____________Milli Kitabxana____________
38
onu tükətməyə doğrulur. Sosializm realizmi tədricən ədəbiyyatı
təmin etməməyə başlamışdır. Sosializm realizminin apologiyası
mərhələsi isə 1960-1980-ci illəri əhatə edir. Sosializm
realizminin nümunələri bu dövrdə də yaranır, ideolojiyə
güvənərək hətta eninə doğru irəliləyir də. ”Lakin sosializm
realizminin burada payı cüzidir, olsa-olsa, “anti” məqamında,
əks-təsir oyatmasındadır” (32. 163).
Sovet dövrü Azərbaycan ədəbiyyatının dövrləşdirilməsi ilə
bağlı ayrı-ayrı ədəbiyyatşünaslarımızın mülahizələrini sərf-
nəzər edərkən, görürük ki. 1930-cu ildən sonrakı mərhələlər
barədə fikirlər əsasən bir-biri ilə səsləşir, 30-cu ilə qədərki
dövrün müəyyənləşdirilməsində isə fərqli baxış bucaqları özünü
göstərir.
Ədəbi prosesin formalaşması və inkişaf mərhələlərinə
sosial amilin təsiri inkar oluna bilməz. Lakin ədəbiyyatın tarixi
mərhələlərini qiymətləndirərkən ədəbi prosesin özünəməxsus
xüsusiyyətləri, daxili qanunauyğunluqları da nəzərə alınır.
Çağdaş
ədəbiyyatşünaslığımız öz nəzəri-metodoloji
meyarlarını, dəyərlərini və prinsiplərini müəyyən edərkən
subyektiv və obyektiv amillər ortaya qoyulmuşdur. XX əsr
ədəbiyyatını obyektiv dəyərləndirməkdə əsas maneələr
təfəkkürdə formalaşmış yanlış təsəvvürlərdir. Bu təsəvvürlər
____________Milli Kitabxana____________
39
isə, yuxarıda qeyd etdiyimiz kimi, bir çox hallarda XX əsr
ədiblərini sosial-siyasi və ədəbi prosesin kontekstindən ayırıb
təftiş etmək üsulu ilə bağlıdır.
XX əsr ədəbiyyatının dövrləşdirilməsi haqqında istər
fərqli, istərsə də üst-üstə düşən mülahizələrin hər birinin elmi-
nəzəri müddəalara söykəndiyini dəyərləndirməklə yanaşı,
fikrimizcə, akademik B.Nəbiyev və Ş.Salmanovun “Əsrin
ədəbiyyatı” məqaləsində təsbit edilən müddəalar məsələyə
nəzəri-metodoloji aspektdən yanaşma üçün əhəmiyyətlidir.
Onlar XX əsr ədəbiyyat tarixini üç əsas mərhələdə təsnif
edirlər. “Əsrin əvvəli, 20-ci illərdən sonrakı sovet dövrü, 90-cı
illər – milli müstəqillik mərhələləri. Ədəbi əsrin belə mərhələ
tipologoyası onun bütün tarixinə əsaslanır; bu təsnifat ədəbi
əsrin tarixinin ideya-nəzəri və metodoloji prinsipi hesab edilə
bilər”. Müəlliflər XX əsrin ədəbi mərhələləri öyrənilərkən iki
mərhələnin müasirlik nöqteyi-nəzərindən xüsusilə ciddi
əhəmiyyət kəsb etdiyini vurğulayırlar. “Bunlardan biri əsrin
başlanğıc mərhələsidir, ikincisi 20-ci illərdən sonra təşəkkül və
inkişaf edən sovet ədəbiyyatı mərhələsidir; bu ikinci mərhələ
tarixi zaman etibarilə böyük və mürəkkəb bir ədəbi-tarixi
mərhələdir. Ədəbi əsrin bu iki mərhələsi bütün gedişi boyu
ədəbi-nəzəri fikrin, tənqidin aktual problemi və predmeti
____________Milli Kitabxana____________
40
olmuşdur; ədəbiyyatşünaslığın, ədəbiyyat tariximizin bu
mərhələlərin tarixini yaratmaq istiqamətində müəyyən
təcrübəsi, tədqiqat nəticələri vardır” (77, 11). Məqalə
müəllifləri diqqəti “Sovet ədəbiyyatı” anlayışının indi yeni
elmi-nəzəri baxış tələb etdiyinə yönəldirlər.
