188
gətirdikləri şərait, zərurət və tələbat isə yeni münasibət
formalarının
meydana
gəlməsini
təmin
edir.
Əlaqələrin
davamedici prosesi yeni münasibət şəraitinin meydana gəlməsini
təmin edir, yaxud da yeni münasibətlər yeni-yeni əlaqələri yaradır.
Bir çox hallarda əlaqə ilə münasibət sözlərini eyni məfhum,
anlayış kimi qəbul edirlər. Lakin münasibət əlaqədən daha əhatəli
anlayışdır və predmeti daha genişdir. Münasibətdə dövlətin digər
dövlətə qarşı siyasi mövqeyi də nəzərə alınır. Ola bilər ki, iki
dövlət arasında münasibətlər olsun, lakin rəsmi əlaqələr olmasın.
Məsələn, Azərbaycanla Ermənistan arasında müharibə vəziyyəti
yaşanır. İki dövlət arasında münasibətlər var, danışıqlar həyata
keçirilir. Lakin əlaqə yoxdur. Münasibətlə əlaqəni fərqləndirən
xüsusiyyətlərə dair onu bildirmək olar ki, məsələn, bir dövlətin
digər dövlətin müstəqilliyini tanıması (de jure, de facto və ad hoc)
formasında aktının özü bir münasibətdir. Lakin bu hələ əlaqə
deyil. Eləcə də bir dövlətin digər dövlətə qarşı qəbul etdiyi
bəyanat aktı münasibətin predmetidir. Bir dövlətin başqa bir
dövlətə qarşı müharibə elan etməsi də bir münasibət növüdür,
formasıdır, üsuludur, ancaq əlaqə deyil. Əlaqələr hər iki və ya çox
tərəfin qəbul etdikləri normalarla yaranır. Adətən münasibət
bildirildikdən sonra əlaqələr qurulur. Məsələn, ilkin olaraq
müstəqillik rəsmən tanınır, sonra isə diplomatik əlaqələr qurulur.
İki dövlət arasında əvvəlcə müəyyən münasibətləri tənzimləyən
müqavilələr və digər sənədlər imzalanır, sonra isə müqavilənin
normalarına uyğun olaraq əlaqələr qurulur. Bununla yanaşı, qeyd
etmək olar ki, əlaqələrin qurulması ilə münasibətin də yaranması
başlaya bilər. Bu hərəkət daha çox baza münasibətinin üzərindən
edilə bilir. Bu baxımdan da belə bir prinsipdən çıxış etmək olar ki,
əlaqə münasibətlə başlayırsa, hər iki məfhum əlaqələr qurulan
zamanı daha da geniş məna kəsb edir. Əlaqənin predmetində
(obyektində) daha çox əşya olur. Məsələn, iki dövlət arasında
yaradılan ticarət əlaqələrinin obyekti əşyalardır (məhsullardır).
Ticarət əlaqələri yarandıqda ticarət münasibətləri formalaşır.
Lakin
ticarət
əlaqəsini yaratmaq üçün əvvəlcə ticarət
münasibətləri həyata keçirilir. Bu sahədə danışıqlar aparılır,
189
müqavilələr imzalanır. Əşya da münasibətin predmeti və obyekti
ola bilir. Məsələn, neft və qaz enerji məhsulları olaraq, həm
münasibət, həm də əlaqələr qurmaq üçün vasitələrdir. Məhz bu
amil münasibət və əlaqə anlayışları arasında bağlılığı təmin edir.
Belə bir prinsipdən çıxış etmək olar: münasibətlər əlaqələrin
qurulması üçün lazım olan sənədləri (vasitələri) yaradır,
sənədlər eyni zamanda yeni münasibət yaratmaq vasitələrinə
çevrilir.
