58
zamanı müşayiət edən nümayəndə heyətinin tərkibində
olarkən Prezident İlham Əliyevə, onun şəxsində
Azərbaycanımıza çox böyük hörməti görəndə iftixar hissi
keçirmişəm.
Prezident İlham Əliyevin bir neçə xarici dildə sərbəst
danışması ona ölkəmizin problemlərini birbaşa qarşı tərəfə
çatdırmağa imkan verib. Bəli, biliyi, bacarığı yüksək
qiymətləndirən müasir dünyada zəngin erudisiyaya malik,
iradəli dövlət başçısına malik olmaq istənilən millətin fəxri,
onun tarixi sərvətidir. Gördüklərim, müşahidə etdiklərim bir
fikri də söyləməyə əsas verir ki, məhz Prezident İlham
Əliyevin zəkası, iradəsi xalqımızın zorən düçar edildiyi
Ermənistan-Azərbaycan, Dağlıq Qarabağ münaqişəsinin
ədalətli həllinə səbəb olacaq, ölkəmizin ərazi bütövlüyü bərpa
olunacaq.
Prezident İlham Əliyevin Birləşmiş Millətlər
Təşkilatının Baş Məclisində, Avropa Şurası Parlament
Assambleyasında tarixi çıxışları ilə Ermənistanı ifşa etməsi,
həqiqətləri yüksək diplomatik məharətlə, böyük cəsarətlə həm
təcavüzkara, həm beynəlxalq aləmə çatdırması sabaha
ümidləri artırır. Martın 12-də Daxili qoşunların bayramında
Ali Baş Komandan, Prezident İlham Əliyev Ermənistan-
Azərbaycan, Dağlıq Qarabağ münaqişəsi barədə ölkəmizin
ədalətli mövqeyini, tutduğumuz prinsipial xətdə israrlı
olmağımızı bir daha bəyan etdi.
Hər zaman xalqla birgə
Cənab İlham Əliyev Azərbaycan rəhbərliyinə gələn kimi
milli-mənəvi dəyərlərimiz, ədəbiyyatımız, mədəniyyətimiz,
incəsənətimiz, tariximiz haqqında da çox ciddi sənədlər
imzaladı. Onun elmimizə, elm adamlarına, təhsilimizə,
59
mədəniyyətimizə, gəncliyə qayğısı ictimaiyyət tərəfindən
böyük razılıqla qarşılandı.
Ulu öndərimiz Heydər Əliyev: «Mən həmişə xalqa
arxalanmışam, xalqa bel bağlamışam… Mənim həyatım
həmişə xalqla bir yerdə olub, bu gün də bir yerdədir, sabah da
bir yerdə olacaqdır» deyirdi və əməlləri ilə də bunu sübut
edirdi. Xalqla birlik, xalqa arxalanmaq və xalqa xidmət etmək
– bunlar İlham Əliyevin də həyat və fəaliyyətinin əsas özəyini
təşkil edir.
Heydər Əliyevin sadə vətəndaşlarla ünsiyyəti, onların
könlünü alması, onlara qarşı səmimiliyi hamının yaddaşına
həkk olunub. O, qızıl kimi qiymətli vaxtından camaatla
görüşlərə də vaxt ayırırdı, onlarla təmasda olmağa da vaxt
tapırdı və buna üstünlük verirdi. Xalqın arzu və istəklərini,
qayğı və problemlərini, dərdlərini özlərindən eşitməyə,
öyrənməyə üstünlük verirdi. Və ömrünün sonuna qədər də
belə etdi. Onun səmimiliyi, müdrikliyi, insanlarla ünsiyyəti
hər kəsi öz sehrinə salırdı. Bu, Heydər Əliyevin böyüklüyü,
böyüklüyündəki sadəliyi idi, həqiqi liderə xas olan bir
keyfiyyət idi. Məhz xalqla, onun ən sadə nümayəndələri ilə bu
cür ünsiyyət, onları duymaq onu hamının sevimlisinə
çevirmişdi. Ona görə də xalq öz ürəyində Heydər Əliyevə bir
abidə ucaltdı.
Bu gün həmin prinsiplərə sadiq olan Prezident İlham
Əliyev əsgərlərin görüşünə gedir, onlarla bir süfrə arxasında
nahar edir, qaçqın-köçkünlərə baş çəkir, onların yaşayış şəraiti
ilə tanış olur, şəhər gəzintisinə çıxır, insanlarla birbaşa
ünsiyyətdə olur, metro stansiyasında qatara minərək
sərnişinlərlə söhbət edir, şəxsən özü maşının sükanı arxasında
əyləşərək Bakı kəndlərinə gedir, yolların vəziyyəti ilə
maraqlanır, elin ən əziz bayramında camaatla birlikdə
şənlikdə iştirak edir, hər kəsin könlünü alır və s. Bu sıranı çox
60
uzatmaq olar və bu, ölkə başçısının xalqla birbaşa
ünsiyyətinin, əlaqəsinin bariz nümunəsidir.
