156
rülmüşdür). İran dünya təbii qaz ehtiyatlarının 16 faizinə malikdir.
Dünya neft ehtiyatlarının isə 10 faizi İranda yerləşir. İran dünyada
neft ixracına görə dördüncü yerdə durur. OPEC-də isə Səudiyyə
Ərəbistanından sonra ikinci yerdədir. İran öz neftini daha çox
Çinə ixrac edir. Çin isə dünyada ABŞ-dan sonra ikinci ən böyük
neft idxal edən dövlətdir. Türkiyənin coğrafi mövqeyi, bu dövlətin
əhalisinin dini etiqadı, həmçinin türkdilli olması onun regionda,
eləcə də türk dünyasında nüfuzunu artırır. İranda əhalinin əsasən
islam dininə etiqad etməsi də İranın Ərəb dünyasında, Mərkəzi
Asiya və Azərbaycanda siyasi təsirlərini genişləndirir.
İran hal-hazırda Rusiya ilə atom energetikası sahəsində
əməkdaşlıq edir və öz ölkəsində nüvə obyektlərinin sayını artır-
maqda davam edir. ABŞ İranın nüvə silahına sahib olacağından
ehtiyatlanır və İranın belə imkanlara malik olmasını özünün Yaxın
Şərq siyasətinə ən böyük zərbə hesab edir. İranı beynəlxalq
münasibətlərdə qeyri-normal davranış göstərməkdə ittiham edir və
bu dövlətə qarşı iqtisadi sanksiyalar tətbiq edir və Avropa, Çin və
Rusiyadan da istifadə etməklə BMT qətnamələrinin qəbul
edilməsinə çalışır. İran isə ABŞ-ın ittihamlarını rədd edərək
özünün atom sənayesindən yalnız dinc məqsədlərlə istifadə
edəcəyini bəyan edir. ABŞ Ərəb dünyasında iqtisadi və hərbi
cəhətdən güclənməyə çalışır. Ərəb dünyasının əksər dövlətləri də
ABŞ-la strateji tərəfdaşlığa üstünlük verirlər. Birləşmiş Ərəb
Əmirlikləri və Səudiyyə Ərəbistanı ən çox silah idxal edən
dövlətlər sırasındadırlar. Birləşmiş Ərəb Əmirliklərinin İranla
ərazi mübahisəsi mövcuddur. Hörmüz boğazında yerləşən və Fars
körfəzinə çıxışa nəzarət edən üç ada İran tərəfindən tutulubdur.
1971-ci ildə Böyük Britaniyanın regiondan çıxmasından sonra
Birləşmiş Ərəb Əmirliklərinə məxsus olacağı nəzərdə tutulan
həmin adalar İran tərəfindən zəbt olunubdur. 1940-cı illərin
sonlarında adalar növbə ilə həm Əbu-Dabi, həm də Dubay
şeyxlərinin sahibliyinə keçirdi. (Faktlar Wikipediya açıq internet
ensiklopediyasından götürülmüşdür) Təbii ki, Ərəb dünyasını
İrana qarşı bir hərbi, iqtisadi və siyasi güc mərkəzi kimi görür.
İran hal-hazırda Orta Şərqin nəhəng iqtisadi dövləti kimi qəbul
157
edilir. (Bax. Wikipediya açıq internet ensiklopediyası) İran ərazi
baxımından da böyük bir dövlətdir. Bu dövlətin ərazisi 1 648 000
kvadrat kilometrdir və dünyada 17-ci yerdədir.
İran böyük aqrar-sənaye ölkəsi olaraq və 70 milyondan çox
əhaliyə malik olan dövlət kimi regionda orta güc mərkəzindən
böyük güc mərkəzi olan dövlətə çevrilmək siyasəti yeridir. İran
ballistik raket texnologiyasına malikdir və “Şahab-3” adlanan
uzaq məsafəli hədəfi vurma qabiliyyətinə malik olan idarəedilən
raketə sahibdir. (Wikipediya açıq internet ensiklopediyası) İran
2010-cu ilin fevral ayının 3-də içində canlı orqanizm olan özünün
“Kəvəşkər-3” (“Tədqiqatçı-3”) adlanan 3-cü raketini orbitə
buraxdı və 2020-ci ildə ilk kosmonavtını orbitə göndərmək
niyyətindədir. ABŞ rəsmi nümayəndəsi Bill Bertonun fikrincə,
İranın bu addımı təhrikedici bir aktdır.
