Microsoft Word jurn Kitabshunasliq ve bibilioq 1(40) 17. docx
Yüklə 16,45 Kb. Pdf görüntüsü
|
80 “Regionların sosial-iqtisadi inkişafı üzrə” Dövlət Proqramı çərçivəsində Şəki-Zaqatala İqtisadi rayonu üzrə prioritet sahələr kimi efir yağları olan bitkilərin yetişdirilməsi və emalının təşkili müəyyən edilmişdir. Lakin bunu bəyan etməklə yanaşı, biznesi təşviq edən tədbirlərin görülməsi də vacibdir. Bölgənin inkişaf proqramı kənd təsərrüfatı məhsullarının, o cümlədən taxılçılıq, tütünçülük, ipəkçilik, meyvəçilik, arıçılıq, tərəvəzçilik, gülçülük, həmçinin heyvandarlıq məhsullarının istehsalı və emalının genişləndirilməsi üçün bir sıra tədbirləri planlaşdırır. Mövcud potensiala əsasən ənənəvi sənətkarlığın inkişafı üzrə tədbirlərin həyata keçirilməsi də davam etdirilir. [5; 6; 7] Şəki-Zaqatala iqtisadi rayonunda turizmin böyük inkişaf potensialı mövcuddur. Ona görə də hazırda turizm və istirahət zonalarında müvafiq infrastrukturun yaradılması üzrə lazımi işlər yerinə yetirilir. Turizm potensialı olan rayonlarıda turizm fəaliyyətini dəstəkləmək məqsədilə yerli və xarici sərmayələrin cəlb edilməsi və təşviqi üzrə işlər aparılır. Qeyd etmək lazımdır ki, respublikamızda sahibkarlığın inkişafı məqsədilə işgüzar fəaliyyəti tənzimləyən prosedur və qaydalar liberallaşdırılmışdır. Gəlirə görə verginin məbləği 22%-dən 20%-ə, fiziki şəxslərin gəlir vergisi isə 35%-dən 30%-ə qədər azaldılmışdır. Kiçik biznesin nümayəndələri sadələşdirilmiş vergi sistemi ilə işləyirlər, vergilərin rübdə bir dəfə ödənilməsi imkanı yaradılmışdır. Elektron xidmətlərin tətbiqi genişləndirilir, biznesin “bir pəncərə” prinsipi ilə qeydiyyatı sistemi tətbiq olunmaqdadır. Biznesin onlayn qeydiyyatına başlanılmış və elektron hesab- faktura tətbiq edilmişdir. Kənd təsərrüfatının inkişafını dəstəkləmək üçün istehsalçılar 2014-cü ilə qədər torpaq vergisindən başqa, digər vergilərdən azad edilmişlər. Həyata keçirilmiş tədbirlər nəticəsində ölkənin sosial-iqtisadi inkişafında özəl sektorun xüsusi çəkisi 80%-dən yuxarı təşkil edir. Bununla belə, Şəki-Zaqatala bölgəsinin iqtisadi inkişaf potensialı tam istifadə edilmir. Lakin iqtisadi fəallığın yüksəlişi ilə əlaqədar onun inkişafının şahidi oluruq. [11, s.599] Beləliklə, Azərbaycan Respublikasının Şəki-Zaqatala İqtisadi regionunun sosial-iqtisadi və mədəni infrastrukturu ölkəmizin inkişafının ümumi fonunda özünəməxsus səmərəli inkişaf xətti ilə əlamətdardır. Azərbaycan dövlətinin ayrılmaz tərkib hissəsi, milli-mənəvi dəyərlərin qorunub-saxlanılması və inkişaf prosesində əhəmiyyətli rola malik olan, təbiəti, ekoloji-coğrafi xüsusiyyətləri etibarilə respublikamızda turizm mərkəzi kimi mühüm spesifikaya malik olan Şəki-Zaqatala iqtisadi regionunun sosial- iqtisadi və mədəni infrastrukturunun əsas göstəriciləri sırasında mədəniyyət təsisatları, xüsusilə, kitabxanalar, klublar, mədəniyyət evləri, arxivlər, muzeylər özünəməxsus yer tutur. Xüsusilə, regionun əhalisinin etnik tərkibi xalqımızın çoxəsrlik