Teqvim-2017. pdf
Yüklə 5,26 Mb. Pdf görüntüsü
|
- Bu səhifədəki naviqasiya:
- Ə d ə b i y y a t
168 MA Y 1 Kimya.Biologiya.Tibb 90 illiyi Mirməmməd Cavadzadə 1927-2008 MA Y Mirməmməd Cavad oğlu Cavadzadə 1927-ci il may ayının 18-də Lənkəran şəhərində anadan olmuşdur. 1943- cü ildə 1 saylı Lənkəran şəhər orta məktəbini, 1948-ci ildə Azərbaycan Dövlət Tibb İnstitutunun müalicə- profilaktika fakültəsini bitirmişdir. 1948-1951-ci illərdə Astara ra- yon xəstəxanasında baş həkim və Cərrahiyyə şöbəsinin müdiri işləmişdir. 1954-cü ildən Simferopol Tibb İnstitu- tunun Fakültativ cərrahlıq kafedrasın- da assistent, dosent, 1957-ci ildən 2-ci Moskva Tibb İnstitutunun urologiya kafedrasında assistent, 1963-cü ildən Ə.Əliyev adına Azərbaycan Həkimləri Təkmilləşdirmə İnstitutunda Urologi- ya və operativ nefrologiya kafedrasının müdiri, 1975-ci ildən həmin institutun rektoru və eyni zamanda Azərbaycan SSR Səhiyyə Nazirliyinin baş uroloqu vəzifələrində çalışmışdır. 1954-cü ildə elmlər namizədi, 1962- ci ildə isə “Böyrəklərin polikistozu” mövzusunda doktorluq dissertasiyası müdafiə edərək tibb elmləri doktoru elmi dərəcələrini, 1964-cü ildə profes- sor elmi rütbəsini almışdır. 1968-ci ildə Azərbaycan SSR “Əməkdar elm xadimi” fəxri adına la- yiq görülmüş, 1974-cü ildə SSRİ Tibb Elmlər Akademiyasının müxbir üzvü seçilmiş, Azərbaycan SSR və SSRİ Dövlət mükafatı laureatı olmuşdur. 1982-ci ildə Azərbaycan Elmlər Aka- demiyasının həqiqi üzvü seçilmişdir. M.Cavadzadənin təşəbbüsü ilə Ba- kıda ixtisaslaşdırılmış Urologiya kli- nikası açılmışdır. Uzun müddət bu klinikaya rəhbərlik edərək insanların sağlamlığı uğrunda mübarizə aparmış- dır. Tibb elminin inkişafındakı xidmət- lərinə görə 2007-ci ildə “İstiqlal” orde- ni ilə təltif edilmişdir. Akademik M.Cavadzadə 2008-ci il avqust ayının 7-də vəfat etmişdir. Respublika Uroloji Klinikaya Mirməmməd Cavadzadənin adı veril- mişdir.
