Riyaziyyat 7-ci sinif

5.19. Proqnozlaşdırma
Proqnoz – hər hansı tədqiqat obyektinin gələcək vəziyyəti haqqında verilmiş
fərziyədir. Proqnozlaşdırma isə proqnozun elmi metodlar əsasında emal edilməsi
prosesidir. Proqnozun 100% həyata keçəcəyini söyləmək mümkün olmasa da,
proqnozlaşdırma insan fəaliyyətinin planlaşdırılmasında mühüm mərhələ hesab edilir.
Proqnozlaşdırma əsasında müxtəlif müddətləri əhatə edən proqramlar (planlar) işlənib
hazırlanır.
Çalışmalar
1.  Aşağıdakı cədvəldə 2011-2013 illərdə bəzi ölkələrdən Türkiyəyə gedən adamların
sayı verilmişdir. Cədvəldə verilənləri sütunlu diaqramla təsvir edin. 
 
Diaqrama əsasən hansı fikirləri söyləmək və hansı proqnozları vermək olar?
2.  Cədvəldə iki avtomobil firmasının 1 il ərzində üç aylıq intervallarla satış cədvəli
verilmişdir. Cədvələ əsasən xətti diaqram qurun. 
Diaqrama əsasən hansı fikirləri söyləmək və hansı proqnozları vermək olar?
3.  Aşağıda Fatmanın (a) və Sevilin (b) 1 günlük bədən temperaturlarını göstərən
qrafiklər verilmişdir. Qrafiklərə əsasən bu xəstələrin eyni saatda olan bədən
temperaturlarını araşdırın və növbəti saat üçün hansı proqnozları verməyin
mümkünlüyünü söyləyin. 

---

5.20. Nisbətən mürəkkəb hadisə üçün əlverişli halların sayı
Hər hansı bir hadisənin baş verməsi üçün mövcud əlverişli halların araşdırılmasında
müxtəlif üsullardan istifadə edilir. Bu üsulları tətbiq etməklə hər hansı halın nəzərdən
qaçırılması aradan qaldırılmış olur. Məsələn: bir neçə rəqəmdən ibarət ədədi yazmaq
üçün əlverişli halları araşdırarkən cədvəl üsulundan istifadə edilir.
Nümunə
Misal 1: Yazılışında 3, 7 və 9 rəqəmləri iştirak edən bütün ikirəqəmli ədədləri yazın. 
Həlli: Tələb olunan ikirəqəmli ədədləri yazmaq üçün aşağıdakı kimi cədvəl tərtib edək:
Cədvəldən göründüyü kimi, əlverişli halların sayı: n =3∙3= 9-dur. 
Nümunə
Misal 2: Seymurun 3 şalvarı və 5 köynəyi var. O, bu paltarları neçə üsulla geyinə
bilər? 
Həlli: Seymur hər şalvarı 5 köynəklə geyə bilər. Aşağıdakı cədvələ əsasən bütün
halların sayını müəyyən edək:
Cədvəldən göründüyü kimi, əlverişli halların sayı: n =3∙5= 15-dir. 
Belə tapşırıqları yerinə yetirmək üçün hər dəfə cədvəl qurmağa ehtiyac yoxdur. Bunun
üçün “hasil qaydası”ndan istifadə etmək olar.
Nümunə
Misal 3: A, B, C, D və E hərflərindən ibarət ikihərfli kod yazın. 
Həlli: Kodun 1-ci hərfi bu hərflərdən istənilən biri ola bilər: n = 5. İkinci hərf də
istənilən hərf ola bilər, deməli: m = 5 olar. Onda vurma üsuluna görə bu hərflərdən
düzəldilən ikihərfli kodu: n ∙ m = 5 ∙ 5 = 25 halda yazmaq olar. Əgər hərflərin
təkrarlanmaması tələb olunarsa, bu halların sayı 5∙ 4= 20 olar.