Belə bir sual ətrafında fikir mübadiləsi aparmaq olar: dövlətlər
nə üçün münasibət və əlaqələr qururlar və onları buna sövq edən,
məcbur edən zəruri amillər nələrdən ibarətdir?- Bu suala cavab
olaraq onu bildirmək olar ki, dövlətləri öz aralarında münasibət
yaratmaq, əlaqələr qurmaq üçün zəruri edən amillər vardır. Onları
aşağıdakı şəkildə ümumiləşdirilmiş əsaslarla qısa olaraq izah
etmək olar:
Münasibət qurmaq baxımından
-dünya ictimaiyyətinin birliyinə nail olmaq üçün dövlətlər və
xalqlar bir-biriləri ilə münasibət qurmaq zərurəti ilə üzləşirlər,
həmçinin,
-dünyanın mədəni irsinin mənimsənilməsinə birgə marağın
təmin edilməsi üçün;
-insan hüquqlarının birgə şəkildə qorunmasını təmin etmək
baxımından;
-dünya tarixinin birgə öyrənilməsinə marağın olması baxımından;
-bəşəriyyətin ümumi təhlükəsizliyini birgə qorumaq zərurəti
baxımından, bu məqsədlə, qlobal və regional səviyyəli müharibə-
lərin, vətəndaş qarşıdurmalarının, digər silahlı toqquşmaların
qarşısını almaq və dünyada ümumsülhün əldə saxlanılması
zərurətindən irəli gələrək dünya ölkələri və xalqları birgə
münasibət formasını qurmaq zərurəti ilə üzləşirlər;
-bəşəriyyəti məhv edə biləcək kütləvi qırğın silahının
istehsalının qarşısının alınması və bu silahlara qarşı ümumi bəşəri
cəmiyyətlərin birgə nəzarətini yaratmaq zərurəti baxımından
dövlətlər münasibətlər formalaşdırmaq zərurəti ilə üzləşirlər;
190
-terrorizm, mütəşəkkil cinayətkarlıqla, transmilli cinayətkar-
lıqla mübarizə aparmaq üçün güclərin birləşdirilməsi zərurətindən
dövlətlər münasibət qurmaqda maraqlı olurlar;
-hər hansısa bir xalqa qarşı soyqırımın və irqi ayrıseçkiliyin
tətbiq edilməməsi üçün dövlətlər münasibət qurmaq zərurəti ilə
üzləşirlər, eləcə də,
-dünyanın ekoloji tarazılığının pozulmasının qarşısını almaq
baxımından;
-dünyanın ümumfiziki coğrafiyasını tədqiq etmək, hidro
mühitinin, atmosferinin, flora və fauna mühitinin birgə
öyrənilməsi və mənimsənilməsi zərurəti baxımından;
-dünyanın iqlim şəraitinin birgə şəkildə öyrənilməsini həyata
keçirmək zərurəti baxımından;
-xalqların mənsub olduqları cəmiyyətlərin ümumi sosial-rifah
halının yaxşılaşdırılmasını təmin etmək baxımından;
-dünyanın qlobal təbii fəlakətlərinin nəticələrinin birgə şəkildə
aradan qaldırılmasında yaxından iştirak etmək üçün güclərin
birləşdirilməsi zərurəti baxımından;
-dünya elminin və ədəbiyyatının birgə öyrənilməsi tələbatına
görə dünya ölkələri və xalqları münasibət qurmaq zərurəti ilə
üzləşirlər;
-dünya mədəniyyət incilərinin, abidələrinin və digər incəsənət
nümunələrinin birgə şəkildə öyrənilməsi məqsədilə dövlətlər
münasibət qurmaq zərurəti ilə üzləşirlər;
-bəşəriyyətin elmi-texniki nailiyyətlərindən birgə istifadəyə
nail olmaq üçün xalqlar ümumiləşmiş, cəmləşmiş formada
münasibət yaratmaq zərurəti ilə üzləşirlər və s.
Əlaqələr qurmaq baxımından
Bir məsələni xüsusi olaraq qeyd etmək olar ki, yuxarıda
sadalanan məqsədlərə çatmaq üçün müəyyən aktların həyata
keçirilməsinə (sənədlərin icrasına) başlanılması ilə əlaqələrin
qurulmasına da başlanılır. Bununla yanaşı, qeyd etmək olar ki,
əlaqələrin də qurulması üçün çoxlu sayda zərurətlər vardır və
Dostları ilə paylaş: |