166
ideya mənbələrindən, rus ədəbi fikri ilə əlaqələrindən
danışarkən müəllif onun görkəmli rus tənqidçiləri
N.A.Dobrolyubov və V.Q.Be-linskiyə münasibəti haqqında
xüsusi bəhs edir, Axundovun ilk dəfə ədəbiyyata münasibət
bildirdiyi Puşkinin ölümünə həsr olunmuş poemada rus
klassiklərinin mövqelərini düzgün qiymətləndirməsini də onun
rus ədəbiyyatı və tənqidiylə yaxından tanışlığı ilə izah edirdi.
Axundov tənqidinin yarandığı dövrün spesifikasına toxunan
K.Talıbzadə bu mərhələdə Azərbaycanda epiqonçu ədəbiy-
yatın, mərsiyyə şeirinin davam etdiyini, realizmin təzəcə
təşəkkül tapdığını, Vaqif, Zakir, Şakir kimi realist meylli
şairlərin ədəbi mövqeyinin hələ izah olunmadığını yazır-dı.
Axundovun realist ədəbi tənqidi belə bir dövrdə formalaşır,
epiqonçu ədəbiyyata qarşı çıxmaqla yanaşı, realizmin
təşəkkülü uğrunda mübarizə aparırdı; böyük mütəfəkkir
«realist ənənələrin əhəmiyyətini, faydasını ay-dınlaşdırır və bu
ənənələri yeni məzmunda inkişaf etdirmək zərurətini
göstərirdi.»
1
K.Talıbzadə monoqrafiyasında Axundovun görüşlə-rini
tədqiq edərkən problemin bu cəhətinə xüsusi diqqət yetirir,
onun realist konsepsiyasını aydınlaşdırmağa çalışır, yazıçının
görüşlərində və bədii əsərlərində realizmin təza-hürünü
göstərirdi. Həqiqətən də Axundov tənqidinin və estetikasının
başlıca problemi olan realizm onun sənət nəzəriyyəsinin əsasını
təşkil edir. Yazıçının fikrincə sənət əsərində «xilafi-vaqe», yəni
real həyata zidd bir şey, anti-realizm olmamalıdır, bunun
1
Sалmаnов Ш. Аkадemиk Kаmал Талыбзадə, Баkы, Озаn, 1998, s.70.
167
əvəzində sənətdə «mütabiqi-hal» təzahür etməlidir. Onun ədəbi
anlayışında realizm termini kimi «mütabiqi-hal», «müvafiqi-
övza», «kəma hüva həqqəhu» ifadələri işləndiyini qeyd edən
K.Talıbzadə Axundovun realist sənət haqqında fikirlərini məhz
bu terminlər vasitəsilə müasirlərinə çatdırdığını bildirir. K.Ta-
lıbzadəyə görə Axundovun tənqidi onun sənət nəzəriy-yəsinin
ifadə formasıdır ki, onun da mərkəzində duran əsas
problem realizmdir. Yazıçı bu metodun ayrı-ayrı
prinsiplərini vahid bir konsepsiya əsasında şərh edir, öz
realist nəzəriyyəsində maarifçi realizm mövqeyində dayanır, bu
məsələnin həlli uğrunda ardıcıl mübarizə aparırdı. Gerçəkliyi
sənətin əsas təsvir obyekti hesab edən Axun-dova görə
hərhansı bir təsvir ağlın tələblərinə uyğun olmalıdır. O,
məhz bu tezisdən çıxış edərək realizmin prinsiplərini
müəyyənləşdirməyə çalışırdı. K.Talıbzadə təd-qiqatında bu
cəhətə xüsusi diqqət yetirmişdir. Müəllif monoqrafiyada
Axundov tənqidinin bütün məsələlərini onun realizm
nəzəriyyəsi əhatəsində araşdırır; burada yalnız realizmin
tipiklik, həyatilik, ideyalılıq, bədii satira kimi əsas
məsələlərini öyrənmir, həm də ədəbiyyat və incəsənətdə forma
və məzmun, onların qarşılıqlı əlaqəsi, Azərbaycan və Şərq
ədəbiyyatının görkəmli klassikləri haqqında fikirləri kimi
sənətin ümumi nəzəri məsələ-lərini də realizm aspektində
izah edirdi. Tədqiqatçı Axun-dov tənqidinin M.Füzuliyə
münasibəti ilə bağlı məqamları da diqqətlə tədqiq edir, bu
haqda deyilmiş fikir və müla-hizələri dəlillər əsasında
dəqiqləşdirirdi. «Füzuli şair deyil və xəyalatında əsla təsir
