Microsoft Word Esref Veyselli Qarsima siz cixin cap docx
Yüklə 1,96 Mb. Pdf görüntüsü
|
- Bu səhifədəki naviqasiya:
- 2011 48 DÜNƏN-BU GÜN
- UÇUNDUM GÖYLƏR TƏRƏFƏ
- UTANIR
46 Sazçıya pul ver, sənə çalsın sazı, Şövq ilə dolsun sinə, çalsın sazı. İstəsən lap tərsinə çalsın sazı, Ortada dövran eləyən puldu, pul, Şəst ilə cövlan eləyən puldu, pul.
Pullu kəsin axsaq atı yorğadı, Pulsuz adam qartal ola, qarğadı. Zülfü yoluq, gözləri kor arvadı Gözləri ceyran eləyən puldu, pul, Aləmi heyran eləyən, puldu, pul.
Bir avaranın avara şeirini, Taleyi kəm, bəxti qara şeirini, Mənası yox, cızmaqara şeirini Dillərdə dastan eləyən puldu, pul. Səhranı bostan eləyən puldu, pul.
Cəhd elə çoxlu pulun olsun, bala, Öz cığırın, öz yolun olsun, bala. Yoxsul olanlar qulun olsun, bala, İnsanı insan eləyən puldu, pul. İnsanı şeytan eləyən puldu, pul.
***
1997
47 LÖYÜN-LÖYÜN BANKLAR
Bürüyüb məmləkəti Qəribə pul azarı. Bank- pulların yuvası, Bank-pulların bazarı.
Hər ölkənin, dövlətin Əlvan əskinazları. Çoxaldıqca bu banklar Ciblərdə pul azalır.
Bu “Muğan” dır, Bu “Ata” , Bu “Kapital”, Bu “Milli”, Bu “Xalq” bankın qapısı Xalq üzünə qıfıllı.. Baxırsansa hara-bank - “Bank of Baku”, “Para bank”. Yolum üstə dayanıb Neçə Hacı Qara bank.. Löyün-löyün adları, İyirmi birinci əsrin Məşədi İbadları...
*** 2011
48 DÜNƏN-BU GÜN Gözəl idi, göyçək idi dünənəcən, Bir ətirli çiçək idi dünənəcən. Deyilənlər gerçək idi dünənəcən, Bir az Ayağı sürşək idi dünənəcən...
Bu gün isə hacıdır, Mələklərə bacıdır.
*** 2008
Hərə bir dayı axtarır, Hərə bir əmi gözləyir. Bu qoca nəyi axtarır, Bu uşaq kimi gözləyir?
Baxır ulduza, axtarır, Düşür dənizə, axtarır. Hər kəs nəyisə axtarır, Nə isə hamı gözləyir.
Son ümid-son mənzilində Həsrət göyərib dilində. Qocalığın sahilində Ömrümüz gəmi axtarır.
***
49 UÇUNDUM GÖYLƏR TƏRƏFƏ Məni yorğun ayaqlarım Çıxarmadı bir tərəfə. Nalə çəkdim, qan ağladım- Xəbər düşdü hər tərəfə.
Ürəyim arzu bəslədi, Seçib, sevib əzizlədi. Allahım xeyrə səslədi, Şeytan çəkdi şər tərəfə.
Buludları ətəklədim, Ümidləri yedəklədim. Zülmətləri kötəklədim, Uçundum göylər tərəfə.
*** 2014
Göyün ulduzları köksünə axar, Yanıb qızaranda yaşayardı o. Söndümü, Döyüşdən təzəcə çıxan Bir top lüləsinə oxşayardı o.
Elə ki gözünə anam su çilər, Onun dövrəsində əli gəzinər- Üstü yumurtalı çörəkləriylə Dönərdi kəhrəba xəzinəsinə.
50 Bayram eləyərdik o yanan günü, Aclıq qorxuları odda bişərdi. Bəlkə də yadına bir döyüşçünün Qızıl zəmilərin ətri düşərdi.
Təndir-gözdə işıq, qolda tutardı 41-dən 45 -ə az yanardı o. Çox zaman bizimlə birgə yatardı, Anam oyadanda oyanardı o.
Yaxın həmdəm idi, dost idi bizə, Bir az da işsizlik yormuşdu onu. Torpağa-yaşayış vərəqəmizə Anam möhür kimi vurmuşdu onu.
Döyər qapımızı min yol ehtiyac, Aclıq dönə-dönə yoxlardı bizi. Təndir bir qarnı tox, bir qarnı da ac Qızara-qızara saxlardı bizi.
Odda ütə-ütə kirpiklərini Dünyanın qeydinə qalardı anam. Elə bil Vətənin beş əsgərini Əjdaha ağzından alardı anam.
Xırda kişilərdik o zaman biz də, Sevinci anlayar, dərdi duyardıq. Qılçıq da görəndə yolda, ya rizdə Öpüb gözümüzün üstə qoyardıq...
O vaxt fikirliydi bu göy də, yer də, O vaxt fikirliydi bu qaya, bu daş. Dünyanın gərdişi, heç kəsi bir də Çörəklə çəkməsin imtahana kaş!
***
51 UTANIR Budanıbdır insanlığın ağacı, Sındırılmış budağından utanır. Dünənlərdə itib qalıb dünəni, Bu günündən, sabahından utanır.
Bu ağacın yarpaqları incədir, Bu yamacın çiçəkləri qönçədir. Bu görünən dağlar ki var, külçədir Viran qalmış yatağından utanır.
Əsrimizin əsəbləri nə gərgin, Bu ağrıdan hamımıza yetər ki... Hara baxsan qaçqın, köçkün, didərgin.., Söndürülmüş ocağından utanır.
Bəlkə əyyaş dünyasıdır bu dünya, “Ürəyi daş” dünyasıdır bu dünya. “Papaq al-qaç” dünyasıdır bu dünya, Qaçırdılmış papağından utanır?...
Haqq yoludur Kəbəmizin yolları, Haqlılar da, haqsızlar da yoldadır. Öz nəfsinin, tamahının qulları Həccə gedən günahından utanır.
Gedən gəlmir, gələn getmək istəmir, Sözqananlar söz eşitmək istəmir. Üzlü qonaq durub getmək istəmir, Ev sahibi qonağından utanır.
Yüklə 1,96 Mb. Dostları ilə paylaş:
|