— 107 —
miz «Şirvan və Fərqanə» dastanının süjeti ilk baxışda klassik
məhəbbət dastanlarımızın struktur sxemi ilə «eyniyyət» təşkil
etmir. Ancaq irəlidə dastanın süjetini ətraflı şəkildə təhlil edər-
kən görəcəyik ki, XX əsr Azərbaycan və özbək gəncliyinin,
əməkçi insanlarının səciyyəvi nümayəndələri olan bu gənclərin
arasında olan məhəbbət bütün «müasirliyinə» baxmayaraq,
Aşıq Əhməd tərəfindən çox böyük ustalıqla klassik məhəbbət
dastanlarının struktur sxeminə tabe edilmişdir.
Azərbaycan epik ənənəsində möcüzəvi doğuluş sakral qüv-
vəyə malik olanların (ağsaqqalın, dərvişin, «qurbanı olduqlarımı-
zın», pirin və b.) duası (alqışı) və ya verdiyi sehrli vasitənin kö-
məyi ilə gerçəkləşir. Azərbaycan epik ənənəsinə görə qəhrəman
doğularkən onun qəhrəman tipini müəyyən edən atributlar da
peyda olur. Rövşən hələ Koroğlu statusuna keçməmiş epos onun
adı və qılıncını «təqdim edir». Şah İsmayıla eyni vaxtda onun adı
Qəmərnişan (eyni səbəbdən – dərvişin sehrli olmasından) doğu-
lur. Dastanlarda bir-çox halda qəhrəmanla sevgilisi eyni vaxtda
və eyni səbəbə bağlı doğulurlar:
«Günlərin bir günündə Əhməd vəzir yenə oturub övlad dər-
di çəkirdi, bu zaman bir nurani dərviş daxil olub, salam verdi.
Əhməd vəzir salamın cavabını verəndən sonra qalxıb dərvişin
torbasını aldı, içinə bir çəngə pul qoyub ona qaytardı. Dərviş
qoltuğundan bir alma çıxarıb Əhməd vəzirə verib dedi:
– Al, muradın hasil olar, – deyə çıxıb getdi...
Əhməd vəzir axşama kimi almaya tamaşa elədi. Axşam rəxt-
xalə girib yatdı. Gecənin bir aləmində gördü ki, evin bir tərəfindən
divar yarıldı. Həmin alma verən nurani dərviş içəri girdi. Dərviş
üzünü Əhməd vəzirə tutub dedi:
– Ay Əhməd vəzir, dünən sənə verdiyim almanı götürüb ge-
dərsən Hatəm Soltanın hüzuruna. Almanı tən ortasından iki yerə
bölərsən. Bir parçasını sən yeyərsən öz arvadın ilə, bir parçasını
da Hatəm Soltan öz arvadı ilə yeyər. İnşallah, hər ikinizin övladı
— 108 —
olar» (35, 102-103).
Azərbaycan epik ənənəsində dərviş obrazı bir neçə funk-
siya daşıyır:
Qəhrəmanın doğulması onun sehri ilə baş verir;
Qəhrəmana buta verir;
Qəhrəmanı xəbərdar edir;
Qəhrəmana sehrli vasitə verir və s.
Azərbaycan epik ənənəsindəki dərviş Tanrı missiyasını ye-
rinə yetirir.
«Oğuz Kağan», «Kitabi-Dədə Qorqud»da və «Oğuznamə»-
də adətən, belə funksiyaları müdrik insanlar, şaman və ya tayfa
ağsaqqalları olan Ulu Türk, Dədə Qorqud, İrkıl Qoca icra edir.
F.Bayata görə «dastandan gələn məsləhətçi, müdrik qoca obra-
zının invariantı ilk şaman və ya şaman hamisidir (47, 58-59).
«Koroğlu»da həmin funksiyanı Aşıq Cünun yerinə yetirir. Bəzi
dastan və nağıllarda həmin statusda Xızır və ya Həzrət Əli ob-
razı çıxış edir.
Dərviş obrazının epik ənənədəki semantikasından özünün
«Azərbaycan məhəbbət dastanlarının poetikası» əsərində geniş
bəhs edən M.Cəfərli yazır: «Məhəbbət dastanlarında Məşuqə
ilahi gözəlliyin daşıyıcısı, İlahinin təcəllasıdır. Bu baxımdan
dərviş – Xızır, Həzrət Əli Aşiqlə Məşuq arasında, əslində bu
dünya ilə o dünya, insanlar dünyası ilə İlahi Dünya arasında va-
sitəçilik edirlər. Bu vasitəçilik dastanda həm birbaşa vasitəçilik-
dir (bu yolla qəhrəmanlar dünyaya gəlirlər, bir-biri ilə buta yolu
ilə nişanlanırlar), vasitəçilik həm də xilaskarlıq şəklində təzahür
edir: mediator bütün qəhrəmanı xilas edir. İşə qarışmalı olur.
Orasını da yada salaq ki, onun bütün xilaskarlıqları möcüzəli
olur. Döyüşən qəhrəmanın könlünə söz doldurur, ona verilmiş
müəmmaların cavabını sirli şəkildə qəhrəmana «pıçıldayır».
Aşiq qəhrəman bütün hallarda öz hamisinin köməyi ilə qələbə
qazanır» (52, 166-167).