Şübhəsiz, çağdaş ədəbi-tarixi prosesdə bu məsələnin
diqqətdə saxlanılması, ötən ədəbi əsrin mərhələləri, həmin
mərhələlərin ictimai-sosial və bədii-estetik səciyyəsinin
müəyyənləşdirilməsi ıstiqamətində aparılan araşdırmalar, ırəli
sürülən elmi-nəzəri mülahizələr XX əsr, xüsusilə sovet dövrü
Azərbaycan ədəbiyyatının konseptual baximdan yenidən
qiymətləndirilməsində böyük əhəmiyyət kəsb edir.
Beləliklə, XX əsr Azərbaycan ədəbiyyatı tarixinin
dövrləşdirilməsində üç mərhələni (1900-1920, 1920-1980 və
90-cı illər) elmi-sosioloji baxımdan daha əsaslı hesab edərək və
sovet dövrünü əhatə edən yetmiş illik dövrün də iki “bitkin,
qərarlaşmış mərhələ”dən ibarət olduğu (Y.Qarayev) fikrini
təsdiq edərək, 30-cu illərdən başlayan yeni roman fakturası
əsasında tədqiqatımızın araşdırmalarında həmin təsnifat (sovet
dövrünün 20-50-ci illəri) prinsipinə söykənirik. Bununla belə,
20-50-ci illər mərhələsini ümumi tarixi-sosioloji və bədii-
estetik motivlər şərtləndirsə də, onun daxilində də ayrı-ayrı
____________Milli Kitabxana____________
41
zaman kəsiklərinin istər siyasi-tarixi çalarlarında, istərsə
ideoloji təsir istiqamətlərində, istərsə də ədəbi-bədii
meyarlarında müəyyən fərqlərin olduğu görünür. Bu fərqləri
xüsusilə 20-ci illər və 30-cu illər dövrünün, yaxud 30-cu illərlə
45-55-ci illərin müqayisəsində görmək çətin deyil.
Əlbəttə, ədəbi prosesin formalaşması və inkişaf mərhələləri
sosial amildən kənar ola bilməz. Tarixi dövrləşdirmənin siyasi
təsisatlarla bağlılığı, siyasi təsisatların və ideoloji amillərin
bədii ədəbiyyatda müəyyən izlər qoyduğunu da inkar edə
bilmərik. Lakin ədəbi prosesin immanent qanunauyğunluqlarını
nəzərə almadan onun tarixi mərhələlərini də dəqiq
qiymətləndirmək mümkün deyil.
Ədəbiyyat tarixinin, ədəbi-bədii fikrin inkişaf tarixinin
müxtəlif mərhələ və dövrləri təkcə tarixin ictimai-siyasi
formasiyası, iqtisadi inkişaf istiqamətləri ilə şərtlənmir, eyni
zamanda yeni ədəbi məfkurələr, cərəyanlar, axınlarla bu və ya
digər şəkildə əlaqəli olur.
____________Milli Kitabxana____________
42
1.3. Marksist metodologiya axtarışları
1920-1930-cu illərdə materialist, marksist dialektikanın
ədəbiyyata mexaniki tətbiqi yolunda konkret addımlar atılır,
ədəbiyyatın, ədəbi prosesin inkişafını tənzimləmək məqsədilə
müxtəlif qərar və qətnamələr verilirdi. Xüsusilə “Ədəbiyyat işi
ümumproletar işinin şüurlu avanqardı tərəfindən hərəkətə
gətirilən vahid, böyük sosial-demokrat mexanizminin “təkərciyi
və vintciyi” olmalıdır, ədəbiyyat işi mütəşəkkil, müntəzəm,
birləşmiş sosial-demokrat partiya işinin tərkib hissəsi olmalıdır”
tezisinin proletar ədəbiyyatının əsas prinsiplərindən biri hesab
edilməsindən sonra bu sahədə nəzəri, praktiki addımlar atılır.
Leninin bu fikirləri vaxtilə bədii ədəbiyyatın ideyalılığını,
məfkurəvi istiqamətlərini təyin edən ölçüyə, meyara
çevrilmişdi. Sonralar partiyanın digər rəhbərləri də həmin
tezislərə istinad edərək ədəbiyyata, sənətə bu amirlik
mövqeyindən yanaşdılar.
Ədəbiyyatı, sənəti burjua ideoloqlarına qarşı təbliğat
vasitəsi kimi istifadə etmək məqsədilə qəbul edilən partiya
qərarları (1925, 1932, 1946-1948) bu amirlik mövqeyinin,
ədəbiyyatı öz təbii inkişafından ayırıb partiyalı istiqamətə çəkib
aparmağın ifadəsi idi. “Partiyanın bədii ədəbiyyat siyasəti
Dostları ilə paylaş: |