— 63 —
ğularından məhrum olduğu üçün ürəkdən qopan hərarətli misra-
ların odu içərisində əriyir, yaddan çıxır» (117, 106).
Akademik M.İbrahimov «açıq siyasi mahiyyət daşıyan, sırf
ictimai mənanı əks etdirən» şeirlərin mükəmməl nümunəsi kimi
Aşıq Əhmədin «Olubdur» rədifli qoşmasını örnək gətirir: «Aşıq
Əhmədin Leninə həsr etdiyi «Olubdur» rədifli qoşması ona
görə oxunur ki, aşıq sözü şirin və mənalı deyə bilib.
Dağların qoynundan qızıl sökənin,
Dəryanın dibindən buruq çəkənin,
İlanlı düzlərdə pambıq əkənin,
Böyük havadarı Lenin olubdur (30, 232)
Burada hətta şərti ifadələr belə oxucunu çaşdırmır, aşığın
əsas qayəsini doğru dərk etməyə mane olmur. Məsələn, «Dər-
yanın dibindən buruq çəkən» məfhumu əlbəttə, çox şərtidir, su-
ların altından, dəryanın dibindən neft çıxarmaq ifadəsindən za-
hirən uzaqdır, lakin yerində və gözəl deyildiyindən adam heç
bu şərtiliyin fərqinə varmır, dərhal anlayır ki, aşıq nə demək is-
təyir» (80, 78).
Əlbəttə, şeiri mətnaltı mənada da şərh etmək olar. Akade-
mikin şərtilik kimi şərh etdiyi misra isə onunla bağlı idi ki, o
dövrdə hələ dənizin dibindən neft çıxarılmırdı. Bu da aşığın
uzaqgörənliyidir. «Havadarı» xüsusi vurğu ilə demək və ya dır-
naq arasına almaq kifayət edir ki, o «zülmkar» mənasında anla-
şılsın. Nəzərə almalıyıq ki, o dövrdə Ədil bəyin oğlu Aşıq
Əhməd məhz belə deməliydi. Başqa cür deyilsəydi, onun res-
publikaya yalnız ziyanı dəyə bilərdi. Sənət adamı ideoloji sis-
temdən kənarda ola bilmir. Ona görə də ideoloji məsələlərdə
ehtiyatlılıq sənətin eyham, məcaz, obrazlar, mətnaltı mənalar
qatını gücləndirir, fikir müxtəlif qatdan müxtəlif cür anlaşılır.
Aşıq Əhmədin bu səpkidə söylədiyi bir neçə şeiri sırf siyasi si-
— 64 —
farişli olsa da çılpaq mədhiyyə janrından tamamilə uzaqdır.
Aşıq Əhməd yaradıcılığında ictimai-siyasi lirikanın mükəmməl
nümunələri vardır. Aşığın poeziyasının mövzu əhatəsi geniş və
rəngarəngdir. Poeziyanın tematik əlvanlığı onu bu əsasda təsnif
etməyə imkan verir. Təsnifatın klassik prinsiplərinə uyğun ola-
raq aşığın poeziyasında mövzu baxımından qruplaşdırıla bilən
şeirlərdən birinci Allahın, peyğəmbərin, imamların şəninə söy-
lənmiş poetik örnəklərdir.
a) Dini şeirlər.
Aşıq Əhmədin yaradıcılığında dini mövzuda söylənmiş və
yazılmış şeirlər də xüsusi yer tutur. Bu şeirlər bir qayda olaraq
islami xarakter daşıyır və bu dini, müqəddəs saydığı dəyərləri
tərənnüm edir. İslamın müqəddəs kitabı «Quran», peyğəmbər
Məhəmməd rəsuləleyhüssəlam, 12 imam, xüsusilə Həzrət Əli
və imam Hüseyn adı şeirlərdə intensiv olaraq işlənir:
Allahın dediyi Ali Mühəmməd
Xəbər verdi, Osman yazdı Quranı.
Xatəmül-ənbiya, nuri-möhübbət,
Əhli Quran etdi biz müsəlmanı. (16, l28)
və yaxud:
Pənahım Allahdır, nəbim Mühəmməd,
Əvvəlki imamım Əlidir mənim!
Sidqiylə çağırsam, Sahibi-qüdrət,
Müşküldə gümanım Əlidir mənim! (16, 134)
«Kərbəla müsibəti» ilə bağlı motivlər aşığın yaradıcılığında
geniş işlənir. Bu şeirlər Şirvan bölgəsinin şiə mühitlərində keçi-
rilən «İmam Hüseyn təziyələri»ndə mərsiyəxanlar tərəfindən
oxunur.
