_____________Milli Kitabxana_____________
72
E.E.Semyanov IV-VIII siniflərdə bəzi həndəsi anlayışların öyrənilməsi
prosesində ümumiləşdirmə və konkretləşdirmənin məzmununu müəyyənləşdirmək,
şagirdlərin bu təfəkkür əməliyyatlarını mənisəmələrinin metodikasını işləmək
problemini həll etməyə çalışır [183]. O, belə nəticəyə gəlir ki, ümumiləşdirmə və
konkretləşdirmənin öyrənilməsi təlimin prinsiplərinə uyğundur, bu proqram
materialının mənimsənilməsini asanlaşdırır, şagirdlərdə riyazi təfəkkürün inkişa-
fına səbəb olur, onların aksiomatik metod haqqında lazımi məlumat almalarına kö-
mək edir, yuxarı siniflərdə, ali məktəbdə təlimin müvəffəqiyyətlə davam etdirilmə-
sində və gələcəkdə məktəb riyazi təlimin məzmununun müəyyənləşdirilməsində
zəruridir.
Zənnimcə konkretləşmə əvəzində xüsusiləşdirmə işlətmək daha
məqsədəuyğun olardı.
J.M.Kolyaqin belə hesab edir ki, bu və ya digər məsələnin ümumiləşdiril-
məsi şagirdlərin idrak marağına səbəb olur, onlarda məsələ həll etmək bacarığı və
vərdişi yaratmaq üçün həllin ümumi metodlarını (analiz-sintez, sınaqları tükən-
dirmə, modelləşdirmə, axtarılanın təqribi qiymətinin tapılması və s., bunların
kombinasiyası) mənimsəmək lazımdır [121]. O, “məsələ- obyektiv aləmdə (hər
hansı R çoxluğunda) problem xarakteri qeyd olunmuş, subyekt (S) üçün məchul
olan element, xassə və münasibət müəyyən etməyə dair hər hansı şəkildə ifadə
edilmiş tələbdir” kimi daha ümumi fikri irəli sürür. Bunun bir növü olan təlim
məsələlərinin rolu və yerinin tam müəyyən edilmədiyini, riyaziyyatın təlimində
məsələlərin funksiyalarının, kompleks məqsədlərinin yerinə yetirilməsi tələbinin
dəqiq müəyyənləşdirilmədiyini, məsələ həllinin ümumi metodlarının şagirdlərə
öyrədilməsi metodikasının lazımi səviyyədə işlənmədiyini göstərir.
Zənnimcə, “... şagirdlərin təlimi və inkişafı vasitəsi” ifadəsində məntiqi
nöqsan vardır. Belə ki, inkişaf etdirmə təlimin üç funksiyasından biridir. Odur ki,
sadəcə “riyazi məsələlər orta məktəbdə şagirdlərin təlimi vasitəsi kimi” demək
kifayətdir. U.T.Açaryev [63] və N.J.Kobalyev [125] məsələlərin həllinə yanaşma
ilə əlaqədar şagirdlərdə riyazi təfəkkürü, təlimin dünyagörüş, idraki və məntiqi
funksiyalarının eyni zamanda inkişafının zəruriliyindən danışırlar, bunun şagird-
_____________Milli Kitabxana_____________
73
lərin ümumiləşdirmə qabiliyyətinin inkişafındakı rolunu göstərirlər. Lakin, onlar
məktəb riyaziyyatının cəbrləşdirilməsinin nöqsanına fikir vermirlər. J.B.Bekboye-
vin “Fasiləsiz riyazi təhsil sistemində məsələlərin hazırlanması və həllinin öyrənil-
məsinin elmi əsasları” mövzusunda tədqiqatının [80] metodoloji əsasları – riyazi
təhsilə baxışlar sistemi, riyazi təlimin bütün cəhətlərinin nəzərə alınmasını tələb
edən sistemli yanaşma, problemli-inkişafetdirici təlim, zehni fəaliyyəti məsələlər
üzrə formalaşdırma, fəallaşdırma, məzmunlu ümumiləşdirmə və şəxsiyyətin yara-
dıcı inkişafı nəzəriyyələri hesab olunur. Onun məsələ həllinə bir sıra riyazi - əqli
əməliyyatlarının məcmu, anlayışların, qanunların, qaydaların, təriflərin, yaradı-
cılıq, məntiqi düşünmək, təfəkkürün əsaslığı və ardıcıllığı, məqsədəyönəlmə,
inadkarlıq, şəxsiyyətdə digər qiymətli keyfiyyətlərin formalaşdırılması vasitəsi
kimi baxılması ümumiləşdirmə cəhətdən qiymətlidir.
