Úàâèäè õàòûðëàðêÿí
539
Hərdənbir Cavid əfəndi məni dram teatrına əsərlərinin
tamaşasına dəvət edərdi. Belə günlər mənim üçün bayram gün-
lərinə çevrilərdi. Axşamın düşməsini səbirsizliklə gözləyərdim ki,
gözəl sənət aləminə qərq olum. Belə gecələrdən birini xatırla-
yıram. Teatra üçümüz getdik: Cavid əfəndi, Mişkinaz xanım və
mən. Bizə müəllif lojasında yer verdilər. “İblis” əsərinin tamaşası
gedirdi. İblis rolunda Azərbaycanın məşhur artisti Abbas Mirzə
Şərifzadə çıxış edirdi. Məşhur artistlərdən Mərziyə xanım Davu-
dova və Kazım Ziya da tamaşada iştirak edirdilər. “İblis” faciəsi-
nin dərin məzmunu, şeirin gözəl ahəngi böyük artistlərin ifasında
daha da canlanıb mənə unudulmaz təsir bağışlayırdı. Qırmızı
mantiyaya bürünmüş halda alovlar içərisindən çıxan İblis, onun
fitnəkarlıqları, sarsıdıcı qəhqəhələri ömürlük yadımda qalmışdı.
Mənim fikrim, diqqətim o dərəcədə səhnəyə cəlb olunmuşdu
ki, Cavid əfəndinin lojadan nə vaxt çıxdığını və böyük bir qutu
pirojna ilə nə vaxt qayıtdığını hiss etmədim. Qutunu bizim qaba-
ğımıza qoyub dedi:
– Tamaşaya baxdıqca bu qutuya da arabir əl atın.
Çavid əfəndi olduqça diqqətli, həssas və nəvazişkar bir insan
idi. Onun bizə göstərdiyi bu diqqət qəlbimdə xoş bir hiss
oyatmışdı.
Cavid əfəndi atam ilə dramaturgiya, poeziya haqqında öz
planlarından söhbət edərdi. Atam poeziyanı, dramaturgiyanı çox
sevərdi; onların söhbəti olduqca canlı bir tərzdə gedərdi. Puşkin
və Lermontovun şeirlərinin çoxunu atam əzbər dedikcə hər ikisi
onların dərin mənasını təhlil edər, gözəlliyinə qiymət verərdi.
Atam deyərdi ki, Cavid əfəndi rus dilinin incəliklərini çox də-
rindən başa düşür. Atam Cavid əfəndinin şairlik istedadına böyük
qiymət verməklə bərabər, qeyd edərdi ki, Cavid əfəndi böyük
dramaturq, şair olmaqla bərabər, həm də filosofdur.
Cavid əfəndi təbiətən olduqca optimist
*
, həyatı sevən, ürək-
dən sevinməyi bacaran bir insan idi. Adətincə maraqlı insanlarla
münasibət saxlamağı sevərdi.
*
Nikbin.
Úàâèäè õàòûðëàðêÿí
540
Bizim anadan olan günlərimiz ənənə üzrə hər il qeyd olu-
nardı. Belə günlər biz uşaqlar üçün böyük şadlığa çevrilərdi.
Çünki bütün qohumlarımız yığışıb bizə gələr, birlikdə şənlə-
nərdik. Çox vaxt bizə Üzeyir Hacıbəyov, Müslüm Maqomayev,
Hənəfi Terequlov və Hüseynqulu Sarabski də gələrdi. Hüseyn
Cavid, Mişkinaz xanım və onların uşaqları – oğlu Ərtoğrul
**
və
qızı Turan da bizim əziz qonaqlarımız olardılar.
Cavid əfəndi, atam, Üzeyir Hacıbəyov, Müslüm Maqomayev
bir yerdə əyləşib onları maraqlandıran mövzulardan: maarif və
mədəiiyyətin respublikada inkişafından, yaradıcılıq planlarından,
təzə çıxan kitablardan söhbət edərdilər. Üzeyir Hacıbəyov, Müs-
lüm Maqomayev pianoda operalardan ariyalar çaldıqları və Tere-
qulov ilə Sarabski o ariyaları oxuduqları vaxt Cavid əfəndinin
üzünə mülayim bir təbəssüm qonardı; onun musiqidən böyük bir
həzz aldığı görünərdi. Həqiqətən Hənəfi Terequlovun baritonal
bas səsi və Sarabskinin tenoru misilsiz gözəlliyə malik idi.