Çox ibrətamiz bir fikir var: ənənələrə hörmət etməyən
xalq irəli gedə bilməz. Prezident İlham Əliyevə xas olan ən
gözəl keyfiyyətlərdən biri, məhz onun ənənələrə sadiqliyidir.
Bu sadiqlik Prezidentin fəaliyyətindən qırmızı xətt kimi keçir
və onu xalqa daha da yaxınlaşdırır.
İnsan amili və şəxsiyyət azadlığı
İlham Əliyev ölkəmizin milli maraqlarına, cəmiyyətin
maddi və mənəvi dəyərlərinə ciddi təhlükə yaradanlara qarşı
mübarizəni də ən ümdə vəzifələrdən biri hesab edir.
Çox uzağa getməyək. Son zamanlar ictimaiyyətdə böyük
rezonansa səbəb olmuş, cəmiyyət tərəfindən razılıqla
qarşılanmış bir hadisəni qeyd etmək istəyirəm. 10 mart 2005-
ci il tarixdə Prezident İlham Əliyevin çox ciddi tapşırığı ilə
Milli Təhlükəsizlik Nazirliyinin yüksək peşəkarlıqla
hazırlayıb həyata keçirdiyi «Qara kəmər» şərti adlı xüsusi
əməliyyat nəticəsində səlahiyyətli adamların rəhbərlik etdiyi
və uzun illər ağır, dəhşətli cinayətlər törətmiş böyük tərkibdə
mütəşəkkil cinayətkar dəstə zərərsizləşdirildi, bandanın
rəhbəri və üzvləri cəmiyyət qarşısında ifşa olundular. Təbii ki,
dünyanın ən inkişaf etmiş ölkələrində də yüksək çinli
məmurların cinayətkarlığa qurşanması faktları var, amma
onların tapılıb üzə çıxarılması, zərərsizləşdirilməsi dövlətin
qüdrətindən xəbər verir.
Bu hadisə göstərdi ki, cəmiyyətdə şəxsiyyətin azadlığı,
onun hüquq və azadlıqlarının toxunulmazlığı çox vacib
məsələdir və Azərbaycanda vətəndaşların təhlükəsiz yaşamaq
hüququnun qorunması dövlətin ali məqsədidir. Prezident
İlham Əliyev ölkədə insan haqlarının ən böyük
61
müdafiəçisidir.
Bir daha bəlli oldu ki, heç bir qüvvə Azərbaycanı
zəiflətmək iqtidarında deyil. Çünki bu dövlətin təməli,
bünövrəsi möhkəm qoyulub. Hər bir vətəndaşın qanun
qarşısında bərabərliyi prinsiplərini özünün idarəçilik
kredosuna çevirmiş ümummilli liderimiz Heydər Əliyev insan
hüquq və azadlıqlarının təminatı məsələlərinə daim diqqətlə
yanaşırdı, bu məqsədlə hüquq-mühafizə orqanlarında müasir
dövrün tələblərinə uyğun mütərəqqi islahatların aparılmasına
normal şərait, qanunverici baza yaratmışdı. Alternativi
olmayan bu siyasət təkcə ümummilli deyil, həm də fərdi
maraqları özündə əks etdirir. Ümummilli liderimiz
müdrikliklə bəyan etmişdi: «Dövlət iki şeydən sarsıla bilər:
cinayətkar cəzasız qalanda və günahsız cəzalandırılanda». Bu
tezis Heydər Əliyevin insan hüquqlarına necə böyük önəm
verdiyinin təzahürüdür. Bu gün Prezident İlham Əliyevin
həyata keçirdiyi tədbirlər isə göstərir ki, demokratik siyasi
sistemin formalaşdığı Azərbaycanda heç bir cinayət cəzasız
qalmır və qalmayacaq.
Azərbaycana xidmət edən amallar
İndi, həqiqətən də, Azərbaycan etibarlı, qabiliyyətli
əllərdədir. Prezident İlham Əliyevin ölkəmizə böyük istedad
və bacarıqla rəhbərlik etməsi, Heydər Əliyev siyasi kursunu,
onun Azərbaycan naminə amallarını böyük ustalıqla davam
etdirməsi hər birimizin qəlbini iftixarla döyündürür. Onun bir
fikri də çox diqqətçəkəndir: «Mən Heydər Əliyevdən
öyrənmişəm və bundan sonra da öyrənəcəm. Bütün qərarları
qəbul etməzdən əvvəl fikirləşirəm ki, Heydər Əliyev bu
vəziyyətdə hansı addımı atardı».
Bəli, İlham Əliyev uzun illər bənzərsiz lider Heydər
Dostları ilə paylaş: |