İrana getmiş Kərbəl ayi Həcər gəlib. Ana, Gülsümxanım xala
və mən Kəlbə Həcərin Buynanski küçəsinin Müxtədir küçəsilə
kəsişdiyi yerdə, aptekin üstündə olan evinə getdik. Əvvəlcə
arvad üzə çıxmadı, uzun söhbətdən sonra aralığa gəldi, ana onu
görcək qucaqlayıb öpdü, ağladı, anasını soruşdu. Kəlbə Həcər
özünü bilməməzliyə vurdu, dedi ki, mən heç yana
getməmişdim, nə də sənin ananı görməmişəm. Gülsümxanım
xala çox təmkinlə danışdı, and verdi, arvad dirəndi ki, məni nə
çək-çövürə salırsız? Mən evimdən heç yerə getməmişəm, nə də
Seyid Rübabəni görməmişəm. Xülasə, arvad bizə heç nə
demədi. Həmin vaxtlarda iranlı pasportu olanları İrana sürgün
etməyə başladılar. Şəhərdə elə bir vanəfsa qopdu ki, deyərdin
bütün şəhər matəmdədir. - kiminin qızı, kiminin bacısı iranlıda
ərdə idi, kimisi vaxtilə İran pasportu almışdı - indi məcburi
şəkildə İrana getməliydi. Cəmi 3 gün vaxt verilmişdi. Bizim
tanıdığımız adamlardan Seyid Rübabə nənənin bacılığı Meşədi
Gülsüm, nənənin uzaq qohumlarından Kəbutər və əslən
Tağılıdan, Tağı kişinin qızı Ağanisə ailəsi ilə (Əri Əkbər-
Axanım əmdostunun qardaşı idi) gedirdi. Meşədi Gülsüm
xalanın Ərdəbilin hansısa bir kəndində qardaşı oğlu var idi,
dürüst yerini də bilmirdi. Kəbutərin əri İsgəndər Kəbutərin
şəklinin dalına adres yazmışdı, o şəkli də, Kəbutərin oğlu
Abduləli üzünü çıxartmaq üçün apardı və müharibəyə
gedərkən özü ilə birgə tələf oldu. Ağanisə və Əkbər isə məlum
yerə gedirdi. Ana bunlara nə qədər qayğı göstərdi, nə qədər
kömək etdi, bunlara və cəmi gedənlərə yalvarıb and verirdi ki,
imkan edib anamı görün, deyin ki, qayıdıb gəlsin.
Dalanımızdakı 3 həyətdə 10 ailə yaşayırdı. Hər axşam (aprel-
sentyabr ayları) Məlik əmi dalanın ağzında səkini süpürüb su
çiləyər, hərə bir palaz gətirib döşəyər, kimi çay, kimi tum, ucuz
konfet, bəzən halva, dolma və s. Kimi xörəklər gətirər, azacıq
söhbətdən sonra Əziz əmi nağıla başlayardı. Ən çox danışdığı
“Ceyfəlmülk”, “İbrahimin nağılı”, “Bağdagül”, “Məlik-
~
115
~
məmməd”, “Yetim Əmrah” və b. idi. Çox maraqlı, canlı
danışardı. Sonralar (bu nağıllar çap ediləndə) bildik ki,
çoxusunu özündən quraşdırırmış. Bəzən də öz həyatından
(əslən Cənubi Azərbaycandan idi) elə qəribə, ağlasığmaz
əhvalatlar danışırdı ki, adamın ağzı açıla qalırdı: guya xan oğlu
imiş, brilyantdan, yaqutdan, almazdan, zümrüddən dişləri var
imiş. Hədsiz gözəl olduğu üçün küçədən keçməyə imkan
tapmırmış- hamı tamaşaya çıxırmış.
Qəribədir, o mənəvi və maddi sıxıntılıq illərində hər il
mayın 2-də Yasamala gəzintiyə çıxardıq - bütün dalan əhli
birlikdə. Nəzərə alın ki, Sovet küçəsindən o yana nəqliyyat
yox idi. Biz vedrələrlə su, samovar, odun, yemək şeyləri,
palaz, döşəkçə və s. aparır, gün batana qədər çöldə olurduq.
Oktyabr və May bayramlarında İzzət bacının nəzarəti
altında beşmər- təbənin altına gedir, oradan keçən nümayişə
baxırdıq. Axşam İzzət bacı bizi tramvaya mindirib binaların
üst
ündə yanan işıqları göstərirdi.
