28
II FƏSİL
Qlobal informasiya cəmiyyəti və yeni
tipli mədəniyyət növü-infokultura
2.1. Ġnformasiya cəmiyyəti yeni sosium növü kimi
Müasir dövrdə beynəlxalq leksikonda ən çox istifadə və
istinad edilən anlayışlardan biri də informasiya cəmiyyəti ka-
teqoriyasıdır. Bir çox nəzəri-konseptual mənbələrdə informa-
siya cəmiyyəti spesifik sosium növü kimi səciyyələndirilir və
bir sıra modern xarakteristik xüsusiyyət və keyfiyyətlərin
məcmusu kimi təsvir edilir. Klassik mənada informasiya cə-
miyyəti dedikdə elə bir sosium növü nəzərdə tutulur ki, bura-
da əhalinin böyük hissəsi müasir informasiya texnologiyala-
rından istifadə etməklə informasiyanın, ən əsası isə, onun ali
forması olan biliyin istehsalı, saxlanması, emalı və ötürülməsi
ilə məşğul olur. Digər mənada, informasiya cəmiyyəti gündə-
lik elmi və ya işgüzar ünsiyyət də daxil olmaqla bir çox sahə
və istiqamətlərdə modern informasiya texnologiyalarına isti-
nad etməklə informasiya dövriyyəsinin təşkil olunduğu sosi-
um növü kimi səciyyələndirilir.
Bəzi nəzəri-konseptual mənbələrdə və araşdırmalarda
əks olunur ki, informasiya cəmiyyəti postsənaye sosiumunun
konsepsiyasıdır. Eyni zamanda, bu sosium növü istehsalatın
əsas məhsulunu informasiya və bilik təşkil edən sivilizasiya-
nın inkişafının yeni tarixi fazasıdır. Məhz bu baxımdan qeyd
olunmalıdır ki, informasiya cəmiyyətinə xas olan münasibət-
lər informasiyalaşdırma prosesinin uğurla başa çatdırılması
nəticəsində təşəkkül tapır və davamlılıq əldə etmiş olur.
29
Qeyd etmək lazımdır ki, informasiya cəmiyyəti bir çox
fundamental xüsusiyyətləri ilə digər sosium növlərindən fərq-
lənir. Belə ki, bu növ sosiumda cəmiyyətin həyatında infor-
masiya və biliyin rolunun artması, daxili məhsulların axının-
da informasiya kommunikasiyalarının, məhsullarının və xid-
mətlərinin payının artması təməl statik xüsusiyyətlər kimi sə-
ciyyələndirilir, eyni zamanda, insanların effektiv (bir o qədər
də rasional) qarşılıqlı informasiya əlaqələrini, dünya informa-
siya resurslarına müraciətlərini təmin edən və onların infor-
masiya məhsullarına və xidmətlərinə olan tələbatlarını təmin
edən qlobal informasiya fəzasının yaradılması müşahidə olu-
nur.
Bütün bunlarla yanaşı, bir sıra araşdırmalarda və nəzəri
mənbələrdə informasiya cəmiyyətinin üstünlüklərinə aşağıda-
kılar aid edilir:
– infososiumda informasiya böhranı aradan qalxır, in-
formasiya axını və informasiya “aclığı” arasındakı ziddiyyət
həll olunur;
– informasiyanın başqa resurslardan üstünlüyü təmin
edilmiş olur;
– bütün bəşəri sivilizasiya üçün qlobal informasiya mü-
hiti yaranır;
– informasiya və kommunikasiya texnologiyalarından
istifadə kütləvi hal alır, sosial və iqtisadi fəaliyyətin yeni for-
maları yaranır;
– informasiya əmtəəyə çevrilir, informasiya və bilik ba-
zarı yaradılır və inkişaf edir;
– inkişafın əsas forması kimi informasiya iqtisadiyyatı
formalaşır;
– İKT vasitəsilə hər bir insanın, bütün sivilizasiyaların
informasiya resurslarına sərbəst çıxışı təmin edilir;
30
– təhsil sisteminin təkmilləşməsi, beynəlxalq, milli və
regional səviyyədə informasiya mübadiləsi sistemlərinin im-
kanlarının genişlənməsinə mühüm şərait yaranır.
