düşəcək. Odur ki. qəfildən soğanları ağzına basır və ürəyi
bulansa da,
bir təhər udur.
Nənəmiz uşaq ikən (Şamaxıda) küçədə armud satan bərkdən
deyir.
“Armud var, armud. Batmanından batman yarım bəkməz
çıxar”. Nənə tez anasının yanına qaçır ki, bəs belə bir armud
satırlar. Anası gülüb deyir: ay bala, bir batman armuddan heç
bir
girvənkə bəkməz çıxmaz. O, öz malmı satmaq üçün
tərifləyir.
Ümumiyyətlə, anaya elə tərbiyə verilmişdi ki, o, heç kimin
dediyinə şübhə etmir, yalan danışacağma inanmır, hər şeyə
inanırdı. O, ümumiyyətlə, səsini ucaltmaz, etiraz etməzdi.
Evi dolandıran Seyid Rübabə nənə idi: ona çoxlu nəzir-
niyaz verilirdi. Lakin bundan evdə heç nə saxlanılmır, bizdən
kasıblara paylanırdı.
1935-
ci ildə Seyid Rübabə nənə gizli yolla İrana, qardaşı
uşaqlarma dəyməyə getdi. (Kərbəlayi Həcər adlı bir qadınla),
lakin geriyə qayıda bilmədi. Biz həm maddi, həm mənəvi
dayaqdan məhrum olduq. Ana - xəstəhal, sənəti yox, yanında
xırda uşaqlar. Hər ayda, 2 ayda bir İrandan intizar, göz yaşı
dolu məktublar gəlirdi. Ana çaş-baş olmuşdu. Evdən əvvəl
yorğan-döşəyi, qədim padnos, lampa, qab-qacağı, sonra xalça-
palazı və s. astarveşə (qapı-qapı gəzib köhnə-külə alanlara) su
qiymətinə satıb birtəhər güzəran keçirməyə nail oldu. Lakin
tezliklə ev boşaldı, nəsə bir ciddi tədbir görmək lazım gəldi.
Deyəsən, 1937-ci il idi. Ana qısamüddətli bağça müdirəsi
kursuna daxil oldu və 1938-ci ilin yazmda kursu bitirdi.
Göyçay rayonuna təyinat verdilər. Ana məni də özü ilə götürüb
qatarla Ucara, oradan furqonla Göyçaya gəldik. Bazarın
yanmda hamı ilə birgə biz də düşdük. Anam, faytonçu
Abduləlinin evini soruşdu. O kişi Haccavadın qızı Həcərin əri
idi. Kimsə tezcə Abduləlini tapıb gətirdi, onun faytonunda
evinə gəldik. Bağlı-bağatlı, geniş həyətli, yaraşıqlı ev idi.
Arvadı Həcər bizi çox mehriban qarşıladı. Səhərisi günü maarif
~
112
~
şöbəsi ananı Yeniarx kəndində təzə açılan bağçaya müdirə
təyin etdi. O birisi gün Abduləli bizi öz faytonu ilə gətirib
bağçaya aşpaz və xidmətçi təyin edilən Zeynəb adlı bir qadınm
evinə qoydu. Zeynəbin əri və uşaqları vardı və elə təxminən,
ana yaşda olardı, kənddə şiə təriqətinə mənsub yeganə qadın
idi ki, əslən şamaxılı olub 1918-ci il qırğınında bura düşmüşdü
və bu qadını məhz anaya görə bu işə qoymuşdular.
Bağça üçün stol, stul, çarpayı, yataq ləvazimatı, qab-qacaq
əvvəlcədən gətirilib məscidin həyətinə yığılıbmış və bağça
məscidin içində yerləşməli imiş. Ana bunu bilcək çox narahat
oldu, hətta geri qayıtmaq istədi. Lakin növbəti gün kəndin
əfəndisi olduğumuz evə gəldi və anaya dedi:
-
Qızım, sən olsan da, olmasan da bu bağçanı orada
yerləşdirəcəklər, bəlkə lap klub, yeməkxana elədilər. Sən,
görürəm ki, çadralı qadınsan, mənə dedilər ki, seyid qızısan,
namaz qılan, quran oxuyansan. Heç narahat olma. Mən indicə
gedib öz uşaqlarımı göndərərəm, avadanlığı məscidə yığarlar.
