Azərbaycan Tarixi
473
Rəhim Qazıyevi müdafiə naziri təyin etdi.
Rusiya hərbi
dairələrinə arxalanan R.Qazıyev "ağalarının" köməyi ilə hərbi
diktatura qurmağa və hakimiyyəti ələ almağa cəhd göstərirdi.
Rusiyanın hərbi naziri R.Qraçov Y.Məmmədova Azərbaycanın
rəhbərliyinin R.Qazıyevə verilməsinin vacibliyini təkidlə
bildirmişdi. Hakimiyyəti ələ almaq fikrində olduğunu
R.Qazıyev sonralar özü də bildirdi. A.Mütəllibovun
hakimiyyətə qayıtmaq cəhdi ilə bağlı mayın 8-də axşam Ali
Sovetin binasını mühasirəyə alanlar arasında, binaya girməyə
cəhd göstərən R.Qazıyevi görməsindən təəccüblənən
telejurnalistin "Bəy, Şuşanın belə ağır vəziyyətində cəbhəni
buraxıb Bakıya niyə gəlmisiz?"- sualına "Hakimiyyəti öz əlimə
almağa gəlmişəm " - cavabını verdi.
Müdafiə naziri R.Qazıyevin 1992-ci il 30
aprel tarixli
əmri ilə Şuşa və Laçındakı xalq cəbhəsi könüllülərinin hərbi
hissələri buraxıldı. Mayın 3-5-də Ağdam şəhərində Qarabağ
uğrunda döyüşən könüllü hərbi hissə komandirlərinin
müşavirəsi keçirildi. Müşavirə iştirakçıları xalqa, Ali Sovetə,
hətta rəsmən tabe olmadıqları Müdafiə Nazirliyinə müraciət
edib bildirdilər ki, özünümüdafiə hissələrinin "Hərbi birliyi" və
bu "Birliyin Hərbi Şurası" yaradılmışdır. Birliyin təşkilat,
nəzarət və təchizat işləri üzrə rəhbəri Surət Hüseynov seçildi.
Hakimiyyətə
gəlməyə çalışan AXC Prezident
seçkilərində Türkiyənin siyasi dəstəyinə arxalanırdı. AXC-nin
sədri Əbülfəz Elçibəy mayın 3-də Türkiyənin
baş naziri
Süleyman Dəmirəl tərəfindən qəbul edildi. Türkiyənin
nümayəndəsi Alparslan Turkeşin iştirakı ilə Bakının Azadlıq
meydanında türk xalqlarının ümumdünya həmrəylik günü
izdihamlı mitinqlə qeyd olundu. Bu tədbirlər AXC-nin
tərəfdarlarını artırmağa yönəldilmişdi.
Prezident seçkiləri yaxınlaşdıqca A.Mütəllibovun tərəf-
darları da fəallaşırdılar. Aprelin 25-də eks-prezident
A.Mütəllibov Şamaxıda öz tərəfdarları qarşısında çıxış edərək
Qəzənfər Rəcəbli
474
bildirmişdi ki, onu qeyri-qanuni yolla, zorla istefa verməyə
məcbur etmişlər.
Hakimiyyət uğrunda mübarizənin növbəti qurbanları
Şuşa və Laçın oldu. Mayın 7-dən 8-ə keçən gecə güclü top
atəşindən sonra erməni quldurları Şuşa şəhərinə hücuma
başladılar. Səhərə yaxın şəhər ətrafındakı əsas
döyüş mövqeləri
düşmən tərəfindən tutulmuşdu, yalnız bəzi mövqelərdə milli
qüvvələr düşmənə qarşı qəhrəmancasına vuruşurdular. Axşama
yaxın köməyə göndərilmiş helikopter isə səhvən şəhərin
müdafiəçilərinin mövqelərini atəşə tutdu, zirehli maşınlar
məhv edildi. Mayın 8-də axşam şəhərin sonuncu 30-40
müdafiəçisi də onu tərk etdi. Şuşa şəhəri ermənilər tərəfindən
tutuldu. Döyuşlərdə şəhərin 155 müdafiəçisi həlak oldu, 167
nəfər yaralandı, 20 nəfər itkin düşdü.