---

Çalışmalar
1.  Cədvəllər üsulundan istifadə etməklə aşağıdakı rəqəmlərdən düzəldilmiş bütün
ikirəqəmli ədədləri yazın: 
a) 1, 4, 5;       b) 2, 0, 7,       6;       c) 0, 5, 7, 9.
2.  Orxan və Sərxan əkiz qardaşlardır. Samir onların ad gününü təbrik etmək üçün
qardaşların hər birinə top hədiyyə etmək istəyir. Mağazada yalnız 3 rəngdə top
vardır: ağ, qara və xallı. Samir neçə üsulla qardaşlara 2 top ala bilər?
3.  7  sinfinin bazar ertəsi üçün tərtib olunacaq dərs cədvəlində birinci dərsə ya fizika,
ya da riyaziyyat fənnini, ikinci dərsə isə ya Azərbaycan dili, ya da ədəbiyyat
fənnini salmalı idilər. Cədvəlin birinci və ikinci dərsini belə tərtib etmək üçün neçə
variant (əlverişli hal) mümkündür?
4.  A şəhərindən B şəhərinə getmək üçün əvvəlcə çaya qədər gedib oradan çayın
digər sahilinə keçmək lazımdır. Çaya qədər avtobusla, velosipedlə, avtomobillə və
ya piyada getmək olar. Çayı isə qayıqla, katerlə və ya üzərək keçmək olar. A
şəhərindən B şəhərinə getmək üçün neçə üsul mövcuddur?
5.  Ana ikimeyvəli kompot hazırlamaq üçün 7 növ meyvəni neçə üsulla seçə bilər?
6.  Qutuda 8 müxtəlif rəngli təbaşir vardır. Əvvəlcə Rəna, sonra isə Seymur bu
qutudakı təbaşirlərdən birini götürür. Belə seçilən iki təbaşir üçün neçə əlverişli
seçim halı olduğunu müəyyən edin.
7.  1, 2, 3, 4, 5 və 6 rəqəmlərindən ikirəqəmli ədədlər düzəldilmişdir. Əgər ədədin
yazılışında rəqəmlər: a) təkrarlanarsa, b) təkrarlanmazsa, belə ikirəqəmli
ədədlərin tərtibində neçə əlverişli hal olduğunu müəyyən edin. Hər bir halın baş
verməsi hadisəsinin ehtimalını tapın.
8. 
1.  Ənvər, Sahib, Ceyhun və Elgiz şahmat oynayırlar. Hər oyunçunun digəri ilə
yalnız bir oyun oynadığı məlumdursa, neçə partiya oyun təşkil olunmuşdur?
2.  Oyundan sonra Ənvər, Sahib, Ceyhun və Elgiz bir-birinə öz şəkillərini
bağışladılar. Dostlar bir-birinə cəmi neçə şəkil bağışladılar?
9.  Menyuda isti və soyuq yeməklərin siyahısı verilmişdir. Nahar üçün menyudakı
yeməkləri neçə üsulla seçə bilərsiniz (bir isti və bir soyuq yemək seçməklə)?
a

---

Əlverişli halların sayını qrafların köməyi ilə də daha asanlıqla müəyyən etmək olar.
Qraf nöqtələrdən (təpələr) və bu nöqtələri birləşdirən parçalardan (tillər) ibarət
həndəsi fiqurdur. Təpələrdə məsələnin şərtində verilmiş elementlər yerləşdirilir, tillər
isə bu elementlər arasındakı əlaqəni göstərir.
Nümunə
Misal: 0, 1 və 2 rəqəmlərindən düzəldilmiş bütün üçrəqəmli ədədləri yazın. 
Həlli: Üçrəqəmli ədədin birinci rəqəmi ya 1, ya da 2 ola bilər. İkinci və üçüncü
rəqəmlər isə istənilən üç rəqəmdən biri ola bilər. Onda qraf sağdakı formada olacaq. 
Qrafdan aydın görünür ki, 0, 1 və 2 rəqəmlərindən təşkil olunan 18 sayda üçrəqəmli
ədəd var.
10.  Beş dost rastlaşır və bir-birinin əlini sıxaraq salamlaşırlar. Qrafla təsvir edərək
neçə əlsıxma hadisəsinin olduğunu müəyyən edin.
11.  İş görüşməsindən sonra hər iş adamı özünün vizit kartını digərlərinə verdi. Əgər
görüşdə: a) 3 nəfər; b) 4 nəfər; c) 5 nəfər iştirak edirdisə, cəmi neçə vizit kartı
paylandığını müəyyən edin.
12.  Kafenin menyusunda iki növ birinci yemək: borş və sup; üç növ ikinci yemək:
balıq, plov və toyuq; iki növ içki: kompot və çay olduğu məlumdur. Üç çeşiddən
ibarət şam yeməyini neçə üsulla seçə bilərsiniz (bir birinci yemək, bir ikinci yemək
və bir içki seçməklə)?
13.  Gülay beşrəqəmli telefon nömrəsinin 2-ci və 5-ci rəqəmini unudub, lakin
rəqəmlərin cüt olduğunu xatırlayır. O ən çox neçə üsulla həmin nömrənin
unudulmuş rəqəmlərini müəyyən edə bilər? Əgər rəqəmlərin cüt olduğunu
xatırlamasa, ən çox neçə hala baxmalıdır?
14.  a) 1, 2, 4; b) 0, 2, 5, 8 rəqəmlərindən təşkil olunmuş neçə müxtəlif üçrəqəmli
ədəd yazmaq mümkündür? 
1) hər rəqəmdən bir dəfə istifadə etməklə; 2) rəqəmlər təkrarlanmaqla.

