— 143 —
van aşıq sənətinin nəinki Şirvanda, eləcə də bütöv Azərbaycan-
da tanınmış, ulu-ulu sənətkalar yetişdirmiş, eləcə də ulu-ulu sə-
nətkarlarla deyişmiş aşığı Mirzə Bilaldır... O, bir sənətkar kimi
Şirvanda və onun hüdudlarından qıraqda məşhur olmuşdur.
Azərbaycan dastanlarını, eləcə də yerli Şirvan dastanlarını də-
qiqliyi ilə bildiyi kimi, onları məharətlə də ifa edərdi.., bənzər-
siz saz çalmağı vardı. Aşıq Mirzə Bilalı həm sələfləri, həm də
xələflərindən fərqləndirən bir cəhət də onun klassik ədəbiyyata
dərindən bələdliyi idi. Onu da qeyd etmək lazım gəlir ki, aşığın
klassik ədəbiyyata belə bələdliyi həm də ondan irəli gəlirdi ki,
o, Şirvan aşıq mühitinin nümayəndəsi olmuşdur. Şirvan isə, bil-
diyimiz kimi, saz-söz sənəti ilə yanaşı, klassik yazılı ədəbiyyat
ənənələrinin çox güclü olduğu bir ədəbi mühit, mərkəz olmuş-
dur...» (103, 209-210).
S.Qəniyevin bu fikrində Şirvan aşıq mühütinin özünəməx-
susluğu haqqında bir məqam diqqəti ayrıca olaraq çəkir. Tədqi-
qatçının göstərdiyi kimi, Şirvanda klassik yazılı ədəbiyyat ənə-
nələri ilə el-aşıq sənəti çox güclü sintezdə olmuşdur. Aşıq Mir-
zə Bilal belə bir mühitdə şöhrət tapdığı kimi, Aşıq Əhməd də
onun mənəvi şagirdi kimi məhz Şirvan aşıq mühitində sənətkar
kimi şöhrətlənə bilmişdir.
«Aşıq Mirzə Bilal» dastanı bir sıra cəhətləri ilə xüsusilə
əlamətdardır. Bu, ilk növbədə onunla bağlıdır ki, dastan Şirvan
aşıq mühitində yaşayıb-yaratmış gerçək bir sənətkarın bioqrafı-
yasını əks etdirsə də, Aşıq Əhməd klassik dastançılıq ənənələri-
nin kanonlarına çox dərindən bələd olan bir sənətkar kimi, Mir-
zə Bilalın bioqrafıyasını dastan süjetinin klassik sxeminə «sı-
ğışdıra», «oturda» bilmişdir. Bu, çox çətin məsələ olmaqla Aşıq
Əhməddən istedad və sənətkarlıq tələb etmişdir. Çünki bu das-
tan adicə bir süjetə malik əsər yox, XIX əsrin axırı - XX əsrin
əvvəlləri Şirvan-Şamaxı həyatının real lövhələrinin ecazkar şə-
kildə dastanlaşdırılmasıdır. Burada biz bir çox tarixi şəxsiyyət-
— 144 —
lərin (Seyid Əzim Şirvani, Mahmud ağa və s.) epik obrazlarını
da görürük. Dastançı böyük bir sənətkarlıq qüdrəti nümayiş et-
dirərək bir tərəfdən bu tarixi şəxsiyyətlərin obrazını yaratmış, o
biri tərəfdən elə etmişdir ki, gerçəkliklə epiklik həmahənglik
təşkil etsin. Bütün bunlara o, dastanda yüksək səviyyədə nail
olmuşdur. Aşıq sənətinin bədii-əxlaqi «kodeksi», estetik-mə-
nəvi «kanonları» bu dastanda özünün parlaq təcəssümünü tap-
mışdır. Maraqlıdır ki, «Aşıq Mirzə Bilal» dastanı elə bu sənət
kanonlarının epik «bəyanı» ilə başlayır:
«Əzəl gündən aşıq elini, el də öz aşığını sevmişdir. Elə buna
görə də saz çalıb oxuyanlara «el aşiqi» deyirlər.
