— 139 —
can məhəbbət dastanlarının klassik obrazları ilə bir sıraya qo-
yur.
Aşıq Əhməd Gülşənin məhəbbətinin təsvirində məhəbbət
dastançılığı ənənəsinin səciyyəvi təsvir vasitələrindən ustalıqla
istifadə etmişdir. Bu baxımdan, şeirdəki «bəxt», «xəzan», «rə-
qib», «çuğul», «tüccar», «bəzirgan» və s. kimi obrazlar klassik
lirik ənənədən gəlməklə Aşıq Əhməd sənətkarlığının poetik
ənənə qaynağını birbaşa ifadə edir.
Aşıq Əhmədin dastanlarında gözəlliyin təsvirinin klassik
nümunələri ilə qarşılaşırıq. Məsələn, «Aytən və Zöhrab» dasta-
nında «Gözlərin» rədifli qoşma bunun səciyyəvi örnəyidir:
Maraldan, cüyurdən qəşəng ceyranım,
Məni məcnun edib qara gözlərin.
Tavuz kimi süzgün baxıb adamı
Elə bil çəkəcək dara gözlərin.
Eşqindən başımda çiskin, boran var,
Nə dərd bilib bir halımı soran var.
Gəl sinəmi aç, gör neçə yaram var,
Mürvət qılsa, edər çara gözlərin.
Zöhrab deyir, gözüm qalıb gözündə,
Qovrulub yanıram eşqin közündə.
Nə şövq edir o kahkəşan üzündə,
Şəmsi-Qəmər o sitarə gözlərin (25).
Bu şeir parçası poetik gözəlliyə nümunə kimi dastandan
verdiyimiz bir «yarpaq» olmaqla həm dastanın bədii-estetik siq-
lətini, həm də bütövlükdə Aşıq Əhməd poetizminin özünəməx-
susluq keyfiyyətini parlaq şəkildə təcəssüm etdirir. Şeirdən onu
yaradan sənətkarın bədii zövqü, dünya gözəlliklərinə estetik
— 140 —
münasibətinin poetik tutumu, gözəlliyin təcəssümündə bir sə-
nətkar kimi obrazlaşdırma qüdrəti və ümümiyyətlə, Azərbaycan
aşıq sənətinin sayılıb-seçilən nümayəndələrindən biri kimi poe-
tik «kimliyi» aydın şəkildə görünür.
Aşıq Əhmədin dastan yaradıcılığı zəngindir. Onu burada
poetik bütövlüyünün bütün göstəriciləri əsasında əhatə etmək
mümkünsüzdür. Çünki onun yaratdığı dastanların mövzu, məz-
mun, janr, kompozisiya, metaforik fond və s. kimi poetik sis-
tem ünsürlərinin hər biri geniş tədqiqat tələb edir. Aşıq Əhməd
yaradıcılığını bütövlükdə əhatə edən bir əsərdə onun dastanla-
rını həmin göstəricilər üzrə öyrənmək dissertasiyanın həcmi və
onun qarşısında duran başlıca məqsəd və vəzifələr baxımından
mümkünsüzdür. Bu halda səciyyəvi məqamlara diqqət verilmə-
sinin məqsədəuyğunluğundan çıxış edərək daha bir dastandan
bir qoşmaya diqqət edək.
Sənətkarın maraqlı və özünəməxsus süjetə malik «Höccət
və Məşəqqət» dastanından aşağıda verdiyimiz qoşma Aşıq
Əhməd dastanlarında forma ilə məzmunun, süjetlə şeirlərin
poetik vəhdətinin səciyyəvi nümunəsidir:
Bəxtəvər başına o kəslərin ki,
Könül mülkü müdam abad olubdu.
Yarıyıbdı oğlundan və qızından,
Qəm yükü boynundan azad olubdu.
Müharibə odu, tənəzzül hökmü
Ağır etdi köşkülümü, yükümü.
Bilmədim, nə üçün evlənən kimi,
Əziz oğlanlarım boyad olubdu?!
Gərəgin sözündən incisən də sən,
Deyim, görün nədən şübhəliyəm mən.
— 141 —
Zabış, qızın bizə gəlin gələnnən
Dağılıb tufağım bərbad olubdu (26).
Bu qoşma öz məzmunu etibarilə dastanın süjeti ilə sıx
bağlıdır. Burada şeirin məzmunu ilə dastanın süjet məzmunu-
nun poetik həmahəngliyi təkcə bu dastan üçün yox, Aşıq
Əhmədin digər əsərləri üçün də səciyyəvidir.