Şuşanın süqutu və milli hərbi hissələrin Laçını tərk
etməyə başlaması ölkədə siyasi
vəziyyəti daha da
gərginləşdirdi. Hakimiyyət uğrunda mübarizədə iştirak edən,
demək olar ki, bütün tərəflər öz silahlı qüvvələrini Bakıya
gətirmişdilər. A.Mütəllibov Bakıda yerləşmiş 295-ci rus
diviziyasına, özünün təşkil etdiyi "Qardaşlıq" təşkilatının silahlı
dəstələrinə və Hacı Əbdülün yaratdığı "Tövbə" təşkilatının
silahlı dəstələrinə arxalanırdı. R.Qazıyev özünə tabe olan hərbi
hissələri, AXC-nin digər liderləri və başqaları öz silahlı
dəstələrini döyüş mövqelərindən çıxarıb Bakıya gətirmişdilər.
Şuşada müdafiəçilərin sayı yüzlərlə hesablandığı halda,
paytaxtda müxtəlif məsləklərə qulluq edən silahlı dəstələrin
əlində 40 mindən çox avtomat və pulemyot vardı. A.Mütəllibov
tərəfdarları hələ mayın 3-dən Ali Sovetin binası qarşısında
gecə-gündüz piket keçirib eks-prezidentin yenidən vəzifəsinə
qaytarılması tələbini irəli sürürdülər. Mayın 12-də piketçilərin
bir qrupu müqavimətə rast gəlmədən Milli Şuranın iclas
salonuna soxulub şura üzvlərini silahla hədələyərək Ali Sovetin
sessiyasını çağırmağa tələb etdi. Mayın 14-də çağırılmış Ali
Sovetin sessiyası, azlıqda qalan Demblokun etirazına
Azərbaycan Tarixi
475
baxmayaraq A.Mütəllibovu vəzifəsinə qaytarmaq haqqında
qərar qəbul etdi. A.Mütəllibov elə həmin saat ölkədə fövqəladə
vəziyyət tətbiq etmək, siyasi azadlıqları məhdudlaşdırmaq
haqqında Fərman verdi. Milli Şura buraxıldı və Prezident
seçkiləri ləğv edildi.
AXC Bakıdakı silahlı qüvvələrinə arxalanaraq
hakimiyyət uğrunda qəti döyüşə girdi, xalqı A.Mütəllibovun
Konstitusiyaya zidd rejimini tanımamağa çağırdı. Bu çağırışa
müxtəlif qüvvələr qoşuldu. A. Mütəllibovun arxalandığı
Rusiyanın qoşun hissələri Naxçıvan
MR-ə ermənilərin
hücumları ilə əlaqədar Türkiyənin ciddi reaksiya verdiyi bir
vaxtda Bakıdakı hadisələrə fəal təsir göstərməkdən çəkinib,
neytral qaldılar. Mayın 15-də AXC qərargahı qarşısında mitinq
keçirildi. A.Mütəllibov AXC liderlərini danışığa çağırdı. Lakin
cavab olaraq, ondan saat 16-dək hakimiyyətdən imtina etmək
və Prezident iqamətgahını tərk etmək tələb olundu. Vaxt tamam
olduqda AXC fəalları silahlı dəstələrin və zirehli texnikanın
müşayiəti ilə Ali Sovetin binasına hücum etdilər. Ali Sovetin
binası, sonra isə Prezident sarayı ələ keçirildi. A.Mütəllibov
gizlincə Rusiyaya qaçdı. Qiyam baş tutmadı. A.Mütəllibov eks-
prezident imtiyazlarını itirdi. Eks-prezident Ayaz Mütəllibov
qiyamçı Ayaz Mütəllibova çevrildi.