Bir də deyirlər: «Aşıq elin anasıdır». Əlbətdə, bu sözün ar-
xasında dağ boyda bir həqiqət dayanıbdır. Çünki hər aşıq öz
dövrünün adamlarını pislikdən - yaxşılığa, əyrilikdən - düzlüyə,
yalançılıqdan - doğruluğa, sərtlikdən - sadəliyə dəvət edir. O,
həm də bütün yaradıcılığında insanları vətənpərvərliyə, xalqlar
dostluğuna çağırır, öz hünər və halal zəhməti ilə baş ucalığına
yetməsini, sülh və əmin-amanlıqla ömür sürməsini tərənnüm
edir.
Əlbəttə, bu nəsihətimiz sözlər ağıllı ata və anaların öz öv-
ladlarına xoşbəxtlik bəxş edən işıqlı sabahının yoludur. Ona
görə də «Aşıq el anasıdır» deyən kim isə - yanılmamışdır» (27).
Aşıq Əhmədin dastanın əvvəlində verdiyi bu hikmətlərin
poetik mənası bizim diqqətimizi çox maraqlı bir məsələyə cəlb
edir. Bilindiyi kimi, aşıqların dastanların əvvəlində, adətən, üç
ustadnamə deməsi bir ənənədir. Ancaq yenə də bu ənənədə us-
tadnaməsiz dastanlara da təsadüf olunur, «Aşıq Mirzə Bilal»
dastanı da ustadnaməsiz başlanır. Ancaq bir qədər dərindən diq-
qət etsək görərik ki, Aşıq Əhmədin aşıq sənətinin əxlaqi-bədii,
mənəvi-estetik kanonlarını nəql edən bu «girişi» elə ustadna-
məni əvəz edir.
— 145 —
«Ustadnamə» - ustad sözü, ustad nəsihətidir. Onlarda dünya-
nın ən ali və ulu həqiqətləri bəyan olunur. Ustadnamələr həm də
«elin anası» olan aşıqların sənət və həyat amallarını, əqidələrini
özündə əks etdirir. Dədə Ələsgərin «Aşıq olub tərki-vətən ola-
nın...» misrası ilə başlayan məşhur ustadnaməsini yada salaq.
Əslində, Aşıq Əhmədin «Aşıq Mirzə Bilal» dastanının əvvəlində
nəsrlə verdiyi bu «ustad sözü» elə Dədə Ələsgərin ustadnaməsi-
nin məna «törəməsidir». Ustad aşıqların nəzmlə (şeirlə) dediyi
«ustadnaməsini» o, burada nəsrlə deyib. Bu mənada, onun bu
«girişi» məzmunu, mənası, poetik vəzifəsi və qayəsi baxımından
elə ustadnamə məqamındadır.
Əvvəlcədən qeyd edək ki, dastan həcm baxımından çox iri-
dir. Öna görə də biz onun məzmununu bütöv şəkildə burada
verməyi artıq hesab edib, səciyyəvi məqamlara diqqət verməyi
məqsədəuyğun hesab edirik.
«Aşıq Mirzə Bilal» dastanında Aşıq Əhməd aşıq sənəti ilə
bağlı öz «ustad nəsihətini» verdikdən sonra dastana keçir. İstər
bu «keçidin», istərsə də, ümumiyyətlə, dastanın poetik məna
bütövləri (formal quruluşunun hissələri) dastançılıq ənənəsini
əks etdirir. Aşıq Əhməd bütöv dastan boyu epik ənənəyə sadiq
qalmağa çalışır və buna nail olur. Aşıq deyir: «Əziz oxucular və
hörmətli dinləyicilər, indi ki söhbət aşıqdan gedir, onda «Aşıq
Mirzə Bilal» dastanını nəql edə bilərəm» (27).