Amma bütün bunlarla yanaşı, informasiya cəmiyyətində
bir sıra potensial təhlükə və təhdid mənbələri, meyilləri də
mövcud olur. Belə ki, “xam maddə” səciyyəsi daşıyan infor-
masiyadan media institutları-kütləvi informasiya vasitələri ən
müxtəlif məqsədlər naminə fərqli formalarda istifadə edirlər
və bu amil ictimai rəyin formalaşması və istiqamətləndirilmə-
sinə əhəmiyyətli dərəcədə təsir göstərir. Bu sırada qeyd olun-
malıdır ki, modern informasiya cəmiyyətlərində media insti-
tutlarının informasiyadan siyasi manipulyasiya məqsədilə is-
tifadə etmələri, demək olar ki, qanunauyğun hala çevrilib.
Məhz buna görə də, potensial olaraq informasiya cəmiyyəti-
nin ən aşkar təhdid faktoru qismində informasiyadan siyasi
manipulyasiya məqsədilə istifadə olunması çıxış edir.
Bütün bunların fonunda meydana çıxan sual budur ki,
informasiya cəmiyyəti hansı substratlar üzərində təşəkkül ta-
pır və infososiumun formalaşması təbii prosesdir, yoxsa
konkret qüvvələr bunu strateji detallar, maraqlar və məqsəd-
lər əsasında formalaşdırır?
Beləliklə, bu suallara cavab vermək üçün bir-birilə siste-
matik surətdə bağlı olan bir sıra kompleks məsələlərə toxun-
maq məqsədəmüvafiqdir. İlk növbədə, qeyd edilməlidir ki,
XXI əsr modern informasiya cəmiyyətinin fonunda müasir
beynəlxalq münasibətlər sistemində milli dövlətlərin yeri və
rolunu müəyyənləşdirən mühüm amillərdən birini də infor-
masiya axınına nəzarət etmək imkanları təşkil edir. 1969-
1975-ci illərdə ABŞ prezidentinin Milli Təhlükəsizlik məsə-
lələri üzrə köməkçisi işləmiş, 1973-1977-ci illərdə isə ABŞ-
ın Dövlət katibi olmuş Henri Kissincer bildirir ki, müasir
31
dövrdə informasiya axınına nəzarət edən güclər dünyaya
nəzarət etmək imkanlarına sahib olurlar ki, bu da yeni növ
hegemoniyanın-informasiya dominantlığının meydana çıxma-
sını şərtləndirir. Belə ki, hazırki dövrdə infokratlar başlıca
resurs və silah qismində informasiyadan istifadə edirlər.
Başqa sözlə, netokratların hakimiyyət resursunu informasiya
təşkil edir və bu, qlobal hegemoniya sistemində “yumşaq
güc” mexanizmi səciyyəsi daşıyır. Eyni zamanda, bu, yeni
növ idarəetmə sisteminin və “informasiya elitası”nın meyda-
na çıxmasını şərtləndirir. Sözügedən “informasiya elitası” isə
dünyanı vahid mərkəzdən idarə etmək naminə qlobal infor-
masiya şəbəkəsinin sərhədlərini genişləndirmək üçün mütə-
madi fəaliyyət mexanizmi formalaşdırır.
Nəticə etibarilə, infososium da ən yeni imperializmin
fəaliyyət mexanizminin fonunda xüsusi əhəmiyyət kəsb edir.
İnfososium kontekstində, ilk növbədə, informasiya axınına
nəzarət edilir, dünya siyasəti və beynəlxalq münasibətlər sis-
temində əsas tendensiya və meyillərinin formalaşdırılmasının,
həmçinin, istiqamətləndirilməsinin informativ əsasları yara-
dılmış olur, eyni zamanda, milli dövlətlərə yönəlik yeni və
daha effektiv təsir mexanizmləri formalaşdırılır. Bütün bunlar
isə infoimperializmin transmilli səciyyəli məqsədlərinin tə-
min olunması istiqamətində əhəmiyyətli strateji resurs qis-
mində çıxış edir.
2.2. Ġnfoidentiklik milli-etnik identikliyi neytrallaĢdı-
ran faktor kimi. Milli-etnik sosial piramidadan homogen
infokulturoloji sosial piramidaya doğru
Bəşəriyyət tarixində qəbilə və tayfalar, daha sonra isə
xalqlar və millətlər müxtəlif dini, etnik, mədəni və s. kimi
Dostları ilə paylaş: |