263
Ədəbi əsərin bütövlüyünün əsas əlaməti ona bitkin, vahid, tamam-
lanmış obraz kimi nəzər salanda meydana çıxır. Qeyri-peşəkar yazıçı
başladığı fabulanı nəinki bitirə bilmir, çox zaman əsəri əsas fabulaya
dəxili olmayan hadisə və adamların taleyi ilə bitirir. Bu bədii bütövlüyün
pozulmasıdır. Ona görə də bəzi yazıçılar öz romanlarını yazmazdan əvvəl
onun fabulası əsasında müfəssəl plan hazırlayırlar. Belə plan əslində
əsərin ilkin sxematik variantı olur. Əsərin bütövlüyünü qorumaq və öz
fantaziyasını cilovlamaq üçün yazıçı ikinci dəfə plan üzrə əsərin hadisələ-
rini mütənasib şəkildə yazmağa başlayır. Belə plan müəllifi lazımsız
təfərrüat və epizodlardan qoruyur və onu münasib sonluqla bütövləşdir-
məyi asanlaşdırır.
Ədəbi əsərin bütövlüyü anlayışı yazıçının obraz yaratmaq istedadı
və mədəniyyəti, ölçü hissi ilə bağlıdır. Hər bir obraz isə müəllifin yaradıcı
istedadının əsas şəkli olan bədii abstraksiya prosesinin nəticəsidir. Bədii
abstraksiya qabiliyyəti olmayan müəllif həyat faktlarını gördüyü kimi,
eşitdiyi kimi əsərə daxil edir. Bu isə naturalizmdir, həqiqi yaradıcılıq
prosesi aparmadan, hadisə və insan obrazlarını, son nəticədə isə bütün
fabulanı konkret obraz şəklində bədii abstraksiya məhsuluna çevirmədən
qələmə almaqdır. Bu, bədii bütövlüyün və deməli, həqiqi bədiiliyin güclü
fantaziyaya əsaslanan yaradıcılıq işinin ortada olmadığını göstərir.
Belə halda uzun bədii mətn bitkin bədii obraz forması ala bilmir.
Ona görə də obraz yaradıcılığı ilə mətn yaradıcılığı fərqləndirilməlidir.
Həqiqi istedad sahibi bitkin və inandırıcı obraza çevrilən mətn yarada
bilir. Amma adi ədəbiyyat həvəskarı isə dünyanı göstərən ədəbi mətn
yaradır. Belə mətndə bədii abstraksiyanın məhsulu olan bütöv və sərhədli
obrazlılıq çatmır. Ədəbi əsər isə faktların təsviri yox, ilk növbədə, bitkin
obrazdır, belə obrazların sırasıdır. Bütövlükdə də dünya obrazının bədii
təcridlə bitkinləşdirilmiş və tamamlanmış şəklidir.
5.4.2. Ədəbi əsərin obraz sırası kimi qurulması.
Süjet və kompozisiya
Yazıçı qələmə almaq istədiyi fabulanı əsərə çevirərkən fantaziya-
sında yaratdığı müxtəlif obraz formalarını, konflikt və vəziyyətləri
sıralandırmaqda sərbəstdir. Müəllif qələmə almaq istədiyi hadisələri istə-
dikdə əvvəldən sona, istədikdə isə sondan əvvələ doğru nəql edə bilir. Bu
yazıçının müəllif niyyətindən, həyat biliyindən, fantaziyasından, hansı
epizodlara daha artıq əhəmiyyət verməsindən asılıdır. Epizod hadisəni
təşkil edən ayrı-ayrı hərəkətlər və hissələrdir.
264
Süjet. Bədii əsərin yazılması prosesini fabulanın konkret süjetə
(fransızca: predmet, məzmun) çevrilməsi kimi də təsəvvür etmək olar.
Məsələn, sadə bir fabula götürək: şəhərə nabələd bir kişi Bakıya öz oğlunu
axtarmağa gəlir və onu tapa bilməyib kəndə qayıdır və oğlunu evdə tapır.
Bu fabulanı qalın bir kitab həcmində də, balaca bir hekayə kimi də
yazmaq olar. Amma konkret yazıçı bu süjeti, ilk növbədə, öz qayəsinə və
həyat biliyinə, yəni əvvəlcədən malik olduğu material və obraz bazasına
əsasən qələmə alır. Yazı prosesində yazıçı ağlına gələn epizodların hamı-
sını yazmır, onlar içərisində seçmə aparır, mühüm saymadığı epizodları
atır, mühüm olanları isə yazır. Əsər hazır olanda onun mətni müəyyən
hadisə və epizodların ardıcıllığından ibarət olur: hazır əsərdəki bu hadisə
və epizod xətti əsrin süjetini təşkil edir.
Əvvəllər süjet termini müasir elmdə işlənən mövzu (tema: yunanca
əsas fikir ) termininə yaxın olmuşdur. Bu iki termində mənaca bağlılıq
vardır: süjet əsərin əsasında duran hadisələri bildirməklə onun mövzusuna
müəyyən qədər işıq salmış olur. Mövzu termini əsərdəki hadisələrin insan
və cəmiyyət həyatının hansı sahəsinə aid olduğunu göstərməyə xidmət
edir. Əsərləri adətən məhəbbət, qəhrəmanlıq, tarixi, əmək, bioqrafik,
inqilabi, ailə məişət, elmi, səyahət və s. mövzulara aid edirlər.
Süjet əsasən hadisələrin inkişaf xəttidir, onların sıralanmasıdır.
