Úàâèäè õàòûðëàðêÿí
546
məti barəsində məlumat verdi. Sonra biz Cavid əfəndinin şeir-
lərindən parçalar oxuduq və “İblis” faciəsindən bir parça gös-
tərdik. Onu da deyim ki, göstərdiyimiz parçada iştirak edən kişi
rollarını da qızlar aparırdı. Çox da tələbkar olmayan tamaşaçılar
bizim oyunumuzu hərarətlə qarşıladılar. Bununla onlar
“aktyorları” daha yaxşı oynamağa ruhlandırırdılar. Reyhan xanım
Axundovanın (Topçubaşovanın) rəhbərliyi altında hazırladığımız
rəqslər hamının xoşuna gəldi.
Nəriman Nərimanov gecəyə gəlməmişdi. Lakin onun həyat
yoldaşı Gülsüm xanım gecədə iştirak edirdi. Biz əmin idik ki, o,
gedib bizim keçirdiyimiz “Cavid gecəsi” barəsində öz təəssürat-
larını Nəriman Nərimanova danışacaqdı.
Gecə bitdi. Sürəyya Talıbxanbəyli Cavid əfəndiyə lentlər ilə
bəzədilmiş təravətli çiçək təqdim etdi. Bu təqdim musiqi təra-
nələri altında gurultulu alqışlarla qarşılandı. Hüseyn Cavid cavab
olaraq söylədiyi kiçik nitqdə bütün bu alqışlara və ehtiramlara
qarşı səmimi təşəkkürünü bildirdi.
1981-1982
Úàâèäè õàòûðëàðêÿí
547
Mehdi Məmmədov
Áþéöê äèëÿêëÿð, áþéöê
öìèäëÿð øàèðè
emuar (xatirə) janrında yazıl-
mış bir kitabın üstündə bir
dəfə gözəl epiqraf oxudum: “Xatirələr
faydalı olsun deyə səmimi yazılmalı,
gerçəkliyə tən gəlməlidirlər”. Bu kiçik
cümlədə böyük həqiqət var. Həqiqət də
var, nəsihət də. Hələ düzünə qalsa, bəzi
müəlliflərə məzəmmət də var. Axı xatirə
yazanların bir qismi aşkar xəyala qapılır,
mübaliğəyə yol verir, istər-istəməz mət-
ləbdən ayrılır, bəzən də özlərini xatirə
predmetinə çevirirlər. Belə ifrat həvəsdənmi, yoxsa zəiflikdənmi,
yaxud xətadanmı yaxa qurtarmaq, görünür ki, həmişə asan olmur.
Çətindir. Xüsusilə görkəmli sənətkarların, şöhrəti özündən
sonra yaşayan və qat-qat artan şəxsiyyətlərin haqqında yazmaq,
özü də olub-keçənləri olduğu kimi yada salmaq, ötən hadisələri
dürüst bəyan eləmək, böyük bir şəxsiyyətin zəngin surətini düz-
gün əyan eləmək çətin, həm də məsuliyyətli işdir. Doğrusu, bu
işdə nə təcrübəm var, nə də səriştəm. Belə təkliflərdən bu vaxta
qədər saxlanmışam. Amma bu dəfə əksinə – saxlanmaq fikrindən
saxlanmıram. Hüseyn Cavnd haqqında yazmaq istəyirəm.
Yaza biləcəyəmmi? Bilmirəm. Lakin buna ehtiyac duydu-
ğumu yaxşı bilirəm. Bir də, şagirdlik borcum qətiyyətimi artırır,
mənəvi övladlıq haqqım məni ürəkləndirir. Yuxarıda xatırladığım
epiqraf isə məni ehtiyatlı olmağa, dəqiq xatırlamağa çağırır.
Xatırlamaq istədiyim illərdən az keçməmişdir. Mən yarım əsr
bundan əvvəlin əhvalatından söhbət açmalıyam. Azərbaycan
M
Úàâèäè õàòûðëàðêÿí
548
Dövlət Teatr texnikumunda oxuduğum illərdən, Hüseyn Cavidin
bizə ədəbiyyat tarixindən dərs dediyi günlərdən...
* * *
...Hüseyn Cavid!
Elə adlar vardır ki, onları eşidəndə təqdim və tərif gərək
olmur. Onlar nə əlavə izahata, nə köməkçi bir əlamətə, nə də fəxri
ada, nişana, təmtəraqlı ünvana möhtac görünmürlər. Rütbələr,
vəzifələr, mənsəblər də onları bəlirtmir, bəzəmirlər. Əksinə, bəlkə
onlar tutduqları yeri, mənsəbi, daşıdıqları rütbəni, vəzifəni bəzə-
yir, ucaldırlar. Belə adların, bu cür adamların şöhrəti təbii, hörmə-
ti qanuni olur. Belə şəxsiyyətlərin qazandıqları məhəbbət sonsuz,
etimad isə misilsizdir. Onlara qarşı xalqın rəğbəti az qala pərəstiş
rəsminə çevrilir. Onların yazdıqları, dedikləri insanı saflaşdıran,
ucaldan, nəcibləşdirən təsir və təlqin qüvvəsi kəsb edir.
