|
![](/i/favi32.png) Mm-dən mühazirələrin kanspekti
|
səhifə | 35/79 | tarix | 23.12.2023 | ölçüsü | 1,17 Mb. | | #157440 | növü | Mühazirə |
| Mm-d n m hazir l rin kanspektiKumulyativ döyüş sursatı – zirehli səthləri dağıtmaq üçün istifadə olunur. Bu silahların təsir mexanizmi yüksək sıxlıqlı qazların 6000-7000°C temperaturda səthləri yandırmasına əsaslanır. Partlayış zamanı əmələ gələn sıxılmış hava enerjisi sürətlə bir nöqtəyə yığılır və qalınlığı bir neçə on santimetr olan zirehli səthləri dağıdır və yanğınlar törədir.Kumulyativ döyüş sursatlarından müdafiə olunmaq üçün müxtəlif materiallı ekranlardan istifadə olunur. Belə olan halda axının enerjisi ekranın dağıdılmasına sərf olunur, əsas konstruksiya isə salamat qalır.
Betondağıdan silahlar – dəmir-beton tikililərin və həmçinin aerodromların uçuşetmə zolaqlarının, təyyarə anqarlarının, aerodromların uçuş zolaqlarınin beton örtüyünü dağıtmaq üçün tətbiq edilir.Betondağıdan bombalar, zədələyici elementləri möhkəm və ağır qatışıqdan hazırlanmış özəkdən ibarətdir. Sursatın daxilində 2 bomba, kumulyativ və füqas bombası və 2 detanator yerləşdirilir. Beton səthə dəydikdə kumulyativ sursat detanator vasitəsilə partladılır və bombanın gövdəsi xaricdə qalır, özək isə betona keçir müəyyən gecikmə ilə ikinci detanator vasitəsilə füqas bombası partladılır.
Yüksəkdəqiqli silahlar – kəşfiyyat-zərbə kompleksləri şəklində təqdim olunur. Hərbi mütəxəssislər bu silahları yaradarkən kiçik ölçülü yaxşı müdafiə olunan möhkəm obyektlərin təminatlı zədələnməsinə nail olmağa çalışırdılar. Bu komplekslər 2 əsas elementdən ibarətdir: zədələyici vasitələr (təyyarələr, raketlər) və texniki vasitələr. İdarəolunan aviasiya bombaları adi bombalara oxşayır, onlardan idarəolunma sistemi və kiçik qanadlarının olması ilə fərqlənir. Kiçik ölçülü obyektlərə dəqiq zərbə endirmək üçün istifadə olunur. İdarəolunan aviasiya bombaları betondağıdan, zirehdeşən, tank əleyhinə, kasset və s.olur. Dəqiq silahlara idarə olunan aviasiya bombaları da aiddir. Xarici görünüşündən onlar adi aviasiya bombalarına oxşayır və idarəetmə sisteminin və kişik qanadların olması ilə fərqlənir.
Hazırda Azərbaycanın milli ordusu yüksəkdəqiqli silahlar qrupundan olan yeni ballastik raket sistemləri ilə (İsrail hərbi sənaye istehsalı olan “Ekstra” və Pakistan ballastik raketləri ) ilə təmin olunub. "Ekstra" raketlərinin uçuş məsafəsi 130 kilometrdir.
Şəkil 2.33. Müasir silahlar
Şəkil 2.34. Ballastik raketlər
Bu raketlər 306 millimetr kalibrə malikdir, uzunluğu isə 3,97 metrdir. Pakistan raketi isə "Xatf-4" "Şahin-1" raketinin təkmilləşdirilmiş variantıdır və hərəkət məsafəsinə görə, İsrail raketlərini 20 dəfə ötür. Yeni raketlər nüvə başlıqları daşımağa qadirdir. Qeyd edək ki, Rusiya nə Azərbaycana, nə də Ermənistana belə silah növü satmır. Ancaq Rusiya Ermənistandakı hərbi bazasında
"İsgəndər" operativ-taktiki raket komplekslərini yerləşdirib. Adi qırğın vasitələrindən mühafizə tədbirləri aşağıdakılardır:
- mühafizə qurğularında daldalanmaq;
- fərdi mühafizə vasitələrindən istifadə etmək;
- iri şəhərlərdən və təhlükəli sahələrdən əhalini şəhərdənkənar təhlükəsiz zonaya köçürmək və s.
.
Dostları ilə paylaş: |
|
|