Səkkizincisi növbəti mərhələdə fərdi layihələrlə və investisiya müsabiqələri
ilə özəlləşdirməyə
üstünlük verilməsi və bu üsulların prosesin gedişində aparıcı xətt təşkil etməsi effektiv sahibkarın
aşkar olunması baxımından daha əlverişli şərait yarada bilər.
Beləliklə də hər bir dövlətin iqtisadi sistemində bazis rolunu oynayan mülkiyyət münasibətlərinə,
onun səmərəli təşkili problemlərinə, idarəetmə formalarına, müxtəlif mülkiyyət növləri arasındakı
qarşılıqlı nisbət məsələlərinə və bütün bu proseslərin hərəkətverici qüvvəsinə çevrilən özəlləşdirmə
siyasətinə kompleks halda baxış müasir dövrün zəruri tələbatından irləli gəlir. Bu baxımdan
özəlləşdirmə sadəcə olaraq mülkiyyətin dəyişməsini şərtləndirən adi bir tədbir kimi deyil, dövlət
müəssisələrinin satılmasından başlayaraq onun sağlamlaşdırılmasına qədər olan dövrü əhatə edən
və bir sistem daxilində həyata keçirilən iqtisadi siyasət olaraq qəbul edilməli və
qiymətləndirilməlidir. Artıq bu gün "mülkiyyətçinin kim olması
vacib deyil, onsuz da bazar özü
əvvəl-axır bacarıqlı sahibkarı axtarıb tapacaq" kimi bir vaxtlar iqtisadi ədəbiyyatlarda məşhur olan
və hətta müəllifini Hobel mükafatı almaq səviyyəsinə qədər yüksəldən Kouz ideyası praktiki
gerçəklikdə öz iqtisadi səmərəsini itirməkdədir.
Ntic
Özəlləşdirmənin dünya təcrübəsi ilə yaxından tanışlıq və onun Azərbaycanda gedən proseslərlə
müqayisəli təhlili ilk növbədə ayrı-ayrı ölkələrin mövcud praktikasına fərqli yanaşmanı aparıcı xətt
kimi önə çəkməyi zəruri edir. Diqqət yetirsək görərik ki, Qərbin sənayecə inkişaf etmiş ölkələrində
bu prosesin fəlsəfəsini daha çox iqtisadi motivlər, konkret olaraq sahibkarlıq
fəaliyyətində dövlətin
iştirak dairəsini daraltmaq, mülkiyyət məsubiyyətindən və təşkilati-hüquqi formasından asılı
olmayaraq bütün təsərrüfat subyektləri üçün bərabər rəqabət şəraiti yaratmaq və bir sözlə
müəssisələrin fəaliyyətinin effektivliyini artırmaq təşkil edirdisə, postsosialist məkanında
özəlləşdirmənin fəlsəfəsi daha çox ideoloji və siyasi motivlərə (iqtisadiyyatda transformasiya
proseslərini sürətləndirmək, ölkə vətəndaşlarına dövlət əmlakından pay çatdırmaq və s.) uyğun
gəlirdi. Digər tərəfdən Cənub Şərqi Asiyanın yeni sənaye dövlətlərinin özəlləşdirmə təcrübəsində
hər iki motivdən doğan istiqamətlərlə yanaşı həmçinin əyalətlər arasındakı iqtisadi geriliyin
aradan qaldırması və bununla bağlı özünəməxsus problemlərin
həlli məqsədləri də müşahidə
olunurdu. Latın Amerikası ölkələrində özəlləşdirmənin məqsədlərinə milli iqtisadiyyatın rəqabət
qabliyyətini artırmaq, dövlətin xarici və daxili borclarını azaltmaq və ölkə iqtisadiyyatına xarici
mənşəli sərmayə cəlbini sürətləndirmək daxil idi.
İkincisi, özəlləşdirmənin dünya təcrübəsinin xronologiyası bu nəticəyə gəlməyə əsas verir ki,
mülkiyyətdə aparılan bu cür islahatlar Qərb dövlətləri və Latın Amerikası ölkələri üçün başa
çatmış və geridə qalmış, postsosialist ölkələri və yeni sənaye dövlətləri üçün isə indi də davam edən
və başa çatdırıla bilməyən sindrom hesab olunur.
Üçüncüsü, özəlləşdirmə proseslərinin ayrı-ayrı ölkələr və onların qrupları üzrə dinamikasının təhlili
Qərb dövlətlərində bu tədbirin əhatə dairəsinin məhdud olduğunu və asta templə aparıldığını,
postsosialist ölkələrində isə geniş miqyasda və sürətlə həyata keçirildiyini təsdiq edir.
Nəhayət, qeyd olunan parametrlər üzrə nəticə çıxararkən, bu qənaəti arqumentləşdirmək
mümkündür ki, Qərb praktikası ilə Azərbaycan reallıqları arasında
paralellər aparmaq nə
özəlləşdirmənin strat vəziyyətinə, nə dinamikasına, nə də ki, təsir dairəsinə və ən başlıcası da
məqsədlərinə görə uğurlu yanaşma sayıla bilməz. Latın Amerikası və Cənub Şərqi Asiyanın
inkişaf etməkdə olan ölkələrinə gəlincə, onların təcrübəsinin Azərbaycan praktikasına tətbiqi
institutsional investorların bu prosesə cəlbi üsullarına diqqət yetirilməsi nöqteyi nəzərdən
məqsədəuyğun hesab oluna bilər.