1
Bundan öncə Fransa da
İran tərəfini ittiham etdi. Fransa Xarici İşlər Nazirliyinin
nümayəndəsi Bernar Valeronun fikrincə, kosmik daşıyıcılarla
ballistik raket texnologiyası eyni xüsusiyyətlərə malikdir. Kosmik
proqramlarını yerinə yetirərkən dövlətlər kütləvi qırğın silahlarını
daşıya biləcək ballistik raketlərin istehsalının yayılmasına yol
verməməlidirlər. Bu baxımdan da İranın raket vasitəsilə öz
sputnikini orbitə çıxarması beynəlxalq ictimaiyyətdə narahatlıq
doğurur.
2
Mətbuatın yazdığına görə, “Omid” (“Ümid”) adlanan İranın
ilk süni peyki “Səfir” adlanan raket daşıyıcısı vasitəsilə ilk dəfə
2008-ci ilin avqust ayında orbitə buraxılıb. 2008-ci ildə yenə də
“Kəvəşkər-2” raketi orbitə buraxılıb.
Bu onu göstərir ki, İran mövcud statusu ilə barışmayaraq
güclənməyi və gələcəkdə ABŞ, Rusiya və Çin ilə yanaşı, kosmik
dövləti olmağı qarşısına məqsəd qoyubdur. Eyni zamanda İran
hal-hazırda regionda öz təsir sferasını və obyektini genişləndirmək
üçün ətraf dövlətləri öz tərəfinə çəkmək siyasəti yeridir. Belə ki,
Ermənistanla strateji müttəfiqlik siyasəti yerdir, 2005-ci ildən iki
1
Администрация США: космический запуск Ирана - это провокация.
http://www.vesti.ru/ doc.html?hd=339908&cid=9 03/02/2010.
2
Bax, yenə orada
158
ölkə arasında qaz kəməri fəaliyyət göstərir, 2010-cu ilin yanvar
ayının 13-də Azərbaycandan qaz almaq üçün müqavilə imza-
lanıbdır. (Müqavilə 13 yanvar 2010-cu ildə ARDNŞ (Azərbaycan
Dövlət Neft Şirkəti) ilə İran Milli Qaz İxracı Şirkəti (NİGEC)
arasında Bakıda imzalanıb. Həmin müqaviləyə əsasən 2010-cu
ilin mart-aprel aylarınadək 100 milyon kubmetr Azərbaycan
qazının İrana tədarükü nəzərdə tutulur. Azərbaycan qazı İranın
əsas yataqlarından uzaqda yerləşən şimal bölgəsinə tədarük
ediləcək
1
. Türkmənistanla-İran arasındakı qaz kəməri istifadəyə
verilibdir. Bu onu göstərir ki, İran regionda öz coğrafi
potensialından istifadə edərək ətraf dövlətlərə təsir imkanlarını
artırıbdır. 2010-cu ilin yanvar ayının sonlarında Azərbaycan
vətəndaşları üçün viza rejimini birtərəfli qaydada aradan
qaldırıbdır. Təbii ki, İran bu addımı atmaqla Azərbaycan
ictimaiyyətində öz dövlətinin imicini artırmaq qərarına gəlib.
İranın böyük regional güc mərkəzi siyasətinin arxasında
hələlik Rusiyanın dayanmasını qeyd etmək olar. İranın
güclənməsi təbii ki, gələcəkdə Türkiyədə reaksiya doğuracaqdır.
Türkiyə və İran arasında regionda daha güclü olmaq uğrunda bir
rəqabət mübarizəsi də həyata keçirilir. Lakin bu rəqabət
mübarizəsi daha çox Türkiyə-İran yaxınlaşması fonunda, siyasi
birlik kölgəsi altında həyata keçirilir. İranın nailiyyətləri
Türkiyəni qane edir. Türkiyə də atom energetikasını sahələrini
yaratmaq üçün Rusiya ilə əməkdaşlığa can atır. Məhz Türkyə baş
naziri R. Ərdoğanın Rusiyaya son səfərində bu məsələnin
gündəliyə gətirilməsi də bunu deməyə əsas verir. İranın nüvə və
kosmik sahədə nailiyyətlərindən təsirlənən Türkiyə də özünün bu
sahələrdə nailiyyətlərini qazanmağa çalışır.
İranın böyük güc mərkəzinə çevrilməsi Türkiyəyə indiki və
yaxın gələcək zamanda sərf edir. Belə ki, Türkiyənin özü də bir
neçə ildir ki, İranla, xüsusilə enerji sahəsində əməkdaşlığa can
atır. Hətta Türkiyənin İranla birlikdə “müsəlman” adlanan
1
Azərbaycan və İran qaz müqaviləsi imzalayıb.
http://az.trand.az/capital/pengineering/1617463.html.13/01/2010.
Dostları ilə paylaş: |