Son illərdə riyaziyyatın tədrisi metodikasından aparılan tədqiqatlarda
sistemlilik, tamlıq, vəhdətlik ideyası mühüm yer tutur. Bu planda riyaziyyatın
öyrənilməsi prosesinin təkmilləşdirilməsi aşağıdakı müddəalara əsaslanır: 1)
riyaziyyat tədrisinin səmərəliliyinin yüksəldilməsinin əsasını təlim prosesinin
bütün komponentləri arasındakı qanunauyğun əlaqələr təşkil edir; 2) şagirdlərin
təlim fəaliyyətinin xarici və onların şüurunda yaranan daxili şərtləri arasındakı
qanunauyğun əlaqələri bilmək, onların riyaziyyatdan təlim materialını mənimsə-
mələri prosesinə məqsədəuyğun rəhbərlik etməyə imkan verir. Bunlar və riyazi
biliklərin mənimsənilməsi xüsusiyyətləri birlikdə Y.J.Qrudenov tərəfindən
psixoloji - didaktik və metodik qanunauyğunluqlar adlandırılır [98]. O, belə qanu-
nauyğunluqları beş qrupa bölür. Bacarıq və vərdişlərin formalaşdırılmasının
qanunauyğunluqları I qrupa daxil olunur. Həmin qanunauyğunluğun əsası isə
P.Şevaryev tərəfindən verilmiş ümumiləşdirilmiş assosiasiya nəzəriyyəsi [206
1
]
qəbul edilir və göstərilir ki: 1) ümumiləşdirilmiş assosiasiyaların baş verməsi
genişləndirilmiş əqli nəticələrlə birgüclüdür; 2) lazım olduqda ümumiləşdirilmiş
assosiasiyalar şagirdlərin şüurunda tam əqli nəticəyə qədər genişləndirilir; 3)
məsələlər həlli ümumiləşdirilmiş assosiasiyaların yaranmasına gətirilir; 4) məsələ
həllinin tapılması da daha çox ümumiləşdirilmiş assosiasiyaların yaranmasına
_____________Milli Kitabxana_____________
74
əsasən reallaşır. Müəllif şagirdləri yalnız xarici deyil, daxili tələblərə görə məsələ
həllini əsaslandırmağa sövq edən şərtləri, P.A.Şevaryevin göstərilən nəzəriyyəsinə
əsaslanaraq, müəyyənləşdirir. Həmin tədqiqatdan aydın olur ki, riyaziyyatın tədrisi
prosesinin metodik və psixoloji-didaktik qanunauyğunluqlar sistemi əsasında
təkmilləşdirilməsində ümumiləşdirilmiş assosiasiyaların böyük əhəmiyyəti vardır.
Pedaqoji və metodik tədqiqatların metodoloji problemlərinə [101], pedaqoji
tədqiqatların təşkili və metodlarına [131], stoxastikanın psixoloji-pedaqoji
tədqiqatlara tətbiqinin bir sıra problemlərinə [111], pedaqoji nəzəriyyə və
təcrübəyə [88], riyaziyyatın tədrisi metodikası sahəsində aparılan tədqiqatlara [97],
məktəb təliminə [175, 150] həsr edilmiş tədqiqatların da şagirdlərin riyazi mədə-
niyyətinin, o cümlədən, ümumiləşdirmə qabiliyyətlərinin inkişaf etdirilməsində,
böyük əhəmiyyəti vardır.
Məktəb riyaziyyatının və onun təliminin optimal məzmununun müəyyənləş-
dirilməsi, müasir dövr üçün belə seçmənin meyarları sisteminin metodik əsaslarını
göstərmək, bu sistem proqram və dərsliklərin təkmilləşdirilməsinə tətbiq etmək
riyaziyyatın pedaqogikasının mühüm problemləridir. L.K.Okunyevin tədqiqatı
[168] həmin məsələyə həsr edilmişdir. Burada məktəb riyaziyyat kursunun ciddi
elmiliyi ilə əlaqədar: ziddiyyətsizlik və məntiqi ardıcıllıq, təcrübədə bəyənilmiş
ideyaların, anlayış və müddəaların, real aləmin müəyyən qrup hadisə və faktlarının
nəzəri ümumiləşdirilməsinə imkan verən obyekt və münasibətlərin kursa daxil
edilməsi, ayrı-ayrı faktlardan onların ümumiləşdirilməsinə keçmək imkanının
yaradılması nəzərdə tutulur. L.N.Landanın fikrincə [132] şagirdlərlə istənilən qədər
konkret məsələlər həll etmək olar, lakin məsələlərə yanaşmağın və təhlil etməyin
ümumi metodlarını mənimsətmədən onların bu sahədə müstəqilliyindən söhbət
gedə bilməz. K.V.Zobkova ali riyaziyyat elementlərinin məktəbdə bir qədər tez
daxil edilməsini lazım bilir. Zənnimcə bu yaxşı olardı. Çünki belə olduqda
ümumiləşdirmə imkanı genişlənir. L.O.Smorjevski məktəb planimetriya kursunun
məntiqi qurulmasına verilən metodik tələbləri göstərir [189]. Bu ümumiləşdirmə
üçün münasibdir. Lakin anlayışların empirik (I-V siniflərdə) və nəzəri (VI-X)
Dostları ilə paylaş: |