197
hazırda da saxlanılır. Yalnız SSRİ-ni bu dövlətin varisi olan
Rusiya əvəz edibdir. Son zamanlarda Almaniya da BMT-nin
Təhlükəsilik Şurasının daimi üzvü olmaq istəyir) Beynəlxalq
hüququn baza normalarını (mühüm prinsipini) pozanlar əsasən
böyük dövlətlərdir və böyük dövlətləri arxalarında görən və bu
amildən istifadə edərək digər dövlətlərin ərazilərini işğal edən
kiçik dövlətlərdir. (Nəzərə almaq lazımdır ki, müasir beynəlxalq
hüququn 10 mühüm prinsipi vardır: Dövlətlərin suveren
bərabərliyi prinsipi; zor işlətməmək və ya zor işlətməklə
hədələməmək prinsipi; dövlətlərin sərhədlərinin pozulmazlığı
prinsipi; dövlətlərin ərazi bütövlüyü prinsipi; beynəlxalq
mübahisələri dinc yolla həll etmək prinsipi; daxili işlərə
qarışmamaq prinsipi; insan hüquqlarına və əsas azadlıqlarına
hörmət edilməsi prinsipi; xalqların öz müqəddəratını təyin
etməsi prinsipi; əməkdaşlıq prinsipi; beynəlxalq öhdəliklərin
vicdanla yerinə yetirilməsi prinsipi. Bu əsas prinsiplər BMT
nizamnaməsində təsbit edilmişdir. Prinsiplərin məzmununu geniş
açan ən mühüm sənədlər BMT nizamnaməsinə uyğun olaraq
Dövlətlər arasında dostluq münasibətlərinə və əməkdaşlığa dair
beynəlxalq hüququn prinsipləri haqqında Bəyannamə (24 oktyabr
1970-ci ildə BMT Baş Məclisində qəbul edilmişdir) və Avropada
Təhlükəsizlik və Əməkdaşlıq üzrə Müşavirənin (ATƏM)
Beynəlxalq Yekun aktında əks olunmuş və Dövlətlərin öz qarşılıqlı
münasibətlərində rəhbər tutmalı olduqları prinsiplər haqqında
Bəyannamədir. (1 avqust 1975-ci il.)
1
Burada maraqları təmin
etməyə kömək vasitəsi olaraq münaqişələrdən istifadə edilir. Bir
böyük güc mərkəzi başqa böyük güc mərkəzinə nisbətən daha çox
kiçik dövləti öz tərəfinə çəkirsə, bu zaman təzyiq metodu kimi
başlıca olaraq etnik amillərdən, o cümlədən münaqişə
amillərindən istifadə edir. “İkili standart” siyasətini ilk növbədə
böyük dövlətlər kiçik dövlətlərə qarşı tətbiq edir (“İkili standart”
siyasəti eləcə də böyük və orta gücə malik olan dövlətlərin də
1
“Beynəlxalq hüquq” Azərb. dilində, R. F. Məmmədovun redaktorluğu və
tərcüməçiliyi ilə. Bakı, “Qanun” nəşriyyatı, 2002, 752 s., səh. 63.
198
aralarında baş verir).
Geostrategiya zamanı maraq ədalət
prinsipini(beynəlxalq hüquq prinsiplərinin ədalətli tələblərini və
mahiyyətini)
pozursa,
tərəflərarası
münasibətlərdə
“ikli
standart”, “ikili yanaşma” siyasəti meydana gəlir. Buna bəzən
ayrıseçkilik siyasəti də demək olur. Bu siyasətin mahiyyətinin biri
də ondan ibarət olur ki, dövlətlər öz maraqları üçün işğala məruz
qalmış dövlətin ərazi bütövlüyünü öz maraqları naminə ədalət
prinsipi əsasında dəstəkləyə bilmirlər.
Ədalət prinsipinin pozulması da müvəqqəti və uzunmüddətli
xüsusiyyətlərə malik olur. Müvəqqəti pozulmaya bəzən birdəfəlik
maraq üçün pozulma aktı da demək olar. Uzunmüddətli
pozulmaya isə həlli uzadılmış münaqişə vəziyyətlərini aid etmək
olar. Məsələn, Azərbaycanın torpaqlarının Ermənistan tərəfindən
işğal edilməsini birdəfəlik ədalət prinsipinin pozulması kimi qəbul
etmək olsa da, artıq bu hal uzunmüddətli (davamlı) pozulmaya
gətirib çıxarıb. Birdəfəlik pozulma aktının, vəziyyətinin qarşısı
alınmadıqda həmin vəziyyət eyni xarakter üzrə uzanır və
uzunmüddətli şəkildə ədalət prinsipinin pozulmasına gətirib
çıxarır. Həmin pozulma vəziyyətindən böyük dövlətlər öz
maraqlarını təmin etmək üçün istifadə edirlər. (Qeyd: Bir
məsələni xüsusi olaraq nəzərdən keçirmək olar ki, beynəlxalq
hüququn on mühüm prinsipi məhz ədalətli yanaşmaya
əsaslanır. Bu, kompleks formuladır. Bu baxımdan da bir
prinsip, bir norma digərini poza bilməz və ziddiyyət təşkil edə
bilməz. Ermənistan tərəfi Dağlıq Qarabağ münaqişəsinin
həllində “xalqların öz müqəddəratını təyin etmək” prinsipini
əsas istiqamət kimi götürür. Bu prinsip isə bir dəfə öz
müqəddəratını təyin etmiş xalqın ikinci dəfə başqa dövlətin
ərazisində işğal yolu ilə öz müqəddəratını təyin etməsinə aid
deyil. Bir dəfə dövlət yaratmış xalq zor tətbiq etmək və ərazi işğal
etmək yolu ilə başqa dövlətin ərazisində ikinci dövlətini yarada
bilməz. Ermənistan isə Azərbaycan ərazisini işğal etməklə
beynəlxalq hüququn baza prinsiplərinin hamısını kobud şəkildə
pozub. Azərbaycan prezidenti İlham Əliyev beynəlxalq hüququn
əsas prinsiplərinin tələblərinə uyğun şəkildə haqlı olaraq