172
Dedi:
– Ay bala, mən elə Allahın yanına gedirəm.
Dedi:
– Allaha and verdim də.
Bı gəldi oturdu, bir iskan çay işdi. Uşax da qutarannan soora
dedi ki, əmi, kimsən? Dedi:
– Mən Məhəmməd peyqumbər əleyhsalamam, Allahnan dil-
ləşməyə gedirəm.
Dedi:
– Ya peyqumbər əleyhsalam, sənə qurban olum, mən də yetim
oğlanam. Birinin qoyunun otarıram, birinin malın, birinin quzusun.
İmkan olmuyanda da, məsələn, birinin çörəyin oğurruyuram,
birinin toyuğun oğurruyuram. İndi gör mənim yerim cəhənnəmin
hansı guşəsindədi?
Dedi:
– Yaxşı.
Nəysə, peyqumbər əleyhsalam gəldi, Allah-taalaynan dilləşdi.
İndi bu hansı niyyətə gəlmişdi, öz niyyətdərin danışdı, Allah-taala
bını nə məqsədə çağırmışdı, onları soruşannan soora gördü peyqum-
bər dayandı. Qutarannan soorasına bu durdu ki, yola düşə. Öz-özünə
fikirrəşdi ki, gətdiyim niyətdərin hamısını çatdırdım, çatdırmadım?
Gəldi bu mollaynan bu uşax düşdü yadına. Peyqumbərin yadına
indi düşürsə, peyqumbəri də yaradan Allahdı, mollanı da yaradan
Allahdı, uşağı da yaradan Allahdı. Buların nə düşündüyün də bilər
də. Dedi:
– Ya peyqumbər, niyə dayandın?
Dedi:
– Ya Allah, qadan alım, gələndə mənim qabağıma belə bir molla
çıxdı, bu sözü dedi. Bir çoban da çıxdı, bu sözü dedi. Mən onlara indi
nə deyim?
Dedi:
– Onlara deyərsən ki, Allahın başı qarışığ ıdı. Balaca iynə var
ey, o iynənin deşiyinnən iki dənə dəvə keçirirdi. Gələn səfər gələn-
də deyərəm.
173
Nəysə, peyqumbər əleyhsalam ordan aralandı, birinci bu uşax
yüyürdü bunun qabağına.
– Ağa, dedin?
Dedi:
– Dedim, bala?
Dedi:
– Nooldı?
Dedi:
– Bala, Allahın başı qarışığ idi, beş-altı günnən soora gedəjəm.
Dedi:
– Nağarırdı?
Dedi:
– O balaca iynə var e, o iynənin deşiyinnən iki dənə dəvə ke-
çirirdi, – deyəndə uşax iki dizdərin qoydu yerə, üz tutdu Allaha:
– İlahi, sənə qurban olum, səndə elə güj-qüvvə var ki, ordan
iki yox, iyirmi dəvə də keçirə bilərsən.
Burdan qayıtdı gəldi, indi molla çıxdı qabağına. Dedi:
– Nooldu?
Dedi:
– Allahın başı qarışığ idi, gələn səfər deyərəm.
Dedi:
– Nədi?
Dedi:
– Balaca iynə var ey, onun deşiyinnən iki dənə dəvə keçirirdi.
– Əşi, çıx get işi gör. Yox, bu boyda deşikdən iki dənə dəvə
keçirirdi.
Nəysə, bu da qaldı. Aradan bir müddət keçənnən soora pey-
qumbər əleyhsalam getdi Allahnan dilləşəndə, dedi:
– Dedin?
– Dedim.
– Nə dedi:
Dedi:
– Uşax belə dedi, molla belə. İndi de görüm, bunun hansının
yeri cənnətdi, hansı cəhənnəm?
174
Dedi:
– O mollanın yeri qır qazanıdı, uşağın yeri cənnətdi.
Molla bayannan mollalığ eliyir, oyannan da Allahın kəlamın
yerinə yetirmir.