Göründüyü kimi, sənətkar Mirzə Bilalın həyatını dastanlaş-
dırarkən epik təhkiyənin dastana məxsus qəliblərindən uğurla
istifadə edir. Bu, Aşıq Mirzə Bilalın həyatının «başlanğıcına»
da eyni dərəcədə aiddir: «Aşıq Mirzə Bilal macərası belə başla-
nır. Xanların, bəylərin zülmü ərşə dirək olan vaxtı Şirvan maha-
lının Qəşəd kəndində Mustafa adlı bir kişi yaşayırdı. Mustafa
kişinin dörd qızı, iki oğlu vardı. Böyük oğlu Rəsul Ərəbmehdi-
bəy kəndində əzazil Səlim bəyə rəncbər işləyirdi. Kiçik oğlu
Bilalı Mustafa kişinin yaxın dostu Mollaverdi aparıb Hacı Se-
— 146 —
yid Əzimin Şamaxı şəhərində özü dərs dediyi «Üsuli-cədid»
məktəbində oxudurdu. Bilalın yataqxanası Seyid Əzimin yaxın
dostu Aşıq İbrahim Əngxaranlının ev otaqlarının bir çeşməsi
idi» (27).
Göründüyü kimi, dastan elə başlanğıcından tarixi şəxsiyyət-
ləri əhatə edir. Bu baxımdan, Aşıq Əhmədin real həyat situasiya-
larını dastan süjetinin sxeminə uyğun təsvir etməsi ondan ustalıq
tələb etmişdir. O, bu işin öhdəsindən sənətkarlıqla gəlmişdir. Bu-
nun səciyyəvi tərəflərindən biri aşığın təsvirlərdə epik qəliblərə
söykənməsində ifadə olunur. Aşıq Əhməd təhkiyəni elə qurur ki,
dastan süjetinin gedişatı bütün hallarda ənənədən qırağa çıxmır.
Məsələn, o, Bilalla Aşıq İbrahimin münasibətlərini dastan təhki-
yəsinin bütün şirinlyi ilə təzahür etdirə bilmişdir:
«Deyilənlərə görə, Aşıq İbrahim ən uca səsə malik olduğu
üçün ruhanilər onu aşıqlıq peşəsindən ayırıb, Şamaxı şəhərinin
cuma məscidində əzan çəkdirirlərmiş, 80-90 yaşında qocalar
and-misaf edirlər ki, Aşıq İbrahim Əngxaranlı Şamaxı cuma
məscidinin minarəsində əzan verəndə onun səsi Dağ Göylər
kəndində eşidilirdi. Bu məsafə, ən azı 7-8 kilometr olar. Bu ba-
xımdan, səs üstünlüyündə İbrahim Əngxaranlını əvəz edən in-
san yaranmayıbdır. İbrahim Əngxaranlının oğlu Zeyqəm də Bi-
lalın tələbə yoldaşı idi. Dərsdən sonra Aşıq İbrahim onlara saz
çalıb oxumağı da öyrədərmiş» (27).
Aşıq Əhməd Bilalın sənətkanlığının təsvirində gerçəkliyin
təqdiminin dastana məxsus üsullarından istifadə etmişdir. Bir
tərəfdən çalışmışdır ki, Bilalın ömür yollarının təsviri gerçək-
liyə uyğun olsun, o biri tərəfdən də çalışır ki, bu ömür yolu, sa-
dəcə, bədii təsvir olmasın. Bilal ömrü və sənəti dastanlaşsın,
epik abidəyə dönsün. Təhlil göstərir ki, Aşıq Əhməd dastanı ya-
radarkən izlədiyi hər iki məqsədə nail olmuşdur.
«Rəvayətə görə, Bilal az müddət içərisində çox elmə yiyələ-
nir. Mənim öz qulaqlarımla eşitdiyim, gözlərimlə gördüyüm