20 və 30-cu illərdə Azərbaycan ədəbiyyatının iki böyük nü-
mayəndəsi belə təlqin qüvvəsinə malik idi: Cəfər və Cavid!
Onların nə fəxri adı, nişanı, nə mənsəbi, nə də vəzifəsi vardı.
Oilar dramaturq idilər. Pyeslər yazırdılar.
Cəfərin pyesləri o vaxt repertuarda daha çox yer tuturdu, tez-
tez oynanırdı. Cavidin dramları, faciələri isə 30-cu illərin başlan-
ğıcında səhnədən demək olar ki, çıxmışdı, daha doğrusu, çıxarıl-
mışdı. Nəzəriyyə aləmindəki hərc-mərclik, saxta sosioloji tənqid,
o vaxt qılıncının dalı da, qabağı da kəsən “proletkultçuluq” və
proletkultçular Cavidin əsərlərinin səhnədən sıxışdırılıb çıxa-
rılmasında az iş görmürdü. Haqqında danışdığım illərdə oynanılan
ancaq “Knyaz” faciəsi idi ki, onun da səhnə həyatı uzun sürmədi.
Bir də “Şeyx Sənan” gah oynanır, gah saxlanırdı və hər dəfə
müəllifin istəmədiyi bir təshihə, bir islaha məruz qalırdı.
Lakin bütün bunlara, belə kəc, cahil rəftara baxmayaraq,
Cavid də Cavid olaraq qalır, özünün sənətkar vüqarını itirmirdi.
Müxtəlif nəsildən olan tamaşaçılar, oxucular onun səhnədə get-
məyən əsərlərini belə oxuyur, əzbərdən bilir, sevirdilər. Müəllifin
özünü də dərin hörmətlə, atəşin məhəbbətlə sevirdilər. Ona qarşı
Úàâèäè õàòûðëàðêÿí
549
irəli sürülən bir sıra tənqidi fikirlər haqlı olduqları üçün haqq
üzünə də qarşılanırdı. Haqsız hücumlar isə ancaq qəzəb oyadır,
ancaq pərəstişkarların sayını və onların məhəbbətini, sədaqətini
artırırdı. Belə ki, gəncliyin, ziyalıların, xalqın Cavidə bəslədiyi
rəğbət, hörmət, məhəbbət o vaxtlar doğrudan da az qala pərəstiş
rəsminə çevrilirdi.
* * *
Mən 1931/32 tədris ilində Hüseyn Cavidi onun şöhrətinin
belə gur şölə saçdığı günlərdə ilk dəfə dərs otaqlarında gördüm.
Gördüm, amma gözlərimə inanmadım. Çünki mənim təsəvvürüm-
dəki Cavidlə, əsərlərini oxuya-oxuya xəyalımda nəhəng surətini
yaratdığım o qiyabi şəxsiyyətlə indi burda gördüyüm gerçək
Cavid arasında kəskin təzad, ziddiyyətli bir təzad var idi. Təsəv-
vürümdəki tamam qeyri-adi, heç kəsə bənzəməyən ecazkar bir
sənətkar, bir sehrkar, gerçəklikdə gördüyüm isə heç kəsdən seçil-
məyən adi, lap adi bir şəxs idi. Nə mən, nə də tələbə yoldaşlarım
onun görkəmində, geyimində, davranışında, rəftarında başqala-
rından, o biri müəllimlərdən fərqli bir əlamət görmədik.
Onu adiləşdirən, sadələşdirən bir də onun danışıq tərzi, ləfzi,
ifadəsi idi. Əsərlərindəki yüksək poeziyaya, nadir lirika və incə
şeiriyyata, axıcı misralara, gözəl və gözlənməz qafiyələrə, mürək-
kəb, bəzən də qəliz ifadələrə alışanlar elə bil həyatda, məişətdə
onun mürəkkəb bir dillə, yaxud şeirlə, nəzmlə danışacağını gözlə-
yirdilər. Amma o, ən sadə, ən adi bir tərzdə, hamının danışdığı və
başa düşdüyü bir dildə, tamam müasir leksikonda danışır, şirin-
şirin söhbətlər eləyirdi. Mən onun tanınmış ədiblər haqqında şirin,
maraqlı söhbətlərini yaxşı xatırlayıram. Ədəbiyyatın tarixindən və
nəzəriyyəsindən sistemli tərzdə və ardıcıl surətdə danışmasa da,
ədəbi hadisələr və şəxsiyyətlər haqqında elə hərarətlə, elə ehtiras-
la bəhs edirdi ki, biz onu saatlarla yorulmadan dinləyirdik. To-
xunduğu məsələlərə, səciyyələndirdiyi şəxsiyyətlərə öz münasi-
bətini heç vaxt gizlətməzdi. Buna görə onun kimi xoşlamadığını,
kimi sevib əzizlədiyini, yüksək qiymətləndirdiyini biz dərhal və
aşkar duyurduq. O, sevdiklərini sevdirməyi bacarırdı.
Dostları ilə paylaş: |