____________Milli Kitabxana____________
34
ehkam, qrafoman-robot fanatizminin, “predmet-kütlə-sinif”
mövhumatının yalnız ideyada, yalnız təlimdə yox, həm də
xronologiyada, təsnifdə, rəqəmdə ifadəsi və əlaməti idi” (59.
479).
Müstəqillik dövrünün ədəbi-elmi düşüncəsində
ədəbiyyatımızın bütün dövrlərinə milli dəyərlər işiğında
yanaşılması zərurətinin araya gəlməsi təbiidir. Bununla belə
sovet dövrü ədəbi nümunələrinin və istedadlı qələm sahiblərinin
qorunması, onların ədəbiyyat tariximizdə dayanıqlı yer
tutmasının obyektiv, elmi-analitik əsaslandırılması meylləri də
güclüdür. Ötən əsrdə yaşayıb-yaradan yazıçılarımızı tarixi
ədəbi prosesin ümumi inkişaf kontekstindən ayirib təftiş etmək
üsulu doğru hesab edilmir. Hər bir ədəbi mərhələyə xas olan
cizgiləri, xüsusiyyətləri aşkarlamaq, layiqli qiymətini vermək
üçün dövrün ədəbi-bədii nümunələrinə birmənalı deyil,
differansial və konkret şəkildə yanaşılması vacibdir. Heç bir
əsəri, ədəbi şəxsiyyəti, həmçinin ədəbiyyat tarixini real tarixi
gerçəklikdən ayırmaq olmaz. Ədəbiyyat tarixinin mərhələləri də
həmin dövrün real tarixi gerçəkliklərindən təcrid oluna bilməz.
Ədəbiyyatşünas alimlərimizin məsələyə əsasən bu prizmadan
yanaşmaları diqqəti cəlb edir.
____________Milli Kitabxana____________
35
Şamil Salmanov sovet dövrü Azərbaycan ədəbiyyatını üç
mərhələdə təsnif etməyi düzgün sayır: 1920-1934-cü illər,
1934-1956-cı illər və 1956-1991-ci illər. Müəllif birinci
mərhələnin sırf proletar ədəbiyyatı kimi təsnif edilməsini
düzgün saymır. Ona görə ki, həmin dövrdə müxalif ruhlu
ədəbiyyatın (“burjua ədəbiyyatı”, “Cavid-Cavad ədəbiyyatı” və
s. istilahlar da işlənirdi) yaranması da bir faktdır. İkinci
mərhələdə (1934-1956) – sosialist realizminin “qəti normativlər
dövrü”ndə də özünəməxsus yaradıcılıq metodları mövcud
olmuşdur. Üçüncü mərhələnin (1956-1991) ısə əsas göstəricisi
sosialist realizminin ideya-estetik prinsiplərinə qarşı müxalif
mövqenin yaranmasıdır.
Mərhələ təsnifatına Nizami Cəfərovun yanaşmasında
fərqli mülahizələr də vardır. O, XX əsr Azərbaycan ədəbiyyatı
tarixini dörd mərhələyə bölür: 1. XIX əsrin sonu XX əsrin
əvvəllərindən XX əsrin 30-cu illərinın ortalarına qədər; 2. 30-cu
illərin ortalarından 50-ci illərin sonu 60-ci illərin əvvəllərinə
qədər; 3. 50-ci illərin sonu 60-cı illərin əvvəllərindən 80-ci
illərin sonu 90-cı illərin əvvəllərinə qədər; 4. 80-ci illərin sonu
90-cı illərin əvvəllərindən sonra. Bu bölgüdə sonrakı üç
mərhələ təsnifatı kifayət qədər əsaslıdır və həmin dövrlərin
siyasi-ideoloji və ədəbi-estetik kontekstində mövcud ədəbi
____________Milli Kitabxana____________
36
prosesin mövqeyini, həmçinin dövrün qüsur və səhvlərini,
ədəbiyyata neqativ təsirini də ehtiva edir. N.Cəfərovun
təqdimatında təsnifatın birinci mərhələsi isə yəqin ki, polemika
mövzusu ola bilər.
“XX əsr ədəbiyyatını mərhələlərə ayırmaq istərkən,
əvvəlcə onu bütöv bir tam kimi götürmək, sonra daxili
vahidlərini müəyyənləşdirmək doğru olar” – deyən Zaman
Əskərli (37. 249) hesab edir ki, yanaşmanın belə üsulu milli
təfəkkürün inkişafında varislik əlaqələrini, XX əsr
ədəbiyyatınıın ayrı-ayrı mərhələlərini bir-biri ilə əlaqələndirən,
onu bütövləşdirən bağları da görüb-götürməyə imkan yaradır.
Z.Əskərlinin təklif etdiyi bölgü belədir: birinci mərhələ - 1905-
ci ildən 1930-cu ilədək. Bu mərhələ XX əsr ədəbiyyatının
coşqun çağlayış illəridir. Yaşlı, orta və gənc nəslin, realist və
romantik yazıçıların eyni bir zamanda fəaliyyət göstərdiyi
dövrdür. İkinci mərhələ - 1930-cu illərin ortalarından başlanır
və 50-ci illərin sonlarına qədər davam edir. Bu, cəmiyyətin
siyasi və ictimai-mədəniyyət qatında şəxsiyyətə pərəstişin
formalaşdığı mərhələdir. Üçüncü mərhələ 50-ci illərin sonları
60-cı illərin əvvəllərində ədəbiyyata gələn gənc nəslin fəaliyyəti
ilə bağlanır.
____________Milli Kitabxana____________
37
Z.Əskərli bu qənaətdədir ki, bir əsrlik ədəbiyyatın ayrı-ayrı
mərhələləri və yaradıcıları arasında varislik əlaqələri kəsilmir;
həmin mərhələləri və yaradıcıları br-birinə bağlayan tellərin
səciyyəsi, münasibətlərin məzmunu dəyişir.
Tehran Əlişanoğlu da XX əsr ədəbi prosesini vahid bir tam
hesab edir və onu bir tam kimi öyrənməyi lazım bilir. T.
Əlişanoğlu sovet dövrü ədəbiyyatının söykəndiyi sosialist
realizmi metodunun və cərəyanının dörd mərhələdə ehtiva
olunduğu qənaətindədir: ilkin mərhələ, qəti normativlər dövrü,
“potensial imkanlar” mərhələsi, apologiya. Müəllifin fikrincə,
bu bölgü “sosializm realizminin ümumən təşəkkülü, işləməsi və
bir dəyər kimi sona varması tarixinə tam müvafiqdir” (32. 160).
İlkin mərhələ emprik təcrübələr dövrü hesab edilir və Oktyabr
inqilabının dalğalarında gələn bu mərhələnin 30-cu illərin
ortalarına qədər davam tapdığı göstərilir. Qəti normativlər
dövründə sosializm realizmi bədii cərəyan kimi nəinki qəti
olaraq formalaşmış, nəzəri-estetik dərkə nail olmuş, habelə artıq
müəyyən qədər sxemləşmişdir. Estetik hərəkət normalara doğru
deyil, normalardan istiqamətlənir. 1950-ci illərdən başlanan
“ potensial imkanlar dövrü”ndə ədəbiyyat stixiyasına – xalq
həyatına, varlığa, insanın gün-güzəranına qayıdır, estetik
hərəkat artıq sosializm cərəyanının hüdudlarını döyəcləməyə,
Dostları ilə paylaş: |