Cavid əfəndigilə də tez-tez dostları yığışar, söhbət edər və
axşamı xoş keçirərdilər. Belə günlərdən birində (1926-cı il, yaxud
1927-ci il idi) onların evinə yığışan qonaqların arasında Bülbülü
də gördüm. O, hələ lap cavan idi. Həyat yoldaşı Zeynəb xanımla
və onun evində yaşayıb tərbiyə alan İsmayıl Eloğlu ilə birlikdə
gəlmişdi. Bizim də ailəmizi dəvət etmişdilər və bizim hamımız o
axşam Cavid əfəndinin evində qonaq idik. Bütün axşam Bülbülün
gözəl səsi eşidilirdi
*
. Cavid əfəndi kefi çox kök halda Bülbülün
oxuduğu mahnılara, segaha qulaq asır, olduqca həzz aldığı hiss
olunurdu. O, İsmayıl Eloğluna müraciət edərək xahiş etdi ki, o da
oxusun. İsmayıl da bir neçə xalq mahnısını mülayim səslə oxudu.
Oxuyub qurtardıqdan sonra Cavid əfəndi onu təriflədi və onun
oxumağından xoşu gəldiyini bildirdi. Onun nə qədər diqqətli və
həssas insan olduğunu mən bir daha yəqin etdim. Onun tərifli
sözləri cavan müğənniyə ürək verib, özünə inamını artırdı.
**
Əslində Ərtoğrol. – R.M.
*
Bülbül 1920-ci illərdə “Şeyx Sənan” tamaşasında Kor Ərəbin mahnısını ifa
etmişdi. – Tərtibçi.
Úàâèäè õàòûðëàðêÿí
541
Yazıçı və şairlər tez-tez Cavid əfəndigilə gələrdilər. Seyid
Hüseyni, Yusif Vəzir Çəmənzəminlini və Mikayıl Müşfiqi mən
orada çox görmüşəm. Cavid əfəndinin hələ cavan şair olan Müş-
fiqə səmimi münasibəti aydın hiss olunardı. Onunla uzun-uzadı
söhbət edər, şeirlərinə qulaq asardı. Görünür, böyük sənətkar
Müşfiqin şairlik istedadını görüb ona lazımi məsləhətlər verirdi.
Cavid əfəndi öz ailəsində gözəl, diqqətli həyat yoldaşı,
qayğıkeş ata idi. Uşaqların tərbiyəsilə Mişkinaz xanımla birlikdə
məşğul olar, onlarda yaxşı keyfiyyətlərin inkişafına çalışardı.
Ərtoğrulun məktəbdəki müvəffəqiyyətləri xüsusi qeyd olunardı.
O, sinifdən sinfə keçəndə Cavid əfəndi böyük tort alıb uşaqları
qonaq çağırardı. Mişkinaz xanım stola özü bişirdiyi şirniyyatları
düzərdi. Cavid əfəndi və Mişkinaz xanım uşaqlarla birlikdə stolun
ətrafında oturar, onlara lazımi diqqət göstərərdilər.
Dərslərimi gecə evdə tam sakitlik olanda hazırlamağı sevər-
dim. Xüsusən bu sakitlikdə məsələləri yüngüllüklə həll edərdim.
Dərslərimi hazırladığım otaq Cavid əfəndigilin otağı ilə üzbəüz
idi. Mən bu gecəçağında Çavid əfəndinin stol arxasında oturub
yazdığını müşahidə edərdim. Qapılarımız açıq olduğundan otağın
içərisi görünərdi. Otağın ev avadanlığının olduqca sadə olmasına
baxmayaraq, o çox səliqə ilə yığılmışdı. Otaqda bufet, yemək
stolu, iki uşaq çarpayısı və kiçicik bir yazı masası yerləşmişdi.
Uşaq çarpayıları üzbəüz divarlara yaxın qoyulmuşdu və biri yazı
masasına toxunurdu. Bu balaca yazı masasının üstünə çoxluca
kitab, jurnal yığılmışdı, boş yer görünmürdü. Otaq zəif bir işıqla
işıqlanırdı; daha doğrusu, elektrik lampası yandırılmadığından
evə işıq verən stolun üzərində kiçicik neft lampası qoyulmuşdu.
Uşaqların gözünə işıq düşməsin deyə lampa kitablar ilə əhatə
olunmuşdu və balaca bir küncü işıqlandırırdı. Uşaqlar oyanmasın
deyə Cavid əfəndi həmin zəif işıq ilə kifayətlənirdi. Cavid əfəndi
yanını stola söykəyib çox vaxt dəftəri dizləri üstünə qoyub
yazardı. Görünür, çıraqla üzbəüz oturmağa stolun aşağı taxtaları
mane olurdu. Onun fikri yaratdığı əsərlərə o qədər aludə olardı ki,
ozünün narahat vəziyyətini hiss etməzdi. Ancaq onu da deyim ki,
Dostları ilə paylaş: |