya cəlb edilmişdir. Beləliklə, andların arxaik janr kimi
Göyçə aşıq poeziyasında işlənmə miqyası uğurlu tədqiqat nəticəsində
müəyyənləşdirilmişdir.
Ədəbiyyat
1. Aşıq Ələsgər. Əsərləri. Bakı, “Şərq- Qərb” nəşriyyatı, 2004, 400 səh.
2. Ələsgər ocağı. Şeirlər. Bakı,Yazıçı nəşriyytı,1991, 294 səh.
3. Əfəndiyev Paşa. Azərbaycan şifahi xalq ədəbiyyatı. Ali məktəb üçün
dərslik. Bakı,”Elm və təhsil” nəşriyyatı, 2012, 600 səh.
4. Göyçəli Aşıq Nəcəf. Bakı, “Səda” nəşriyyatı, 2000, səh.202.
5. İsmayılov Hüseyn. Göyçə aşıqları və el şairləri, I cild, Bakı, “Səda”
nəşriyyatı, 2006, 492 səh.
6. Qurbanov Nail. Azərbaycan folklorunda mifoloji- kosmoqonik görüşlər.
Bakı,”AFpoliQRAF” mətbəəsi, 2011, 143 səh.
7. Seyidov Mirəli. Azərbaycan mifik təfəkkürünün qaynaqları. Bakı,
“Yazıçı” nəşriyyatı, 1983, 326 səh.
8. Nəbiyev Azad. Azərbaycan xalq ədəbiyyatı I cild, Bakı, “Çıraq”
nəşriyyatı, 2009, 609 səh.
Искендеров Балакиши
Отражение архаических жанров в ашугской поэзии Гёйча
Резюме
Клятвы, занимающие прочное место в мифологическом сознании
азербайджанского народа, входят в начальный архаический жанр
устной литературы. Безусловно, малоизученность архаического жанра в
нашей фольклористике делает её актуальной, притягивает к себе
внимание. Клятвы, опирающиеся на первичную веру и убежденность
человека древности, и сегодня живут среди людей. С каждой клятвой,
которая дошла до нас из глубокого прошлого, стоят мифологические
воззрения определенного исторического развития, образ жизни и быта.
Проведенные исторические наблюдения доказывают, что клятвы
подтверждали, что сущность высказанной мысли является правдой, в
не ложью. С этой точки зрения к клятвам всегда относились серьёзно.
Filologiya məsələləri, № 7, 2017
326
Как видно, в этой статье впервые в области ашугской поэзии Гёйча к
научному исследованию привлекаются клятвы.
Таким образом, в результате успешных исследований определены
масштабы употребления клятв как архаического жанра в ашугской
поэзии.
Isgandarov Balakishi
Reflection of Archaic Genres in Goycha Ashug Poetry
Summary
Oaths have significant place in Azerbaijani people’s mythological
thinking and they are one of archaic genres of our oral literature.
Undoubtedly, lack of research of archaic genres in our folklore studies keeps
the subject in the spotlight as an actual theme. Oaths which derive from
initial beliefs and faiths of humans of ancient times are used even today. On
the basis of every oath which came to us from the distant past there are
mythological views, lifestyle and welfare during the certain stage of
historical development of our nation. Historical observations prove that an
expressed word was affirmed by swearing in order to show if it was true or
not. Therefore, historically, oaths were taken seriously. As it seems, in the
article oaths are involved in research as Goycha ashug poems for the first
time. Thus, usage scale of oaths as archaic genre in Goycha ashug poetry is
clarified in the result of successful research.
Rəyçi: Aslan Bayramov
filologiya üzrə elmlər doktoru, professor
Dostları ilə paylaş: |