Sxem 5.1. Azərbaycanda özəlləşdirmə prosesinin normativ-hüquqi bazası
Azərbaycan Respublikasında (AR)
Əmlakının
özəlləşdirilməsi
haqqında AR Qanunı
I
I
AR dövlət əmlakının
özəlləşdirilməsinin
II Dövlət Proqramı>>>>>AR Prezidentinin fərmanı ilə
…………………………..təsdiq edilmiş normativ aktlar,
…………………………..qaydalar, əsasnamələr (əlavə)
>>>>>>>>>>>>>>>>>>>Nazirlər Kabinetinin Qərarı ilə
……………………………təsdiq edilmiş tövsiyələr,
……………………………nizamnamələr və s. (əlavə)
>>>>>>>>>>>>>>>>>>>DƏK sədrinin təsdiq etdiyi təlimatlar,
...........................................sərəncamlar, əmrlər (əlavə)
İkinci mərhələ 1999-cu ildən başlayaraq indi də davam edir. Bu dövrdə özəlləşdirmənin tempi xeyli
aşağı düşmüş, onun gedişində fasilələr müşahidə olunmuşdur. Dövr ərzində özəlləşdirmənin yeni
hüquqi bazası yaradılmış və sonrakı proseslər dövlət mülkiyyətinin
özəlləşdirilməsinin yeni
Qanununa və II Dövlət Proqramının müddəalarına uyğun tənzimlənir. Özəlləşdirmə prosesinin
təşkilati məsələlrinin təşkili və idarəedilməsi səviyyələrində də dəyişikliklər bu dövrə təsadüf etmiş
və nəticədə Dövlət Əmlakı Komitəsi Nazirliyə çevrilmiş, sonradan isə ləğv edilərək, onun və
digər bir neçə iqtisadi yönlü dövlət idarəetmə institutlarının bazasında İqtisadi İnkişaf
Nazirliyi
yaradılmış və dövlət əmlakının özəlləşdirilməsi səlahiyyəti həmin nazirliyin müvafiq
Depatamentinə həvalə olunmuşdur. Bu dövrdə əksəriyyəti rentabelli və strateji baxımdan
əhəmiyyətli 450-dək iri müəssisə və 50-dən çox birgə müəssisə özəlləşdirilməyə açılsada prosesin
gedişində sürətli dəyişikliklər müşahidə olunmamışdır. Dövr ərzində özəlləşdirmə paylarının
dövriyyə müddəti bitdiyindən onun uzadılması ilə bağlı prezident fərmanı verilmişdir. Beləliklə də
Azərbaycanda əsasən 1996-cı ildən start götürən və 5 il davam edən özəlləşdirmə prosesi kütləvi
özəlləşdirmə modelindən kənara çıxa bilməmişdir. Bu isə dünya özəlləşdirmə praktikasında oxşarı
olmayan hadisədir.
5.2. Özəlləşdirmənin yekunlarının sosial-iqtisadi konteksdə qiymətləndirilməsi və retrospektiv
təhlili
Son illər Azərbaycanda həyata keçirilən iqtisadi
islahatlarda öz əhəmiyyətinə, miqyasına və
cəmiyyətin transformasiya proseslərindəki roluna görə dövlət mülkiyyətində olan obyektlərin
özəlləşdirilməsi xüsusi yer tutur. Bu proses ölkə əhalisinin bütün təbəqələrinin maraq və
mənafelərinə az və ya çox dərəcədə toxunduğundan onun gedişi hamı tərəfindən maraqla
izlənir.1993-cü ildə "Dövlət əmlakının özəlləşdirilməsi haqqında" Qanun və 1995-1998-ci illərdə
dövlət əmlakının özəlləşdirilməsinin Dövlət Proqramı qəbul edildikdən sonra Azərbaycanda
dövlətsizləşdirmə prosesinin birinci və əsas mərhələsinə start verilmişdir. Bu proqramın 1995-ci
ilin noyabrında
qəbul edilməsinə baxmayaraq, onun praktikada gerçəkləşdirilməsinə 1996-cı ilin
martından başlanılmışdır. Həmin ilin avqustuna qədər bir neçə yanacaq doldurma məntəqəsi
özəlləşdirilsə də, yalnız Dövlət Əmlak Komitəsində (DƏK) aparılan kadr dəyişikliyindən sonra
1996-cı ilin sentyabrından etibarən kiçik özəlləşdirmə sürətlənməyə doğru start götürmüşdüp.