Sən də Zeynəblə birlikdə gəlib sahmana sal. Sabah tezdən işinə
başla.
Əfəndi dediyi kimi də oldu.
Səhəri gün cmdırından cin ürkən 20 çağlı 5-6 yaşlı uşaq
bağçaya gəldi. Bu əsil mənada “Danabaş kəndinin məktəbi”
idi. Uşaqdan çox iri yaşlı adamlar anamın nə edəcəyinə və
bağçanın nə demək olduğuna tamaşaya gəlmişdi.
Ana heç tədbirini pozmadı, uşaqlara Sabir, Səhhət, Şaiq və b.
şerlərini söylədi. Onları həyətə çıxarıb “Qaçdı-tutdu”, “Siçan-
pişik”, “Bənövşə” və s. oyunları öyrətdi.
Nahardan sonra uşaqlara nağıl danışdı. Ana o qədər təbii,
sadə, şirin, həvəsli danışırdı ki, yaşlı adamların çoxusu hər gün
gəlib qulaq asırdı.
Ana uşaqlara mahnı öyrədirdi, sinədən gələn yapışıqlı səsilə
“Durna”, “Dovşan”, “Keçi”, “Göyərin göy çəmənlərim”,
“Quzu” və s. uşaq mahnılarını oxuyurdu. Uşaqlara 4 və 8 saylı
~
113
~
hərəkətlər, sıra təlimi, qaçış, hündürlüyə və uzununa tullanma
və s. öyrədirdi.
Hər bazar günü meşələrə meyvə yığmağa gedirdik. Onda
Ucarla Göyçayın arası meşəlik idi:alça, gavalı, armud, əzgil,
alma, zoğal və s. yığırdıq, vəhşi heyvan çox idi. Ana çox cəld
idi; ən hündür ağaclara çıxıb qoz çırpırdı.
Xeyli lavaşana, quru turşu, qax, qoz və mət turşu
düzəltmişdik, bir qədər yarma, quyruq yağı, yemiş qurusu və s.
əldə etmişdik. Qış ehtiyatı idi.
Həmin yay Əzizə Gəncədə qiyabi pedaqoci texnikumda
sessiyada idi. Bir dəfə yanımıza gəlib 1-2 gün qaldı.
Beləcə 5 ay keçdi. Ana darıxdı, payızda kənd şəraiti ağır
oldu,
dözə bilmədi, və biz Bakıya qayıtdıq.
1937-39-cu
illərdə ana bir neçə 50-60 yaşdı arvada yasin,
quran tapşırması, süfrə duası, müxtəlif mərsiyə, hədis və s.
öyrədirdi. Bu arvad- lardan Molla Püstə xüsusilə yadımdadır,
çünki onun bizə gəlib-getməyi uzun illər davam etdi. Molla
Püstə və o biri arvadlar anadan çox yaşlı olduqları üçün ana
onlara acıqlanmır, səsini ucaltmır, bəzən bir cümləni 50-100
dəfə təkrar etməli olurdu. Ana nə qədər səbirli, təmkinli
müəllim imiş!!! Molla Püstə tam savadsız olduğu halda onu
arvad məclislərinin mollası vəzifəsinə hazırlamaq üçün yazıq
ana nə qədər əzab çəkdi. Amma hər halda Molla Püstə, Əsbət
Xanım, Xırda Xanım, Seyid Xədicə, Zivər və b. Şagirdləri
məclisə çıxara bildi.
Zəif, xəstəhal ana evə az-çox qazanc gətirmək üçün
çalışırdı. Onun müxtəlif fabrik-zavodlarda 8 saat ağır iş
görməyə gücü çatmırdı. Odur ki, 1937-40-cı illərdə evlərdə
müxtəlif ev arvadlarının üzünü alır, bununla da evə nəsə
qazanc gətirirdi. Həmin illərdə bizim mənəvi dayağımız İzzət
bacı, maddi dayağımız Meşədi Gövhər xala və Badam bibi idi.
Allah onlara qəni- qəni rəhmət eləsin.
1938-ci
ilin ortalarında eşitdik ki, Seyid Rübabə nənə ilə
~
114
~
Dostları ilə paylaş: |