GöZƏlov s. K., MƏMMƏdov r. T., Namazov b. F. AvtoserviSDƏ XİDMƏTİn texnologiyasi və TƏŞKİLİ
Rəngləmə və antikorroziya örtüyünün çəkilməsi sahəsi
Yüklə 4,09 Mb. Pdf görüntüsü
|
| 2.2.5.2. Rəngləmə və antikorroziya örtüyünün çəkilməsi sahəsi
Rəngləmə sahəsi köhnə lak-rəng örtüyünü çıxarmaqla rəngləmək, zədələnmiş yerlərin yerli rənglənməsi, kuzovun ayrı- ayrı detallarının rənglənməsi və kuzovun dib (döşəmə) və alt hissəsinə korroziya və səs-küyə qarşı mastikanın çəkilməsi üçün nəzərdə tutulur. Bu sahəyə üç şöbə daxildir: hazırlıq işləri, rənghazırlama və rəngləmə şöbələri. Rəngləmənin ümumi texnoloji prosesi rənglənəcək səthin təmizlənməsi, hazırlanması, qrunt, astar örtüklərinin vurulmasını, pardaxlamanı, rəng örtüyünün aralıq və xarici təbəqələrinin çəkilməsini əhatə edir. Bu zaman örtüyün hər bir çəkilmiş təbəqəsi üçün nəzərdə tutulmuş qurutma rejiminə ciddi əməl olunmalıdır. Səthin rənglənməyə hazırlıq işlərində xüsusi yumşaldıcı-yuyucu mayelərdən, qaşıyıcı alətlərdən (qaşov), şpatellərdən, fırçalardan və rəngləmə pistoletlərindən (pulveri-zatorlar) istifadə olunur. Avtomobilin kuzovu çiləmə üsulu ilə rənglənir, qurutma isə xüsusi kameralarda aparılır. Əsasən kombinə edilmiş rəngləmə-qurutma kameralarından istifadə olunur. Yerli rənglənmiş səthləri rəngləmə- qurutma kameralarında və ya səyyar lampalı qurğuların vasitəsilə qurudulur. Kuzovun dib və alt səthinə korroziyaya və səs-küyə qarşı mastika rəngləmə sahəsində çəkilir. Ancaq istehsalat sahəsi imkan verirsə, bu işi ayrı sahədə təşkil etmək daha məqsədəuyğundur. Bu əməliyyatın aparılması üçün kuzovun dibinin təmirində istifadə olunduğu kimi qaldırıcı-aşırıcıdan istifadə etmək əlverişlidir. 66 Qoruyucu örtüyü çəkməzdən qabaq səth köhnə antikorroziya örtüyündən, pasdan, köhnə rəngdən və çirkdən məftilli fırçalar, qaşovlar vasitəsilə və ya kimyəvi üsulla təmizlənir. Kuzovun alt səthi pardaxlayıcı maşınla mexaniki emal edilir, sıxılmış hava ilə üfürülür və uayt-spirtlə yağsızlaşdırılır. Daha sonra rəngləyici vasitələrlə fosfatlaşdırıcı qrunt, 1,5...2 mm qalınlığında mastika qatı çəkilir və təbii şəraitdə qurudulur. Kuzovun hər hansı bir hissəsi ayrıca rəngləndikdə lazım olan rəngi almaq üçün xüsusi avadanlıqdan istifadə olunur. Xüsusi kataloq üzrə tələb olunan rəng və onun çalarları seçilir. Seçilmiş rənglə nümunə rənglənilir. Qurutduqdan sonra nümunənin rəngini rənglənəcək detalın rəngi ilə tutuşdurur və rənglər uyğun gəlirsə, detalın səthinin tələb olunan hissəsini rəngləyir və pardaxlayırlar. Yüklə 4,09 Mb. Dostları ilə paylaş:
|