İnsanlar bir-birinə o qədər mehriban, qayğıkeş idi ki, mən o
rəhmətlikləri “əmi”, “xala” adlandırır, tez-tez ruhlarına yasin
oxuyur, salavat çevirirəm. Ağlım kəsəndən evimizi yığıncaq
yeri görmüşəm, ərindən, oğlundan küsən, hökumətdən qaçaq
düşən, xəstə olub Bakıya müalicəyə gələn, bazarlığa gələn
mütləq gəlib bizdə qalırdı. Əvvəllər Seyid Rübabə nənə, sonra
isə ana bunlara əncam çəkir, həkimə, bazara aparır, barışdırır,
yedirirdi. Evimizdə Garısdan Curuğ kişi, Tağılıdan Fərrux,
Tavadan Əlməmməd, Qəfərlidən Göyçək, Maşad Oruc və b.
aylarla qalıb müalicə olunurdu.
1937-
ci ilin payızında Maşad Oruc bizdə vəfat etdi.
Yanında adamı yox idi. Yazıq ana məcbur olub onu
Çəmbərəkənd qəbirisantılığında dəfn etdiridi.
Bunun kasıb, cavan qadın üçün nə qədər çətin olduğunu
təsəvvür etmək də ağırdır.
Həmin illərdə məscidlər bağlandığı üçün evimiz təziyə yeri
~
116
~
olmuşdu - mərsiyə deyilir, hədislər danışılır, quran, yasin
oxunur, ehsan verilirdi. Ev də, həyət də “məscid arvadları” ilə
dolu
olurdu, çox vaxt yatmağa da yerimiz olmurdu.
Bax, biz belə bir şəraitdə yaşamışıq.
Lakin nəinki evdə, həyətdə, hətta dalanımızda belə hamı-
İzzət bacı, Gülsümxanım xala, Məlik əmi, Xeyransa xala və b.
bizi düzlüyə, təmizliyə, elm oxumağa, yaxşılığa dəvət edir,
qoruyurdu. Onsuz da bizim küçəyə çıxmaq, tində durmaq,
məhlədə söhbət etmək, “küçə uşaqları” ilə oynamaq
hüququmuz yox idi. Məktəb - ev - məktəb - işimiz və yolumuz
bu idi.
Nənəmiz kimi anamız da çox əliaçıq adam idi. Kəndlərdən
gələn nəzir və payı (yağ, pendir, yumurta, yarma,qatıq və s.)
təcili olaraq xırda boşqablara yığar və bizi məcbur edib bizdən
kasıblara qapı-qapı paylatdırardı. Anamız “əlsiz-ayaqsıza
kömək etməli” prinsipini əsas tutaraq bizi təkcə özümüz və
İzzət bacı üçün deyil, qonşular üçün də su gətirməyə (azı 500
m məsafədən), çörək, neft almağa göndərirdi.
Şəxsən mənim o illərdə (hələ lap çox sonralar da) təzə paltar
geydiyim yadıma gəlmir. Hansısa köhnə-külədən ana
mənimçün “təzə” paltar tikir, papaq düzəldirdi. Yeməyimiz də
belə. Təkcə özümüzçün oturub çörək yedi- yimiz hallar
olmayıb; kimsə, ya uzaq yerli qonaq, ya da hansısa bir məscid
arvadı boğazımıza ortaq çıxıb, qabımıza qoyulan küftə, ət,
dolma və s. müxtəlif üsullarla götürülüb, bunlara verilib.
İndi, üstündən 60-65 il keçəndən sonra da mən nənə və
anamızın bu qeyri- adi hərəkətlərinə, bu ideal insanlıq
duyğularına ad verə bilmirəm, axı bizim özümüzün heç bir
gəlir mənbəmiz olmadığı, yalnız nəzir - niyazla dolandığımız o
illərdə saysız-hesabsız yiyəli və yiyəsiz bədbəxtlərə, dövlətin
dilənçi etdiyi, sərgərdan adamlara, əsil fanatik olan insanlara
kömək etməyə, onlara mənəvi və maddi dayaq olmağa
ixtiyarımız var idimi? Özümüzü narahat, yuxusuz, yarıac
~
117
~
Dostları ilə paylaş: |