yoxdur» deyə böyük ədəbi şəxsiyyəti Şərq klassiklərinin
168
cərgəsindən
ədalətsizliklə ayırmasında K.Talıbzadə
Axundovun haqsızlığını qeyd edirsə, digər tərəfdən dahi şairə
münasibətdə Axundova şərti bəraət qazandıran bəzi obyektiv-
tarixi məqamları açıqlayır. O, Axundovun ilk növbədə
realizmi əsaslandırmaq, onun milli ədəbi prosesdə mövqeyini
möhkəmləndirmək üçün bu üsuldan istifadə etdiyini,
romantizmin şöhrətini, nüfuzunu qırmaq, romantik ədəbiyyatın
möhkəm kök salmış estetik müddəalarına qarşı çıxmaq üçün
Füzuliyə kəskin müna-sibət bildirdiyini qeyd edir. Tədqiqatçı
bu münasibətin əslində Füzulinin özündən çox onun
poeziyasının təsiri ilə yaranan epiqonçu nəzmə aid olduğunu
göstərməkdə və əsaslan-dırmaqda tamamilə obyektiv və
düzgün mövqe tuturdu. Axundovun M.Füzuliyə münasibətinin
roman-tizmlə əlaqələndirildiyi məqamlarda isə müəllifin
gəldiyi nəticə bir qədər mübahisəli təsir yaradır. Zənn
edirik ki, Axundov kimi böyük mütəfəkkir milli ədəbi
prosesdə realizmin mövqeyini möhkəmləndirmək xətrinə də
olsa Füzuli kimi dahi sənətkarı təkcə romantik şair olduğuna
görə inkar etməzdi. Doğrudur, yeni məktəb yaradan Axun-dov
realizmi əsaslandırmaq üçün özündən əvvəlki məktəbin – həm
də əsrlərlə davam edən romantizmin təsirinə qarşı mübarizə
aparmışdı, lakin, Füzulinin şöhrətini heçə endir-məyi bu ədəbi
mübarizə üsullarından, yollarından biri kimi seçməmişdi. Ona
görə ki, Axundov kimi böyük yazıçı-tənqidçi «romantik
poeziyanın məziyyəti və ləyaqətini başa düşməmiş deyildi:
bunu onun yaradıcılığını bəyəndiyi, təqdir etdiyi romantik
169
şairlərə münasibəti də yaxşı gös-tərir.»
1
Bədii
yaradıcılıqlarında romantik metodla sıx bağlı xüsusiyyətlər
nəzərə çarpan Şərq, rus, eləcə də Avropa ədəbiyyatının bir sıra
ğörkəmli yazıçıları Axundovun əsər-lərində misilsiz söz
inciləri yaradan sənətkarlar kimi dönə-dönə təqdir olunurdu.
Əsərlərində romantik üslubi çalarlar aydın şəkildə özünü
birüzə verən Nizami, Hafiz, Fir-dovsi və Şekspir «xilafi-
təbiətü adət» yazdıqlarına, yəni romantizmə meylli olduqlarına
baxmayaraq Axundov bu böyük sənətkarlara müsbət münasibət
bəsləmişdir. Görün-düyü kimi, Axundovu Füzuli
yaradıcılığının romantik tərəfi deyil, digər xüsusiyyətləri təmin
etmirdi. Bu xüsusiyyət-lərdən ən üzdə görünəni isə
ədəbiyyatşünas Ş.Salmanovun qeyd etdiyi kimi, Axundovun
daha çox poeziyada məzmun və forma münasibətləri barədə
görüşləridir ki, yazıçı Füzuli poeziyasının məhz məzmun
tərəfinə qane ola bilməmiş, bu cəhət onu dahi şairi nəzm
ustası adlandırmağa sövq etmişdir.
1
Füzuli yaradıcılığına
Axundovun birtərəfli müna-sibəti tənqid tariximizin mürəkkəb
problemlərindən biri kimi K.Talıbzadənin təhlillərində düzgün
əksini tapmışdır.
K.Talıbzadəni Axundovun realist ədəbiyyatın tənqidi
istiqaməti haqqında nəzəri görüşləri ciddi şəkildə maraq-
landırmış, onun M.P.Vaqif və Q.Zakir kimi şairlərin yara-
dıcılıqlarına münasibətini də bu prinsip baxımından tədqiqə
cəlb etmişdi. Axundov M.P.Vaqifin real həyat və təbiət
hadisələrini ədəbiyyata gətirməkdə, milli ədəbiyyatımızda
1
Sалmаnов Ш. Аkадemиk Kаmал Талыбзадə, Баkы, Озаn, 1998, s.71.
Dostları ilə paylaş: |