153
dağılmasını bəyan ediblər və Müstəqil Dövlətlər Birliyini
yaradıblar.
Altıncı addım olaraq Rusiya həmin iqtisadi-siyasi qurumun
bazasında NATO ittifaqına qarşı olan bir hərbi-siyasi qurumun
yaradılması siyasətini həyata keçirəcək.
Qeyd: Rusiya imperiyasının üçüncü genişlənmə fazası
başlayıbdır. I Pyotrun dövrü-birinci faza idi, Stalinin hakimiyyəti
dövrü ikinci faza olmuşdur-SSRİ-nin qurulması və Avropanın
sosialist düşərgəsinin yaradılması bu fazaya aiddir. Üçüncü faza
Vladimir Putin fazasıdır. Bu fazada Rusiya ilk addım olaraq
keçmiş SSRİ-ni-başqa bir təşkilati-hüquqi və siyasi formada-
(Baltikyanı ölkələr istisna olmaqla) yaratmağa çalışacaq, sonradan
isə Şərqi Avropanın slavyan ölkələrini geri qaytarmaq, öz orbitinə
çəkmək siyasəti həyata keçirəcək. Ola da bilər ki, üçüncü fazaya
bir müddətdən sonra Türkiyə və İran da qoşulsunlar. Üçüncü faza
əvvəlki fazalara nisbətən daha möhkəm, demokratik ola bilər. Bu
fazada dövlətlər müstəqil olaraq iqtisadi-siyasi və hərbi ittifaqda
birləşəcəklər. Rusiyanın siyasəti də əvvəlki fazalara nisbətən
fərqli xüsusiyyətlərə malik olacaq və ətraf dövlətləri özünə
cəlbedciliyi və cəzbediciliyi ilə fərqlənəcək.
Bir məsələni unutmaq olmaz! Dünya iqtisadi böhranı
Rusiyanın
güclənməsinə
xidmət
etdi.
Keçmiş
ittifaq
respublikalarının
ə
ksəriyyəti
böhrandan
çıxmaq
üçün
Rusiyaya ümid edirlər. Xüsusilə, Ukrayna bu məsələdə ən çox
diqqəti cəlb edən ölkədir.
Nəzərdən qaçırmaq olmaz ki, siyasi mühit dəyişən
xüsusiyyətlərə malikdir. Hadisələr başqa cür də cərəyan edə bilər.
Yazılma tarixi 28 yanvar 2009-cu il
İ
ran-orta güc mərkəzindən böyük güc mərkəzinə doğru
İranın atom energetikasına dair bugünki siyasəti və mövcud
kosmik nailiyyətləri bunu deməyə əsas verir.
154
Dövlətləri güclərinə görə təsnif edərkən ilk növbədə onların
iqtisadi və hərbi potensialı əsas götürülür. İqtisadi potensialı
içərisində dövlətin təbii sərvətlərinin bolluğu, əmək ehtiyatlarının
böyük miqyasda mövcudluğu, istehsal gücü, ticarət dövriyyəsinin
həcmi, dövlət büdcəsinin gəlirləri, regional enerji layihələrində
iştirakı və s. əsas amillərdir. İstehsalatda ağır sənaye potensialının
olması mühüm şərtdir. Ağır sənaye dövlətin istehsalat siyasəti
üçün baza rolunu oynayır. Dövlətin hərbi gücünə onun müdafiə
qabiliyyətini artıran ordusunun sayı, orduda nizam-intizam və
ordunun müasir silahlarla təchiz olunması müsbət təsir göstərir və
əsas göstəricilərdir. Bununla yanaşı, ölkənin əhalisinin çoxluğu,
ərazisinin böyüklüyü dövlətin güc mərkəzinə çevrilməsi üçün
vacib şərtdir. Həmçinin dövlətin coğrafi mövqeyi və sərhədlərində
yerləşən ətraf dövlətlərin geosiyasi mövqeləri də dövlətin gücünə
təsir edən faktorlar sırasındadır. Müasir zamanda böyük
dövlətlərin gücünü artıran əsas amillər, vasitələr müvafiq
dövlətlərin kütləvi qırğına səbəb ola biləcək strateji təyinatlı
hücum və müdafiə silahlarına malik olmaları, eləcə də onların
kosmik proqramlarıdır. Ölkənin kosmik proqramları eyni zamanda
raket texnologiyasının inkişafına xidmət edir. Həmçinin
informasiya texnologiyaları sahəsində nailiyyətlər də dövlətlərin
gücünü əks etdirir və dövlətin gücünü təsnif edən komponentlər
içərisindədir. Müasir qlobal informasiya texnologiyaları siyasəti
də kosmik proqramın tərkib hissəsidir. Güclü dövlətlər kosmik
proqramdan lazım olan anda hərbi məqsədlər üçün də istifadə
etməyi nəzərdə tuturlar. Məsələn, Rusiyada kosmik qoşunlar
mövcuddur. Bunlardan əlavə dövlətlərin güclərini təsnif edən
çoxlu sayda amillər mövcuddur. Ümumiyyətlə, dövlətlərin iqtisadi
qüdrəti, hərbi qüdrəti, donanma qüdrəti, aviasiya qüdrəti, kosmik
qüdrəti, ərazi böyüklüyü, əhali çoxluğu, əhali içərisində
“beyinlər”in sayının çoxluğu, elm və təhsil obyektlərinin çoxluğu
və keyfiyyətli iş fəaliyyəti, ümumilikdə əhalinin maarifçilik
səviyyəsi dövlətlərin güclərinə görə təsnif olunmasını şərtləndirir.