---

5.21. Hadisənin ehtimalı
Fəaliyyət
Aparılan hər hansı təcrübənin, müşahidənin nəticəsi elementar hadisə adlanır.
Məsələn: qəpik pulun atılması təcrübə, onun hər hansı üzünün düşməsi isə elementar
hadisədir. Bundan sonra elementar hadisəni sadəcə hadisə adlandıracağıq.
Hər hansı hadisənin baş verməsi zamanı “bu hadisə daha çox ehtimallıdır” və ya “daha
az ehtimallıdır”, bəzən isə “eyniimkanlıdir” söyləməklə onların baş verməsi
ehtimallarını müqayisə etmək bir qədər çətindir. Bir çox hallarda bu məlumat kifayət
etmir, ona görə də hadisənin baş verməsi ehtimalı ədədlərlə ifadə edilir.
Riyaziyyatda hadisənin ehtimalı P hərfi ilə (“probabilite” ingilis sözünün baş hərfi) işarə
edilir: A hadisəsinin ehtimalı P(A) (və ya P
 adı və ya işarəsi, məsələn: 
P
 ) şəkilində yazılır.
Hadisənin baş verməsinin əlverişli hallar sayının mümkün hallar sayına nisbətinə bu
hadisənin ehtimalı deyilir.
P
 hadisənin baş verməsinin əlverişli hallar sayı 
hadisənin baş verməsinin mümkün hallar sayı
A hadisənin baş verməsi üçün əlverişli hallar sayını n(A) ilə, mümkün (eyni imkanlı)
hallar sayını n ilə işarə edək: P (A) = n(A) 
n
Yəqin (mütləq baş verən) hadisənin ehtimalı 1-dir: P
 = n 
n = 1. Mümkün olmayan hadisənin ehtimalı 0-dır: P
 = 0 
n = 0
Nümunə
Misal: 20 qəpiklik pulun bir dəfə atılmasından ibarət aparılan sınaqda düşən üzün
rəqəm və ya xəritə olması ehtimalını tapın.
1.  Oyun zərini bir dəfə atın. Zərin yuxarı tərəfə düşən üzünün hansı xal olduğunu
zərə baxmadan söyləyə bilərsinizmi? Aşağıda verilmiş hadisələrin baş
verməsini xarakterizə edin: 
1.  Yuxarı üzə “6” xalının düşməsi mümkün hadisədirmi? Yuxarı üzə “1” xalının
düşməsi hadisəsi ilə “4” xalının düşməsi hadisəsi haqqında nə deyə
bilərsiniz? Onlar eyni imkanlı hadisələrdirmi? Bəs “0” xalının düşməsi
hadisəsi necə hadisədir?
2.  Oyun zərinin bir dəfə atılmasında neçə mümkün hal baş verə bilər? Yuxarı üzə
“5” xalının düşməsi üçün neçə əlverişli hal var?
3.  Yuxarı üzə “5” xalının düşməsi hadisəsinin əlverişli hallar sayının mümkün
hallar sayına nisbətini müəyyən edin. Bu kəsr nəyi bildirir? Cavabınızı izah
edərək fikirlərinizi əsaslandırın.
hadisənin
yağış yağma hadisəsi
hadisənin ehtimalı
yəqin
mümkün olmayan

