202
dövlətlərdən istifadə olunur. “İkili standart” siyasəti böyük
dövlətin kiçik dövləti ədalətsizliyə təhriketmə vasitəsidir. Buna
növbəti bir misal da çəkmək olar. Məsələn, ABŞ Ukraynanı
Rusiya əleyhinə çıxış etməyə təhrik edir, lakin Ukraynanı tam
müdafiə etmir. Burada daha çox əzab çəkən tərəflər isə təhrikə
məruz qalmış dövlətlər olurlar. Eləcə də Rusiya öz ərazisində
Gürcüstan vətəndaşlarına qarşı gediş-gəlişi çətinləşdirir, viza
rejimini tətbiq edir, pasport rejimini çətinləşdirir. Nəticədə
Rusiyada işləyən çoxlu sayda Gürcüstan vətəndaşları Rusiyanı
tərk etmək məcburiyyətində qalırlar. Belə olan halda, ABŞ
Gürcüstan vətəndaşları üçün öz sərhəd qapısını açıq elan etmir.
Bu siyasətə “ikili standart” adını vermək olar. “İkili standart”
siyasəti zamanı bir mövqe tamamilə digərini inkar edir.
Nəticədə siyasətin tətbiq olunduğu dövlət çıxılmaz və aldanılmış
vəziyyətdə qalır. Məsələn, Azərbaycan hal-hazırda super, böyük
və orta gücə malik dövlətlər olan Rusiya, ABŞ, Fransa və İran
tərəfindən aldanılır.
Azərbaycan ictimaiyyətinə, eləcə də beynəlxalq ictimaiyyətə
məlumdur ki, Azərbaycana qarşı “ikili standart” xarakterli
siyasəti hal-hazırda ilk növbədə ATƏT-in Minsk qrupunun
həmsədr olan dövlətləri Rusiya, ABŞ, Fransa həyata keçririrlər.
Bu dövlətlərin öz bölgə maraqları və maraqlar uğrunda siyasi
çarpışmaları Dağlıq Qarabağ münaqişəsinin ədalətli həllinə imkan
vermir. Sadalanan dövlətlər bir tərəfdən bəyan edirlər ki,
Azərbaycanın ərazi bütövlüyünü qəbul edirlər, digər tərəfdən
Azərbaycanın ərazi bütövlüyünə qarşı çıxırlar. Məsələn, həmin
dövlətlərin rəsmi nümayəndələri dəfələrlə bəyan ediblər ki,
Azərbaycanın ərazi bütövlüyünü qəbul edirlər. Lakin 2008-ci ildə
Azərbaycanın işğal olunmuş ərazilərində vəziyyətə dair BMT
Məclisində qərar qəbul edilərkən (real ədaləti müdafiə vəziyyət
zamanı)
Rusiya,
Fransa
və
ABŞ
Azərbaycanın
ərazi
bütövlüyünün əleyhinə səs veriblər. İran tərəfi də Azərbaycanın
ərazi bütövlüyünü şübhə altına alır və bu baxımdan da qərar qəbul
edilərkən anlaşılmaz siyasi hərəkət edib. Bununla yanaşı, böyük
dövlətlərin şirkətləri beynəlxalq hüquqa zidd olaraq Dağlıq
203
Qarabağ ərazisində müəyyən işlər həyata keçirirlər. Həmin
dövlətlərdə Dağlıq Qarabağın nümayəndəliyi də açılmışdır. ABŞ
Dağlıq Qarabağa ilbəil maddi yardım göstərir.
Qeyd edildiyi kimi, Azərbaycana qarşı “ikili standart”
siyasətini İran da həyata keçirir. Azərbaycanın ərazi bütövlüyünə
şübhə ilə yanaşır. İran Ermənistanla hərbi, iqtisadi və siyasi
sahədə əməkdaşlıq edir. İrandan Ermənistana qaz kəməri
çəkilibdir. Buradan görünür ki, İranın Ermənistanda öz dövlət
maraqları vardır. Lakin bu maraqlar Azərbaycana qarşı
yönəlməməlidir və İran daima Azərbaycanın ədalətli mövqeyini
dəstəkləməlidir. İran Azərbaycanın ərazi bütövlüyünü ona görə
dəstəkləmir ki, Dağlıq Qarabağ münaqişəsinin həlli İranın region
maraqlarına ziddir. İran hesab edir ki, münaqişə Azərbaycanın
regionda çox güclənməsinin qarşısını alır ki, bu da Azərbaycanın
İranla ehtiyatlı davranmasına səbəb olur. İran Cənubi Azərbaycan
amilindən ehtiyat edir. Cənubi Azərbaycanda geniş azadlıq
hərəkatının başlanması zamanı Azərbaycanın bəzi siyasi qüvvələri
tərəfindən güclü dəstək alacağından ehtiyatlanır. Bu məqsədlə,
İran Azərbaycana qarşı “ikili standart” siyasətindən istifadə edir.
