162
mexanizmini təşkil etmişlər. Güc obyektləri və subyektləri
iyerarxik olaraq şəbəkələşmiş güc sisteminin əsas vasitələrini
təşkil etmişdir. Şəbəkələşmiş güc sistemi imperiyanın idarə
edilməsinin başlıca mexanizmini formalaşdırmışdır. Şəbəkələşmiş
güc sistemində ətraflardan mərkəzə doğru coğrafi istiqamətdə
iyerarxik idarəetmə sistemi yaradılmışdır. Bu gün super və böyük
dövlətlər öz geniş ərazilərini idarə etmək üçün həmin sistemdən
istifadə edirlər. Məsələn, hal-hazırda Rusiyada mərkəzdən
əyalətlərə doğru mərkəz-federal dairələr-onların içərisində əyalət
və vilayətlər, eləcə də respublikalardan ibarət subyektlərin
zəncirvari şəbəkəsi mövcuddur. ABŞ ərazisi ştatlara, ştatlar isə
dairələrə bölünür. İdarəçilikdə nəzarət üzərində nəzarət sistemi
böyük dövlətlərin idarəçilik sisteminə xarakterik olan əsas
cəhətdir. Böyük dövlətlər çalışırlar ki, ştatlar, dairələr, vilayətlər,
əyalətlər, respublikalar mərkəzə tabe olaraq güclü olsunlar ki,
mərkəz həmin güc vasitələrindən obyekt və subyekt kimi istifadə
edərək digər böyük güc mərkəzinə təsir etsin və ya güc
mərkəzinin təsir və təzyiqlərindən qorunsun. Böyük dövlətlər
üçün ən təhlükəli məqam isə sərhədlərində yerləşən güc
subyektlərinin (təsirə məruz qalarkən, obyektlərinin) respublika və
digər idarəçilik formasında olan qurumların etniklərə məxsus
olmasıdır. (Bir məsələni unutmaq olmaz: –siyasi qurumlar
subyektlərdirlər,
idarəçilikdə,
münasibətlər
sistemində
aktorlardırlar-iştirakçıdırlar.
Lakin
bu
subyektlər
təsir
predmetinə, eləcə də təsiretmə vasitəsinə çevrilə bilir. Bu anda
subyekt obyekt kimi istifadə edilir, çünki təsirə məruz qalır,
maraq və məqsədəçatma vasitəsinə çevrilir. Bu dəyişmə prosesi
daha çox beynəlxalq münasibətlərdə böyük dövlətlərin kiçik
dövlətləri güc elementi kimi istifadə vasitəsinə, təzyiq və təsir
vasitəsinə çevridikdə baş verir. Subyekt obyekt kimi istifadə
edilən zaman vasitənin məzmunu dəyişir. Forma isə qalır. Yəni
dövlət olduğu kimi qalır. İstifadənin mahiyyət və məzmunu
dəyişir. Məsələn, Ermənistan beynəlxalq münasibətlərin
subyektidir. Lakin Rusiya tərəfindən Türkiyə, Azərbaycan və
ABŞ-a qarşı təzyiq vasitəsi kimi məkan və vasitə olaraq istifadə
163
edilir. Burada Ermənistan subyekt olaraq, həm də obyekt, eləcə
də siyasi alət vasitəsi kimi istifadə edilir, dövlət və onun siyasi
qurumları təsirə məruz qalır, marağaçatma vasitəsinə çevrilir.
Burada dövlətin ərazisi və siyasi qurumları başqa dövlət üçün
obyekt rolunu oynayır. Buradan belə çıxır ki, dövlət başqa bir
dövlətin ərazisindən, strukturundan, siyasi, iqtisadi və hərbi
vasitələrindən istifadə edərək, başqa subyekt üçün təzyiq vasitəsi
kimi istifadə edir. Bu zaman təsirə məruz qalmış tərəf-subyekt
bir təsirə məruz qalan tərəf üçün obyekt vasitəsi olur.) Etniklər
gücləndikcə və mərkəzin nəzarətindən uzaqlaşdıqca daha çox
müstəqilliyə can atırlar ki, bu da imperiyaların parçalanması üçün
ən mühüm şəraitin yaranmasına gətirib çıxarır. Bu baxımdan da
böyük dövlətlər çalışırlar ki, onların müstəqilliyinin qabağını
kəsmək üçün bir neçə varianta əl atsınlar. Bir variant olaraq həmin
subyektlərin parçalanmasıdır və parçalanmış formada, ayrı-ayrı
subyektlər kimi iyerarxik olaraq sistemin yuxarı gücünə
birləşdirilməsdir, digər variant olaraq həmin subyektlərin parça-
lanmadan, ətraf subyektlərlə birlikdə yuxarı gücə birləşdiril-
məsidir, birbaşa tabeçilik formasının yaradılması və vahid
idarəçilik formasının təşkil edilməsidir. Məsələn, Rusiya özünün
Şimali Qafqaz bölgəsində gərgin siyasi vəziyyəti nəzərə alaraq,
bölgənin bütün etnik subyektlərini bir yerə cəmləmək və onlar
arasında əlaqəni gücləndirmək, eləcə də regionu siyasi baxımdan
bütöv halda vahid mərkəzdən idarə etmək üçün Şimali Qafqaz
Federal dairəsini yaratdı və etnik subyektləri həmin dairənin siyasi
nəzarətinə verdi. Burada strukturun, başqa strukturlar tərəfindən
pilləli və iyerarxik formada idarəçiliyini təşkil etdi. Rusiya bu
addımı atmaqla region üçün birləşmiş strukturlar, qarışmış
strukturlar şəbəkəsini, sistemini yaratmış olur. Yəni regionun
subyektlərinin idarəetmə strukturları üzərində əlavə idarəetmə
strukturları yaratmış olur ki, bu da yerli subyektlərin
strukturlarının geniş şəkildə sərbəst fəaliyyət göstərməsinin
qarşısını almış olur.
Hal-hazırda imperiya sözləri “güc mərkəz”ləri sözləri ilə əvəz
edilir və dövlətlərin gücləri nisbi olaraq bu əsasla təsnif olunur.