Microsoft Word inzibati huquq doc
Yüklə 3,57 Mb. Pdf görüntüsü
|
390
Azərbaycan Respublikasının xarici fəaliyyəti dövlətin iqtisadi böhrandan çıxmasına, iqtisadiyyatda bazar münasibətlərinin yaradılmasına və möhkəmləndirilməsinə, demokratik dövlətin qurulmasına, dünyada müharibənin qarşısının alınmasına və bütün ölkələrin dinc yanaşı yaşamasına, özünün dövlət maraqlarının müdafiə edilməsinə köməklik edən beynəlxalq şəraitin yaradılmasına və təmin edilməsinə yönəldilmişdir. Azərbaycan Respublikasının xarici siyasətinin əsas istiqamətlərindən biri də bütün MDB dövlətləri, həm də keçmiş SSR -nin digər Respublikaları ilə siyasi, iqtisadi, mədəni və s. kimi sıx qarşılıqlı əlaqənin yaradılması və həyata keçirilməsidir. Azərbaycan Respublikası Konstitusiyasının 8-ci maddəsinin 2-ci bəndinə əsasən Azərbaycan dövlətinin başçısı-Azərbaycan Respublikasının Prezidentidir. O, ölkənin daxilində və xarici münasibətlərində Azərbaycan dövlətini təmsil edir. Azərbaycan Respublikası Konstitusiyasının 8-ci maddəsinin 3-cü bəndinə əsasən isə Azərbaycan Respublikasının Prezidenti Azərbaycan dövlətinin müstəqilliyinin, ərazi bütövlüyünün və Azərbaycan Respublikasının tərədar çıxdığı beynəlxalq müqavilələrə riayət olunmasının təmsilçisidir. Göstərilənlərə əsaslanaraq, Azərbaycan Respublikasının Prezidenti dövlətin xarici siyasətinin əsas istiqamətlərini müəyyən edir. Azərbaycan Respublikasının xarici siyasətinə rəhbərlik də həmçinin Prezidentin üzərinə qoyulmuşdur. Azərbaycan Respublikasının Prezidenti dövlət başçısı kimi həmin fəaliyyətin həyata keçirilməsində Konstitusiyamızın 109-cu maddəsinə əsaslanaraq aşağıdakı kimi vəzifələrin və funksiyaların həyata keçirilməsində və yerinə yetirilməsində Azərbaycan Respublikasını təmsil edir: ♦ beynəlxalq münasibətlərdə xarici dövlətlərin rəhbərləri ilə danışıqlar aparır və Azərbaycan Respublikasının beynəlxalq müqavilələrini imzalayır; ♦ Azərbaycan Respublikasının xarici ölkələrdə və beynəlxalq təşkilatlarda diplomatik nümayəndəliklərinin təsis edilməsi haqqında Azərbaycan Respublikası Milli Məclisinə təqdimat verir; ♦ Azərbaycan Respublikasının xarici ölkələrdə və beynəlxalq təşkilatlarda diplomatik nümayəndələrini təyin edir və geri çağırır; ♦ xarici dövlətlərin diplomatik nümayəndələrinin etimadnamə və övdətnamələrini qəbul edir; ♦ dövlətlərarası və hökumətlərarası beynəlxalq müqavilələr bağlayır, dövlətlərarası beynəlxalq müqavilələri təsdiq və ləğv olunmaq üçün Azərbaycan Respublikasının Milli Məclisinə təqdim edir; ♦ təsdiqnamələri imzalayır; ♦ Azərbaycan Respublikasının Fövqəladə və Səlahiyyətli Səfirlərinə, Fövqəladə və Səlahiyyətli diplomatik nümayəndələrinə rütbələr verir; ♦ siyasi sığınacaq verilməsi məsələlərini həll edir və s. Azərbaycan Respublikasının Prezidenti dövlətin xarici siyasətinə rəhbərliyi həyata keçirməklə, Azərbaycan dövlətinin müstəqilliyinin, hakimiyyətliliyinin və ərazi bütövlüyünün qorunması sahəsində müəyyən tədbirlər keçirir. Azərbaycan Respublikası Konstitusiyasının 119-cu maddəsinə əsasən Azərbaycan Respublikasının Nazirlər Kabineti öz səlahiyyətləri çərçivəsində bütün nazirliklərin, o cümlədən Xarici şlər Nazirliyinin fəaliyyətinə nəzarət edir və onun fəaliyyətinin təşkil edilməsinə və həyata keçirilməsinə rəhbərlik edir.