Dastanyaratma texnikasının tarixindən bəllidir ki, aşıqlar
bəzən hazır şeirlər əsasında da sonradan dastan yaratmışlar. Bu
vaxt şeirlərin məzmunu ilə süjetdəki hadisələrin bir-biri ilə hə-
mahəngliyini yaratmaq sənətkardan, əsl ustalıq, poetik qüdrət
tələb edir. Çünki şeirlər əsasında dastan qurarkən süjet həm də
dastançılıq ənənəsindəki süjet sxeminə uyğun olmalıdır. Belə-
liklə, şeirlərin kimə (başqa sənətkara, yaxud dastanı yaradan sə-
nətkarın özünə) məxsus olmasından asılı olmayaraq, sənətkarın
qarşısında həmişə iki məhdudlaşdıncı çərçivə olur:
1. Şeirlərin öz məzmunu;
2. Dastanların ənənədə mövcud olan süjet sxemi.
Sənətkar bu iki çərçivənin arasında olmaqla elə etməlidir
ki, onun şeirlərin məzmunundan çıxış edərək yaratdığı süjet
həm də dastanıçılıq ənənəsindəki məlum-məşhur sxemlərdən
kənara çıxmasın. Belə süjet sxemləri variativ şəkildə sayca iki-
dir: qəhrəmanlıq dastanlarının ənənəvi süjet sxemi və məhəbbət
dastanlarının ənənəvi süjet sxemi. Biz Aşıq Əhmədin sənətkar
kimi bu sahədəki qüdrətini onun «Aşıq Mirzə Bilal» dastanında
bütün parlaqlığı və coşğunluğu ilə görə bilirik.
Əvvəlcə qeyd edə ki, Aşıq Əhməd dastanları içərisində Şir-
van aşıqlarının atası sayılan Aşıq Mirzə Bilala həsr edilmiş
«Aşıq Mirzə Bilal» dastanı öz məzmun və mahiyyətinə görə
daha önəmli yer tutur. Dastan oxucuya və dinləyiciyə Mirzə Bi-
lalın həyatı, saf məhəbbəti, zəngin daxili aləmi, yaşayıb-yarat-
dığı mühit və bu mühitdə yaşayan Şirvanın bir çox görkəmli
— 142 —
şəxsləri haqqında ətraflı bilgi verir. Dastanın dili çox şirin,
bədii ifadə vasitələri ilə çox zəngindir. Azəbaycan klassik ədə-
biyyatı, el ədəbiyyatı və müasirliyin vəhdəti dastanda o qədər
güclü təsvir edilir ki, oxucu və dinləyici özünü gah keçmişdə,
sehirli nağıllar aləmində hiss edir, gah da Bilalın mühitində,
onun başına gələnlərin canlı şahidi olduğunu güman edir.
Aşıq Mirzə Bilala dastan həsr etmək çətin və məsuliyyətli
iş idi. Hər aşıq bu məsuliyyətin altına girməzdi. Bunun üçün ilk
növbədə özünü Aşıq Bilalın mənəvi şagirdi hesab etmək, ikin-
cisi, Aşıq Bilalın ad-san qoyduğu Şirvan aşıq mühitində sayı-
lıb-seçilən sənətkar olmaq, üçüncüsü, söz demək, dastan yarat-
maq qüdrətinə malik olmaq lazım idi. Aşıq Əhməd təkcə Şir-
vanın yox, bütöv Azərbaycanın sayılan sənətkarlarından biri
kimi, bu məsuliyyəti boynuna götürmüş və Aşıq Mirzə Bilala
dastan qoşmaqdan çəkinməmişdir. Dastanın nəzərdən keçiril-
məsi göstərir ki, o, Mirzə Bilalın adına layiq əsər yarada bilmiş
və nəticədə Azərbaycan dastançılığını gözəl bir sənət əsəri ilə
daha da zənginləşdirmişdir.
Şirvan aşıq mühitinin öyrənilməsinə bütün ömrünü sərf
edən filologiya elmləri doktoru S.Qəniyev Mirzə Bilala həsr et-
diyi «Şirvanlı Aşıq Mirzə Bilal» adlı monoqrafiyasında onun
sənətini Dədə Ələsgərlə müqayisə edərək Mirzə Bilalı «Şirva-
nın Ələsgər həsrətli bülbülü» adlandırır: «...Aşıq Mirzə Bilalın
1922-ci ildə Ələsgərə yolladığı, xitab etdiyi «Gəlginən» qoşma-
sının ona çatması, onun da Şirvana səfər etmək niyyətində ol-
ması barədə Bilala xəbərlər gəlmişdir. Ona görə də o, Dədə
Ələsgərin Şirvana qonaq gələcəyinə ümid bəsləmiş, gümanlar
içərisində olmuşdur. Bütün bunlar Dədə Ələsgəri, Azərbaycan
aşıq poeziyasının bu nəhəngini Şirvana - Şamaxıya qonaq çağı-
ran Aşıq Mirzə Bilalın özünün də necə bir ünlü sənətkar olma-
sından soraq verir. Çünki Şirvanın hələm-hələm sənətkarı Dədə
Ələsgəri qonaq çağırmaq sevdasına düşməzdi. Bu sənətkar Şir-