---

Həlli: Qəpik pulu atarkən rəqəm üzünün və ya xəritə üzünün düşməsi hadisəsi yəqin
hadisədir. Rəqəm üzün və ya xəritə üzün düşməsi hadisələri isə eyniehtimallı olduğuna
görə: 
P
 = P
 = 1 
2.
Nümunə
Misal: Oyun zərinin bir dəfə atılmasından ibarət sınaqda yuxarı üzə düşən xalın 4
olması ehtimalını tapın.
Həlli: Oyun zərini atarkən baş verən elementar hadisə yuxarı üzə: 1, 2, 3, 4, 5 və 6
xallarından birinin düşməsidir. Bütün bu hallar eyniehtimallıdır və onların hər hansı
ikisi eyni zamanda baş verə bilməz, deməli, – yəqin hadisənin ehtimalı (1) onlar
arasında bərabər bölünür. Beləliklə, bu hadisələrin hər birinin başvermə ehtimalı: 1 
6 -dir. P
 = 1 
6 -dir.
Çalışmalar
1.  Verilmiş hadisələrin yəqin və ya mümkün olmayan hadisə olduğunu müəyyən
edərək ehtimalını tapın: 
1.  riyaziyyatdan keçiriləcək növbəti kiçik summativ qiymətləndirmədə bütün sinif
şagirdlərinin “əla” qiymət alması hadisəsi;
2.  sabahkı dərslərin hamısının ekskursiya ilə əvəz edilməsi hadisəsi;
3.  ilin sonuncu fəslinin qış olması hadisəsi.
4.  Yəqin və mümkün olmayan hadisələrə nümunə göstərin.
2.  Oyun zərini bir dəfə atdıqda yuxarı üzə düşən xalın cüt olması ehtimalını tapın.
3.  Oyun zərini üç dəfə atdıqda hər dəfə 1 xalının düşməsi ehtimalını müəyyən edin.
4.  Boşqabda 5 şəkərbura, 7 paxlava və 4 kətə var. Samir onlardan birini götürdü.
Onun paxlava seçməsi ehtimalı neçədir? Bəs kətə götürməsi ehtimalı?
5.  Nənənin fincanlarının 5-i qırmızı rəngli naxışla, 12-si isə yaşıl rəngli naxışla
bəzədilib. Nənə fincanların birinə çay süzdü. Bu fincanın yaşıl rəngli naxışla
bəzədilmiş olması hadisəsinin ehtimalını müəyyən edin.
6.  Anar fikrində hər hansı ikirəqəmli ədəd tutmuşdur. Aşağıdakı hadisələrin
ehtimalını müəyyən edin: 
rəqəm
xəritə
4 xalının düşməsi

---

a) ədədin 3 rəqəmi ilə qurtarması hadisəsi; 
b) ədədin rəqəmlərinin eyni olması hadisəsi; 
c) ədədin rəqəmlərinin cəminin 5 olması hadisəsi;

---

ç) ədədin 6-nın bölünəni olması hadisəsi; 
d) sonuncu rəqəmin 7 olması hadisəsi; 
e) onluq mərtəbədəki rəqəmlə təklik mərtəbədəki rəqəmin fərqinin 2 olması
hadisəsi
7.  Nərd oyununda iki zər atılır və yuxarı üzə düşən xallar cəmlənir. Oyunçu nərd
daşını alınan ədəd qədər hərəkət etdirir. Rahibin mars olmaması üçün cəmi 10
olan xallara ehtiyacı var. Sizcə, cəmi 10 olan xalların düşməsi ehtimalı neçədir?
Bəs bu xalların 6-6 olması ehtimalı neçə olar?
8.  İlk 100 natural ədədin içərisindən hər hansı bir ədəd seçin. Bu ədədin: 
a) 10-a bölünən olması hadisəsinin; 
b) 5-ə bölünən olması hadisəsinin; 
c) 12-yə bölündükdə qalıqda 5 alınması hadisəsinin; 
ç) rəqəmlərinin cəminin 7 olması hadisənin ehtimalını müəyyən edin.
9. 
Praktik iş:
 Parta yoldaşınızla birlikdə iki zərin atılmasından ibarət sınaq aparın.
1.  hər biriniz iki zəri 36 dəfə atın. Hər atılmadan sonra hər kəs aldığı nəticəni
nümunədə göstərildiyi kimi yazsın. 
2.  hər şagird düşən eyni cütlərin sayının aparılan sınaqların sayına nisbətini tapır: 
eyni cütlərin sayı 
36 (*)
(məsələn, ikinci şagirddə 2-1 cütü 10 dəfə düşərsə, 10 
36 = 5 
18 ). 
Aşağıdakılara dair fikir bildirin:
Hər alınan cüt üçün (*) kəsrinin nəticəsini parta yoldaşınızın aldığı nəticə ilə
müqayisə edin;
Aldığınız nəticəni 1 
6 kəsri ilə müqayisə edin. Əgər 1 
6 -dən fərqli nəticə aldınızsa, bunun səbəbini izah edə bilərsinizmi?