391
Azərbaycan Respublikasının Nazirlər Kabineti Konstitusiyamızın 119-cu maddəsinə əsasən Azərbaycan Respublikasının xarici siasətinin realizə olunması məqsədi ilə aşağıdakı kimi tədbirlər həyata keçirir: ♦ Azərbaycan Respublikasının xarici siyasətinin realizəsi üçün tədbirlər həyata keçirir; ♦ Azrbaycan Respublikası Nazirlər Kabinetinin nümayəndəliklərini xarici dövlətlərdə və beynəllxalq təşkilatlarda təmin edir; ♦ beynəlxalq müqavilələrin icra edilməsi məqsədi ilə tədbirlər görür; ♦ hökumətlərarası sazişlər bağlayır; ♦ xarici dövlətlərin orqan və təşkilatları ilə münasibət yaradan icra hakimiyyəti orqanlarının fəaliyyətini əlaqələndirir. Xarici işlər sahəsində idarəetmənin həyata keçirən orqanların sistemi Azərbaycan Respublikasının Xarici ş lər Nazirliyindən, (bundan sonra X N) diplomatik nümayəndəliklərdən (səfirliklər) və konsulluqlardan ibarətdir. Diplomatik nümayəndəliklərin fəaliyyətlərinin hüquqi bazasını beynəlxalq hüquq normaları, həm də onların təşkil edildikləri ölkələrlə Azərbaycan Respublikasının sazişləri təşkil edir. X N-in xaricdəki diplomatik nümayəndəlikləri onların olduqları ölkədə Azərbaycan Respublikasının nümayəndəliyi funksiyasını yerinə yetirirlər. Diplomatik nümayəndəliklərin bu funksiyasının həyata keçirilməsi aşağıdakı vəzifələrin realizə olunmasına və təmin edilməsinə yönəldilmişdir: ♦ olduğu ölkədə Azərbaycan Respublikasının vahid xarici siyasi xəttinin realizə edilməsinə və təmin edilməsinə; ♦ Azərbaycan Respublikasının siyasi, iqtisadi və digər mənafelərinin müdafiə edilməsinə; ♦ Azərbaycan Respublikasının xaricdəki idarə, təşkilat və vətəndaşlarının siyasi, iqtisadi və digər mənafelərinin müdafiə edilməsinə və s. Diplomatik nümayəndəliklər diplomatik yollarla olduqları ölkələrin siyasi, iqtisadi vəziyyətləri və həmin ölkələrdə əsas vəziyyətlər, hadisələr barədə olan məlumatlar toplayırlar və sonra onları Azərbaycan Respublikasının X N-ə göndərirlər. Diplomatik nümayəndəliklər olduqları ölkənin rəhbərləri ilə danışıqlar aparır, Azərbaycan Respublikasının digər dövlətlərlə dostluq münasibətlərinin, iqtisadi, elmi- texniki, mədəni əlaqələrin yaranmasına kömək edirlər. Diplomatik nümayəndəliklər öz funksiya və səlahiyyətlərinin realizəsi prosesində olduqları ölkədə Azərbaycan Respublikasının olan digər nümayəndəliklərinin (ticarət, elmi, iqtisadi, həmçinin də Azərbaycan Respublikasının dövlət, idarə, müəssisə və təşkilatlarının, onların nümayəndələrinin və mütəxəssis qruplarının) fəaliyyətlərinin əlaqələn-dirilməsini və işlərinə nəzarəti həyata keçirir. Göstərilən nümayəndəliklərin, nümayəndələrin və mütəxəssis qruplarının rəhbərləri öz fəaliyyətlərini diplomatik nümayəndəliyin başçısı ilə razılaşdırmalı, ona öz funksiyalarının və səlahiyyətlərinin həyata keçirilməsində köməklik göstərməli və öz fəaliyyətləri barədə ona məlumat verməlidirlər. Öz növbəsində müxtəlif nümayəndəliklər, dövlət idarələri, təşkilatları və müəssisələri, nümayəndələr, mütəxəssis qrupları və onların rəhbərləri X N-ə zəruri köməklik və müraciət edə bilərlər. Yüklə 3,57 Mb. Dostları ilə paylaş:
|