Ona görə deyir,
Oxuyub hər elmi alim də olsan,
Həyatın mənasın biləsən gərək.
Əməkdə, əməldə, xeyirdə, şərdə,
Yaxşını, yamanı görəsən gərək.
Çoxları fikirdən yorğınam deyir,
Çoxları eşqidən solğınam deyir,
Çoxları xalqına vurğunam deyir,
Əməllə imtahan verəsən gərək.
Xaspolad sevinir ellər güləndə,
Xalqın güzəranın yaxşı görəndə.
Vətən uğrunda yeri gələndə
Döyüş meydanına girəsən gərək.
195. ÜÇ MƏSLƏHƏT
Bir dəfə zəlzələ olur. O zəlzələdə neçə evlər-filan dağılır.
İyirmi, iyirmi beş yaşında bir oğlan yuxudan ayılır, baxır ki, zəlzə-
lədə bınların evi-eşiyi uçub, atası, anası, bacısı, qardaşı – ümumiy-
yətnən hamısı ölüb. İndi bu uşax beş-on gün oturdu, buları dəfn
eliyənnən soora fikirrəşdi: “Ya rəbim, ya rəsulallah, bəs ata yox,
ana yox, bacı yox, qardaş yox, var yox, pul yox. Mən neyniyim?
Baş götürüm gedim, hardasa bir adama imkan olsa, mal otararam,
nökər olaram, dolanaram”.
Bu uzun müddət yol gəldi. Xeyli gələnnən soorasına tay
gördü ki, heydən düşüf da, tərpənə bilmir. Fikirrəşdi mən neynim,
nağayrım? Otdu bir yerdə, bir şəhərin girəcəyində. Gördü bir qoca
kişi dilənir. Dedi: “Bırda kim məni tanıyır, gedim mən də dilənim,
175
bir az nə toplasam onnan dolanaram”. Gəldi otdı. Onda başın qal-
dırdı ki, uje gün batır, hardeysa bu üç abbasıya qədər pul yığıb. O
vaxt da pulun elə qiymətdi vaxtıdı kı, bir abbasıya karrı bir erkək
almağ olardı. Bu küçənin birinnən aşdı, ikincini aşanda dedi, gedim
da, çay-çörəh yeyim. Gördü bir dənə qoca kişidi, hava da küləhli,
çəliyi də tutub əlində, ayaqüstə dura bilmir. Deyir:
– A-a-ay Allahı sevənnər, balalarım qırıldı, mənə kömək.
Belə baxdı, baxdı, dedi:
– Ya rəbbim, ya rəsulallah, mən iki gündü acam, iki gün də ac
olsam ölmərəm. Mən genə bir yerdə yatıram. Gör bu nə kökə düşüb
ki, gəlib belə deyir.
Gəldi dedi:
– Əmi, nədi, noolıb, niyə durmusan?
Dedi:
– Ay bala, iki-üş balam var, hamısı ajdı. Bir loxma tapammı-
ram, aparıb verəm, ajınnan ölməyələr.
Dedi:
– Əmi, səni and verirəm Allaha, buyur, bax bu üç abbasının
üçün də verirəm saa. Bir ay yox, üç ay o balaların yiyər də, içər də,
dolanar da.
Dedi ki, oğul, dayan. Dedi:
– Nədi?
Dedi:
– Səni bu gün maa kimsə qismət elədi. Mənim də güjüm dili-
mə düşür də, dayan sana üş kəlmə söz örgədim.
Dedi:
– Nədi?
Dedi:
– Oğul, mənnən sənə əmanət, getdin gördün bir adam elə bir
vəziyyətə düşübdü ki, bunu öldürüllər də. Sənnən iki şeyin müqayi-
səsin soruşanda onun birinə yaxşı, birinə pis demə. Ya ikisinə də
pis de, ya ikisinə də yaxşı de.
Dedi:
– Yaxşı.
Dostları ilə paylaş: |