Əhaliyə özəlləşdirmə payları 1997-ci ilin mart ayının 1-dən verilməyə başlanmışdır. Əgər nəzərə
alsaq ki, birinci özəlləşdirmə proqramının fəlsəfəsi çek özəlləşdirilməsinə söykənir (mövcud
qanunvericiliyə görə özəlləşdiriləcək dövlət mülkiyyəti obyektlərinin 70 faizi çeklərə dəyişilməli
idi), onda onun faktiki reallaşdırılmasına məhz bu tarixdən başlanıldığını demək olar.
Qanunvericilikdə çeklərin dövriyyə müddətinin 3 il müəyyənləşdirildiyi (yəni 2000-ci il avqustun
16-dək) nəzərə alınmaqla, birinci proqramın müddətinin də 2000-ci ilin sonuna qədər uzadılması
məqsədəuyğun olsa da, o hüquqi müstəvidəki ömrünü 1999-cu ildə başa vurmuşdur. Bu, həm də
1999-cu il yanvarın 1-dən sonra özəlləşdirmə prosesinin faktiki olaraq dayanmasının qarşısını alar
və çek özəlləşdirilməsini davam etdirməklə prosesin birinci mərhələsini (yəni
çek özəlləşdirilməsi
mərhələsini) tam başa çatdırmağa imkan verərdi. Beləliklə də 2001-ci ildən özəlləşdirmənin
keyfiyyətcə fərqli yeni mərhələsinə keçmək olardı.
Azərbaycanda özəlləşdirmə prosesi demək olar bütün postsosialist ölkələrindən gec başlasa da
təssüflər olsun ki, özəlləşdirmə proqramı hazırlanarkən həmin ölkələrin islahat təcrübəsi kifayət
qədər öyrənilməmişdir. Proqramın hazırlanması və müzakirəsində yerli mütəxəssislərin iştirakı
lazımi səviyyədə təmin edilməmişdir. Birinci proqramı əsasən rusiyalı mütəxəssislər
hazırladığından, onun fəlsəfəsini Rusiyada keçirilən vauçer özəlləşdirilməsi təşkil edirdi.
Proqramın konsepsiyası daha çox ideoloji xarakter daşıyırdı, iqtisadi
nəticələr ən arxa plana
keçirilmişdi. Proqramın gələcək uğursuzluğunun bünövrəsi də elə onun konsepsiyasında
qoyulmuşdu. İndi birmənalı şəkildə demək olar ki, kiçik özəlləşdirmə istisna edilməklə, birinci
özəlləşdirmə proqramı qarşıda duran məqsədləri tamamilə reallaşdıra bilmədi. Nəticədə onun
qarşısında duran siyasi və sistemli dəyişikliklərlə bağlı məqsədlərə nail olunsada,
sosial və
effektivlik baxımından ciddi nəticələr əldə edilmədi. Bunu aşağıdakılar sübut edir.
Dövlət əmlakının özəlləşdirilməsinin birinci proqramında nəzərdə tutulan 30 min kiçik dövlət
müəssisəsi və obyektdən onun əhatə etdiyi müddət ərzində 22.193- ü və ya 74 faizə qədəri
özəlləşdirilmişdir. Özəlləşdirilmiş müəssisələrin təqribən 99 faizi əmək kollektivi tərəfindən
alınmışdır. Nəticə etibarılə, həmin dövrdə kiçik özəllşdirmədən xüsusi büdcə hesabına 211,3
milyard manat vəsait daxil olmuşdur.
Dövlət Əmlak Nazirliyinin (DƏN) 2001-ci il yanvarın 1-nə olan məlumatına görə, kiçik
özəlləşdirmə mərhələsində 31.*26 kiçik dövlət müəssisəsi, obyekt və avadanlıq özəlləşdirilib.
Bunların arasında 9421
məişət xidməti obyekti, 2257 ticarət, 649 ictimai iaşə müəssisəsi, 514
yanacaq doldurma məntəqəsi, 500-dən çox çörək ticarəti və çörəkbişirmə obyekti (avadanlığı), 605-
dək sənaye və 300-dək tikinti müəssisəsi (avadanlığı), 14320 nəqliyyat vasitəsi, 160-dan çox aptek
və s. obyektlər var.
Kütləvi özəlləşdirmənin birinci mərhələsində orta və iri dövlət müəssisələrinin bazasında 1.092
səhmdar cəmiyyət yaradılmışdır. Birinci Dövlət özəlləşdirmə Proqramı çərçivəsində 982 səhmdar
cəmiyyətinin səhmləri 38 çek hərracına və 55 pullu hərraca çıxarılmışdır. Bu dövr ərzində 1.039
səhmdar cəmiyyətdə qapalı abunə yazılışları keçirilmiş və 6 investisiya
müsabiqəsinin nəticələri