Sharof rashidov nomidagi samarqand davlat universiteti

Tadqiqotning asosiy masalalari va farazlari.
Oqbosh karamning Navruz, Eliza, Koronet, Burbon F₁, Gregorian F₁, Kandiza F₁ kabi turli nav va duragaylari ertagi muddatda ekib o‘stirilganda navga bog‘liq holda o‘simlikning o‘sishi rivojlanishi, hosilning shakllanishi, hosil tarkibi, hosildorlik, iqtisodiy samaradorlik ko‘rsatkichlar o‘rganildi, eng yuqori hosil olishni ta’minlaydigan nav va duragaylar tanlandi hamda ishlab chiqarishga tavsiya etildi.
Tadqiqotning farazi – Samarqand viloyatining Toyloq tumanida joydashgan Sabzavot poliz ekinlari va kartoshkachilik ilmiy-tadqiqot instituti Samarqand ilmiy tajriba stansiyasi tuproqlari sharoitida ertagi muddatda oqbosh karamning xar xil nav va duragaylari ekib o‘stirilganda ularning orasidan iqlim va tuproq sharoitiga mos holda yuqori va sifatli hosil shakllantiruvchi navlarning ajralishi faraz qilinadi.
Tadqiqot mavzusi bo‘yicha adabiyotlar sharhi (tahlili). Turli mintaqalarda, turli tuproq iqlim sharoitlarida oqbosh karam yetishtirish texnologiyalarini takomillashtirish bo‘yicha xorijiy mamlakatlarda S.V.Koroleva, S.V.Sitkinov, V.V.Skorina, V.F.Pivovarov, L.K.Gurkina, T.V.Lizgunova, V.A.Denisov, R.D.Almasker, I.D.Rajabli, N.B.Petrov, O.N.Vishnevskaya, A.F.Buxarov, L.I.Uralets, M.N.SHapturenko, V.N.Lukyanets, G.A.Kostenko, A.D.Djaxangirov, V.P.Kuzmiщev, G.F.Monaxos; respublikamizda V.I.Zuev, O.Qodirxo‘jaev, B.J.Azimov, A.M.Abbasov, M.X.Aramov, A.J.SHokirov va boshqa ko‘plab olimlar tomonidan ilmiy tadqiqotlar olib borilgan.
Ammo hozirgi kunda kun sayin yangilanayotgan oqbosh karam navlarini hamda duragaylarini ertagi ekinda o‘zaro taqqoslab ularning turli tuproq iqlim sharoitlarida o‘sishi, rivojlanishi, hosildorligi, tovar hosil chiqimi kabi ko‘rsatkichlari bo‘yicha Samarqand viloyati Toyloq tumanining o‘tloqi bo‘z tuproqlari sharoitida yetishtirish texnologiyasini ishlab chiqish ilmiy va amaliy jihatdan shu paytgacha yetarlicha taqqoslab o‘rganilmagan.
Tadqiqotda qo‘llaniladigan metodikaning tavsifi. Tuproq va o‘simlik namunalarini tahlili Samarqand agroinnovatsiyalar va tadqiqotlar instituti “Agrokimyo, tuproqshunoslik va o‘simliklar himoyasi” kafedrasi va Sabzavot poliz ekinlari va kartoshkachilik ilmiy-tadqiqot instituti Samarqand ilmiy tajriba stansiyasi laboratoriyasida amalga oshirildi. Tajribalarni o‘tkazishda “Sabzavotchilik, polizchilik va kartoshkachilikda tajribalar o‘tkazish metodikasi” (B.J.Azimov., B.B.Azimov. 2002), “Metodika polevogo opыta” (B.A.Dospexov. 1985), “Metodы bioximicheskogo issledovaniya rasteniy” (1987), “Metodы bioximicheskogo issledovaniya rasteniy” qo‘llanmalaridagi uslublaridan foydalanildi.
Tadqiqotlar natijalarining statistik tahlili B.A.Dospexovning “Metodika polevogo opыta” dispersion usuli yordamida “Exsel 2010” “Statistisa 7.0 for Windows” kompyuter dasturlari asosida amalga oshirildi.