---

Bütün sinfin hər hansı cüt üçün aldığı nəticələrin cəminin bütün sınaqların
sayına nisbətini (məsələn, sinifdə 12 şagird varsa, hər birinin 2-1 cütünün
düşməsi hadisələrinin sayının 12∙36 hasilinə nisbəti) tapın. Bu nəticəni 1 
6 ilə müqayisə edin.

---

5.22. Ehtimalların cəmi
Eyni zamanda baş verməyən hadisələrə uyuşmayan hadisələr deyirlir
Uyuşmayan A və B hadisələrinin cəminin baş verməsi ehtimalı A hadisəsinin baş
verməsi ehtimalı ilə B hadisəsinin baş verməsi ehtimalının cəminə bərabərdir:
P(A+B) = P(A) + P(B)
Nümunə
Misal: Oyun zərinin bir dəfə atılmasından ibarət sınaq zamanı yuxarı üzə düşən xalın 5
və ya 2 olması ehtimalını tapın. 
Həlli: Zər bir dəfə atılarkən yuxarı üzə düşən altı eyniimkanlı xal olduğunu bilirik. Bizi
maraqlandıran hadisələr yuxarı üzə düşən xalın 2 və ya 5 olması hadisəsidir. Yuxarı
üzə düşən xalın 2 olması hadisəsini A ilə, 5 olması hadisəsini B ilə işarə edək. 
Onda P(A) = 1 
6 və P(B) 1 
6 -dir. Deməli, P(A + B) = 1 
6 + 1 
6 = 2 
6 = 1 
3. Cavab: 1 
3
Çalışmalar
1.  Zəri bir dəfə atdıqda yuxarı üzə düşən xalın: 
a) 2-dən böyük olması hadisəsinin ehtimalını; 
b) 5-dən kiçik olması hadisəsinin ehtimalını; 
c) tək ədəd olması ehtimalını müəyyən edin.
2.  İki qəpiyin (20 qəpiklik) eyni zamanda bir dəfə atılmasından ibarət sınaqda
qəpiyin, heç olmasa, birində xəritə şəkli olan üzün düşməsi hadisəsinin ehtimalını
hesablayarkən Faiq fikrini belə əsaslandırdı: “Heç olmasa, bir qəpikdə xəritə şəkli
olan üzün düşməsi üçün iki imkan var: ya birinci qəpikdə xəritə şəkli olan üz
düşməlidir, ya da ikinci qəpikdə. Həm birinci, həm də ikinci qəpikdə xəritə şəkli
olan üzün düşməsi hadisəsinin ehtimalı 1 
2 -dir. 1 
2 + 1 
2 = 1. Deməli, heç olmasa, bir qəpikdə xəritə şəkli olan üzün düşməsi hadisəsi
yəqin hadisədir”.
1.  Faiq fikrini əsaslandırarkən harada səhvə yol vermişdir?
2.  Əslində, Faiq fikrini necə əsaslandırmalı idi? Verilmiş sınaqda qəpiyin birində
xəritə şəkli olan üzün düşməsi hadisəsinin ehtimalı neçə olar?
3.  200 lotoreya biletinin ikisində 100 manatlıq, beşində 50 manatlıq, yeddisində 20
manatlıq uduş olduğu məlumdur. Elsevərin aldığı bir biletdə: 
a) 100 manat udması hadisəsinin ehtimalını; 
b) 50 və ya 20 manat udması hadisəsinin ehtimalını; 
c) biletin uduşlu olması hadisəsinin ehtimalını; 
ç) biletin uduşsuz olması hadisəsinin ehtimalını müəyyən edin.

