Guliston davlat universiteti oziq-ovqat texnologiyalari kafedrasi

5

3	Nazariy materiallar (ma`ruzalar kursi )	6
4	Amaliy ishlarni bajarish bo`yicha uslubiy ko`rsatmalar	57
5	Mustaqil ta`lim bo`yicha materiallar	76
6	Glossariy	77
7	Informatsion-uslubiy ta`minot	80
8	Tarqatma materiallar	81
9	Test savollari	84
10	Nazorat savollari	90

KIRISH
Ma`lumki, qishloq xo`jalik mahsulotlari yilning muayyan mavsumida yetishtiriladi, shu sababli ularni uzoq vaqt saqlash va qayta ishlashni tashkil qilmagan holda aholini yil bo`yi turli mahsulotlar bilan ta`minlash masalasini hal qilib bo`lmaydi. Oziq-ovqat mahsulotlarini ishlab chiqarish ko`paygan sari ularni saqlash va qayta ishlash ham takomillashtirilmoqda. Yangi zamonaviy ixchamlashtirilgan qayta ishlash korxonalari tashkil qilinmoqda.
Hozirgi vaqtda mahsulotni uzoq vaqt saqlashga imkon beradigan takomillashtirilgan texnologiyalar ishlab chiqilgan. Bu borada kimyo, fizika, biokimyo, biotexnologiya, fiziologiya, mikrobiologiya va boshqa bir qator fanlarning yutuqlaridan ijodiy foydalanilmoqda. Sabzavot va mevalar asosan fizikaviy, mikrobiologik va kimyoviy usullarda qayta ishlanadi hamda taralarga qadoqlanadi.
Oziq-ovqat sanoatida tara, reklama va dizayn fanidan darsni yuqori ilmiy-pedagogik darajada tashkil etilishi, muammoli mashg‘ulotlar o`tkazilishi, darslarni savol-javob tarzida qiziqarli tashkil qilinishi, ilg‘or pedagogik texnologiyalardan va multimedia qo`llanmalardan samarali foydalanish, talabalarni mustaqil fikrlashga undaydigan, o`ylantiradigan muammoli savollarni ular oldiga qo`yish, talabchanlik, tinglovchilar bilan individual ishlash, ijodkorlikka yo`naltirish, erkin muloqotga kirishishga, ilmiy izlanishga jalb qilish va boshqa tadbirlar fan mavzularini chuqur egallashni ta`minlaydi.
O`quv-uslubiy majmua quyidagilarni o`z ichiga oladi:

1. 
   Nazariy materiallar (ma`ruzalar kursi)
   
2. 
   Amaliy ishlarini bajarish bo‘yicha uslubiy ko`rsatmalar.
   
3. 
   Talaba mustaqil ishlari bo‘yicha materiallar (mustaqil ish topshiriqlari)
   
4. 
   Nazorat savollari va testlar.
   
5. 
   Glossariy.
   
6. 
   Informatsion-uslubiy ta`minot.
   

O`quv-uslubiy majmua ilg‘or ta`lim texnologiyalari talablariga mos ravishda ishlanib, unda ma`ruzalar mazmuni, nazorat savollari va mustaqil ish topshiriqlari keltirilgan.