174
tənqidin ədəbi prosesdəki mövqeyini müəyyənləşdirir, onun
əsas cərəyanlarının ideya-estetik təsnifatını verirdi.
XX əsrin əvvəllərində tənqidi fikir özünün intibah
dövrünə qədəm qoymuş, cəmiyyət gerçəkliyin bütün sahə-
lərinə, eləcə də ədəbiyyata tənqidi münasibət bəsləməyə
başlamışdı. K.Talıbzadə V.Q.Belinskinin öz dövrü haq-qında
yazdıqlarını haqlı olaraq milli ədəbiyyatımızın bu dövrünə
şamil edirdi. Belinski yazmışdı: «Təhlil və tədqiqat
zəmanəmizin ruhunu təşkil edir. Indi hər şeyi, tənqidin özünü
də tənqid etmək lazımdır. Zəmanəmiz qeyd-şərtsiz heç nəyi
qəbul etmir, avtoritetlərə inanmır, əfsanələri rədd edir…
Zəmanəmiz etiqad istəyir, həqiqət aclığı çəkir.
1
» Tədqiqatçı
Belinskinin bu fikrinin məntiqi davamı kimi dövrün görkəmli
ədəbi şəxsiyyətlərindən biri olan Ə.Hü-seynzadənin məşhur
sözlərini yada salır: «Alati-mübarizə-mizdən biri də intiqaddır.
Nəyi intiqad? (Intiqad, yəni tənqid – T. R.) Hər şeyi! Istər o şey
yaxşı, istər fəna olsun. Hər şeyin yaxşılığını, ya fənalığını
ancaq intiqad sayəsində meydana qoymaq olar.»
2
Göründüyü
kimi, yeni əsrin əvvəllərində gerçəkliyə tənqidi münasibət
dövrün əsas ruhunu, başlıca qayəsini təşkil edirdi.
K.Talıbzadənin yazdığı kimi, ədəbi ictimaiyyətdə belə bir
ümumi fikir yaranmışdı ki, ədəbiyyat ədəbi tənqidsiz inkişaf
edə bilməz, buna görə də ədəbi tənqidə, polemika və
müzakirələrə geniş meydan verilməlidir. Müəllif bu barədə
1
Талыбзадə K. Азəрбаyжаn əдəби тənгидиnиn тарихи, Баkы, Mаариф,
1984, s.104.
2
Щüseynзадə Ə.Б. Гырmызы гараnлыглар иçиnдə yашыл ишыглар, Seçилmиш
məгалəлəр, Баkы, Азəрnəшр, 1996, s. 175.
175
dövrün görkəmli
ədəbi simalarının – A.Sur,
Y.V.Çəmənzəminli, S.Hüseyn kimi yazıçılarin fikirləri ilə
mülahizələrini daha da də-qiqləşdirirdi. Həmin dövrdə yaranan
ideya-siyasi məsləkli mətbuat orqanları, ədəbi-bədii təşkilatlar
öz fəaliyyətləri ilə milli ədəbi tənqidimizin inkişafına təkan
verir, onu yeni məcraya salırdı. Həmçinin professional milli
tən-qidçilərin, publisistlərin fəaliyyəti nəticəsində tənqid özü-
nün təşəkkül istiqamətini tapmışdı. K.Talıbzadə həmin
mərhələnin yaradıcıları olan S.Hüseyn, F.Köçərli, A.Sur,
Ə.Ağayev kimi tənqidlə məşğul olan görkəmli şəxsiyyətlərin
fəaliyyətini, ədəbi-estetik görüşlərini təhlil edir, onların sənətə
baxışında ümumi və oxşar cəhətlərə xüsusi diq- qət yetirirdi.
Tədqiqatçı bu dövrdə Azərbaycanda ədəbi tənqidlə məşğul
olan dərnək və cəmiyyətlərin fəaliyyətini də milli estetik
fikrimizin inkişafı baxımından qənaətbəxş hesab edirdi.
Monoqrafiyanın XX əsr ədəbi tənqidinə həsr olun-muş
fəsli milli estetik fikir tariximizin dərindən və geniş miqyasda
tədqiqi baxımından xüsusilə diqqətəlayiqdir.
Məlumdur ki, XX əsrin əvvəllərində realizmin key-
fiyyətcə dəyişməsi və zənginləşməsi, həmçinin romantizmin
ədəbi-estetik cərəyan kimi təşəkkülü, formalaşması, eləcə də
inqilabi proseslərin bədii fikirdə təcəssümü milli ədə-biyyatda
müxtəlif cərəyanların yaranmasına və inkişafına səbəb
olmuşdu. K.Talıbzadə elmi ümumiləşdirmələr nəti-cəsində
realist, romantik, mühafizəkar-romantik tənqid cərəyanlarını
müəyyənləşdirir, bu aspektdə ideya-nəzəri təhlillər aparırdı.