Fürsətdən istifadə etməyə çalışan
müdafiə naziri
R.Qazıyev mayın 16-da Milli Şurada bütün hakimiyyətin
Müdafiə Nazirliyinə verilməsini və ölkədə "hərbi diktatura"
rejimi yaradılmasını tələb etdi. Lakin "diktator"un "Şuşa getsə,
başıma güllə çaxaram" sözləri hamının yadında idi. Şuşa
düşmənin əlində idi, R.Qazıyev isə sağ idi. Odur ki, onun
"diktator"luq iddiası baş tutmadı, tələbi rədd edildi.
Mayın 18-də Ali Sovetin sessiyasında qeyd edildi ki, Ali
Sovetin 14 may tarixli "Prezident haqqında" qərarı qanuni
deyilmiş, çünki sessiyada yetərsəs yox imiş. Bununla əlaqədar
Y.Məmmədov Ali Sovetin sədri vəzifəsindən istefa verdi. Ali
Sovetin Milli şurası "Milli Məclis" adlandırıldı və ona
Qəzənfər Rəcəbli
476
parlament səlahiyyətləri verildi. Milli Məclisin sədri "Müsavat"
partiyasının lideri İsa Qəmbər seçildi və seçkilərə qədər
Prezident vəzifəsini icra etmək də ona həvalə edildi. İyunun 7-
də keçirilən Prezident seçkilərinin nəticəsində AXC-nin sədri
Əbülfəz Elçibəy Azərbaycan Respublikasının yeni Prezidenti
seçildi.
Beləliklə, hakimiyyətdə AXC - kommunist alyansı
AXC - müsavat bloku ilə əvəz edildi.
Hakimiyyəti ələ almış qüvvələr onu saxlaya,
möhkəmləndirə və ondan xalqın xeyrinə istifadə edə bilmədilər.
Hələ paytaxtda hakimiyyət çəkişmələri getdiyi vaxt hərbi
hissələrin Laçından çıxarılmasından istifadə edən düşmənlər
hücuma keçib mayın 18-də Laçını işğal etdilər. Dağlıq Qarabağ
separatçıları ilə Ermənistan arasında birbaşa əlaqə yarandı.
Mayın 18-də Ermənistan silahlı qüvvələrinin Naxçıvan
Muxtar Respublikasında Sədərək, Künnüt, Havuş, Şada,
Biçənək, Yuxarı Buzqov və b.kəndlərinə güclü hücumlara
başladılar. Sədərəkdə qanlı döyüşlər 40 gün davam etdi. Əhali
qəhrəmanlıqla vuruşurdu. Xeyli ölən və yaralananlar vardı.
Kəndlər dağılmışdı. Naxçıvanda erməni təcavüzkarlarına qarşı
döyüşlərə Naxçıvan MR Ali Məclisinin sədri Heydər Əliyev
başçılıq edirdi. O, erməni təcavüzünün qarşısını almaq üçün
diplomatik vasitələrdən geniş istifadə etdi. Hələ martın 23-də
onun Türkiyəyə səfəri zamanı baş nazir Süleyman Dəmirəl
bütün
dünyaya bəyan etmişdi ki, Naxçıvan MR-ın statusunda
bir dəyişiklik meydana gələrsə, qüvvədə olan Batum
müqaviləsinə əsasən Türkiyə öz sözünü deyəcəkdir. Mayın 18-
də isə Türkiyə Nazirlər Kabineti Naxçıvanla bağlı geniş
bəyanatla çıxış etdi, erməni təcavüzkarlarının niyyəti dünya
ictimaiyyətinə çatdırıldı. 57 dövlət bu təcavüzü pislədi. NATO
xüsusi bəyanat verdi. Belə bir şəraitdə Rusiya öz siyasətində
dəyişiklik etməyə, geri çəkilməyə məcbur oldu. MDB
Birləşmiş Silahlı Qüvvələrinin baş komandanı marşal
Şapoşnikov demişdi ki, Türkiyənin Naxçıvana kömək etməsi
üçüncü dünya müharibəsinə gətirib çıxara bilərdi.
Nəticədə,