— 65 —
Düşəndə darə səslərəm Allah Mühəmməd, ya Əli!
Sənsən dilimin əzbəri, haqqı İmamət, ya Əli!
Qurbanam Şahi Kərbəla oğlun İmam Hüseynə mən,
Qeyrətli Əbbas oğlunun əl üzmərəm ətəyindən,
Günahkar olsaq da bizə, eylə şəfaət, ya Əli!
Yığışmışıq ibni Əli, Şahi Hüseyn əzasinə,
Səs veririk fəqan ilə Zeynəbin qardaş səsinə,
Deyir: hərayə gəl baba, Kərbibəla səhrasına,
Üryan qalıb əhli-əyal, çəkir xəcalət, ya Əli!(16, 130-131)
Başqa bir şeirdə Kərbəla faciəsi emosional şəkildə təsvir
olunur:
Yeridi bihəyalar, çəkdi cümlə leşkəri,
Oxladılar təşnələb məşqi-Ələmpərvəri.
Öldürdülər Qasimi, toysuz Əliəkbəri,
Anası İmmi Leyla nalandı, ya Mühəmməd!
Yetmiş iki şühəda yerlə yeksan oldular,
Övrətlər Kərbalada əsir olub qaldılar,
Ayaq yalın,baş açıq Şama yola saldılar,
Fəryadımız göylərə dayandı,ya Mühəmməd!
(16, 131-132)
Aşığın Həzrəti Zeynəbin dilindən söylədiyi bir «layla»sı
faciənin ana qəlbindən keçən yaşantılarını canlandırrır, ona kə-
dərin poetik ifadəsi baxımından estetik biçim verir:
Ey Zeynəbi ağlar qalan,
Həsən, laylay, Hüseyn laylay!
Səkinəsi susuz qalan,
— 66 —
Həsən, laylay, Hüseyn, laylay!
Laylay, qardaşlarım, laylay,
Qəmim-qəmküsarım, laylay! (16, l32)
Bu «ağı»da, «oxşama»da milli yas mərasimlərinin folklor
ehtiyatları iştirak edir, həzin, kövrək duyğular oyadır. Bu duy-
ğular insanı içindən təlatümə gətirir, onu təmizləyir və saflaşdı-
rır.
Aşıq Əhmədin dini şeirlərində həm rəsmi islami dəyərlər, islam
əxlaqı və davranışları, şəriət qaydaları, həm də Azərbaycan sufiz-
mindən, ələvilikdən gələn ürfani elementlər müşahidə olunur. Aşı-
ğın yaşadığı Şirvan bölgəsinin Kürqırağı rayonlarında Şiəlik çox
mühafizəkar şəkildə saxlanmışdır. Sovet dönəminin ateist şəraitində
də bu ərazilərdə «Məhərrəmlik», «İmam Hüseyn təziyəsi» saxlan-
mış, yerli əhalinin dilində bu mərasimin adı «matəm» kimi işlən-
mişdir. «Matəm» məhərrəm ayının ilk on gününü əhatə edir. Bu on
gündə kənd camaatı evlərdən birinə toplaşıb məlum yas mərasi-
mini icra edirlər. Sinə döymə, zəncir vurma, kəcavə bəzəmə, qətl
ağacının başına dolanma, qurbanlar kəsmə, nəzir paylama kimi mə-
rasim elementləri də bu on gündə, xüsusilə onun «aşura» deyilən
onuncu günündə edilib. Bu ənənə indi də qalmaqdadır. Müstəqillik
dövründə dini azadlıqlar bərpa olunduğu üçün indi mərasimlər məs-
cidlərdə və bir qədər də mütəşəkkil şəkildə keçirilir.
Aşıq Əhmədin sözləri bu mərasimlərdə çox geniş yayılmış-
dır. Çoxları bu şeirləri əzbər bilir. Ona görə də bu tipli örnəklər
həm də dini folklor nümunəsi kimi dəyərləndirilə bilər.
Məsələnin digər tərəfi ondan ibarətdir ki, Aşığın şeirlərində
təkcə Allah, Məhəmməd, Əli, Hüseyn və başqa isimlər sadəcə
tərənnüm və ya mədh olunmur, bu tərənnümün, öygünün və ya
ağının içində yüksək mənəvi dəyərlər təbliğ olunur. Burada bö-
yük sevgi, hörmət, rəğbət vardır. Bunların hamısı dinləyiciyə
ünvanlanır. Haq-ədalət, düzlük, doğruluq, mərdlik, əqidəlilik,