— 109 —
Oğlanla qızın biri-birilərinə aşiq olması Azərbaycan mə-
həbbət dastanlarının əksəriyyətində yuxuda «buta verilməklə»
gerçəkləşir. Qəhrəmanın bir statusdan digərinə keçidini şərtlən-
dirən butavermə prosesi onu (qəhrəmanı) aşığa çevirir, oxumaq,
söz qoşmaq qabiliyyəti verir:
Buta verilməsi çox hallarda qəhrəmanın yuxuda dərvişin
(Xızırın, Həzrət Əlinin, pirin) sirli «eşq şərabını» içməklə real-
laşır. «Rəsul yatmışdı, yuxuda gördü ki, Tiflis şəhərində behişt
misallı bir bağdadır, bunun başının üstündə ceyran misallı gözəl
bir qız, qaş kaman, gözlər piyalə, burun hind fındığı, sinə Sə-
mərqənd kağızı, məmələr şamama kimi yumurlanıb ipək köy-
nəkdən baş vermişdir, baxanın əqlini aparır. Bu qızın yanında
bir dərviş var. Dərviş qızın əlini Rəsula uzadıb:
– Rəsul, bu qız Tiflisli Sənanın qızı Şahsənəmdir, bunu
sənə buta verirəm, çox çəkməz bir-birinizə çatarsınız, – deyib
çəkildi.
Rəsul Şahsənəmin gözəlliyini görcək əqli başından çıxdı,
dəlicəsinə ayılıb gördü ki, qəbiristanlıqdadır, amma yanında
heç kimsə yoxdur. Vahimə içində qalıb, bədəninə qorxu düşdü.
Ağzı köpüklənə-köpüklənə bir baş evlərinə tərəf qaçmağa baş-
ladı. Anası Badamxanım oğlunu bu halda görən kimi xəbər al-
dı:
– Oğul, bu nə gündür düşübsən, sənin üst-başını kim cır-
mışdır? Rəsul anasının sualına cavab verməyib hönkür-hönkür
ağlamağa başladı.
Rəsulun səsinə ətrafdakı qonşular yığılıb xəbər aldılar ki,
nə var, nə olmuşdur?
Rəsul dedi:
– Mən dərdimi dil ilə desəm, dilim alışıb-yanar. Mənə bir
saz verin, dərdimi sazla deyəcəyəm» (29, 170).
Tərki-vətən olub diyar-diyar gəzməyi özünün missiyası he-
sab edən aşıq bir ənənə olaraq öz qəhrəmanını səfərə göndərir.
— 110 —
Qəhrəmanın macərası (qürbətə getmə) məhəbbət dastanlarının ən
uzun hissəsini təşkil edir. «Tahir və Zöhrə», «Miskin Abdal və
Sənubər», «Qul Mahmud», «Şah İsmayıl», «Qurbani» kimi on-
larla xalq romanlarında qəhrəman buta aldıqdan sonra səfərə yol-
lanır.
Qəhrəmanlıq dastanlarımızın süjet quruluşu (semantik
struktur) məhəbbət dastanlarının strukturu ilə əsasən eyniyyət
təşkil etsə də, birincilərdəki səfərin motivlənməsini şərtləndirən
qəhrəmanlıq, ikincilərdə yerini «məhəbbətin gücünə» buraxır.
Qəhrəmanlıq dastanlarında igid özünütəsdiqi «kafərlə» döyüşdə
gerçəkləşdirdiyi kimi, məhəbbət dastanının qəhrəmanı məhəb-
bətə sədaqətini və öz eşqinin haqq vergisi olduğunu deyişmə
məclislərində isbata yetirir. Qəhrəmanlıq eposu ənənəsinə görə
«qəhrəmanlıqla evlənmənin» şərti olan mübarizə ilə, zorla
özünə həyat yoldaşı qaçırma motivi məhəbbət dastanlarımızda
yer almır. Lakin aşiqin qürbətə yollanması «Koroğlu» qolların-
dakı kimi qəhrəmanlıq məzmunundan nə qədər kənar olsa da,
ənənənin inersiyası ilə, hətta müasir dastanlarımızda belə bəzən
dastanların və aşıq rəvayətlərinin adında əski motivlərini qoru-
maqdadır. Məsələn: «Aşıq Alının Türkiyə səfəri», «Aşıq Ələs-
gərin Qaraqoyunlu səfəri», «Aşıq Ələsgərin Qarabağ səfəri»,
«Növrəs İmanın Tiflis səfəri» və s.
Dastanlarımızda qəhrəmanın səfərə yollanması («evdən ay-
rılması»), əsasən aşağıdakı «səbəblərə» bağlanır:
I. Qəhrəman ziyankar düşməni məğlub etmək üçün evdən
ayrılır;
II. Qəhrəman ov və ya qənimət əldə etmək üçün evdən ay-
rılır;
III. Qəhrəman özünə həyat yoldaşı qazanmaq üçün evdən
ayrılr. Birinci hal yalnız qəhrəmanlıq dastanları üçün spesifik-
dir. «Oğuz Kağan», «Kitabi-Dədə Qorqud»un bir çox boyların-
da, «Koroğlu» dastanının bəzi qollarında rastlanılır. Nağıllarda