Müəllif burada elmin qarşısında duran bir sıra mühüm tədqiqat
vəzifələrini yerinə yetirmişdir. Həmin vəzifələrin sırasına XX
176
əsrin əvvəllərində yaranan tənqidi cərəyanların – romantizm və
realizmin ğeniş və hərtərəfli tədqiqi, onların ideya-yaradıcılıq
prinsiplərinin müəyyənləşdirilməsi, əsas mahiyyət və məğzinin
aydınlaş-dırılması daxil idi. Əsərdə realist və romantik ədəbi
tənqidin fəaliyyətinə belə geniş yer ayrılması, onların ideya-
estetik təsnifi monoqrafiyanın mühüm metodoloji
məziyyətlərindən sayılır. Çünki, ədəbi tənqidin bu cərə-yanları
bütövlükdə onun inkişafında ən güclü istiqaməti təşkil edir,
tənqiddə gedən ideya-estetik mübarizələr daha çox bu
cərəyanların fəaliyyətində öz təzahürünü tapırdı.
K.Talıbzadə milli ədəbi tənqidin inkişafında əsas
istiqaməti təşkil edən həmin tənqidi cərəyanların məşğul
olduğu ən aktual problemlərə diqqəti yönəldir, tənqid
cərəyanlarının ideya təsnifini verərkən realist və romantik
tənqidin daxili meyllərini də xüsusi nəzərdən keçirirdi.
Tədqiqatçı realist tənqidi təhlil edərkən onun iki əsas şaxəyə –
maarifçi və tənqidi realizmi təmsil edən isti-qamətlərə
ayrıldığını göstərir, onların ümumi və fərqli cəhətlərindən bəhs
edirdi. Eləcə də romantik tənqidi izah edərkən müəllif onun
mütərəqqi və mühafizəkar tənqid adlı istiqamətlərindən
danışır, M.Hadi, A.Səhhət, H.Cavid, A.Şaiq kimi görkəmli
sənətkarların mütərəqqi romantik tənqid cərəyanına mənsub
olduğunu nəzərə çatdırırdı.
Monoqrafiyada realizm cərəyanı XX əsr Azərbaycan
tənqidinin ən qüvvətli və əhatəli bir şaxəsi kimi daha
geniş tədqiq olunur. Tədqiqatçı burada tənqidi realizm
konsepsiyasına istinad edən cərəyanın ideya və problema-
tikasını hərtərəfli təhlilə cəlb edir, burada daha dəqiq və
177
konkret elmi ümumiləşdirmələr aparır. Bu tənqid cərəyanı
əsərdə «tənqidi realist estetika», «realist demokratik tənqid»
istilahları ilə də ifadə olunur. Tənqidin bu aparıcı cərə-
yanından müəllifin geniş bəhs açmasının mühüm səbəbi isə
«Molla Nəsrəddin» ideyalarından bəhrələnən, onun ədəbi
məfkurəsini ifadə edən, inqilabi demokratik dün-yagörüşün
formalaşdırdığı tənqidi realizmin ədəbiyyatın vəzifələrinə
qabaqcıl münasibəti ilə seçilməsi idi. K.Ta-lıbzadə təbii ki,
bu böyük ədəbi hadisəni tədqiqatında qiymətləndirməyə
bilməzdi. Buna görə də o, konkret elmi nəticələrə əsaslanaraq
tənqidi realizmi əsrin inqilabi, demokratik estetik proqramının,
yetkin realist yaradıcılıq prinsiplərinin ifadəçisi kimi yüksək
dəyərləndirir.
XX əsr ədəbi tənqidi fəaliyyətində olduqca mürək- kəb
yaradıcılıq vəzifələrini həyata keçirmişdir. Istər realist, istərsə
də romantik tənqidin fəaliyyətini işıqlandıran səhi-fələrdə bu
vəzifələrin monoqrafiyanın əsas tədqiqat möv-zusunu təşkil
etməsi təqdirəlayiqdir. Həmin ümdə vəzifələr – realizm
nəzəriyyəsini, bu sahədə Axundov ənənələrini inkişaf
etdirmək, tənqidin realizm konsepsiyasını işləyib hazırlamaq
və romantizmin prinsiplərini elmi cəhətdən əsaslandırmaqdan
ibarət idi.
K.Talıbzadə bu dövrdə tənqidin digər vəzifəsindən – milli
ədəbiyyatın tarixini yaratmaq sahəsindəki fəaliy-yətindən də
xüsusi bəhs açır, F.Köçərli, A.Sur, S.Hüseyn (Kazımoğlu),
Y.V.Çəmənzəminli və başqa ədəbiyyatşünas-ların bu ideyanı
həyata keçirmək yolunda xidmətlərini geniş tədqiq edir.
Qeyd etmək lazımdır ki, Azərbaycan ədəbiyyatının tarixini
Dostları ilə paylaş: |