tarixinin ayrılmaz tərkib hissəsi, vahid milli Azərbaycan mədəniyyətinin formalaşması prosesinin fəal iştirakçısı, ölkəmizdə tolerant multikultural mühitin bərqərar 81 olmasının əsas subyektlərindən biri kimi xarakterizə edilir. Bu aspektdə regionda yaşayan əhalinin tarixi-milli xüsusiyyətləri, mental xarakteri, adət- ənənələri, mənəvi-əxlaqi xüsusiyyətləri etibarilə vahid informasiya məkanı mühitində informasiya tələbatının öyrənilməsi, bu tələbatın optimal ödənilməsi yollarının üzə çıxarılması, sənəd ehtiyatlarının əhalinin etnik tərkibi üzrə paylanması qanunauyğunluqlarının müəyyənləşdirilməsi milli kitabxanaşünaslıq elmi qarşısında olduqca aktual məsələ kimi dayanır. Azərbaycan Respublikasının Şəki-Zaqatala iqtisadi regionunun kitabxana-informasiya təminatı sisteminin əsaslarının müəyyənləşdirilməsi, kitabxana şəbəkələrinin işinin öyrənilməsi, mədəni-maarif müəssisələrinin region əhalisinin informasiya təminatında yerinin araşdırılması və bütün bunların ölkənin ümumi sosial-iqtisadi və mədəni durumu fonunda müqayisəli şərhinin verilməsi kitabxanaşünas mütəxəssilər qarşısında ciddi elmi-nəzəri vəzifədir. Respublikamızda regionların inkişafına ümumdövlət qayğısı nəticəsində Şəki-Zaqatala iqtisadi rayonunda sosial-iqtisadi və mədəni infrastrukturun inkişafı yeni tarixi mahiyyət kəsb etməyə başlamış, müasir cəmiyyətin qarşıya qoyduğu tələblər müstəvisində yeni mütərəqqi prioritetlər ortaya çıxmışdır. Xüsusilə, respublikamızda informasiyalaşdırılmış cəmiyyətin bərqərar olması prosesinə regionların sürətli töhvələri artmış, belə bir qabacıl prosesdə Şəki- Zaqatala iqtisadi regionunun rolu yeni mahiyyət kəsb etməyə başlamışdır. Regionun ölkədə informasiyalaşdırılmış cəmiyyət quruculuğu prosesində iştirakının spesifik cəhətləri, kitabxana-informasiya müəssisələrinin işinin təşkili, mədəni-maarif təsisatlarının fəaliyyəti, əhalinin informasiya tələbatına müvafiq səmərəli xidmətin təşkili problemlərinin öyrənilməsi geniş aktuallığı ilə qarşıda dayanmışdır. Azərbaycan Respublikasının suverenliyi, ərazi toxunulmazlığı, dövlət təhlükəsizliyi və müdafiə qabiliyyəti müstəvisində, ölkənin mühüm tərkib hissəsi, yüksək geosiyasi parçası, vahid Azərbaycan xalqını təşkil edən əhəmiyyətli multikultural ocaqlarından biri olan Şəki-Zaqatala iqtisadi regionunun sosial-iqtisadi və mədəni infrastrukturunun əsasları ölkənin ümumi sosial-iqtisadi və mədəni sisteminin əsasları fonunda spesifik mahiyyət daşıyır. Ədəbiyyat 1. “Azərbaycan Respublikası regionlarının sosial-iqtisadi inkişafı Dövlət Proqramı” (2004-2008-ci illər) // Azərbaycan.- təsdiq edilməsi.-2004.-11 fevral 2. Azərbaycanda kitabxanaların fəaliyyətinin yaxşılaşdırılması haqqında: Azərbaycan Respublikası Prezidentinin sərəncamı // Azərbaycan.-2007.-21 aprel 3. “Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı”nın təsdiq edilməsi barədə Azərbaycan Respublikası Prezidentinin sərəncamı// Respublika.-2008.-7 oktyabr. Yüklə 16,45 Kb. Dostları ilə paylaş:
|