_____M.S.Pevzner oliqofreniyanın 4 formasını ayırır._____
Əsas forma – diffuz formadır. Qabığaltı əmələgəlmələrin qorunması və likvor maddəsinin normal dövranı ilə şərtlənən baş beyin qabığının nisbətən üstün zədələnməsidir. Kliniki tədqiqatlar göstərir ki, bu şəxslərdə hissiyat üzvlərinin fəaliyyəti kobut şəkildə pozulmayıb: nitqdə, motorikada, emosional-iradi sferada kobud pozulmalar qeyd olunmur. Bununla belə, onlarda bütün idrak fəaliyyətinin inkişafsızlığı müşahidə olunur. Uşaqlar cox zaman, qarşılarına qoyulan məqsədləri başa düşmür onun həllini başqa növ fəaliyyətlə əvəz edirlər, onlar süjetli şəkillərin əsas mənasını dərk edə bilmir, silsilə şəkillərin əlaqəsini tuta bilmir, gizli mənalı mətni başa düşmürlər. Əşya və hadisələr arasında mürəkkəb səbəb-nəticə əlaqələri sistemini quran zaman abstrakt təfəkkürün səviyyəsinin aşağı olması özünü birüzə verir.
Təfəkkürün inertliyi və lənghərəkətliyi bu formalı oliqofreniyanın əsas simptomunun əmələ gəlməsində vacib və əsas rol oynayır.
Dostları ilə paylaş: |