6 Akademik Ə d ə b i y y a t Xroniki böyrək çatışmazlığı:etiopatogenezi klinikası, diaqnostika və müalicəsi: monoqrafiya: praktiki həkimlər üçün vəsait /M.C.Cavad- Zadə, İ.M.Həmidov, F.H.Babayev.- Bakı: Çaşıoğlu, 2007.- 175 s. Urologiya: Tibb İnstitutu üçün dərslik /M.C.Cavadzadə, K.A.İsmayılov; rəyçilər: X.Quliyeva, B.Ağayevə.- Bakı: Maarif, 1974.- 400 s. Uroloji xəsətəliklərin farmokaterapiyası /M.C.Cavadzadə, A.Ə.Nəzərov, İ.M.İsmayılov.- Bakı: Azərnəşr, 1983.- 217, [3] s. Cavadzadə Mirməmməd Cavad oğlu //Azərbaycan Milli Ensiklopediyası: 25 cilddə.- Bakı, 2009.- C.V.- S.197. Kərimov, S. Dünya şöhrətli uroloq-cərrah /S.Kərimov //Azərbaycan.- 2009.- 20 may.- S.6. Kərimov, S. Tibb elminin görkəmli şəxsiyyəti /S.Kərimov //Azərbaycan.- 2009.- 7 avqust.- S.5. 169 Tarixdə bu gün Şuşa rayonunun işğalının 25-ci ildönümü 1992 MA Y Ərazisi: 289 km² Əhalisi: 31499 nəfər 1992-ci il may ayının 8-nə keçən gecə erməni birləşmələri Şuşa şəhərinin işğalı ilə başa çatan əməliyyat keçir- di. Erməni hərbi birləşmələri keçmiş sovet ordusunun 366-cı alayının 40 zirehli texnikasının bilavasitə iştirakı və köməyi ilə səhər saat 6-dək şəhəri kütləvi şəkildə artilleriya atəşinə tutdu. Uzun sürən artilleriya atəşindən sonra düşmənin minə yaxın əsgəri üç tərəfdən şəhərə hücuma keçdi və Şuşa işğal edildi. Qeyd etmək lazımdır ki, Şuşa- ya hücumdan bir neçə saat öncə Teh- randa İran Prezidentinin vasitəçiliyilə Ermənistan və Azərbaycan dövlət baş- çıları Qarabağ münaqişəsinin dinc yol- la həllinə dair saziş imzalamışdı. Azərbaycanın dilbər guşəsi, musi- qi, mədəniyyət ocağı olan Şuşa şəhəri dünyanın bəzi aparıcı dövlətlərinin məzlum xalq kimi tanıdıqları, əslində nəinki xalqımıza, bütün insanlığa qar- şı terror siyasəti həyata keçirən məkrli ermənilər tərəfindən işğal olunub. 289 kvadrat kilometr ərazisi olan Şuşa şəhərində həmin dövrdə 24.900 əhali yaşayıb. İşğalı zamanı 200-ə yaxın insan qətlə yetirilib, 600 nəfər yaralanıb, 150 nəfər əlil olmuş, 552 körpə yetim qal- mış, 20 mindən artıq əhali isə məcburi köçkün vəziyyətinə düşmüşdür. İşğal nəticəsində Şuşadakı bir sıra tarixi- mədəniyyət abidələri düşmən tərəfindən talan edildi. Beş minə yaxın eksponatı olan Şuşa Tarix muzeyi, Dövlət Xalça muzeyinin filialı və Xalq Tətbiqi Sənəti muzeyi, Qarabağ Dövlət Tarix muzeyi, həmçinin Laçın rayonundakı Ağoğlan məbədi, dünya əhəmiyyətli arxeoloji abidə sayılan paleolit dövrünə aid Azıx mağarası, Xocalıdakı Əsgəran qala- sı, Kəlbəcər tarix muzeyinin və digər mədəniyyət ocaqlarının, rəsm qale- reyalarının bənzərsiz ekspozisiyaları dağıdılıb və talan olunub, müqəddəs məbəd və məscidlər təhqir edilib, ki- tabxanalar yandırılıb, misilsiz əlyazma nümunələri məhv edilib. Bu siyahıya Xan mağarası, Qaxal mağarası, Şuşa qalası da olmaqla bütövlükdə 279 dini, tarixi və mədəni abidə daxildir. Ermənilər Azərbaycana məxsus olan bir çox abidənin məhv edilməsinə və ya onların erməniləşdirilməsinə nail olub- lar. Onlar Şuşada 7 məktəbəqədər uşaq müəssisəsini, 22 ümumtəhsil məktəbini, mədəni-maarif, kənd təsərrüfatı tex- nikumlarını, 8 mədəniyyət evini, 14 klubu, 20 kitabxananı, 2 kinoteatrı, 3 muzeyi, Şərq musiqi alətləri fabrikini dağıdıblar. Artıq Şuşanın işğalından 25 il ötür. İnanırıq ki, Şuşa ilə görüşməyimizə çox az qalıb.
Yüklə 5,26 Mb. Dostları ilə paylaş:
|