---

4.  Torbada 10 qırmızı, 5 yaşıl, 25 sarı və 20 ağ kürəcik var. Torbadan təsadüfən
çıxarılan bir kürəciyin rəngli olması ehtimalını tapın.
5.  Atıcı üç hissəyə bölünmüş hədəfi nişan alır. Oxun birinci hissəyə dəymə ehtimalı
0,35, ikinci hissəyə dəymə ehtimalı isə 0,45-dir. Atıcının atdığı ilk oxun ya birinci,
ya da ikinci hissəyə dəymə ehtimalını müəyyən edin.
6. 
Praktik iş: 
Aşağıda verilmiş cədvəli A3 formatlı kağızda (və ya lövhədə) çəkərək
yazı lövhəsindən asın. Sinifdə olan hər bir şagird 20 qəpiklik pulu 10 dəfə ataraq
sınaq aparsın. Aldığınız nəticələri, aşağıdakı verilmiş nümunədə olduğu kimi, sizə
məxsus sütunda yazaraq cədvəli tamamlayın:
Cədvələ əsasən növbəti sualları araşdırın:
1.  Hər şagirdin apardığı sınaqda rəqəm olan üzün düşməsi hadisəsinin ehtimalını 
1 
2 -lə müqayisə edin. 1 
2 -dən fərqli alınan nəticələrin nə üçün belə olması səbəbini izah edin.
2.  Şagirdlərin apardığı sınaqların nəticələrini toplayaraq rəqəm olan üzün düşməsi
hadisəsinin ehtimalını və xəritə şəkli olan üzün düşməsi hadisəsinin ehtimalını
müəyyən edin. Bu ehtimallarla hər şagirdin aldığı ehtimalları araşdırın.
Onlardan hansı 1 
2 -ə daha yaxındır?
3.  Qəpiyin atılması ilə aparılan sınaqda xəritə şəkli olan üzün düşməsi hadisəsinin
ehtimalının 1 
2 olması aparılan 10 sınaqdan 5-nin mütləq xəritə şəkli olan üzün düşməsi
deməkdirmi? Fikirinizi əsaslandırın.

---

Özünüzü yoxlayın
1.  x-in hansı qiymətində y(x)= 3 –
4x  funksiyasının qiyməti – 13-ə
bərabər olar?
2.  y = 3x – 4 funksiyasının qrafikini
qurun.
3.  y = kx + b funksiyasının verilmiş
qrafikinə əsasən k əmsalının
işarəsini təyin edin: 
4.  y = kx + 3 funksiyasının qrafiki:
1.  A(2; 5); b) M   1 
2; -3   nöqtəsindən keçir. k-nın
qiymətini tapın.
5.  y = kx funksiyasının qrafiki B   -3 
4; 5   
nöqtəsindən keçir. k-nın qiymətini
müəyyən edin və alınmış
funksiyanın qrafikini qurun.
6.  Verilmiş funksiyalardan qrafikləri
paralel və ya kəsişən olanları
göstərin: 
7. 
1.  Farengeytə çevirin: 55°C,
12°C, 93°C, 61°C.
2.  Selsiyə çevirin: 125°F, 42°F,
35°F, 112°F.
8.  5x – 6y = 7 tənliyinin qrafiki A(– a;
3a) nöqtəsindən keçir. x və y-in
qiymətini təyin edin.
2
9.  Verilmiş tənliklər sistemini qrafik
üsulla həll edin: 
10.  a-nın hansı qiymətlərində 
 
tənliklər sisteminin
a) kökü yoxdur, b) yeganə kökü
var, 
c) sonsuz sayda kökü var?
11.  Üçbucağın xarici bucağı 120°-dir.
Onunla qonşu olmayan daxili
bucaqların nisbəti 10:14 kimidir.
Üçbucağın bucaqlarını təyin edin.
12.  Tənliklər sistemini əvəzetmə və
toplama üsulu ilə həll edin: 
13.  ABC üçbucağında AB = 7 sm, AC =
90 mm, BC = 0,036 m olarsa,
bucaqların adını dərəcə
qiymətlərinin azalma sırasına görə
yazın.
14.  Müəllim pərgar, xətkeş və
transportiri neçə üsulla iki şagirdə
verə bilər?
15.  Beş gün yolda olan turistlərin
hərəkət cədvəli aşağıdakı kimi
verilmişdir.
gün
I
II
III
IV
V
km
10
20
30
35
32
Cədvələ uyğun qrafik qurun.
16.  İki səbətdə 25 kq alma vardı.
Birinci səbətdən 3,5 kq alma
götürülərsə, ikinci səbətdə
birincidən 5 kq çox alma olar.
Əvvəl hər səbətdə neçə kiloqram
alma vardı?
17.  Şagird fikrində eyni rəqəmlə

---

yazılmış hər hansı ikirəqəmli ədəd
tutdu. Bu ədədin tək olması
ehtimalını tapın.

---