Süjet yaratmaq ustalığı yazıçının fəhmlə apardığı seçimlə müəyyən
olunur. Yığcam hekayə ustası olan E.Hemenquey deyirdi ki, yazıçı yazı
zamanı çox şeyi yazmaya bilər, buraxa bilər, amma bir şərtlə ki, o nələri
buraxdığını aydın bilsin. Bu qeyd süjetqurma prosesində fantaziyanın və
seçimin rolunu qeyd edir: yazıçı tanımadığı şəhərdə oğlunu axtaran atanım
sərgüzəştlərini min epizod kimi də yaza bilər, on epizod kimi də. Yaxşı
yazıçı epizodları azaltmağa və bununla obrazın konkretliyini və görümlü-
lüyünü artırmağa çalışır. Söz obrazın təbiəti yığcamlıq sevir, o nə qədər
yığcam olsa, daha əsan təsəvvürə gəlir.
Ədəbiyyatşünaslıqda süjet termini çox vaxt fabulaya yaxınlaşır və
ya onunla eyniləşir. Bu terminlər şərti və bir-birinə yaxındır. O biri tərəf-
dən, kiçik hekayə janrında, yığcam süjetli digər əsərlərdə yazıçının əsər
üzərində düşünərkən qurduğu fabula ilə əsər hazır olandan sonra alınan
süjet yaxın olur. Ona görə də bir çox hallarda süjet həm də fabula məna-
sında işlənən termin olur. Əgər yazıçı əsəri yazmadan yeni süjet tapdığını
deyirsə, bu halda o, süjet terminini həm də fabula mənasında işlədir.
Süjet ədəbi əsərdə obrazların ardıcıllığını əks edən bir anlayışdır.
Ona görə də qədimlərdən bəri yaradıcılıqda süjetlərin roluna xüsusi
əhəmiyyət verilib. Dini ədəbiyyat erasında bütün süjetlər müqəddəs kitab-
lara əsaslanırdı. Müqəddəs kitaba aidlik bir növ süjetin mədəni əhəmiyyə-
265
tini və statusunu təyin edirdi: şair Yusif və Züleyxa əhvalatını yazırdısa,
hamı bu süjetin Bibliya və ya Qurandan götürüldüyünü bilir və buna görə
həmin süjetə ortodoks dindarlar belə irad söyləyə bilməzdilər. Ədəbiyyat
və sənətə şübhə ilə yanaşan müsəlman ortodoksları üçün süjetlərin
qurandan götürülməsi və ya daha qədim kitablardan götürülməsi onların
mədəni və estetik statusunu və dəyərini göstərirdi.
Lakin intibah dövründən başlayaraq süjet yaradıcılığının dini
kitablardan uzaqlaşması baş verir: intibah klassikləri antik ədəbiyyata və
qədim tarix kitablarına, xronikalara üz tutur və orada süjetlər götürürdülər.
Farsdilli ədəbiyyat Quranla bağlı olmayan süjetləri Firdovsinin “Şahna-
mə”sindən, qərb intibahı xadimləri isə antik müəlliflərdən götürürdülər.
Məsələn, Vilyam Şekspirin süjetlərinin çoxu tarixi xronikalardan götürül-
müşdür. Deməli, hələ intibah dövründə də süjetin (indiki terminlə mövzu-
nun) dini olmasa da digər qədim və mötəbər kitablardan götürülməsi onun
mədəni əhəmiyyətini xeyli dərəcədə təyin edirdi.
Yalnız romantizm və realizm erasında insanların adi və gündəlik hə-
yatları ədəbi əsər süjeti üçün yararlı, estetik baxımdan dəyərli sayılmağa baş-
ladı. Bu isə ədəbiyyatın predmetinin tarixi insana tərəf dönüşü ilə bağlı idi.
Geniş mənada götürəndə süjet də obraz formalarından biridir və
digər obraz formaları kimi ədəbi tərəqqi boyu dəyişmişdir, təkamül
etmişdir. Ona görə də tarixi aspektdə götürülən süjet janr nəzəriyyəsinin
və tarixi poetikanın əsas anlayışlarından biridir. Müxtəlif ədəbiyyatşünas-
lıq məktəbləri, xüsusilə mifoloji və formalist məktəblər müxtəlif ədə-
biyyatlarda və əsərlərdə özünü göstərən gəzəri və təkrarlanan süjetləri
araşdırmağa çalışmış, onların köklərini, ilk mənbəyini axtarmışlar. Nəticə-
də süjetlərin qədim kökləri olduğu, bunların isə insan həyatının ümumi
tərəflərini əks etdiyi üzə çıxıb. Sevgi, xəyanət, qəhrəmanlıq və s. ilə bağlı
süjetlərin təkrarlanması onların bütün adamlara və cəmiyyətlərə məxsus
əxlaqi təzahürlər və ehtiraslar olması ilə bağlıdır. Ədəbiyyatşünaslıq
tarixində süjetləri məzmun və hadisəlik cəhətdən araşdırıb sistemləşdir-
mək təşəbbüsləri çox olmuşdur.
XX əsrin əvvəllərində “fikir axını” ədəbiyyatında süjetin rolunu
azaltmaq, təhkiyəni fikir assosiasiyası və axını üzərində qurmağa cəhd
edildi. Lakin bu ədəbiyyat tarixində eksperiment kimi qaldı: süjetsiz nəsr
əsərlərini oxumaq oxucu qavrayışı üçün çətinliklər yaradır, ona görə “fikir
axını” nəsri elitar bir ədəbi yol olaraq qaldı, XX əsrin ikinci yarısında gər-
gin süjetli detektiv janrına geniş maraq ədəbi yaradıcılıqda və onun qav-
rayışında süjetin fundamental əhəmiyyətini təsdiq etdi. Müasir kino
nəsrinin inkişafı da süjetin əhəmiyyətini təsdiqləyir və onun hətta artdığını
nümayiş etdirir.
Dostları ilə paylaş: |