Güc mərkəzi olmaq amili dövlətin beynəlxalq münasibətlərdə və
beynəlxalq sistemlərdə iştirakının çəkisi ilə müəyyən olunur.
155
Dövlətlərin güc mərkəzləri kimi təsir imkanları müvafiq
dövlətlərin kənar regionlara və dövlətlərə göstərdikləri təsir və
təzyiqin həcmi və miqyası ilə ölçülür. Dövlətlərin gücləri onların
beynəlxalq münasibətlərdə hərəkət istiqamətlərinə (istiqamətlərin
cəhətlərinə, sahə və obyektlərinə, ölçüsünə, məsafənin uzunlu-
ğuna), siyasət cərəyanlarının dərəcələnməsinə təsir edir.
Hal-hazırda dünya dövlətləri öz güclərinə görə super, böyük,
orta güc mərkəzləri və kiçik, zəif gücə malik olan dövlətlər kimi
təsnif olunurlar. ABŞ öz güc göstəricilərinə görə super dövlət
kimi təsnif olunur. Gücü təsnif edən əksər göstəricilərə görə
birinci yerdədir. İqtisadi və hərbi cəhətdən dünyanın ən çox
inkişaf etmiş dövlətidir. Təbii ki, dövlətlərin gücləri nisbi
xüsusiyyətlərə malik olur və keçici xarakter daşıyır. Dövlətlərin
gücü müqayisə aparılanda müəyyən edilir və bu baxımdan da
nisbi xüsusiyyətlərə malik olur. Rusiya və Çin böyük güc
mərkəzinə malik olan dövlətlər kimi yer alsalar da, bu dövlətlər
super güc mərkəzinə çatmaq uğrunda mübarizə aparırlar. Bəzi
məlumata görə, Çin öz iqtisadi inkişafına görə 2009-cu il üçün
dünyada ABŞ-dan sonra ikinci yerə çıxıb. Hal-hazırda ABŞ,
Avropa İttifaqı, Böyük Britaniya, Kanada, Avstraliya, Rusiya,
Çin, Hindistan, Türkiyə, İran, Braziliya, İndoneziya kimi müxtəlif
gücə malik olan dövlətlər mövcuddur. Bu dövlətlər müəyyən
regionlarda siyasi təsir imkanları əldə etmək uğrunda iqtisadi,
hərbi və siyasi mübarizə aparırlar.
Türkiyə və İran regionda orta gücə malik olan dövlətlər kimi
xarakterizə olunurlar. Türkiyə və İran Mərkəzi Asiya regionuna,
Cənubi Qafqaza, Yaxın Şərqə, Ərəb dünyasına, Əfqanıstan və
Pakistana, Türk dünyasına, Rusiyanın müsəlman əhalisinə bu və
ya digər səviyyədə təsir etmək imkanlarına malikdirlər. Türkiyə
iqtisadiyyatı SSRİ-nin dağılmasından sonra dirçəlməyə başlayıb
və öz aqrar xüsusiyyətindən aqrar-sənaye xüsusiyyətinə keçibdir.
2008-ci ilin məlumatına əsasən, Türkiyə ümumdaxili istehsal
məhsulunun həcminə görə dünyada 18-ci yerə çıxmışdır. İran isə
2007-ci ilin məlumatına əsasən dünyada 15-ci yerə çıxmışdır. (Bu
faktlar Wikipediya açıq internet ensiklopediyasından götü-
Dostları ilə paylaş: |