Yəni bəzi hallarda bölgədə özünü Azərbaycana qarşı səmimi
aparır, lakin özünün dövlət maraqlarına görə Azərbaycanın
xeyrinə olaraq, ədalətli şəkildə konkret və dəyişməz mövqe
nümayiş etdirmir.
Azərbaycana qarşı regionda müstəqillik qazandıqdan sonra
Türkiyə birtərəfli və pozitiv siyasət nümayiş etdirir. Azərbaycanın
ərazi bütövlüyünü qəbul edir, beynəlxalq aləmdə dəstəkləyir,
Ermənistanı təcavüzkar dövlət kimi tanıyır. Lakin Türkiyə də
Ermənistanla
sərhədləri
açarsa
və
Ermənistanla
dövlət
səviyyəsində əlaqələr qurarsa, o zaman bu dövlətin də
Azərbaycana qarşı “ikili standart” siyasətinin əsası qoyulacaqdır.
Belə ki, Türkiyə Ermənistanda öz dövlət maraqlarını təmin
etməyə çalışacaq, lazım olan anda Azərbaycanın ərazi
bütövlüyünü dəstəkləməkdən imtina etmək məcburiyyəti ilə
üzləşəcəkdir. Ermənistan çalışacaqdır ki, Türkiyənin Dağlıq
Qarabağa dair mövqeyində dəyişiklik etsin.
204
Avropa ölkələrindən ilk növbədə Fransada siyasi qüvvələr
ermənipərəst siyasət yeridirlər. Fransa türkçülük amilindən də
ehtiyatlanır və Türkiyənin Avropa İttifaqına daxil olmasını
əngəlləyir. Almaniya da Azərbaycana qarşı ayrıseçkilik siyasəti
yeridir. Belə ki, Dağlıq Qarabağın nümayəndəliyinin öz ölkəsində
açılmasına icazə verib. Lakin bu siyasətinə başqa “don”
geyindirməyə çalışır. Bu baxımdan 2009-cu il aprel ayının
başlanğıcında Almaniyanın xarici işlər nazirinin müavini Qernort
Erler Azərbaycanda səfərdə olarkən bildirmişdir ki, Dağlıq
Qarabağ separatçıları ilə əlaqələr quran qurumların Almaniya
hökuməti ilə heç bir əlaqəsi yoxdur və bu Almaniyanın mövqeyini
əks etdirmir. Azərbaycan ilə siyasi, iqtisadi, mədəni, humanitar
sahələrdə əməkdaşlığı gələcəkdə də inkişaf etdirmək niyyətində
olan Almaniya Azərbaycanın uğurlarını yüksək qiymətləndirir və
gələcəkdə də Qafqaza kömək göstərməyə hazırdır.
1
ABŞ-ın
Azərbaycanın ərazisində Ermənistan işğalı nəticəsində yaradılan
Dağlıq Qarabağ separatçılarına 2010-cu ildə də dövlət
səviyyəsində 8 milyon dollar maddi yardım ayrıması “ikili
standart” siyasətinin tərkib hissəsidir. ABŞ bu addımı atmasına
düzgün hüquqi qiymət vermək istəyir və bildirir ki, yardım
hökumətə yox, əhaliyə verilir. Burada belə bir sual ortaya çıxır: -
Azərbaycanın Dağlıq Qarabağ bölgəsində yaşamış və zorla
qovulmuş azərbaycanlı əhalisinə nə üçün həmin yardımdan pay
ayrılmır?- Budur, “ikili standart” siyasətinin mahiyyəti. ABŞ
siyasətinin tətbiqi o mənanı verir ki, bu dövlət Dağlıq Qarabağın
qeyri-qanuni və işğalçı hakimiyyətini dolayı yolla beynəlxalq
hüququn
subyekti
kimi
qəbul
edir.
Dağlıq
Qarabağın
müstəqilliyini rəsmən tanımasa da, öz siyasəti ilə müstəqil dövlət
kimi qəbuletmə siyasətini tətbiq edir. ABŞ qondarma qurumu
dəstəkləməklə, beynəlxalq hüququn bütün əsas prinsiplərini
pozur. Beynəlxalq hüquq işğal faktını pisləyir, ABŞ isə faktiki
olaraq işğalçı hakimiyyəti dəstəkləyir. Bununla bir daha sübut
1
Almaniya Azərbaycan ilə bütün sahələrdə, o cümlədən parlamentlər
səviyyəsində əməkdaşlığın genişləndirilməsinə böyük əhəmiyyət verir. “Xalq
qəzeti”, №68, 2 aprel 2009-cu il.
Dostları ilə paylaş: |