Postsosialist ölkələrində tətbiq olunan kütləvi özəlləşdirmə modelinin Azərbaycanın mövcud
proqramı ilə fəlsəfi baxımdan eyniliyi və bu məkanı təmsil edən ölkələrin strat vəziyyətinin
oxşarlığı faydalı təcrübə mübadiləsi baxımından diqqətə layiqdir.
Bu məkana daxil olan ölkələr
üzrə özəllşdirmə ərəfəsi dövrdə müşahidə olunan siyasi situasiya, dövlət mülkiyyətinin
dominantlığı, kapital bazarının zəif inkişafı onun gedişində başlıca əngəllərdən biri hesab oluna
bilər. Bu prosesin postsosialist ölkələrində gedişi də bir sıra çətinliklərlə müşahidə olunmuşdur.
Siyasi mövqelərindən asılı olaraq müxtəlif dövlət məmurlarının özəlləşdirməyə qarşı aktiv
fəaliyyəti demək olar ki, əksər postsosialist ölkələrinə xarakterik cəhət hesab oluna bilər. Bu
ölkələrdə özəlləşdirmənin tərəfdarları sırasında praqmatik düşüncəli, mütərəqqi fikirli dövlət və
hökumət liderləri ilə yanaşı, bəzi səlahiyyətlərinə görə "əlini qızdırmaq" imkanına malik olan
müxtəlif səviyyəli dövlət məmurlarını da görmək mümkündür. Dövlətin
strateji əhəmiyyət kəsb
edən sahələri "özgə əllərin" ixtiyarına verməmək istəyi ilə özəl sahibkarın maraqları arasındakı
uyğunsuzluq demək olar ki, bütün ölkələrdə özəlləşdirmənin sürətinə mənfi təsir göstərmişdi. Bu
ölkələrin iqtisadi siyasətində sosial müdafiə elementlərinin xüsusi yer tutması sıravi vətəndaşların
özəlləşdirməyə münasibətini xeyli pisləşdirmişdir.
Göründüyü kimi, müxtəlif özəlləşdirmə fəlsəfəsinə və fərqli inkişaf səviyyəsinə malik dövlətlərin
əksəriyyətində bu prosesə yanaşmada iqtisadi motivlər üstünlük təşkil etsə də ideoloji motivlərlə
start götürmüş özəlləşdirmə təcrübəsinə daha çox postsovet məkanında rast gəlmək mümkündür.
Kütləvi özəlləşdirmə təcrübəsi onu da təsdiq etdi ki, əksər postsosialist ölkələrində bu proses əsasən
siyasi və sistem dəyişiklikləri vəzifəsini yerinə yetirmiş, sosial və iqtisadi məqsədlərə ya nail ola
bilməmiş, ya da qismən nail olmuşdur.
Praktiki olaraq bütün ölkələrdə "kiçik" və "böyük" özəlləşdirmə prinsipal
olaraq fərqlənmiş və
ayrıca qanunlarla reqlament-ləşdirilmişdir. Hər yerdə "kiçik" özəlləşdirmə çox sürətlə həyata
keçirilmişdir. Bu, ticarət, ictimai iaşə, xidmət sferasının çox da iri olmayan müəssisə və
obyektlərinin "canlı" pullara daha tez satışı ilə səciyyələnir.
"Böyük" özəlləşdirmənin asta tempinin başlıca səbəbləri əhalidə vəsait çatışmazılığı və xarici
kapitalın minimum həcmi ilə izah olunur. Belə problem əsasən keçmiş sosialist dövlətlərində
müşahidə olunmuşdur. Bu amil də postsosialist məkanında özəlləşdirmənin səmərəli təşkilində
başlıca maneə kimi qiymətləndirilə bilər.
Keçmiş sosialist ölkələrinin, o cümlədən Azərbaycanın praktikası
göstərir ki, kütləvi özəlləşdirmə
deyil, nisbətən "yumşaq" özəlləşdirmə daha səmərəli iqtisadi nəticələrin əldə edilməsinə şərait
yaradır . Belə ki, kütləvi özəlləşdirmə modeli siyasi cəhətdən alternativsiz olsa da, iqtisadi nöqteyi-
nəzərdən heç də həmişə müvəffəqiyyətli hesab olunmur. Rusiya təcrübəsi sübut etdi ki, vauçer
özəlləşdirilməsi çox mürəkkəb texniki- təşkilati prosesdir. Onun ömrünün uzunluğu
özəlləşdirmənin səmərəliliyinə mənfi təsir göstərən başlıca amillərdən biri hesab olunur.
Belə olan
halda kapital bazarı zəif inkişaf edən ölkələrdə geniş miqyaslı özəlləşdirmənin səmərəli iqtisadi
nəticələrindən danışmağa dəyməz.
Çünki, bu modelin tətbiqi aşağıdakı çatışmazlıqlara şərait yaradır: